# ﺍﻟﺒﺎﺭﺕ ﺍﻟﺴﺎﺩﺱ ...
# ﺍﺳﻤﻌﻨﻲ ﺻﻮﺗﻚ
# ﻟﻠﻜﺎﺗﺒﻪ ﺭﻭﺯﺍﻳﻪ ....
ﺃﺧﻔﻴﺖُ ﻋﻨﻬﻢ ﺩﻣﻌﺘﻲ ﻣﺘﻌﻤﺪًﺍ
ﻭﺍﻟﺤﺰﻥُ ﺭﻏﻢ ﺗَﻮﺟﻌﻲ ﻣﺎ ﺑﺎﻧﺎ
ﺃﺧﻔﻴﺖُ ﻛﺴﺮًﺍ ﻓﻲ ﺍﻟﻔﺆﺍﺩِ ﺑﺒﺴﻤﺔٍ
ﻋﻤَّﻦ ﺃُﺣﺐُّ ﻛﺄﻧﻪُ ﻣﺎ ﻛﺎﻧﺎ
ﻭﺑﻜﻴﺖُ ﻓﻲ ﺍﻟﻠﻴﻞِ ﺍﻟﻄﻮﻳﻞ ﻭﺩﻣﻌﺘﻲ
ﻛﺎﻟﻐﻴﻢِ ﺗﻬﻄﻞُ ﻗﻮﺓً ﺃﺣﻴﺎﻧﺎ
...
ﺑﻴﺴﺎﻥ ... ﺍﻧﻄﻴﺖ ﻣﻮﺍﻓﻘﺘﻲ ﻟﺒﺎﺑﺎ ﻭﻣﺎ ﺍﻋﺮﻑ ﺷﻨﻮ ﺍﻟﻲ ﺧﻼﻧﻲ ﺑﻠﺤﻈﻪ ﺍﻗﺒﻞ ﻭﺑﺪﻭﻥ ﺗﻔﻜﻴﺮ ﻭﻣﺎ ﺍﻋﺮﻑ ﺍﻟﻲ ﺭﺍﺡ ﺍﺗﺰﻭﺟﻪ ﻭﻻ ﻣﻠﺘﻘﻴﻪ ﺑﻲ ﻣﻦ ﻛﻠﺖ ﻟﺒﺎﺑﺎ ﻣﻮﺍﻓﻘﻪ ﺿﻞ ﻳﻠﺢ ﻋﻠﻴﻪ ﺍﻧﻲ ﻣﺎ ﺍﺟﺒﺮﺝ ﻭﺍﻧﺘﻲ ﺑﺮﺍﺣﺘﺞ ﺑﺲ ﺣﺒﻴﺖ ﺍﺧﺬ ﺭﺃﻳﺞ ﺑﻨﺘﻲ ﺍﻫﻢ ﺷﻲ ﻋﻨﺪﻱ ﺭﺍﺣﺘﺞ ﻭﻣﺪﺭﻱ ﺍﻳﺶ ﺍﻟﻤﻬﻢ ﺍﻧﻲ ﻭﺍﻓﻘﺖ ﻭﺧﻼﺹ ...
ﺑﺲ ﻟﺤﺪ ﺍﻻﻥ ﻣﺎ ﺍﻋﺮﻑ ﺍﻟﺴﺒﺐ ﻟﻴﺶ ﻭﺍﻓﻘﺖ ﺑﻨﻔﺲ ﺍﻟﻠﺤﻈﻪ ﻭﺑﺪﻭﻥ ﺍﻱ ﺗﻔﻜﻴﺮ ﺍﻧﺘﺒﻬﺖ ﻋﻠﻰ ﻧﻔﺴﻲ ﺷﻠﻮﻥ ﺳﻮﻳﺖ ﻫﻴﺞ ﺷﻠﻮﻥ ﺭﺍﺡ ﺍﺗﺰﻭﺝ ﺑﺸﺨﺺ ﻣﺎ ﺍﻋﺮﻓﻪ ﻭﻻ ﺷﺎﻳﻔﺘﻪ ﻭﻓﻮﻙ ﻛﻞ ﻫﺬﺍ ﺍﺑﻮ ﻳﻨﻄﻲ ﺑﻴﺖ ﻣﻘﺎﺑﻞ ﺯﻭﺍﺟﻲ ﻳﻌﻨﻲ ﻣﺜﻞ ﺍﻟﺘﺒﺪﻳﻞ ﻳﻌﻨﻲ ﺑﺎﺟﺮ ﺍﻗﻞ ﺯﻟﻪ ﻳﻌﻴﺮﻭﻧﻲ ﺑﻲ ....
ﻣﺮ ﻫﺬﺍ ﺍﻟﻴﻮﻡ ﻭﺍﻟﻠﻴﻞ ﺻﺎﺭ ﺷﻄﻮﻟﻪ ﻭﺍﻧﻲ ﺍﻓﻜﺮ ﻭﺍﻟﻮﻡ ﺑﻨﻔﺴﻲ ﺍﺗﺴﺮﻋﺖ ﻭﻗﺒﻠﺖ ﻭﺳﺎﻋﻪ ﺍﻛﻮﻝ ﻻ ﻫﺎﻫﻲ ﻋﻠﻰ ﺍﻻﻗﻞ ﻳﺤﺼﻞ ﺑﻴﺖ ﺑﺎﺑﺎ ﺍﻻﻓﻜﺎﺭ ﺍﻟﺴﻴﺌﻪ ﺍﺣﺘﻠﺖ ﺍﻟﻨﺼﻴﺐ ﺍﻻﻛﺒﺮ ﻣﻦ ﺳﻬﺮﺗﻲ ﻟﺤﺪﻣﺎ ﺻﺎﺭ ﺍﻟﻔﺠﺮ ﻭﺍﻧﻲ ﻛﺎﻋﺪﻩ ﻭﻋﻴﻨﻲ ﻣﺎﻏﻤﻀﺖ ﺍﺑﺪ ....
ﺛﺎﻧﻲ ﻳﻮﻡ ﺭﺣﺖ ﻣﺘﻠﻬﻔﻪ ﻟﻠﺪﻭﺍﻡ ﺑﺲ ﺍﺭﻳﺪ ﺍﻟﺘﻘﻲ ﺑﻤﺴﻚ ﻭﺍﺣﺠﻴﻠﻬﻪ ﻋﻠﻰ ﺍﻟﺼﺎﺭ ﺩﺧﻠﺖ ﻟﻠﻘﺴﻢ ﺑﺴﺮﻋﻪ ﻭﻋﻴﻨﻲ ﺍﺩﻭﺭ ﻋﻠﻴﻪ ﺍﻧﺘﺒﻬﺖ ﻋﻠﻴﻬﻪ ﻭﺍﻛﻔﻪ ﻳﻢ ﻟﻮﺣﻪ ﺍﻻﻋﻼﻧﺎﺕ ﻣﺪﺭﻱ ﺷﺘﻜﺘﺐ .....
ﺳﻠﻤﺖ ﻋﻠﻴﻬﻪ ﺑﺲ ﺍﻧﺪﺍﺭﺕ ﺍﺗﻔﺎﺟﺄﺕ ﺑﺸﻜﻠﻬﻪ ﺍﻟﻲ ﺟﻮﻩ ﻋﻴﻨﻬﻪ ﺍﺯﺭﻙ ﺣﻴﻞ ﻭﻋﻴﻨﻬﻪ ﻭﺍﺭﻣﻪ ﻭﺗﻌﺒﺎﻧﻪ ﺑﺸﻜﻞ ...
ﺑﻴﺴﺎﻥ ... ﻣﺴﻚ ﺷﻨﻮ ﺻﺎﻳﺮ ﻟﻴﺶ ﻫﻴﺞ ﻋﻴﻨﺞ ...
ﻣﺴﻚ ... ﺟﺎﺳﻢ ﺿﺮﺑﻨﻲ ﺑﻮﻛﺲ ﻋﻠﻴﻬﻪ ﻭﻣﺎﻛﺪﺭﺕ ﺍﻏﻴﺐ ﻻﻥ ﻋﻨﺪﻱ ﺍﻣﺘﺤﺎﻥ ﻭﺍﻧﻄﻮﻧﻲ ﺍﻧﺬﺍﺭ ﺑﻌﺪ ﻣﺎﺗﺮﻫﻢ ﻭﻟﺞ ﺍﺳﺘﺤﻲ ﻣﻦ ﺷﻜﻠﻲ ﻛﻠﻬﻪ ﻋﺮﻓﺖ ﺍﻧﻲ ﻣﻜﺘﻮﻟﻪ ....
.... ﻛﺴﺮ ﺑﺄﻳﺪﻭ ﺷﻠﻮﻥ ﻫﻴﻚ ﻳﺄﺫﻳﺞ ...
.... ﻣﺎ ﺍﺩﺭﻱ ﻣﻨﻮ ﻣﻮﺻﻞ ﻟﺠﺎﺳﻢ ﺍﻟﻌﺮﻛﻪ ﻣﺎﻝ ﺳﻬﻰ ﻭﻣﺘﺨﺒﻞ ﺷﻠﻮﻥ ﻭﻳﻪ ﺑﻨﺖ ﺍﻟﻤﺸﻌﻮﻝ ﻣﺘﻌﺎﺭﻛﻪ ﻭﺍﻧﻲ ﻣﺎ ﺍﺳﻜﺖ ﻭﺣﺼﻠﺘﻠﻲ ﺑﻮﻛﺲ ﺍﺟﻪ ﺑﻌﻴﻨﻲ ...
... ﻳﺎﻋﻴﻨﻲ ﺍﻟﺮﺏ ﻳﺤﻤﻴﺞ ﻣﻦ ﺟﺎﺳﻢ ﻭﻣﺮﺗﻮ ...
... ﺑﻴﺴﺎﻧﻮﻭﻭ ﺷﻮ ﻣﻮ ﻉ ﺑﻌﻀﺞ ﻭﺍﺟﻴﺘﻲ ﺗﺮﻛﻀﻴﻦ ﻭﺑﺤﻠﻜﺞ ﺣﺠﻲ ...
... ﻣﺴﻚ ﺍﻧﻲ ﺭﺍﺡ ﺍﺗﺰﻭﺝ ...
... ﻫﻬﻬﻪ ﺍﻟﻠﻪ ﻋﻠﻴﺞ ﻭﺟﻬﻲ ﻛﻮﻟﻪ ﻭﺍﺭﻡ ﻣﺎ ﺍﻛﺪﺭ ﺍﺿﺤﻚ ﺍﻟﺒﺎﺭﺣﻪ ﻛﻮﻟﺸﻲ ﻣﺎﻛﻮ ﺷﻮﻛﺖ ﺍﻧﺨﻄﺒﺘﻲ ﺑﻠﻴﻞ ﻟﻮ ﻭﻳﻪ ﺻﻴﺤﻪ ﺍﻟﺪﻳﺞ ....
... ﺻﺪﻛﻲ ﻣﺴﻚ ﺍﻧﻲ ﺭﺍﺡ ﺍﺗﺰﻭﺝ ﺑﺎﺑﺎ ﻣﺘﻌﺮﻑ ﻋﻠﻰ ﻭﺍﺣﺪ ﺑﺎﻟﻤﺴﺠﺪ ﻭﻛﺎﻳﻠﻪ ﺍﻧﻄﻴﻚ ﺑﻴﺖ ﺑﺲ ﺍﻧﻄﻴﻨﻲ ﺑﻨﺘﻚ ﻻﺑﻨﻲ ....
... ﺷﻨﻮﻭﻭ ﻳﻌﻨﻲ ﻣﺜﻞ ﺍﻟﺒﻴﻊ ﻋﺰﺍﺍ ﺑﻌﻴﻨﺞ ﺑﻴﺴﺎﻥ ﺷﻠﻮﻥ ﺗﻘﺒﻠﻴﻦ ﻣﻮ ﺗﻀﻠﻴﻦ ﻃﻮﻝ ﻋﻤﺮﺝ ﻳﻌﻴﺮﻭﺝ ﺑﺎﻟﺒﻴﺖ ...
... ﻣﺴﻚ ﻣﺎ ﺍﻋﺮﻑ ﺷﻠﻮﻥ ﻭﺍﻓﻘﺖ ﺍﺗﻨﺪﻣﺖ ﻭﺑﺎﺑﺎ ﻫﺴﻪ ﺍﻛﻴﺪ ﺭﺟﻊ ﺧﺒﺮ ﻟﻠﺮﺟﺎﻝ ﻭﻫﻮ ﻛﺎﻳﻠﻪ ﻧﺠﻲ ﻧﺨﻄﺒﻬﻪ ﺣﺎﻟﻬﻪ ﺣﺎﻝ ﺍﻟﺒﻨﺎﺕ ﻭﻛﻞ ﻃﻠﺒﺎﺗﻜﻢ ﺣﺎﺿﺮﻳﻦ ﻭﺣﺘﻪ ﻣﻮﺿﻮﻉ ﺍﻟﺒﻴﺖ ﺳﺮ ﻳﺒﻘﻰ ﺑﻴﻨﻲ ﻭﺑﻴﻨﻚ ﺑﺲ ﺣﺒﻴﺖ ﺍﺳﺎﻋﺪﻙ ﻭﺍﻧﻲ ﺍﺭﻳﺪ ﺍﺧﻄﺐ ﻻﺑﻨﻲ ....... ﻣﺎ ﺍﻋﺮﻑ ﺷﻜﻮﻟﺞ ﻳﺎﺑﻴﺴﺎﻥ ﺑﺲ ﺗﺼﺮﻓﺞ ﻭﻣﻮﺍﻓﻘﺘﺞ ﻏﻠﻂ ﺷﺘﻌﺮﻓﻴﻦ ﻋﻨﻪ ﻭﺭﺍﺡ ﺗﺰﻭﺟﻴﻦ ﻭﻟﻨﻔﺮﺽ ﺧﻄﺒﻪ ﺗﻘﻠﻴﺪﻳﻪ ﻣﺎﻓﻜﺮﺗﻲ ﺍﺣﺘﻤﺎﻝ ﺍﻗﻞ ﻣﺸﻜﻠﻪ ﻳﺬﻛﺮﻭﺝ ﺑﺴﺎﻟﻔﻪ ﺍﻟﺒﻴﺖ ﺍﻭ ﻫﻮ ﺍﻟﻮﻟﺪ ﻣﺎ ﺳﺄﻟﺘﻲ ﻧﻔﺴﺞ ﻟﻴﺶ ﺍﺑﻮ ﻳﺨﻄﺒﻠﻪ ﻭﻳﻨﻄﻲ ﺑﻴﺖ ﻏﻴﺮ ﺑﻲ ﺷﻲ ﻭﺍﻛﻮ ﺳﺒﺐ ....
... ﻣﺎ ﺍﻋﺮﻑ ﻋﻘﻠﻲ ﺭﺍﺡ ﻳﺠﻦ ﺷﻨﻮ ﺍﺳﻮﻱ ﻫﺴﻪ ﺍﻧﻲ ﺑﺲ ﺍﺭﻳﺪ ﺍﺳﺎﻋﺪ ﺍﻫﻠﻲ ﻣﺎ ﺍﺭﻳﺪ ﺷﻲ ...
... ﻭﺗﺴﺎﻋﺪﻳﻦ ﺍﻫﻠﺞ ﺑﺤﻴﺎﺗﺞ ﻳﺎﺣﺒﻴﺒﺘﻲ ﻟﻮﺗﺸﻌﻠﻴﻦ ﺍﻟﻌﺸﺮﻩ ﺷﻤﻊ ﻣﺪﺍﻡ ﻋﻨﺪﺝ ﻣﺮﺕ ﺍﺏ ﻣﺴﺘﺤﻴﻞ ﻳﻜﻠﻮﻟﺞ ﻋﻔﻴﻪ ﻣﺎ ﺍﺭﻳﺪ ﺍﺿﻮﺟﺞ ﺑﺲ ﺍﺑﻮﺝ ﺑﺎﻗﺮﺏ ﻓﺮﺻﻪ ﺍﺟﺘﻪ ﺍﻧﻄﺎﺝ ﻭﺣﺘﻪ ﻣﺎﻓﻜﺮ ﺍﻟﻤﻦ ﻭﻣﻨﺎﺳﺐ ﺍﻟﺞ ﻟﻮﻻ ...
ﺧﻠﻴﻬﻪ ﺗﺮﺟﻴﻪ ﺑﺄﺫﻧﺞ ﺍﻋﺘﻤﺪﻱ ﻋﻠﻰ ﻧﻔﺴﺞ ﻭﻻﺗﻀﺤﻴﻦ ﺍﺑﺪ ﺑﺤﻴﺎﺗﺞ ﻭﻣﺴﺘﻘﺒﻠﺞ ﻣﺤﺪ ﻳﻔﻴﺪﺝ ﺻﺪﻛﻲ ﻫﺎﻱ ﺍﻧﻲ ﻛﺪﺍﻣﺞ ﻋﻨﺪﻱ ﻣﺼﺎﺭﻋﻪ ﻭﻳﻪ ﺍﻟﺤﻴﺎﻩ ﻭﻟﺤﺪﺍﻻﻥ ﻣﺎ ﺍﺳﺘﺴﻠﻤﺖ ﺷﺒﻌﺘﻨﻲ ﺿﺮﺑﺎﺕ ﻋﻠﻰ ﺭﺍﺳﻲ ﻭﺑﻌﺪﻧﻲ ﺍﻗﺎﻭﻡ ﺑﺴﺒﻴﻞ ﻣﺴﺘﻘﺒﻠﻲ .....
.... ﺍﺗﻤﻨﻰ ﺍﻛﻮﻥ ﻣﺜﻠﺞ ﻗﻮﻳﻪ ﻭﻣﺎﺗﺨﺎﻓﻴﻦ ﻣﻦ ﺍﺣﺪ ....
... ﻻ ﺍﻟﻠﻪ ﻻﻳﺨﻠﻴﺞ ﻣﺜﻠﻲ ﻭﻻ ﺗﻌﻴﺸﻴﻦ ﻟﺤﻈﻪ ﻣﻦ ﺣﻴﺎﺗﻲ ﺍﻟﻠﻪ ﻳﺒﻌﺪﻫﻪ ﻋﻨﺞ ﻭﺑﻌﺪﻳﻦ ﻣﺎﺗﺤﺘﺎﺝ ﻗﻮﻩ ﺟﺎﻥ ﻭﻛﻔﺘﻲ ﻛﺪﺍﻡ ﺍﺑﻮﺝ ﻭﻛﻮﻟﻲ ﺷﺘﻌﺮﻑ ﻋﻦ ﺍﻟﻮﻟﺪ ﻭﺗﺮﻳﺪ ﺗﺰﻭﺟﻨﻲ ﻳﺠﻮﺯ ﻣﻮﺧﻮﺵ ﺍﺩﻣﻲ ...
ﺧﻠﻲ ﻧﺮﺟﻊ ﻟﻠﺤﻘﻴﻘﻪ ﺍﻧﺘﻲ ﻣﺴﻴﺤﻴﻪ ﻭﺍﻟﻮﻟﺪ ﻣﺴﻠﻢ ﻭﺷﻴﻌﻲ ﺷﻠﻮﻥ ﺑﻬﺎﻱ ﺍﻟﺴﻬﻮﻟﻪ ﻭﺍﻓﻖ ﻳﺘﺰﻭﺝ ﻣﺴﻴﺤﻴﻪ ﻻﺗﺰﻋﻠﻴﻦ ﻭﻻ ﻗﺼﺪﻱ ﺍﻗﻠﻞ ﻣﻦ ﺷﺄﻧﺞ ﺑﺲ ﻛﻠﻨﻪ ﻧﻌﺮﻑ ﺍﻟﻤﺴﻠﻢ ﻣﺎﻳﺘﺰﻭﺝ ﻏﻴﺮ ﻣﺴﻠﻤﻪ ﺍﻭ ﺗﺪﺧﻞ ﺍﻻﺳﻼﻡ ...
... ﻣﺎ ﺍﻋﺮﻑ ﺭﺍﺡ ﺍﻧﻔﺠﺮ
... ﻛﻮﻣﻲ ﺧﻠﻲ ﻧﺮﻭﺡ ﻧﺎﻛﻞ ﺷﻲ ﻻﻥ ﺑﺪﻭﻥ ﺭﻳﻮﻙ ﻭﻋﻠﻰ ﻛﻮﻟﺘﺞ ﺍﻟﺮﺏ ﻳﺤﻠﻬﻪ ...
ﺑﻴﺴﺎﻥ ... ﺍﺣﺲ ﻧﻔﺴﻲ ﺑﺪﻭﺍﻣﻪ ﻭﺍﻛﻞ ﺑﺎﺻﺎﺑﻴﻌﻲ ﻧﺪﻡ ﺷﻠﻮﻥ ﻭﺍﻓﻘﺖ ﺻﺢ ﻣﺎﻋﻨﺪﻱ ﺷﻲ ﻭﺑﺎﻟﻲ ﻓﺎﺭﻍ ﻭﻳﺠﻮﺯ ﻟﻮ ﺧﻄﺒﻪ ﺗﻘﻠﻴﺪﻳﻪ ﻋﻠﻰ ﺣﺠﺎﻳﻪ ﻣﺴﻚ ﺍﺣﺴﻦ ﺑﺲ ﻻﻥ ﺍﻛﻮ ﺑﻴﺖ ﺑﺎﻟﻤﻮﺿﻮﻉ ﻛﺎﻧﻤﺎ ﺍﻛﻮ ﺳﺮ ﻟﻴﺶ ﺍﺑﻮ ﻳﺨﻄﺒﻠﻪ ﻭﻳﻨﻄﻲ ﺑﻴﻴﺖ ﺑﻜﺮﺑﻼﺀ ﺍﻛﻴﺪ ﺍﻟﻮﻟﺪ ﺑﻲ ﺷﻲ ....
ﻣﺎ ﺍﺩﺭﻱ ﺷﻠﻮﻥ ﺧﻠﺺ ﺍﻟﻴﻮﻡ ﻭﺭﺟﻌﺖ ﻟﻠﺒﻴﺖ ﻛﻮﻩ ﺍﻣﺸﻲ ﺍﺣﺲ ﺟﺴﻤﻲ ﻳﻤﺸﻲ ﻭﺣﺪﻩ ﻭﺭﺍﺳﻲ ﻭﺣﺪﻩ ﻭﺻﻠﺖ ﻟﻠﻐﺮﻓﻪ ﻟﻜﻴﺖ ﻣﺮﻳﻢ ﻣﺮﺗﺒﻪ ﺍﻟﻐﺮﻓﻪ ﻭﻣﺨﻠﻴﻪ ﺿﻴﺎﻓﻪ ﻋﻠﻰ ﺍﻟﻤﻴﺰ ﻭﻣﺨﺒﻮﺻﻪ ﻭﻋﺒﺎﻟﻚ ﺧﻄﻮﺑﺘﻬﻪ ﻫﻲ .....
ﻣﺮﻳﻢ ... ﻋﻠﻰ ﺍﻟﺴﺮﻳﻊ ﺑﻴﺴﺎﻥ ﺑﺪﻟﻲ ﻭﺭﺗﺒﻲ ﻧﻔﺴﺞ ﺍﻟﻨﺎﺱ ﺷﻮﻳﻪ ﻭﻳﺠﻮﻥ ﻳﺨﻄﺒﻮﺝ ﺭﺳﻤﻲ ...
... ﻣﻮ ﻣﺴﺘﻌﺠﻠﻴﻦ ﻭﺷﺪﻋﻮﻩ ﺑﺎﺑﺎ ﺑﺴﺮﻋﻪ ﺭﺍﺡ ﺧﺒﺮﻩ ...
... ﻣﻮ ﺍﻧﺘﻲ ﻭﺍﻓﻘﺘﻲ ﻣﺎﻋﺮﻓﻨﺎﺝ ﺳﺖ ﺑﻴﺴﺎﻥ ﺍﺷﻮ ﺣﺘﻪ ﺑﺪﻭﻥ ﺗﻔﻜﻴﺮ ﻭﺍﻓﻘﺘﻲ ﻏﻴﺮ ﺣﺎﺑﻪ ﺗﺰﻭﺟﻴﻦ ﻭﻫﺴﻪ ﻏﻴﺮﺗﻲ ﺭﺃﻳﺞ ...
... ﺗﺪﺭﻳﻦ ﺑﻴﻪ ﺍﺧﺮ ﻫﻤﻲ ﺍﻟﺰﻭﺍﺝ ﺑﺲ ﻋﻠﻤﻮﺩ ﺑﺎﺑﺎ ﻭﺍﻓﻘﺖ ﻻﻥ ﻣﺎﻋﻨﺪﻩ ﺑﻴﺖ ﻭﻣﺜﻞ ﻣﺎﻛﻠﺘﻲ ﺍﻧﺘﻲ ﺷﻨﻮ ﻣﺴﺘﻔﺎﺩﻩ ﻣﻦ ﺑﻴﺴﺎﻥ ...
... ﺍﺳﻤﻌﻴﻨﻲ ﺑﻴﺴﺎﻥ ﻣﻮ ﺍﻟﻴﻮﻡ ﺑﺎﺟﺮ ﺗﺰﻭﺟﻴﻦ ﻭﺻﺪﻛﻲ ﻟﻮ ﻣﺎﻣﻘﺘﻨﻊ ﺍﺑﻮﺝ ﻣﺴﺘﺤﻴﻞ ﺍﺧﻠﻲ ﻳﻘﺒﻞ ﺗﺪﺭﻳﻦ ﺑﻲ ﻳﺎﺧﺬ ﻛﻼﻣﻲ ﺑﻌﺮﺽ ﺍﻟﺤﺎﻳﻂ ﻭﺍﻟﻨﺎﺱ ﺟﺎﻳﻴﻦ ﻳﻄﻠﺒﻮﺝ ﻭﺧﻄﺒﻪ ﺣﺎﻟﺞ ﺣﺎﻝ ﺍﻟﺒﻨﺎﺕ ﺑﻼ ﻫﺎﻱ ﺍﻟﺴﻮﺍﻟﻒ ﻭﺍﻟﺪﻻﻝ ﻻﺗﺼﻴﺮﻳﻦ ﺍﻧﺎﻧﻴﻪ ﻭﺗﻔﻜﺮﻳﻦ ﺑﺲ ﺑﻨﻔﺴﺞ ﻗﺪﺭﻱ ﻭﺿﻊ ﺍﺑﻮﺝ ﻋﻤﺮﻩ ﻣﺎﻳﺤﺼﻞ ﺑﻴﺖ ﻭﺍﺣﻨﻪ ﺑﺪﻭﻥ ﺷﻐﻞ ....
... ﻋﻔﺘﻬﻪ ﻭﺭﺣﺖ ﺍﺑﺪﻝ ﻻﻥ ﻣﺎﻟﻲ ﺧﻠﻜﻬﻪ ﻭﺧﻠﻚ ﺳﻮﺍﻟﻔﻬﻪ ﻣﺎ ﺍﺩﺭﻱ ﻫﻴﺞ ﺿﺎﻳﺠﻪ ﻣﻦ ﻛﻌﺪﺗﻲ ﻭﺍﻧﻲ ﻛﻞ ﺍﺫﻳﻪ ﻣﺎﻋﻨﺪﻱ ﻭﻣﺎﻳﻮﻡ ﺍﺗﺠﺎﻭﺯﺕ ﻋﻠﻴﻬﻪ ﻭﻣﺤﺘﺮﻣﺘﻬﻪ .....ﺑﺪﻟﺖ ﻭﻏﺴﻠﺖ ﻟﺒﺴﺖ ﻧﻔﻮﻑ ﻗﺼﻴﺮ ﺟﻮﻩ ﺍﻟﺮﻛﺒﻪ ﻭﺭﻓﻌﺖ ﺷﻌﺮﻱ ﺫﻳﻞ ﺣﺼﺎﻥ ﻭﻣﺎﺧﻠﻴﺖ ﻣﻜﻴﺎﺝ ﺍﺑﺪ ﺍﻧﺪﻙ ﺍﻟﺒﺎﺏ ﺍﺳﻤﻊ ﻣﺮﻳﻢ ﺗﺮﺣﺐ ﺑﻴﻬﻢ ﻭﺻﻮﺕ ﻧﺴﻮﺍﻥ ...
ﺩﻗﺎﻳﻖ ﻭﺻﺎﺣﺘﻨﻲ ﻣﺮﻳﻢ ﺣﺘﻰ ﺍﻗﺪﻡ ﺍﻟﻀﻴﺎﻓﻪ ﺩﺧﻠﺖ ﺍﻳﺪﻱ ﺗﺮﺟﻒ ﻭﺧﺠﻼﻧﻪ ﻛﻠﺖ ﺍﻟﺴﻼﻡ ﻋﻠﻴﻜﻢ ﻭﻗﺪﻣﺘﻠﻬﻦ ....
ﻛﻌﺪﺕ ﻳﻢ ﻣﺮﻳﻢ ﻭﺍﺷﻮﻓﻬﻦ ﺻﺎﻓﻨﺎﺕ ﻋﻠﻴﻪ ﻣﺜﻞ ﻣﻦ ﻧﻄﻠﻊ ﻟﻠﺴﻮﻙ ﻭﻧﺮﻳﺪ ﻧﺸﺘﺮﻱ ﺷﻲ ﻧﻀﻞ ﻭﺍﻛﻔﻴﻦ ﻭﺻﺎﻓﻨﻴﻦ ﻋﻠﻲ ....
ﺭﻓﻌﺖ ﺭﺍﺳﻲ ﺷﻔﺘﻬﻦ 3 ﻧﺴﻮﺍﻥ ﺑﺲ ﻣﺎﺭﻛﺰﺕ ﺯﻳﻦ ﺑﺴﺮﻋﻪ ﻧﺰﻟﺖ ﻋﻴﻨﻲ ....
ﺍﻡ ﺍﻳﻬﺎﺏ .... ﺍﻛﻴﺪ ﻋﺪﻛﻢ ﻋﻠﻢ ﺑﺠﻴﺘﻨﻪ ﺍﺣﻨﻪ ﺟﺎﻳﻴﻦ ﻧﻄﻠﺐ ﺍﻳﺪ ﺑﻨﺘﻜﻢ ﺑﻴﺴﺎﻥ ﻻﺑﻨﻪ ﻣﺮﺍﺩ ﻭﺷﻨﻮ ﺍﺗﺮﻳﺪﻭ ﺍﺣﻨﻪ ﺣﺎﺿﺮﻳﻦ ...
ﻣﺮﻳﻢ ... ﺍﻫﻼ ﻭﺳﻬﻼ ﺷﺮﻓﺘﻮﻧﻪ ﺍﻥ ﺷﺎﺀ ﺍﻟﻠﻪ ﺧﻴﺮ ....
ﺍﻡ ﺍﻳﻬﺎﺏ ... ﻋﻴﻮﻧﻲ ﺧﻠﻲ ﺍﻋﺮﻓﺞ ﻋﻠﻰ ﻧﻔﺴﻨﻪ ﺍﻧﻲ ﻋﻨﺪﻱ 3 ﻭﻟﺪ ﺍﻳﻬﺎﺏ ﺍﻟﺠﺒﻴﺮ ﻭﻣﺮﺍﺩ ﻭ ﺍﺳﻌﺪ ﻭﻋﻨﺪﻱ ﺑﻨﻴﻪ ﻭﺣﺪﻩ ﺍﺳﻤﻬﻪ ﺻﺒﺎ ﺑﻌﻤﺮ ﺑﻴﺴﺎﻥ ﻭﺍﻥ ﺷﺎﺀ ﺍﻟﻠﻪ ﺍﻟﺤﻠﻮﻩ ﺍﺧﻠﻴﻬﻪ ﺑﻌﻴﻮﻧﻲ ﺣﺎﻟﻬﻪ ﺣﺎﻝ ﺑﻨﺘﻲ ....
ﺍﻧﻲ ﻋﻨﺪﻱ ﺍﻳﻬﺎﺏ ﻣﺘﺰﻭﺝ ﻭﺍﺳﻌﺪ ﺧﺎﻃﺐ ﻭﻫﺴﻪ ﻓﺮﺣﺘﻨﻪ ﻣﺮﺍﺩ ....
ﻣﺮﻳﻢ ... ﺍﻟﺮﺏ ﻳﺤﻤﻴﻜﻢ ﺑﺲ ﻣﺎﻋﺮﻓﻨﻪ ﺷﻨﻮ ﺷﻐﻠﻪ ﺍﻟﻮﻟﺪ ...
... ﻣﺘﺨﺮﺝ ﻣﻦ ﻛﻠﻴﻪ ﺍﻻﺩﺍﺭﻩ ﻭﺍﻻﻗﺘﺼﺎﺩ ﻭﻣﺎﻛﻮ ﺗﻌﻴﻴﻦ ﻭﺍﻟﺤﺠﻲ ﻗﺴﻢ ﺍﻟﺤﺼﺺ ﻭﻛﻞ ﻭﺍﺣﺪ ﺍﻧﻄﺎ ﺣﺼﺘﻪ ﻭﻫﻮ ﻓﺘﺢ ﻣﻌﺎﺭﺽ ﻭﻣﺤﻼﺕ ﺑﺲ ﻻﺯﻣﻴﻬﻪ ﺍﺧﻮﺗﻪ ﻻﻥ ﻣﺎﻳﺤﺐ ﻫﺎﻱ ﺍﻟﺸﻐﻠﻪ ....
ﻫﺴﻪ ﻛﻠﻮﻟﻨﻪ ﺑﺸﻨﻮ ﺗﺎﻣﺮﻭﻥ ﺍﺣﻨﻪ ﻣﺎﺭﺍﺡ ﻧﻘﺼﺮ ﻋﻨﻜﻢ ﻭﺷﺘﺮﻳﺪ ﺍﻟﺤﻠﻮﻩ ﺣﺎﺿﺮﻳﻦ ...
.... ﺍﻛﻴﺪ ﺗﻌﺮﻓﻮﻥ ﻃﻠﺒﺎﺕ ﺍﻟﺒﻨﺎﺕ ﺣﺎﻟﻬﻪ ﺣﺎﻟﻬﻦ ﻭﺑﻌﺪ ﺑﻜﻴﻔﻜﻢ ....
... ﻣﺎﺷﻲ ﻗﺒﻞ ﺍﻟﺨﻄﺒﻪ ﺍﺧﺬﻫﻪ ﻭﺷﺘﺮﻳﺪ ﺫﻫﺐ ﻣﻼﺑﺲ ﺍﺷﺘﺮﻱ ﻭﻋﻠﻰ ﺩﺭﺍﺳﺘﻬﻪ ﺣﺎﻟﻬﻪ ﻣﻦ ﺣﺎﻝ ﺻﺒﺎ ﻭﻫﺴﻪ ﺗﺸﻮﻓﻮﻥ ﻣﻮ ﺩﻛﻮﻟﻮﻥ ﻫﺎﻱ ﺍﻣﻪ ﺑﺲ ﺣﺠﻲ ﻫﺴﻪ ﺗﺠﺮﺑﻨﻲ ﻭﺗﺸﻮﻑ ﻭﺍﻟﻠﻪ ﺍﺧﻠﻴﻬﻪ ﺍﺑﻄﻦ ﻋﻴﻨﻲ ....
... ﺗﺴﻠﻢ ﻋﻴﻨﺞ ﺍﻟﺮﺏ ﻳﺴﻬﻞ ﺑﻴﺴﺎﻥ ﺣﺒﺎﺑﻪ ﻭﺩﺍﺋﻤﺎ ﺧﺠﻮﻟﻬﻪ ﺣﺒﻴﺒﺔ ﺍﺑﻮﻫﻪ ﻫﺎﻱ ﻣﺎﻛﻮ ﺩﺍﻋﻲ ﻧﻮﺻﻴﻜﻢ ...
... ﻣﺮﺕ ﺍﻟﻐﺎﻟﻲ ﺑﻌﺪ ﺷﻠﻮﻥ ﻣﺎ ﺍﺧﻠﻴﻬﻪ ﺑﻌﻴﻮﻧﻲ ﺧﻠﻲ ﺍﻟﺨﻄﺒﻪ ﻳﻮﻡ ﺍﻟﺠﻤﻌﻪ ﺣﺘﻪ ﺑﻴﺴﺎﻥ ﻣﺎﻋﺪﻫﻪ ﺩﻭﺍﻡ ﻭﻳﺎﺭﻳﺖ ﺗﻜﻮﻥ ﺑﻴﻨﺎﺗﻨﻪ ﺍﺣﻨﻪ ﺑﺲ ﺍﻫﻞ ﺍﻟﺒﻴﺖ ﻣﺎﻧﺠﻴﺐ ﻏﺮﻳﺐ ...
... ﺍﺣﻨﻪ ﻫﻨﺎ ﻣﺎﻋﺪﻧﻪ ﻣﻌﺎﺭﻑ ﺍﻛﻴﺪ ﺑﻴﻨﺎﺗﻨﻪ ﻭﺣﺘﻪ ﻣﻜﺎﻥ ﻣﺎﻋﺪﻧﻪ ....
ﺑﻴﺴﺎﻥ .... ﻫﻢ ﻳﺤﺠﻮﻥ ﻭﺍﻧﻲ ﻓﺎﺻﻠﻪ ﻋﻨﻬﻢ ﻗﺮﺭﻭ ﻭﺣﺪﻫﻢ ﻭﺣﺘﻪ ﻣﺎ ﺍﺧﺬﻭﺍ ﺭﺃﻱ ﺍﻟﺼﺮﺍﺣﻪ ﺣﻴﻞ ﺑﻴﻪ ﺍﺳﺘﺎﻫﻞ ﻻﻥ ﻓﺎﻫﻴﻪ ﻭﻣﺎﻋﻨﺪﻱ ﺛﻘﻪ ﺑﻨﻔﺴﻲ ﺍﻟﻤﻔﺮﻭﺽ ﻫﺴﻪ ﺍﺩﺍﻓﻊ ﻋﻦ ﻧﻔﺴﻲ ﻭﺍﺣﺠﻲ ﻭﺍﻧﻲ ﺍﻟﻲ ﺍﻗﺮﺭ ﻭﻻ ﻓﻮﻛﺎﻫﻪ ﺣﺘﻪ ﻣﻴﺮﻳﺪﻭﻥ ﺍﺣﺪ ﻳﻌﺮﻑ .....
ﻃﻠﻌﻮﺍ ﺍﻟﻨﺴﻮﺍﻥ ﻣﻦ ﺍﻟﺒﻴﺖ ﻭﺍﻧﻲ ﻛﻌﺪﺕ ﻋﻠﻰ ﺍﻟﻜﺮﺳﻲ ﺍﺗﺮﻗﺐ ﻣﺼﻴﺮﻱ ﻭﺷﺮﺍﺡ ﻳﺼﻴﺮ ﻋﺎﺗﺒﺖ ﻧﻔﺴﻲ ﻟﻴﺶ ﻫﻴﺞ ﺿﻌﻴﻔﻪ ﺍﻧﻲ ﻟﻴﺶ ﻣﺎ ﺍﺻﻴﺮ ﻣﺜﻞ ﻣﺴﻚ ﺷﻠﻮﻥ ﻗﻮﻳﻪ ﻭﻣﺎﺗﺨﺎﻑ ﻣﻦ ﺍﺣﺪ ﺑﺎﺑﺎ ﻣﺎﻳﺠﺒﺮﻧﻲ ﻟﻴﺶ ﻫﻴﺞ ﺳﻮﻳﺖ ﺑﻨﻔﺴﻲ .....
ﺍﺳﺘﻤﺮﻳﺖ ﺑﺎﻟﺪﻭﺍﻡ ﻭﻛﻠﻤﺎ ﺍﺣﺠﻲ ﻟﻤﺴﻚ ﺗﺮﺯﻟﻨﻲ ﻭﺩﻛﻮﻝ ﻋﻠﻴﻪ ﻏﺒﻴﻪ ﺟﻨﺞ ﺩﺟﺎﺟﻪ ﻋﻤﻴﻪ ﺷﻮﻓﻲ ﺍﺫﺍ ﻣﺎﻃﻠﻊ ﺍﻟﻮﻟﺪ ﺑﻲ ﺷﻲ ﻓﻼ ﺍﺗﺴﻤﻰ ﺑﺎﺳﻤﻲ ...ﻣﺎ ﺍﻋﺮﻑ ﺷﺄﻛﻮﻝ ﺑﺲ ﺍﻋﺘﻘﺪ ﺻﺪﻙ ﺑﻲ ﺷﻲ ﻻﻥ ﺳﻤﻌﺖ ﺑﺎﺑﺎ ﻳﺤﺠﻲ ﻭﻳﻪ ﻣﺮﻳﻢ ﻭﻳﻜﻮﻟﻬﻪ ﻫﺴﻪ ﺷﻠﻮﻥ ﺍﺑﻄﻞ ﻭﺍﻛﻮﻟﻬﻢ ﻛﻞ ﻭﺍﺣﺪ ﻳﺮﻭﺡ ﺑﻄﺮﻳﻖ ﺧﺎﻳﻒ ﻋﻠﻰ ﺑﻴﺴﺎﻥ ﻣﻦ ﺳﻤﻌﺖ ﺑﺎﻟﻮﻟﺪ ﻣﺎﻗﺎﺑﻞ ﻭﺣﺘﻪ ﺻﺎﻳﺮﻩ ﻣﺸﻜﻠﻪ ﻋﺪﻫﻢ ....
ﻻ ﻓﻮﻛﺎﻫﻪ ﻳﺎﺑﻴﺴﺎﻥ ﺷﻠﻮﻥ ﺣﻆ ﻋﻠﻴﺞ ﺗﺰﻭﺟﻴﻦ ﻭﺍﺣﺪ ﻣﺎﻳﺮﻳﺪﺝ ﻭﺍﺑﻮ ﺍﻟﻲ ﺧﻄﺒﺞ ...
ﻗﺒﻞ ﺍﻟﺨﻄﺒﻪ ﻳﻮﻡ ﺍﻟﺨﻤﻴﺲ ﺍﻟﺼﺒﺢ ﺟﺎﻳﺎﺕ ﺍﻣﻪ ﻭﺧﺎﻟﺘﻪ ﻭﻃﺎﻟﻌﺎﺕ ﻫﻦ ﻭﻣﺮﻳﻢ ﻭﺍﻧﻲ ﺟﻨﺖ ﺑﺎﻟﺪﻭﺍﻡ ﻣﺸﺘﺮﻳﺎﺕ ﺫﻫﺐ ﻭﻣﻼﺑﺲ ﻛﻮﻣﻪ ﻭﻣﻜﻴﺎﺝ ﻣﻦ ﺭﺟﻌﺖ ﻭﺷﻔﺘﻬﻦ ﺗﺨﺒﻠﺖ ....
ﻻﻭﻝ ﻣﺮﻩ ﺍﻋﻠﻲ ﺻﻮﺗﻲ ﻭﺍﺗﻌﺎﺭﻙ ﻭﻳﻪ ﻣﺮﻳﻢ ﻭﻫﻲ ﺗﻀﺤﻚ ﻭﻓﺮﺣﺎﻧﻪ ﺭﺍﺡ ﺗﺨﻠﺺ ﻣﻨﻲ ....
ﺑﻴﺴﺎﻥ ... ﺍﻧﺘﻲ ﺑﺄﻱ ﺣﻖ ﺍﻃﻠﻌﻮﻥ ﻭﺗﺸﺘﺮﻳﻦ ﻋﻠﻰ ﺫﻭﻗﺞ ﻣﻨﻮ ﺭﺍﺡ ﻳﻠﺒﺴﻬﻦ ...
ﻣﺮﻳﻢ ... ﻳﻠﻪ ﻋﻴﻨﻲ ﻓﻮﻙ ﻣﺎﺣﺼﻠﺘﻲ ﺭﺟﺎﻝ ﻣﻨﻮ ﺑﺤﺎﻟﻨﻪ ﻻﺗﻨﺴﻴﻦ ﺍﺷﻜﺮﻱ ﺍﻟﺮﺏ ﻗﺒﻠﻮ ﻳﺎﺧﺬﻭﺝ ﻭﻳﺪﺭﻭﻥ ﺍﺣﻨﻪ ﻣﻮ ﺍﺳﻼﻡ ﺑﺲ ﻣﺎﻋﻠﻴﺞ ﻫﺴﻪ ﻳﺨﻠﻴﺞ ﺗﺼﻴﺮﻳﻦ ﻣﺴﻠﻤﻪ ﻭﺍﺳﻤﻌﻲ ﺑﻴﺴﺎﻥ ﺧﻠﻲ ﻫﺎﻱ ﺍﻻﻳﺎﻡ ﺗﺨﻠﺺ ﺑﻮﺩ ﻭﻻﺗﻌﻠﻴﻦ ﺻﻮﺗﺞ ﺗﺮﻯ ﺗﺸﻮﻓﻴﻦ ﺷﻲ ﻣﻴﻌﺠﺒﺞ ﻣﻨﻲ ...
... ﺍﻧﻲ ﺑﺸﻨﻮ ﻣﺄﺫﻳﺘﺞ ﺣﺘﻪ ﺗﺴﻮﻳﻦ ﻫﻴﺞ ﻟﻮ ﺑﻨﺘﺞ ﻗﺒﻠﺘﻲ ﺗﺰﻭﺟﻴﻬﻪ ﺑﻬﺎﻱ ﺍﻟﻄﺮﻳﻘﻪ ﺑﺲ ﻫﺎﻱ ﺑﻴﺴﺎﻥ ﻻﻥ ﻣﺎﻋﺪﻫﻪ ﺍﻡ ﺑﺲ ﻋﺘﺒﻲ ﻋﻠﻰ ﺑﺎﺑﺎ ﻣﻮ ﻋﻠﻴﺞ ..
... ﻣﺤﺪ ﺿﺮﺑﺞ ﻋﻠﻰ ﺍﻳﺪﺝ ﺍﻧﺘﻲ ﻭﺍﻓﻘﺘﻲ ﻭﺑﺎﺟﺮ ﺭﺍﺡ ﻳﺘﺴﺠﻞ ﺍﻟﺒﻴﺖ ﺑﺎﺳﻢ ﺍﺑﻮﺝ ﻭﻧﻨﺘﻘﻞ ﻣﻨﺎ ﻟﻮ ﻣﺎﺗﻔﻜﺮﻳﻦ ﺑﺲ ﺑﻨﻔﺴﺞ ﺍﺑﻮﺝ ﺍﺧﺬ ﺫﻫﺒﻲ ﻭﺑﺎﻋﻪ ﻭﻳﺼﺮﻑ ﻋﻠﻴﺞ ﺣﺘﻪ ﺗﺎﺧﺬﻳﻦ ﺷﻬﺎﺩﻩ ﻭﺍﻧﺘﻲ ﺟﺎﻱ ﺗﻌﻠﻴﻦ ﺻﻮﺗﺞ ...
... ﻣﺎ ﻋﺮﻓﺖ ﺷﺠﺎﻭﺑﻬﻪ ﺑﺴﺮﻋﻪ ﺧﻨﻜﺘﻨﻲ ﺍﻟﻌﺒﺮﻩ ﻭﺑﺠﻴﺖ ﺍﺣﺘﺎﺟﻴﺖ ﺍﻡ ﺣﻘﻴﻘﻴﻪ ﺑﻬﺎﻱ ﺍﻟﻠﺤﻈﻪ ﺍﺣﺘﺎﺟﻴﺖ ﺍﺧﺖ ﻭﻳﺎﻱ ﺍﺣﺴﺎﺳﻲ ﻣﻮﺣﻠﻮ ﺍﺣﺲ ﻧﻔﺴﻲ ﺗﻮﺭﻃﺖ ﻭﺑﻌﺪ ﻣﺎﻛﻮ ﻣﻬﺮﺏ .....
.... ﺛﺎﻧﻲ ﻳﻮﻡ ﺟﻤﻌﻪ ﻛﻌﺪﺗﻨﻲ ﻣﻦ ﺍﻟﺼﺒﺢ ﻣﺮﻳﻢ ﻭﻋﺒﺎﻟﻚ ﺍﻧﻈﻒ ﺍﻟﻌﻤﺎﺭﻩ ﻫﻲ ﻏﺮﻓﻪ ﻭﺣﺪﻩ ﻣﺎﻟﻲ ﻭﺍﻫﺲ ﺍﺑﺪ ﻭﻳﺎﺭﻳﺖ ﻣﺎﺗﻢ ﺍﻟﺨﻄﺒﻪ ....
ﺣﺘﻪ ﻣﺎﺑﺪﻟﺖ ﻟﺒﺴﺖ ﺛﻮﺏ ﻋﺎﺩﻱ ﻣﻮﻣﺎﻝ ﻣﻨﺎﺳﺒﻪ ﻭﻛﻌﺪﺕ ﺍﺗﻔﺮﺝ ﻋﻠﻰ ﺣﻴﺎﺗﻲ ﻭﻫﻲ ﺗﻨﺴﺎﻕ ﻛﺪﺍﻣﻲ ....
ﺻﺎﺭﺕ ﺍﻟﺴﺎﻋﻪ ﺏ 6 ﺍﻧﺪﻙ ﺍﻟﺒﺎﺏ ﺭﺍﺣﺖ ﻣﺮﻳﻢ ﻓﺘﺤﺘﻪ ﺍﻡ ﺍﻳﻬﺎﺏ ﻭﻳﺎﻫﻪ ﺍﺛﻨﻴﻦ ﻧﺴﻮﺍﻥ ﻏﻴﺮ ﻫﺬﻧﻴﺞ ﺍﻟﻲ ﺍﺟﻨﻲ ﺍﻟﻈﺎﻫﺮ ﻋﺪﻫﻦ ﺍﻗﺮﺑﺎﺀ ﻫﻮﺍﻳﻪ ....
ﺟﺎﻧﺖ ﻣﺴﺘﻌﺠﻠﻪ ﻭﻋﻴﻮﻧﻬﻪ ﻣﺮﺗﺒﻜﻪ ﻣﺪﺭﻱ ﺷﻠﻮﻥ ﻋﻠﻰ ﺍﻟﺴﺮﻳﻊ ﺗﻤﺖ ﺍﻟﺨﻄﺒﻪ ﻣﻦ ﻭﺭﺍ ﺍﻟﺒﺎﺏ ﻭﺣﺘﻪ ﻣﺎﺷﻔﺘﻪ ﻭﻻﺳﻤﻌﺖ ﺻﻮﺗﻪ .....
ﺑﺲ ﺧﻠﺼﺖ ﺍﻟﺨﻄﺒﻪ ﺭﺑﻊ ﺳﺎﻋﻪ ﺍﺳﺘﺄﺫﻧﺖ ﻭﻃﻠﻌﺖ ﺣﺘﻪ ﻣﺮﻳﻢ ﻣﺘﻔﺎﺟﺌﻪ ﺍﺟﻪ ﺑﺎﺑﺎ ﺑﺎﺭﻛﻠﻲ ﻭﺍﻛﻮ ﻛﻼﻡ ﺑﻌﻴﻮﻧﻪ ﺑﺲ ﻣﺎﺣﺠﻪ ....
ﻣﺎ ﺍﻋﺮﻑ ﺷﻨﻮ ﺟﺎﻱ ﻳﺼﻴﺮ ﺧﻠﻒ ﺍﻟﻜﻮﺍﻟﻴﺲ ﻛﻠﺴﺎﻉ ﺍﺷﻮﻑ ﺑﺎﺑﺎ ﻭﻣﺮﻳﻢ ﻳﺘﻬﺎﻣﺴﻮﻥ ﺯﻳﻦ ﺍﻟﺨﻄﻴﺐ ﻏﻴﺮ ﻳﺸﻮﻑ ﺧﻄﻴﺒﺘﻪ ﺍﻧﻲ ﻻﺷﻔﺘﻪ ﻭﻻ ﺳﻤﻌﺖ ﺻﻮﺗﻪ ﺍﻟﻤﻦ ﺧﻄﺒﻮﻧﻲ ﻣﺎ ﺍﺩﺭﻱ .....
ﻳﻮﻡ ﺍﻻﺣﺪ ﺩﺍﻭﻣﺖ ﻟﻜﻴﺖ ﻣﺴﻚ ﻭﺍﻛﻔﻪ ﺗﻨﺘﻈﺮﻧﻲ ﺍﺧﺬﺗﻨﻲ ﻣﻦ ﺍﻳﺪﻱ ﻭﻫﻲ ﺗﺘﻔﺤﺺ ﺍﻟﺤﻠﻘﻪ ﻣﺎﻻﺑﺴﺘﻬﻪ ....
ﻣﺴﻚ ... ﻭﻳﻦ ﺣﻠﻘﺘﺞ ﺷﻨﻮ ﺍﺟﻠﺘﻮﻫﻪ ...
ﺑﻴﺴﺎﻥ ... ﻻ ﻧﺴﻴﺘﻬﻪ ﻣﺎﻟﺒﺴﺘﻬﻪ ...
.... ﺍﻧﺘﻲ ﻣﺎﻝ ﺍﺧﻠﻴﺞ ﻳﻮﻡ ﻳﻢ ﺟﺎﺳﻢ ﻭﻣﻨﺎﻝ ﻳﻄﻠﻌﻮﺝ ﺻﺎﺣﻴﻪ ﺍﻛﻮ ﻭﺣﺪﻩ ﻣﺨﻄﻮﺑﻪ ﻗﺒﻞ ﻳﻮﻣﻴﻦ ﺗﺠﻲ ﻧﺎﺳﻴﻪ ﺣﻠﻘﺘﻬﻪ
ﺧﻄﻮﺑﻪ ﺷﻨﻮ ﻫﻮ ﺍﻧﻲ ﺍﺻﻼ ﻣﺎﺷﻔﺘﻮ ﻭﺍﻣﻪ ﻟﺒﺴﺘﻨﻲ ﺍﻟﺤﻠﻘﻪ ...
... ﻋﺰﺍﺍﺍ ﺧﻄﺒﻮﺝ ﻻﻣﻪ ...
... ﻫﻬﻬﻪ ﻣﺎﺷﻔﺘﻮﺍ ﻭﻻﺳﻤﻌﺖ ﺻﻮﺗﻮ ﻳﻤﻜﻦ ﻣﺎ ﺟﺎﻱ ﻭﻳﺎﻫﻢ ..
... ﺑﻴﺴﺎﻥ ﺷﻠﻮﻥ ﺭﺍﺡ ﺗﻌﻴﺸﻴﻦ ﺑﻬﺬﺍ ﻛﻠﺒﺞ ﺍﻟﻔﻄﻴﺮ ﺷﻨﻮ ﻣﺎﺷﻔﺘﻮ ﺷﻨﻮ ﺧﺸﻤﻮﺍ ...
ﺷﻨﻮ ﻣﺎﺟﺎﻱ ﻭﻳﺎﻫﻢ ﺑﻨﺘﻲ ﺍﻧﺘﻲ ﺻﺎﺣﻴﻪ ﻟﻮ ﺑﺮﺍﺳﺞ ﺷﻲ ﺷﻠﻮﻥ ﻳﺨﻄﺒﻮﻥ ﻭﻫﻮ ﻣﺎﻛﻮ ....
ﺑﺎﺑﺎ ﺍﻧﺘﻲ ﻣﻀﺤﻮﻙ ﻋﻠﻴﺞ ﺍﻛﻮ ﻭﺍﺣﺪ ﻣﺎﻳﺸﻮﻑ ﺧﻄﻴﺒﺘﻮﺍ ﻋﻠﻰ ﻛﻮﻟﺘﺞ ﻣﻮﻛﺘﻠﺞ ﺑﻲ ﺷﻲ ....
... ﻣﺴﻚ ﺷﻨﻮ ﺍﺳﻮﻱ ﺳﺎﻋﺪﻳﻨﻲ ﻋﻔﻴﻪ ...
... ﺷﺄﺳﺎﻋﺪﺝ ﻫﻮ ﺍﻧﺘﻲ ﺻﺮﺗﻲ ﻋﻠﻰ ﺫﻣﺘﻪ ﺑﻌﺪ ﻭﻟﻌﻠﻤﺞ ﻋﺪﻧﻪ ﻣﻴﺼﻴﺮ ﺍﻟﻤﺴﻠﻢ ﻳﺘﺰﻭﺝ ﻣﺴﻴﺤﻴﻪ ﺍﻻ ﺗﺴﺘﺴﻠﻢ ﻳﻌﻨﻲ ﺍﻧﺘﻲ ﻣﻠﻴﻮﻥ ﺑﺎﻟﻤﻴﻪ ﺭﺍﺡ ﺍﺩﺧﻠﻴﻦ ﺍﻻﺳﻼﻡ ﻭﻫﻨﻴﺌﺂ ﻟﻜﻲ ...
... ﺍﺭﻳﺪ ﺍﺑﻄﻞ ﻣﺎ ﺍﺭﻳﺪ ﺍﺗﺰﻭﺝ ...
... ﺍﻛﻌﺪﻱ ﺭﺍﺣﻪ ﺑﻨﺘﻲ ﺍﺭﺿﻲ ﺑﺎﻟﻤﻘﺴﻮﻡ ﻭﺧﻠﻲ ﺍﻧﺸﻮﻑ ﺷﺠﺎﻱ ﻳﻨﺤﺎﻙ ﻣﻦ ﻭﺭﺍ ﻇﻬﺮﺝ ..
... ﻣﺎ ﺍﻋﺮﻑ ﺍﻟﺮﺏ ﻳﺤﻤﻴﻨﻲ ...
... ﻭﻫﺴﻪ ﺷﻮﻛﺖ ﺗﺰﻭﺟﻴﻦ ...
... ﻣﻦ ﺍﻛﻤﻞ ﺍﻣﺘﺤﺎﻧﺎﺕ ﻛﺎﻟﺖ ﻣﺮﻳﻢ ...
... ﺍﺍﺍﺍﺥ ﻛﻠﺒﻲ ﻟﻮ ﻳﻤﻲ ﻋﻮﺩﻩ ﺍﻻ ﺍﻛﺴﺮﻫﻪ ﻋﻠﻰ ﺿﻬﺮﺝ ﺷﻨﻮ ﻣﺮﻳﻢ ﺷﻨﻮ ﺍﺻﺨﺎﻡ ﻣﺮﻳﻢ ﺍﻟﻤﺘﺰﻭﺟﻪ ﻟﻮ ﺍﻧﺘﻲ ﻟﺞ ﺷﻜﺪ ﺿﻌﻴﻔﻪ ﻟﺨﺎﻃﺮ ﺍﻟﻠﻪ ﺷﻠﻮﻥ ﺗﻌﻴﺸﻴﻦ ﻭﺍﻧﺘﻲ ﺑﻬﺎﻱ ﺍﻟﻔﻄﺎﺭﻳﻪ ....
ﺍﺗﺮﺟﺎﺝ ﺑﻴﺴﺎﻥ ﻗﻮﻱ ﻧﻔﺴﺞ ﻣﺪﺍﻡ ﺍﻧﺘﻲ ﻳﺘﻴﻤﻪ ﺻﻴﺮﻱ ﺳﺒﺎﻋﻴﻪ ﻻﺗﺨﻠﻴﻦ ﺍﺣﺪ ﻳﺪﺧﻞ ﻭﻳﻘﺮﺭ ﺑﺪﻭﻥ ﻋﻠﻤﺞ ...
... ﺍﻭﻭ ﻣﺴﻚ ﻋﻮﻓﺞ ﻣﻦ ﻋﻨﺪﻱ ﺍﺣﺠﻴﻠﻲ ﺍﻧﺘﻲ ﺟﺎﺳﻢ ﺧﻮﻣﺎ ﺍﺫﺍﺝ ﺑﻌﺪ ....
... ﺟﺎﺳﻢ ﺍﻧﻲ ﻭﻳﺎ ﻣﺪ ﻭﺟﺰﺭ ﻳﻜﺘﻠﻨﻲ ﻭﺍﻛﺘﻠﻪ ﺍﻟﺒﺎﺭﺣﻪ ﺗﻔﻠﺖ ﻋﻠﻲ ﺣﺸﺎﺝ ﻭﺷﻤﺮﻧﻲ ﺑﺎﻟﻜﻼﺹ ﻭﻫﻤﺰﻳﻦ ﻣﺎﻭﻛﻊ ﺑﺮﺍﺳﻲ ....
... ﻋﺰﺍﺍﺍ ﻣﺎﺗﺨﺎﻓﻴﻦ ﻣﻨﻮ ...
... ﺗﺪﺭﻳﻦ ﺷﻮﻛﺖ ﺍﺳﺘﻐﻞ ﺍﻟﻮﺿﻊ ﻭﻫﻴﺞ ﺍﺳﻮﻱ ﻣﻦ ﻳﺠﻲ ﺳﻜﺮﺍﻥ ﻣﺎﻳﻨﺪﻝ ﻃﺮﻳﻘﻪ ﺍﻟﻌﺐ ﺑﻲ ﻟﻌﺐ ﺑﺲ ﺷﻨﻮ ﻭﺭﺍ ﻣﺎﻳﺼﺤﻪ ﺷﻴﺨﻠﺼﻨﻲ ﻣﻨﻪ ....
.... ﻟﻴﺶ ﻣﺎﺗﻔﻜﺮﻳﻦ ﺗﺰﻭﺟﻴﻦ ﻭﺗﺨﻠﺼﻴﻦ ﻣﻨﻪ ....
.... ﺑﻴﺴﺎﻥ ﻣﻦ ﺍﻓﻜﺮ ﻫﻴﺞ ﺍﺣﺲ ﻧﻔﺴﻲ ﻓﺎﺷﻠﻪ ﻻﻥ ﻣﺎ ﺍﺗﺰﻭﺟﺖ ﻋﻦ ﺭﺿﺎﻱ ﺍﺗﺰﻭﺟﺖ ﺑﺴﺒﻴﻞ ﺍﺧﻠﺺ ﻣﻦ ﺟﺎﺳﻢ ﻭﻣﻌﻨﺎﺗﻬﻪ ﻣﺎﺭﺍﺡ ﺍﻧﺴﻌﺪ ﺍﻭ ﻣﻮﺑﺴﻬﻮﻟﻪ ﺍﺗﻜﻴﻒ ﻭﻳﻪ ﺍﻟﻮﺿﻊ ....
.... ﺻﺪﻙ ﺳﻬﻰ ﻫﻢ ﺗﻌﺮﺿﺘﻠﺞ ﺑﻌﺪ ...
.... ﺩﺧﻞ ﺗﻮﻟﻲ ﻫﺎﻱ ﺍﻟﺬﺑﺎﻧﻪ ﺍﻟﻈﺎﻫﺮ ﺍﻟﻌﻘﻴﺪ ﺧﻮﺵ ﺟﺎﺭ ﺍﺫﺍﻧﻬﻪ ﻣﺨﻠﻴﻬﻪ ﺗﻤﺸﻲ ﺑﺠﻨﺐ ﺍﻟﺤﻴﻂ ....
ﺑﻴﺴﺎﻥ ... ﺍﺣﺐ ﺳﻮﺍﻟﻒ ﻣﺴﻚ ﺗﺒﻌﺚ ﺍﻟﻘﻮﻩ ﻭﺧﺎﺻﻪ ﻣﻦ ﺍﺷﻮﻑ ﺛﻘﺘﻬﻪ ﺑﻨﻔﺴﻬﻪ ﺷﻜﺪ ﻗﻮﻳﻪ ﺣﺘﻪ ﺑﻤﺸﻴﺘﻬﻪ ﺗﺎﺧﺬﻧﻲ ﺍﻟﺴﻮﺍﻟﻒ ﻭﻳﺎﻫﻪ ﻭﻧﺮﻭﺡ ﻧﺮﻛﺾ ﻟﻠﻤﺤﺎﻇﺮﻩ ﻭﻣﺮﺍﺕ ﻧﺘﺮﺯﻝ ﻣﻦ ﺍﻟﺪﻛﺘﻮﺭ ﻣﻦ ﻧﺪﺧﻞ ﻭﺭﺍ ﺑﺲ ﻛﻠﻬﻢ ﻳﺤﺘﺮﻣﻮﻥ ﻣﺴﻚ ﻻﻥ ﺷﺎﻃﺮﻩ ....
ﻃﻮﻝ ﻫﺎﻱ ﺍﻻﻳﺎﻡ ﺑﺲ ﺍﺳﻢ ﻣﺨﻄﻮﺑﻪ ﺗﺠﻲ ﺍﻡ ﺍﻳﻬﺎﺏ ﺍﺗﺠﻴﺒﻠﻲ ﻫﺪﺍﻳﺎ ﻭﻋﻄﻮﺭ ﻭﺍﺷﻜﺎﻝ ﻭﻣﺮﺍﺕ ﺗﺎﺧﺬﻧﻲ ﻭﻳﺎﻫﻪ ﻟﻠﻤﻮﻻﺕ ﺑﺲ ﺍﻓﺘﺮ ﻣﺎ ﺍﻟﻲ ﻭﺍﻫﺲ ﺑﺸﻲ ...
ﺗﺘﻮﺳﻞ ﺑﻴﻪ ﺧﻠﻲ ﺍﺷﺘﺮﻳﻠﺞ ﻫﻴﺞ ﻭﺍﻟﺒﺴﻲ ﻫﻴﺞ ﻭﺍﻟﻔﺮﺣﻪ ﻣﺎﻭﺍﺳﻌﺘﻬﻪ ﺑﺲ ﻛﻞ ﻫﺬﺍ ﻭﺍﺗﺴﺎﺋﻞ ﻭﻳﻦ ﺧﻄﻴﺒﻲ ﻟﻴﺶ ﻣﺎﺷﻔﺘﻪ ﻟﺤﺪﺍﻻﻥ ....
ﺍﺗﺠﺮﺃﺕ ﻭﺳﺄﻟﺘﻬﻪ ﺧﺎﻟﻪ ﻟﻴﺶ ﻫﻮ ﻣﺎﻳﺠﻲ ﻭﻻ ﺍﺷﻮﻓﻪ ﻭﺣﺘﻪ ﻣﺎﺷﺎﻓﻨﻲ ...
ﺍﻡ ﺍﻳﻬﺎﺏ .. ﻣﺎﻓﺎﺭﻍ ﺷﻐﻞ ﻋﻨﺪﻩ ﻭﺍﺣﻨﻪ ﻫﻢ ﻗﻠﻴﻞ ﻧﺸﻮﻓﻪ ﻫﺴﻪ ﺗﺰﻭﺟﻮﻥ ﻭﺍﺷﺒﻌﻲ ﺷﻮﻑ ﺑﻲ ...
... ﺷﺤﺎﺟﻴﻬﻪ ﺑﻜﻠﺒﻲ ﻫﺴﻪ ﻳﻄﻠﻊ ﺑﻲ ﺷﻲ ﻭﺿﺎﻣﻲ ﻋﻠﻴﻪ ....
ﺟﻨﺖ ﺍﺭﺟﻊ ﻟﻠﺒﻴﺖ ﻣﺤﻤﻠﻪ ﺍﺷﻜﺎﻝ ﻭﻣﺮﻳﻢ ﺗﻜﻌﺪ ﺗﻌﺰﻝ ﺑﻴﻬﻦ ﺍﺷﻮﻑ ﻧﻈﺮﻩ ﺣﺰﻥ ﻭﻧﺪﻡ ﺑﻌﻴﻮﻥ ﺑﺎﺑﺎ ﺑﺲ ﺑﻌﺪ ﻣﺎﻳﻔﻴﺪ ﻛﻮﻟﺸﻲ ....
ﺑﻬﺎﻱ ﺍﻟﻔﺘﺮﻩ ﺟﻤﻌﻨﻪ ﻏﺮﺍﺿﻨﻪ ﻭﺍﻧﺘﻘﻠﻨﻪ ﻟﻠﺒﻴﺖ ﺍﻟﺠﺪﻳﺪ ﺍﻟﻲ ﻣﺎ ﺍﻋﺮﻑ ﺷﻨﻮ ﺍﺳﻤﻲ ﻣﻬﺮﻱ ﻟﻮﺛﻤﻦ ﺣﺮﻳﺘﻲ ....
ﺟﺎﻥ ﺑﻴﺖ ﻋﺎﺩﻱ ﻃﺎﺑﻖ ﻭﺍﺣﺪ ﺑﻲ ﻏﺮﻓﺘﻴﻦ ﺟﻮﻩ ﻭﺣﺪﻳﻘﻪ ﺟﺒﻴﺮﻩ ﻣﺮﺗﺐ ﻭﺳﻴﺮﺍﻣﻴﻚ ﻣﺮﺍﺕ ﺍﺷﻮﻑ ﺑﺎﺑﺎ ﻓﺮﺣﺎﻥ ﺑﻲ ﻭﻣﺮﺍﺕ ﻻ ﺧﺎﺻﻪ ﻣﻦ ﻳﺸﻮﻓﻨﻲ .....
ﺍﺣﺴﺎﺱ ﺍﻟﻔﺮﺡ ﻣﻌﺪﻭﻡ ﺑﺪﺍﺧﻠﻲ ﻣﺠﺮﺩ ﺭﻭﺗﻴﻦ ﺑﺲ ﺍﺗﻮﻧﺲ ﻭﻳﻪ ﻣﺴﻚ ﺳﻮﺍﻟﻔﻬﻪ ﺣﻠﻮﻩ ﻭﺍﺫﺍ ﺍﺭﺟﻊ ﻟﻠﺒﻴﺖ ﺍﻟﺘﺰﻡ ﺍﻟﺼﻤﺖ ﻣﺮﻳﻢ ﺑﻐﺮﻓﺘﻬﻪ ﺑﺤﻴﺚ ﺻﺮﺕ ﻣﺎﺷﻮﻓﻬﻪ ﺑﺲ ﺑﻮﻗﺖ ﺍﻻﻛﻞ ﺗﻄﻠﻊ ﻟﻮ ﻣﻦ ﺗﺸﻮﻑ ﺑﺎﺑﺎ ﺟﺎﻱ ﻋﻮﺩ ﺍﻧﻲ ﺟﻨﺖ ﺍﺷﺘﻐﻞ ...
ﺻﺎﺩﻓﺖ ﺍﻻﻣﺘﺤﺎﻧﺎﺕ ﻭﺷﻮﻳﻪ ﺍﺣﺲ ﺑﺼﻌﻮﺑﻪ ﻻﻥ ﺍﻻﺳﺎﺗﺬﻩ ﺗﻐﻴﺮﻭ ﻭﻣﺎ ﺍﻋﺮﻓﻬﻢ ﺑﺲ ﺍﺷﻮﻑ ﻣﺴﻚ ﺷﻜﺪ ﺗﻘﺮﻩ ﻭﺗﻄﻠﻊ ﻣﻦ ﺍﻻﻣﺘﺤﺎﻥ ﻣﺎﻋﺪﻫﻪ ﻭﻻ ﻏﻠﻄﻪ .....
ﺳﻬﻰ ﺭﺟﻌﺖ ﻧﻔﺲ ﺍﻟﻤﻀﺎﻳﻘﺎﺕ ﻣﺎﻟﺘﻬﻪ ﻭﻳﻪ ﻣﺴﻚ ﺑﺲ ﺗﺘﺠﻨﺒﻬﻪ ﻭﻣﺮﺍﺕ ﺍﻛﻮﻝ ﻫﺴﻪ ﺩﻛﻮﻡ ﻣﺴﻚ ﺗﻀﺮﺑﻬﻪ ﺑﺲ ﻣﺪﺭﻱ ﺷﻠﻮﻥ ﻻﺯﻣﻪ ﺍﻋﺼﺎﺑﻬﻪ ﻋﻨﻬﻪ ...
ﻣﺴﻚ ....
ﺣﻀﻲ ﻭﺣﻴﺎﺗﻲ ﺑﺠﻬﻪ ﻭﺍﻟﻠﻪ ﻣﺴﻠﻂ ﻋﻠﻴﻪ ﺳﻬﻰ ﻣﻦ ﺟﻬﻪ ﺛﺎﻧﻴﻪ ﺷﻜﺪ ﻣﺎ ﺍﺣﺎﻭﻝ ﺍﺗﺠﻨﺒﻬﻪ ﺗﺘﺨﺒﻞ ﻋﻠﻴﻪ ﻭﺗﺴﻤﻌﻨﻲ ﻛﻼﻣﻬﻪ ﺍﻟﺒﺬﻱﺀ ﺍﻟﻨﺎﺗﺞ ﻋﻦ ﺳﻤﻬﻪ ﻭﺣﻘﺪﻫﻪ ...
ﺍﺩﺭﻱ ﻣﻼﺑﺴﻲ ﻣﻮﻛﺪ ﺍﻟﻤﻘﺎﻡ ﻭﺍﺩﺭﻱ ﺍﻟﺒﻨﺎﺕ ﻳﻮﻣﻴﻪ ﻳﻠﺒﺴﻦ ﺷﻲ ﺟﺪﻳﺪ ﻭﺍﻧﻲ ﺍﻟﺸﻲ ﺗﻄﻠﻊ ﺭﻭﺣﻪ ﻳﻠﻪ ﺍﺫﺑﻪ ﺑﺲ ﻣﻮﻣﻌﻨﺎﺗﻬﻪ ﻻﺯﻡ ﺍﺻﻴﺮ ﻣﺜﻞ ﺳﻬﻰ ﻣﺜﻼ ﻣﻨﻴﻦ ﺍﺟﻴﺐ ﺍﻣﺪ ﺍﻳﺪﻱ ﺣﺘﻪ ﻳﺼﻴﺮ ﻋﻨﺪﻱ ﻓﻠﻮﺱ ﻭﺍﺷﺘﺮﻱ ....
ﺟﺎﻥ ﺛﺎﻟﺚ ﺍﻣﺘﺤﺎﻥ ﻋﻨﺪﻱ ﻭﺳﻬﻞ ﻣﻮ ﺫﺍﻙ ﺍﻟﺼﻌﻮﺑﻪ ﻣﻦ ﺍﻣﺘﺤﻦ ﺍﻃﻠﻊ ﺍﺗﻤﺸﻰ ﻭﻳﻪ ﺑﻴﺴﺎﻥ ﻭﺑﻌﺪﻫﻪ ﺍﺭﺟﻊ ﻟﻠﺒﻴﺖ ﺣﺘﻪ ﺍﻗﺮﻩ ....
ﺑﻮﻗﺘﻬﻪ ﻃﻠﻌﻨﻪ ﺍﻧﻲ ﻭﺑﻴﺴﺎﻥ ﻣﻦ ﻭﻗﺖ ﺍﺭﻭﺡ ﻭﻳﺎﻫﻪ ﺑﺎﻟﺨﻂ ﻻﻥ ﺧﻄﻨﻪ ﻳﺘﺄﺧﺮ ﺍﺭﺟﻊ ﻭﻳﺎﻫﻪ ﻳﻨﺰﻟﻮﻧﻲ ﻉ ﺍﻟﺸﺎﺭﻉ ﻭﺍﺟﻲ ﻣﺸﻲ ﻟﻠﺒﻴﺖ ﻻﻥ ﻗﺮﻳﺐ ...
ﻭﺻﻠﺖ ﻟﺮﺍﺱ ﺍﻟﺸﺎﺭﻉ ﺳﻠﻤﺖ ﻋﻠﻰ ﺑﻴﺴﺎﻥ ﻭﻧﺰﻟﺖ ﺑﺲ ﺭﺍﺡ ﺍﻟﺨﻂ ﺑﻌﺪﻧﻲ ﺍﺗﻤﺸﻰ ﺑﺨﻄﻮﺍﺕ ﺑﻄﻴﺌﻪ ﻣﺎ ﺍﺭﻳﺪ ﺍﻭﺻﻞ ﻟﻠﺒﻴﺖ ﻭﺍﺷﻮﻑ ﻣﻨﺎﻝ
ﻣﺎ ﺍﺣﺲ ﻏﻴﺮ ﺻﻮﺕ ﺳﻴﺎﺭﻩ ﻭﺭﺍﻱ ﻭﻣﺒﻴﻨﻪ ﺗﻤﺸﻲ ﺳﺮﻳﻊ ﺑﺲ ﺳﻤﻌﺖ ﺻﻮﺕ ﺍﺑﻮ ﺍﻟﻤﺤﻞ ﻳﺼﻴﺢ ﺩﻳﺮﺑﺎﻟﺞ ﻋﻤﻲ ....
ﻳﺘﺒﺒﺒﺒﻊ ....
ﻣﺘﺎﺑﻌﻪ ﻣﻤﺘﻌﻪ ﺍﺣﺒﻜﻢ ️
