التفتت هديل وكان مراد ..
هديل : مراد !!!!؟؟؟؟
مراد : اي مراد ليش متفاجئة ... وكمان ليش هيك طالعة من الصالة متل الحرمية ..
هديل : ولا شي بس مستعجلة
مراد : مستعجلة ولا خايفة تحطي عنيك بعيني .
هديل : ليش لحتى خاف حط عيني بعينك انا ماعملت شي يخلني خاف او اخجل من حدا ..
مراد : هههه برئية ..ماعملتي شي ابدا ..انتي لايمت بدك تضلي تكذبي ...
هديل : مراد احترم حالك انا ماممكن كون كذابة ..
مراد : كذابة وخاينة كمان .. ااه قوليلي كيفو النقيب معك عم تخونيه ولا ضابعك وماعم يخليكي تتحلفصي .
هديل بصوت عالي : مراااد احترم حالك مابسمحلك تحكي عني هيك ..
مراد : ليش عم احكي شي غلط .. وكمان الخاين بضل خاين ..
هديل مشان تقهرو : ههههههه بس انا ماتزوجت لحتى خون ..
مراد : كيف يعني ماتزوجتي ..انتي عم تجدبيها علي لكن وينك كل هالفترة .. .
ابتسمت هديل واشرت على قلب مراد : هون كنت طول هالفترة ورح ارجع لهون .. وما تزوجت لانو انا بحبك ومستحيل اتزوج غيرك ...هلق بدك تقلي الرسائل ..وانا بقلك انو انا مادخليني بالرسائل ومو انا يلي بعتون في حدا كان يسرق تلفوني ويعتون مشان يفرقنا عن بعض ...
مراد : لحظة وحدة وحدة ...انتي ماتزوجتي النقيب طارق ..
هديل : لا
مراد : لكن طول هالفترة عايشي معو من غير زواج ..
هديل : بتضل طول عمرك اناني ومابتفكر بحالك ورح تضل تظلمني طول عمرك... نترت ايدها من ايدو ومشت
مراد : هديل وقفي هلق بدي افهم كلشي ..
هديل : مافي داعي ..لانك مارح تصدقني ..وخايفي لما تنكشف الحقيقة ماكون موجودة وساعتها رح تضل تتندم طول عمرك
تركتو ومشت
مراد واقف ومصدوم وماعم يلاقي اجوبة للأسئلة يلي براسو ..
خلص العرس وكل واحد راح على بيتو وهديل رجعت ع الشام تاني يوم ....
......................
وصلت هديل عالبيت ودخل لعندا طارق فورا ...
هديل : هلا طرووق .. شو باينتك مشتقلي
طارق : اي كتير .. المهم هلق دقي لسلوى خليها تجي تزوك ..
هديل : اممم وانا مفكرة انك مشتقلي وحابب تشوفني وتشوف حسوني ..
طارق : مشتقلكن كتير وانتي وحسوني على عيني وراسي ..بس حبابة دقيلا انا كنت رح جن لحتى شوفا شكلي حبيتا عنجد للبنت ..
هديل : اي والله سلوى بتنحب لحظة لحتى اتصلك فيها ..
اخدت تلفونا هديل وقامت ..
طارق : لك ع وين رايحة ..احكي قدامي ..
هديل : مابصير .. في شي خاص لازم احكيلا اياه ..خود حسن انت وانطرني هون وحسك عينك شوفك عم تتصنط علي لخلي ليلتك سودة ..
طارق : طيب ماشي بس لاتطولي ..
اخدت تلفونا وفاتت ع الغرفة وواتصلت بسلوى
هديل : كيفك سلوى
سلوى : هلا هدول شو جيتي ..
هديل : اي من شي ساعة وصلت ع البيت ...
سلوى : الحمد لله عسلامتك
هديل : شوبدي قلك
سلوى : احكي
هديل : لك طارق طلع طابس فيكي متل ماقلتلك
سلوى : عنجد 😍😍
هديل : والله هلق اجا وطلب مني دقلك مشان تجي .
سلوى : يلا انا جاي فورا
هديل : اتقلي يابنت ..اعملي لحالك قيمة
سلوى : طيب مشتاقتلو وحابة شوفو ...
هديل : هههههه طيب ماشي انا رح قلو انو مالك نفس تجي مشان تبيني انك تقيلي
سلوى : وبعدين ..
هديل : برجع بتصل فيكي وبأصر عليكي وبخليه هو يروح يجيبك شو رأيك
سلوى : اي اي موافقة ..
هديل : يلا جهزي حالك ..باي ..
سكرت هديل وطلعت لعند طارق
طارق : شو قالتلك
هديل : قال تعبانة بكرا بتجي
طارق ؛ حبابة احكي معها مرة تانية واصري عليها ..
هديل : طيب ماشي ...رح اتصل .
طارق : بس خليكي هون لاتفوتي لجوا
هديل : هههه ماشي ..
اتصلت هديل .: الو سلوى والله انا كتير ضايجة لك تعالي ....... بلا بس تعالي مشان احكيليك شو صار بالضيعة وكيف كان العرس ...... صات تتحجج بالسير ليكي وليه لاتتحججي بالتاكسي ليكي هون اخي طارق رح يجي يجيبك ...لا مافي شي عزاب شو موافقة .... طيب يلا جهزي حالك ...باي ..
طارق : شوو
هديل : قوم جيبا من هاد العنوان كيفني معك
قرب منها وباسا على خدا : لك مافي منك انتي يلا باي
هديل : ههههه باي ..بس لاتتأخرو رح عير الساعة انا واذا اتأخرت خمس دقايق لا تلوم الا حالك ..
طارق : ههههه طول عمرك ندلة يلا باي
راح طارق وجاب سلوى دخلو وكانو عم يضحكو ..
هديل : عشر دقايق متأخرين
طارق : اي مشيها ام اللول.
سلوى : مرحبا هدول الحمد لله ع سلامتك ..
هديل : هلا الله يسلمك ...
دخلت سلوى ومسكت حسن وصارت تبوسو بلهفة
طارق : ياريتني حسن .
هديل : ههههه طارق خراس
سلوى خلجت وماحكت
هديل : اي قولولي ليش اتأخرتو وشو احكيت ع الطريق
طارق : شبك هديل ..اتأخرنا لانو عجقة وكمان شوبدنا نحكي ..
هديل : اممم ... طيب ماشي اقعد هون سلوى تعي معي نجهز الغدا ..
بالمطبخ
هديل : ماقلك شي ..
سلوى : لا ماقال شي ...حكينا عادي ..
هديل : طيب ماشي ..هلق ونحنا عم نتغدا بتقولي انو امك اتصلت فيكي مشان تروحي ع الضيعة مشان بخطبوكي لابن عمك ..
سلوى : طيب ماشي ....اااه ع سيرة بيت عمي في خبر حلو بدي خبرك اياه
هديل : شو هو
سلوى : زينب اتطلقت من مراد وقال بدا تكمل دراستا واهلا وقفوا معا ..
هديل : عنجد ..طيب والبنت
سلوى : ضلت عند امي ..قال زينب مابدا اياها ..
هديل : يعني مراد رح يكون الي وبس ..
سلوى : ان شاء الله .. انا لسه اسبوع ونازلة ع الضيعة ..بس قوليلي شو الخطة يلي قلتيلي عنا ..
هديل : بدي ابعت معك حسن وبتقولي ابن رفيقتك وانو جوزا مريض مافي حدا رح يضل عند الولد وانتي اخدتيه معك.. شو رأيك ..لنشوف شو بحسو تجاهو
سلوى : اي والله ياريت .... بس حسن بيقدر يقعد بلاكي
هديل : ما انا رايحة معك .. بأخر الليل بشوفو بدون ماحدا يحس ..وكمان بالنهار بتطلعي انتي فيه وانا بشوفو ..وكمان حسن كتير هاد ودغري بياخد ع الجو ..
سلوى : طيب ماشي ..
هديل : يلا نطلع الاكل لبرا ..
طلعو الاكل وقعدو ياكلو ... وطارق عم يتطلع على سلوى ..
هديل : سلوى ايمت قلتيلي راجعة ع الضيعة
سلوى : الجمعة الجاي ..
هديل : ما عأساس بعد شهر
سلوى : اي والله هيك عأساس بس امي اتصلت فيني وقالتلي انزل بأقرب فرصة
هديل : ليش شوفي ..صاير عنكن شي بالبيت ..
سلوى : قال ابن عم بدو يطلب ايدي وانا رح روح مشان يصير كلشي رسمي
ضرب الملعقة على الطاولة طارق
طارق: شو عم تحكي انتي ..
سلوى: عفوا ..بس انت ليش هيك انفعلت ..
طارق : ليش لنفعلت ..لانو حبيتك ومستحيل تكوني لغيري عم تفهمي لابن عمك ولا ابن خالك ..
هديل وسلوى انصدمو .... وبعدها فرطو من الضحك
هديل : اي اهدى اهدى هنهههه
طارق : شو يلي عم يضحكن
سلوى مسكت ايدو واتطلعت بعيونو : انا كمان بحبك .. بس قلت هيك مشان تعترف لانو ماعد اتحمل انا كمان اكتر من هيك ..
طارق : عم تشتغلو فيني انتي واياها .. انا بريجيكن ..
وقامو صارو يركضو وهو يركض وراهم .. لحتى مسك سلوى وبرما لعندو ... هديل اخدت حسن وراحت على غرفتو ...
طارق وهو عم يتطلع بعيونا : انا في بنات كتير شفتا بحياتي بس انتي الوحيدة يلي اخدتلي قلبي وعقلي .. سلوى انا بحبك ..
سلوى : وانا كمان ..
طارق : وانتي كمان شو ..
سلوى : حبيتك ...
خجلت تركتو وهربت وفاتت لعند هديل ..ضمتا لهديل وهية فرحانة كتير ..
سلوى: لك قلتلو ... اعترفتلو اني بحبو .. الله يهنيكي ياقلبي .. وسمعو صوت الباب انطبش ..
هديل : هههه راح ماحب يخجلك اكتر من هيك
...طلعو قعدو بالصالون ...
اتصلت اما لسلوى فيها ردت : اي ماما كيفك ..... ماما ليش هيك صوتك ..... لك شوفي ليش عم تبكي .... شوووو مراد شبوو .... مراد شو صرلو
هديل انخطف لونا وصارت تأشرلا بسرعة لسلوى انو شوفي
سلوى عم تبكي : اي ماما ...وينو هلق ..... مشان الله طمنيني .... يلا باي ..
هديل : لك شوفي شبو مراد ..
سلوى وصوتا عم يقطش من البكي : قال ...وهو نايم تحت سيارة عم يصلحا .... وقعت عليه ...وهو هلق بالمشفى ياربي تكون معو ..
هديل : لا مراد ..مراد ... سلوى قومي ..قومي نحنا لازم نروح لعندو ...لك قووومي ..
سلوى : اهدي ...اهدي ...مشان الله اهدي ...لازم نستنى امي تتصل وطمنا ..
هديل : لك كيف بدك اياني اهدي وحبيب قلبي وعمري وحياتي حياتو بخطر لك كيييف ..
سلوى : مشان الله اهدي ... ماطالع بأيدنا شي رح ننطر ساعة ونطمن ..انتي بس روقي
هديل : يارب ..يارب ..
قعدت هديل وصارت تبكي وتدعي هيك لليل .. وسلوى كل شوي تتصل ومايخبرو شي ... الساعة ٨ هديل قاعدة وحاطة ابنا بحضنا وعم تبكي وتقول : والله مارح سامح حالي اذا صابو شي لاني خبيت عنو ابنو ... يارب ..يارب ..دخيل اسمك ..
رن تلفون سلوى وردت فورا
سلوى : اي ماما ..... اي ...اي ...اي .... الف حمد وشكر الك يارب ..الحمد لله الحمد لله .سكرت
هديل : شو طمنيني ..
سلوى : اطمني الحمد لله طلع من مرحلة الخطر .. قال عأثر الضربة دقات قلبو ماكنت متنظمة وخلو تحت المراقبة لحتى انتظمو دقات قلبو ..وقال عندو ضلعين مكسوين وايدو ..
هديل : الف حمد وشكر الك يارب شو كنت خايف يموت لاسمح الله وهو مفكرني وحدة خايني .. مشان الله ياسلوى ارجعي وخبريه الحقيقة انا بدي كون جنبو بالمحنة ...
سلوى : خلص ولا يهمك ..بس مهليني هالنهارين لخلص امتحانات وهو بكون صح منيح وبنروح انا وانتي وبنعمل متل ماقلتي ...
هديل : ان شاء الله .
.................
بعد يومين مراد اتحسن شوي ورجع ع البيت لعند اهلو ..كان كتير تعبان وماكان يحكي حدا ... وطارق قرر ينزل معون مشان يطلب سلوى من اهلها ... نزلو ع الضيعة هديل عطت حسن لسلوى وعطتها تيابو وحليباتو وكلشي بيلزوم ...
دخلت سلوى ع البيت ومعها حسن وكانو عندن بيت خالتا وعبد الرحمن .. والكل تفاجئ بهاد الولد .. قربت سلمت ع الكل وباست اخوها من جبينو وقعدت جنبو ..
نجلا : سلوى مين هاد الولد
سلوى : ماما ابن رفيقتي ..
نجلا : وينا رفيقتك ..
سلوى : ياحرام جوزا كتير تعبان وعم تضل عندو بالمشفى ابنا اتعود علي وانا على طول معها ...ياحرام مافي محل تحطو ...قلتلا انا باخدو معي يومين وبرجعو
ابو مراد : شو انتي مجنونة كيف بتجيبي ولد لعنا بتتكفلي مسؤوليتو لك بركي صار معو شي ..
سلوى : لاتخاف بأذن الله مابصرلو شي ..وكمان حسون هادي مابيحكي ..
مراد مبتسم ومد ايدو صار يلمس على وجهو : شو اسمو
سلوى : اسمو حسن ..
نجلا : الله يطولك ياروح انتي اكيد مافي براسك عقل
سلوى : ماما شو الدنيا خربت لاتاكلو هم انا بتكفل فيه هو هاليومين وراجعة واخدو معي .. ليكو شو بريئ وبينحب ..
اتطلعت نجلا عليه وابتسمت : طيب ماشي بس تاني مرة لاتعيدها والله يابنتي مابنعرف شو بيصير
سلوى : خلص ماما وعد معد اعمل هيك ... اي كيفك خالتو كيفك عبد الرحمن .
حسنة : الحمد لله ..انتي كيفك وكيف دراستك
سلوى : كلو تمام ... اي عبد الرحمن ماجاوبنتي كيفك
عبد الرحمن : الحمد لله ..
سلوى : اي منيح ..ماخطبت ؟؟
عبد الرحمن : اي خطبت عقبالك
سلوى : ان شاء الله ..اي ماما وينا جولي ..
نجلا : اخدتا اما يوم الحادثة لانو مافي حدا يضل عندا ..هلق بدقلا وبقلا تجيبا ..
سلوى : اي منيح مشان تلعب مع حسون .. كيفك اخي ان شاء الله مانك عم تتوجع ..
مراد : الحمد لله احسن من قبل .
سلوى: الله يشفيك ياعمري ... ليك اخي حسون عيونو ملونين متل عيونك ..
مراد ؛ عنجد ..ساعديني خليني اقعد وشوفو منيح ..
سلوى : يلا . حطت سلوى حسن ع الكنباي وقامت ساعدت اخوها يقعد ..
مراد : عطيني اياه ..
اخدو مراد وحملو بأيدو السليمة وقعدو على رجلو وقرب منو وصار يبوسو ..واول ماشم ريحتو حس روحو رجعتلو ... وصار قلبو يدق بسرعة .. ويقول ريحة هالولد مو غريبي عني ... حاسس حالي بعرفو ..
مراد : شو اسما رفيقتك امو لحسن ..
سلوى : اااه ..اسما امل ..اي امل .. اخي هاتو عنك مشان ماتتعب ..
مراد : لا معليش خليه ..مابعرف كتير ارتحتلو لهل الولد متل جولي ...
دق تلفون سلوى ..وبين عليها انها توترت .. اخدت تلفونها وطلعت ..
سلوى : هلا هدول .
هديل : كيفو مراد
سلوى : ياحرام كتير تعبان ..
هديل : يا قلبي .. وحسوني ..
سلوى : بتعرفي انو حسن قاعد بحضن مراد ومراد ماعم يفعل يتركو ..
هديل : عنجد ..الف حمد وشكر الك يارب ...انا متأكدة انو رح يحبو
سلوى: انا بقول تجي اليوم لانو اخي كتير تعبان .. وكمان
هديل : كمان شو
سلوى : عبد الرحمن هون
هديل : امممم ... والله مابعرف .. طيب انتي ظبطي الوضع ورح اجي انا وطارق ..
سلوى : اي ماشي رح ظبط الوضع واحكي معك .. وسكرت
نجلا : هاي هديل يلي ع الخط نقزت سلوى والتفتت ..
سلوى : ماما ..من ايمت انت هون ..
نجلا : شو القصة .. هلق بدك تحكيلي كلشي
سلوى : ماما انا رح احكي لمراد كلشي ..
نجلا : انا اصلا كنت بدي احكيلو لانو معد فيني خبي اكتر من هيك وحاسي الله عم يعاقبنا شي بطلاق اخوكي ..وهلق الحادث الله ستر .. .. بس ليش كنتي عم تحكي مع هديل ومن ايمت بتحكي معها
سلوى : هلق بتعرفي كلشي انتي هلق فوتي واقعدي وانا رح اعمل شغلة ..
نجلا : شو هية هالشغلة
سلوى : هلق بتعرفي كلشي ... انا رح اتصل بهديل وقلا تجي
نجلا : ليش وينا هديل ..وليش لحتى تجي ..
سلوى : ماما اصبري اشوي وادخلي اقعدي معون ..
نجلا : طيب ماشي ..
اتصلت سلوى وخبرت هديل انو تجي فورا .. ودخلت قعدت ..واخدت حسن من اخوها وعملتلو ببرونة حليب شربها ونام ..قامت سلوى نيمتو بغرفتها ..
اندق الباب ..
سلوى : انا بفتح
راحت سلوى فتحت الباب .كانت هديل وطارق ومعون بوكيه ورد ..
هديل : شو الوضع ..
سلوى : غير شكل قال الماما بدا تعترف لمراد بكلشي .
هديل : عنجد
سلوى : اي والله جد يلا فوتو .
طارق : كيفك حبي
سلوى : شو انت بدك تفتضحنا ..
طارق : ههههه دخيلو الخايف من اهلو انا ...
دخلت سلوى قدامون
سلوى : اهلا هديل تفضلو
واتطلعو كلون ناحية الباب ..
طارق وهديل : السلام عليكم ..
مراد وعبد الرحمن انصدمو وماردو ..وابو مراد كمان مارد .. ردت حسنة ونجلا السلام
ابو مراد : خير شو جاي تعملي هون مابكفي يلي اعملتيه بأبني من زمان ..
نجلا : ابو مراد اهدى ... هديل مظلومة ..
مراد اجا بدو يقوم بس ماقدر
مراد : ماما انتي شو عم تحكي هديل مظلومة كيف ؟؟
عبد الرحمن صار قلبو يدق بسرعة
عبد الرحمن : عن اذنكم ياجماعة
نجلا : عبد الرحمن اقعد مكانك ...هديل تفضلي انتي وزوجك ..
قربت هديل من مراد وعطتو الوردات ..وباستو على خدو :الحمد لله على سلامتك
الكل انصدم من تصرف هديل ومراد ماعرف شو يتصرف وصار يقول كيف بتبوسني قدام جوزا ..
هديل : شبكن ياجماعة ليش متفاجئين مراد زوجي وبحقلي بوسو ...
ابو مراد : انتي شو عم تخبصي وهاد يلي جايبته معك مين بكون لكن ..
هديل : اااااه نسيت عرفكن على طارق ..اخي بالرضاعة .. وانا واياه متل التوأم ..
الكل : شووووو ... يعني انتي ما تزوجتي
هديل : لا ما تزوجت ..
نجلا : هلق صار دوري احكي في شي لازم تعرفو ... وهو انو هديل ما دخلها بالرسائل ... انا كنت متفقة مع عبد الرحمن وانا كنت ابعت الرسائل من هاتف هديل لعبد الرحمن ..
مراد : شوووو ... ماما انتي .. طيب ليش
نجلا : ماكان بدي اياها ماكنت بحبها ..الله يلعن الشيطان ...
ابو مراد : انتي يا ام مراد يطلع منك كل هاد ... لك ياعيب الشوم عليكي ... اتفووو ... وانا مابشرفني يكون عندي مرى متلك روحي انتي طاا..
ركدت هديل لعندو ...ومسكتلو ايدو وصارت تبوسا ...
هديل : لااا ..مشان الله ياعمي لاتقولا .. بترجاك لاتقولا
ابو مراد : بعد كلشي عملتو فيكي عم اتدفعي عنا ..
هديل : مرت عمو غلطت ..ونحنا لازم نسامحا ..وكمان هاي الكلمة كتير بتجرح ... بترجاك لاتطلقا .. قاطعها يوم يومين بس طلاق لأ ...
في ايد انحطتت على كتف هديل ..التفتت كان مراد
مراد : سامحيني .. جرحتك ماهيك ..
اتطلعت عليه وهية عيونا مليانين دموع ...
هديل : اي جرحتني كتير ... بس انا مسامحتك لاني بحبك ..قربت وضمتو ..
مراد : ااااااخ ..
رجعت لورا : انا اسفة ..اسفة سامحني ..
مراد وهو وجهو اصفر من الوجع ابتسم ابتسامة صغيري: مامشكلة ...تعي لعندي
قربت منو شوي شوي وحضنتو ومشو هي واياه وقعدتو ...وقعدت جنبو
اتطلع مراد على عبد الرحمن وكانو عيونو بالارض
مراد : وانت ليش عملت هيك ...كيف هان عليك تعمل بأبن خالتلك هيك ..ولا انتي يا امي معقول في ام تعمل بأبنها هيك ..طول عمري بعمل متل مابدكن ...وبنفذ يلي بدكن اياه بدون اعتراض .. بس طلبت طلب واحد وهو اني اتزوج البنت يلي بحبا .. بتجي بتحرميني منا وبتشوهي صورتها عندي ..والله حرام
نجلا : مشان الله يا ابني سامحني ..
مراد : ...........
هديل: مراد اذا ماسامحت امك انا ماممكن ارجعلك .
مراد : ماعلى كيفك الشغلة مدام هديل رح ترجعيلي غصب عنك ..
هديل : ارجعنا ..
مراد : اي ارجعنا ونص كمان ...
هديل : طيب كرمالي ..
ابتسم ...وقرب لعند امو وباسا من جبينا وقلا : اله يسامحك
عبد الرحمن : مراد انا اسف ... سامحني .. انا من اول يوم شفت هديل وانا حطيت عيني عليها .. وكنت على طول حاول معها بس هية كانت تصدني ..وكبرت الشغلة براسي واتفقت انا وخالتي مشان نفرقكم عن بعض ..
حسنة ضربتو كف لعبد الرحمن : اتفوو عليك ياخسارة تربايتي فيك .. عم تتطلع على مرت ابن خالتك ياعيب الشوم ..عنجد ياخسارة تربايتي ..
عبد الرحمن : مشان الله ماما سامحيني ..وانت مراد سامحني وانتي هديل ..
حسنة : لك روح الله يغضب
مراد : خالتي ..لا ..عبد الرحمن غلط وغلطتو مانها اكبر من غلطت امي .. بس يلي صار صار وهديل طلعت برئية والحمد لله ..
عبد الرحمن : يعني مسامحني يا ابن خالتي .
مراد : اي مسامحك وهديل كمان مسامحتك ..ماهيك هديل
هديل : اكيد متل مابدك حبيبي ..
مراد : بس ليش ماقلتيلي انو عبد الرحمن كان يدايقك
هديل : قلت شب وطايش ..وماحبيت كبرا بين العلتين
ابو مراد : طول عمرك اصيلة يابنتي ..
اتطلع مراد على طارق وقال : ليش قلتي انك تزوجتي وكذبتي ع العالم ..
هديل : مشان عبد الرحمن يحل عني .. وكمان مشان احرقلك قلبك لانو كنت مقهورة منك كتير ..
مراد : اي والله حرقتيلي قلبي كتير ..
طارق ؛ اي ياجماعة ..واخيرا صفت الاجواء وكلشي تصلح والحمد لله بس انا عندي طلب ..
مراد : اطلب وبأذن الله مجاب ..
طارق : انا بشرفني اطلب ايد اختك سلوى على سنة الله ورسولو ..
اتطلعو على سلوى كانت خجلانة وحاطة راسها بالارض
هديل : والله طارق مافي منو وكمان اخي وتربايتو من تربياتي ونقيب بالامن ..شو قلت عمو ..
ابو مراد : اذا اخوكي وتربايتو من تربياتيك اكيد ماعندي مانع ..بس بالاول بدنا نعرف رأي سلوى .. شو ياسلوى
سلوى : يلي بتريد بابا انا موافقة عليه
الكل : ههههههه
مراد : دخيلو الخجلان انا ..
ابو مراد : وهاي اخدنا موافقة سلوى بس يابنتي انتي بتعرف الاصول
هديل : اكيد عمو ... نحنا رح نجيب اكبر جاها وكلو رح يصير حسب الاصول ..
ابو مراد : على بركة الله ... الف مبروك ياولاد
طارق وسلوى : الله يبارك فيك
ابومراد : كمان مراد وهديل مبروك .
مراد مسك ايد هديل : الله يبارك فيك بابا .. هديل سامحني انا كنت السبب بموت ابنا
نجلا : لا انا السبب سامحوني ..
هديل : لا هالمرة انتو يلي بدكن تسامحوني
مراد : على شو ؟
هديل : لما ضربنتي ونزل ابنا ... بصراحة انا كنت حامل بتوم مو بس واحد
مراد : شوووو يعني انا قتلت روحين ..
هديل : لا مو هيك ... بصراحة نزل جنين وجنين ضل ببطني وانا خبيتو عنكم ..وكمان مشان احمي ابني رحت عالشام ..لانو خفت تاخدو مني ..
مراد : لك انتي شو عم تحكي ... يعني انتي كنتي حامل وخلفتي
هديل : اي ..
الكل كان مصدوم
مراد : هديل لا تجننيني طيب شو خلفتي ووينو الولد هلق
هديل : لحظة لحظة ..رح احكي .. خلفت ولد وسميتو حسن وهو هلق عنكن ...
مراد : شوووو الولد يلي كان بحضني من شوي بكون ابني ...
هديل هزت راسا بأيجابية
مراد : انا اكيد عم احلم ... هديل انتي عم تحكي جد
هديل : لا مانك عم تحلم واعم احكي جد الجد
مراد : طول هالفترة وانتي مخباي عني ابني ليش ..
هديل : قلتلك كنت خايفي تاخدو مني .. وكمان يلي اعملتو فيني ماقليل ..
مراد : خلص مامشكلة المهم انك رجعتي ... بابا اتصل بالشيخ مشان يرجعلي مرتي
هديل : لا حبيبي ماحزرت .. انا بدي اعمل عرس ..
مراد : احلا عرس كرمال عيونك .. بس بالاول بدي ردك على عصمتي ..
ابو مراد : اي هلق بتصل فيه ... اتطمن ..
سمعو صوت حسن فاق قامت سلوى وجابتو .. وعطتو لامو ..
مراد : عطيني اياه
هديل : اتفضل حبيبي بس انتبه على حالك ..
اخدو مراد وصار يبوسو : دخيل قلبك يابابا ...
ابو مراد : عطيني هالازعر لشوفو ..
قامت هديل وعطتو اياه ...وضلو هيك قاعدين وهنن مبسوطين ..
طارق : يلا هديل نمشي ..
هديل : اي يلا ..
مراد مسك ايد هديل: على وين
هديل : مراد انا مافي شي بيربطني فيك حاليا ... وكمان لازم ارجع ع بيت اهلي وترجعني .. مشان اطلع من عند اهلي معززة مكرمة ... مافيني ضل عندك بدون علم اهلي
ابو مراد : اتركا يا ابني هديل عم تحكي صح ..اليوم المسا بنروح وبناخد معنا الشيخ وبنرجعلك اياها ..
مراد : طيب ماشي .. بس ليش للمسا ..خلينا نروح هلق ..
هديل: هههههه حبيبي الساعة ستة .. يعني شي ساعتين والحقونا ليش بصلتك محروقة .
مراد : خهههه شو ليش بصلتي محروق انا صدقت انك ارجعتيلي ..
هديل : يلا بسيطة ... رح خلي حسن عنكم .. والمسا خدوه معكم ..
مراد : ماشي ..الله معك ..
راحت هديل وطارق على بيتون ..
وضلو العيلة محتفلة بحسن ومن ايد واحد لايد واحد ...عبد الرحمن استأذن واخد امو ورجعو على بيتون ... والمسا هديل جهزت حالها وطلعت متل القمر واجا مراد واهلو ومعون الشيخ .. .. وكتبو كتاب جديد مشان يسجلوه بالمحكمة ... . واكلو حلو ورجعت هديل معون ... ع بيت اهلو ..
هديل : يلا بدكن شي ياجماعة انا قايمة نيم حسن بدكم شي ...
مراد : لحظة جاي معك ..
هديل : لا حبيبي انا رح نام بغرفة سلوى ..
مراد : ليش ..
هديل : لانو انا جيت لحتى اعتني فيك واهتم بصحتك .. وما بنام عندك لبعد العرس ..
مراد : هلق هيك صار الحكي ..
هديل : اي هيك وهاد يلي عندي ... عم احكي شي غلط ياجماعة ..
ابو مراد : عم تحكي عين العقل ..
مراد : كلكون صرتو علي ..بسيطة .. انا قايم نام تصبحو على خير ..
هديل : بدك مساعدة
مراد من غير نفس : لا شكرا ..روحي نامي حدا سلوى ..
ابتسمت هديل وراحت على غرفة سلوى
سلوى : والله حرام عليكي ..بكون مشتقلك كتير
هديل : هههههه مين قلك اني رح خليه ينام لحالو بس جيت زيط حالي عندك ..
سلوى : ههههه والله مانك قليلي ..
هديل : يلا ابرميلي ضرهك بدي غير ..
سلوى : هاه وهاي برمنا ...
طلعت هديل قميص نومي قصير شفاف .. لبستو ولبست فوقو كامينو...
هديل : فتح
برمت سلوى : فرجيني شو لبستي ..
هديل : هههه ماحزرتي ..
سلوى : شو ندلة ..
قعدت هديل ع المراي سرحت شعرا ... وتمكيجت ..
هديل : سلوى حبيبي حسوني بأمانتك ..
سلوى : ولا يهمك بعيوني ..
طلعت هديل شوي شوي .. فتحت باب غرفة مراد وكان نايم على ضهرو وعم يتطلع السقف ..
مراد : ههههه كنت بعرف انك رح تجي ..
هديل: ههههه اي منيح وانا كمان كنت بعرف انك ناطرني ..
هديل قربت وقعد جنبو على التخت وصارت تحكي بغنج
هديل : ما اشتقتلي ...
مراد : شو ما اشتقتلك لك انا ميت شوق ... نسبة الشوق يلي بقلبي كبيري كتير .. بس وضعي مارح يسمحلي اظهرلك اياه كلو ..
هديل : انا موافقة ولو حتى نسبة قليلي ..
مراد : اي مابدك تفرجيني شو لابستيلي ..
هديل : هههههه اكيد
شلحت ورمتو ع الارض : شو رأيك حلو ..
مراد : ياويييييل قلبي ..شو حلو ... قربي لعندي شوي
قربت هديل منو .. ومسكت وجهو بين اديها وصارت تتطلع بعيونو ..
هديل : قلتلك شي مرة انو عيونك حلوين ..
مراد : لا .. بس اكيد حلوين لانو مانون شافين حدا غيرك .. طيب انا شي مرة قلتلك انو شفافك طيبين..
هديل : اي كتير ...
مراد : بس حاسس انو طعمتون تغيرت .. قرب منها وباسها على شفافها بوسة طويلي ...
بعدت عنو وقالت : شو لقيت متغير الطعمة ..
مراد : متغيرة كتير وصايرة اطيب بمليون درجة ..
هديل : ههههههه ..
مراد : بس كمان بدي دوق اشيا تانية مشان شوف اذا تغيرت طعمتها او لأ
هديل : ههههه قليل ادب مو بأيدك ..
مراد : معقول في هيك قمر قاعد بحضني وبد يضل فيني ادب ............
وقضو ليلة حلوة كتير ...
الصبح فاقت هديل وكانت نايمة جنب مراد .. قربت وصارت تلعبلو بشعراتو .. حبيبي مراد ... يلا قوم ..
وانفتح الباب عليهم ..وبسرعة هديل غطت حالها بالغطا
نجلا : ييي لاتواخذوني ..ماكنت بعرف انك نايمي هون
هديل : لا عادي ولا يهمك ... بس ماقدرت نام بعيدي عن مراد ..
مراد فتح عيونو : لك شوفي مابتخلو حدا ينام ..
هديل : العالم بتقول صباح الخير
مراد : صباح الخير .. اي شوفي ..
هديل : مافي شي بس امك فاتت لعنا واتفاجئت فيني ...بس هيك ..
نجلا : رح خليكن لحالكن بس كنت جاي فيق مراد مشان يفطر ويشرب الدوا ..
طلعت تجلا ..واتجلست مراد شوي شوي .. واتطلع على هديل ..
مراد : شو كنت متمني هالصباح من زمان
هديل : وهاي تحقق ..
مراد : بكرا رح اعملك احلا عرس تحكي فيه كل المنطقة
هديل : هههههه لك انا كنت عم امزح معك بموضوع العرس .. ياحبيبي عندي ولدي والله اعلم اذا التاني ماصار ع الطريق وبتقلي عرس ..
مراد : معقول يصير في ولد من اول ليلة
هديل : اي معقول ليش لأ
مراد : بس انا بدي عرس
هديل اتطلعت بعيونو بكل حب : وحياتك عندي انا كل العرس مابهمني .. انا بهمني العريس وبس والعريس عندي .
مراد : متل مابدك ياحياتي انتي ... يلا ساعديني خلينا قوم
هديل : من عيوني ...
بعد مرور اسبوعين ... اتزوجو هادي واسراء وسلوى وطارق بنفس اليوم .. وكل كانومبسوطين ...
...................................
بعد مرور خمس سنوات
ع البحر بشاليه كبير موجود مراد وهديل بعد ماصار عندون ولد غير حسن وسمو يزن وهديل حامل ومعون جولي ..وعامر وفلك عندون بنت وسماها عائشة وفلك حامل .. طارق عندو بنوتة وسماها هديل .وهادي واسراء صار عندون ولد سموه محمود ذ
قاعدين بحديقة الشاليه عم يشو لحم
عائشة بنت عامر : بابا ..بابا
عامر : ياعمرو للبابا
عائشة : قول لحسن ماعم يخليني العب مع يزن
عامر : ولا حسن شوبدك فيها
حسن : انت يلي شوبدك فيها هاي الي وانا مابدي خليها تلعب مع ولاد تلعب مع البنات تروح تلعب مع جولي
عامر : ههههه ياحبيبي مراد ضب ابنك
مراد : ههههه دخيل قلبك يابابا روح خود راحتك ...واذا بقرب حدا منها شيل عيونو ماشي
حسن : حاضر بابا تربايتك ..
هديل : هههههههههه ولي رح يطقو خوصري من الضحك... الله يستر بس ماصير خلف
عامر : لا والله انتو عيلة متعوب عليها هههه
طارق : والله هالولد طالع بطل متل خالو ..
هادي : واي خال منون
طارق : اكيد انا هههههههه
فلك : هديل ضبي ابنك عن بنتي هههه البنت بدا تعيش حياتها
سلوى : حسون يقبر قلبي متل ابوه اذا حط شي براسو بياخدو ولو كلفو حياتو
فلك : ياحبيبي راحت البنت
اسراء : هههههه راحت على بنتك يافلك هههه
حسن مسك عائشة من ايدها وسحبها
مراد : بابا حبيبي ع وين رايحين
حسن : رايح فرجيها السيارات يلي جبتلي اياهم انت مشان علما كيف تصحون ..
عامر : لااااااااا هيك كتير ...
الكل : ههههههههههههههههههههههههه
(((النهاية)))
بتمنى تكون عجبتكن
مع تحياتي الكم : مريم اليوسف
