Eak din ki baat hai, Hemi ke friend ko mumbai jaana tha, wo kabhi mumbai nahi gaya tha to usne hemi ko bola ki kya tum aaoge mere saath, hemi ne raat ko hi bol diya thik hai, uske friend ne kaha, "thik hai kal dopaher ko hum nikal jayege." actually uska friend apni wife ke ghar ja raha tha.
Agle din hemi ready hua, hemi ne sab taiyari to kar li thi, par uske pas utne paise nahi the, usne apne friend ko bola, "yaar, me saath to aau par mere pas utne paise hai hai, uske friend ne kaha, "tu tension mat le me hu tere saath." bss phir wo dono train se mumbai jaane ke liye nikle, hemi kabhi gujarat se bahar nahi gaya tha uska out of state pehla safar tha, bahot sare middle class boy hotey aise, ye safar uski life ko alag hi divert karne wala tha.
Wo dono bahot long distance ko kant kar akhir mumbai pahoche i think wo early morning me waha pahuche, station se direct hemi ke friend ki wife ke ghar pahonche, Dono ne chai nasta kiya waha, kuch baate ki, lekin wo dono bahot thak gaye the kyuki long distance ka safar krne ke baad usko bahot nind aa rhi thi then wo log sone gaye. Thakan utarne ke baad nearly afternoon ko wo log uthe, Aur Fresh hue.
Kuch der baad eak larki aayi bahot hi khubsurat bahot hi cute, hemi ki ankho ne usko dekhte hi pasand kr liya tha, wo hemi ke samne muskurayi, uske muskurane ke baad mano hemi ki heart beats bulet train jaise doudne lagi thi. Actually wo ladki Dhingli thi jo uske friend ki wife ki choti bahen thi.
Kuch der baad lunch ka time hua sab eak family jaise lunch karne baithe. Hemi ko apne ghar jaisa lag raha tha, lunch karte waqt sabne baate ki aur after lunch un logo ne ghumne jaane ka plan banaya, Sabne juhu beach jaane ka socha. Thodi der aaram krne ke baad wo log juhu beach jane ke liye nikle.
Wo logo ne station se bus pakdi, bus me 2-2 seats hone ki wajah se Devang aur uski wife baithe aur hemi aur dhingli baithe. Uske pas baithne se hemi ka dil joro se dharldakne lagne laga, kuch der ke liye dono chup rahe. Kuch minute baad dhingli ne hemi ko pucha, "Aap kya study karte ho." Hemi ko jo dar tha wohi dhingli ne puch liya, hemi ne kaha "2 baar 10th me fail hua hu aab 3rd try de raha hu. " dhingli ne muskurate hue kaha, "ohhh.. " Hemi ne dhingli ko pucha, "Aap kya study karti ho? " Dhingli ne kaha, "Main collage ke 1st year me hu."
"Tumhari koi friend hai kya?" dhingli ne achanak se puch liya, hemi ne kaha, "haa ek friend thi par sirf whats app par baat hoti thi aur wo bhi sirf 15 din tak hi baate ki thi, me unse kabhi mila bhi nahi tha. " dhingli ne kaha, "ohh daikhe bagair! Dekho jaisa tum sochte ho na yaha sab common hai, yaha ladka aur ladki sab friends hote hai aur kuch nahi hota." hemi ne kaha, "ohh aisa hai kya. " bass aise hi dheere dheere baate ho rahi.
Kuch der baad hemi ko ajeeb feeling aa rahi thi, actually hemi ko bahot joro se ek number lagi thi, wo baichaini ho rahi thi bahot pasina bhi chhut raha tha, usne dhingli se pucha, "Aab station kitna door hai?" dhingli ne kaha, "abhi bhi aadha ghanta lagega, kyu? " usne kaha, "yaar bahot joro se lagi hai kya karu."
ye sun kar dhingli ko bahot hasi aa rahi thi. Aadhe ghante baad station aa gaya, hemi ko aab shanti hui kyuki aadha ghanta usne bahot muskil se nikala, aab aadha ghanta uska kaise guzra ye sirf hemi hi jaanta hoga.
Wo logo ne aab socha ki juhu beach aab kuch hi dur hai to un logo ne auto se jaane ka decide kiya, aab auto me bhi 3 hi log baith sakte the, aur wo log 4 the. Phir eak auto me devang aur uski wife aur dusri auto me hemi aur dhingli baithe. Kuch der baad hemi ne phone me songs sunna start kiya, thodi der baad dhingli ne kaha, "konsa song sun rahe ho mujhe bhi sunna hai" hemi ne kaha, "Sajna tere bina, ye lo tum bhi suno. " wo dono ek earphone se song sunne lage.
Thodi der baad wo log juhu beach pahuche, hemi ne kaha, " Kya tum mujhe juhu beach dikhaogi?" dhingli ne kaha, "kyu nahi, chalo." wo log beach par pahunche. Hemi ne kaha, "Ruko me thode pics lena chahta hu, aab yha aaya hu to kuch memories bhi saath le jau." usne kaha,"Thik hai le lo." hemi akele akele selfies le raha tha, usi waqt dhingli hemi ke paas aake khadi ho gayi, hemi ko ye bahot ajeeb laga, kyuki pehle kabhi bhi hemi ne kise larki ke saath selfie nahi li thi, maano hemi ke to char chand lag gaye the.
Wo dono ne phir bahot saari selfies li..Ghoome phire.. Masti kii.. Tabhi baarish shuru hui, wo log un logo ke pas gaye dhingli ki didi ke pas ek hi chata tha jisme wo charo khade the. Hemi aur dhingli ne baarish me bhi kuch selifies li, wo dono baarish me bhige hue the, dhingli ke baal bilkul bhig gaye the aur uske chehre par paani ki bundey saaf saaf dikh rahi thi jisse wo aur bhi khubsurat lag rahi thi, baarish tukne k baad wo log ghar jaane ke liye nikle.
Bass phir wo agle din lal bag ke mandir par gaye the aur baarish hone ki wajah se ghar par hi ek gujarati movie 'chello divas'daikha aur bahot hasi mazak kiye. Aab agle din jaane ka time aaya, probably jo log khas ban jaate hai, thode bahot najdik aate hai to phir alag hone ka waqt aata hai to Feelings hi kuch aise hoti hai ki koi bhi upset ho jata hai.
Hemi aur dhingli dono upset the. Bahot acche acche moments saath bitane ke baad dono sad ho gaye the, hemi ne socha usko ab kuch puch lu ya phir uska number lelu par hemi ko laga agar aise hi apne dost ki sali ka number manguga to bahot bura lagega aur phir kuch problem bhi create ho sakta tha. Bas wo number ya kuch contact liye bina porbandar jaane ke liye ready hua. Wo dono phir train pakad kr porbandar pahuche.
2 din beet gaye tisre din hemi ke hike me kise unknown number ne add kiya, hemi ne pucha "Who are you? " samne wale ne reply diya, "I am dhingli." Ye text padhte hi hemi socked ho gaya, wo bahot khush ho gaya. Phir usne pucha, "mera number kaha se mila Aapko?" Dhingli ne kaha, "Me apni didi ka old phone use kar rahi hu to isme aapka number pehle se save tha." Aab dono ke bich roj baate hone lagi jaise sab log normally karte hai, hi.. Hello.. How are you..etc.
