Sky Paradox: Battle of Gangsters

Chapter 27: A Glimpse of the Past

Natigilan si Blue at hindi maisip ang itutugon. “Pwedeng sagutin mo muna ang tanong ko?”

“Oo.”

“Ha?” Napakunot-noo si Blue.

“Tinanong mo kung galit pa rin ako sakanya at ang sagot ko ay oo.”

“I see. I understand.” Ani Blue pero halata ang disappointment sa boses niya. “You already talked to him right?”

“Uhm kanina.”

“He hasn’t apologize yet?” Nananantiyang tanong niya.

Umiling si Sky. “At kahit na humingi siya ng tawad kanina ay hindi basta mabubura ng simpleng sorry ang mga ginawa niya.”

Napalingon ng bigla si Blue sa katabi dahil hindi niya inaasahan ang sinabi nito. After ng ilang buwang pagkakakilala niya sa babae ay hindi niya akalaing maririnig pa niya ang mga salitang ganito dito. Hindi niya akalaing hindi pala ito ganun kadaling magpatawad. Napahinga siya ng malalim at sumandal sa upuan. Naisip niyang hindi naman ito naging maramot sa pagpapatawad sakanila. Sabagay sa dami ng ginawa ni Red dito ay hindi niya masisisi ito na magalit ng ganun katindi sa kaibigan. Umabot na siguro ito sa limit nito ng kayang itolerate. “A-ano palang napag-usapan niyo kung hindi siya humingi ng tawad.”

Hindi na naman agad nakasagot si Sky. Pinag-iisipan kung sasabihin ba sa kausap ang nalaman kanina. Pero naisip niyang bestfriend ito ni Red kaya malamang ay alam na nito ‘yun. At baka mas maliwanagan siya kung maipapaliwang nito ang mga nalaman. “Kinuwento niya ang mga nangyaring hindi maganda sakanya mula pagkabata. Kung bakit siya naging ganun.”

Nagulat si Blue. May ganung usapan na pala ang namagitan sakanila. Pero bakit hindi man lang ata nawala or nabawasan ang galit niya kay Red. Natanong niya sa isip. “Anong s-sinabi mo? How did you react?”

Nagkibit-balikat si Sky. “Ano ba dapat kong maging reaksiyon dun? Hindi ko naman kasalanan ang mga nangyari sakanya. Kaya hindi ko makita ang rason para gawin niya sa akin ang mga ginawa niya nang dahil lang sa mga pasakit na naranasan niya.”

Napakunot-noo si Blue at nakaramdam ng konting iritasyon. Hindi siya makapaniwalang may taong ganito katigas ang puso na kahit marinig ang kuwento mula mismo sa bibig ni Red ay hindi man lang makakaramdam ng simpatya dito. “Hindi mo siguro naintindihan.” Naiiling na wika ni Blue.

“Hindi ko talaga maintindihan ang ganung rason. Na porke nakaranas ka ng mga hindi maganda ay tatratuhin mo ng masama ang ibang tao para ano? Para may mapagbuntunan ka?”

Inis niyang tinignan si Sky. “It’s not that. I know what your pointing out but for Christs’ sake he poured his heart to you. Yet your still…” Naiiling na bulalas ni Blue na hindi maapuhap ang sasabihin sa nalaman.

“May mas malala pa ang mga naranasan kumpara sakanya kaya huwag kayong umastang pasan niya ang mundo.”