اللعب بالنار _مكتمله_

الجزء السادس

قامت هديل على غرفة النوم وفتحت الخزانة وصارت تدور بين قمصان النوم وكانت دايبة من الخجل ...كيف بدها تلبس هيك شي ..
هديل : قال يعني ليش هدول بيلبسوهن كأنو الواحد مانو لابس شي ... ياربي معقول انا يصير فيني هيك ..كيف رح اقدر البس هيك شي لمراد ... طيب انا ليش كتير مكبرتها هو زوجي وانا مرتو بالحلال ...في عالم بتعمل هالشي بالحرام ومابهمها ... ياربي ليش عقلي كتير مشوش ... وانا ليش واقفة هون معقول خايفة من القتلة ولا معقول انا بدي هالشي ؟؟؟
لا لا ...هديل لاتخبصي انا مابحبو لمراد واكيد ماني حاببتو يقرب علي ... وكمان ماني خايفي من القتلي ..طيب انا شوبدي ...لوين بدي اوصل ... انا شوبدي من هالحياة ... طيب انا عم فكر بدي اطلق ..وبعد الطلاق شو ... رح يقولو عني مطلقة وصير علكة بتم يلي يسوا والمايسوا ... طيب انا هلق ماصاير علي شي وماناقصني شي ...وبالعكس انا مرتو للمعلم مراد ... بس قلبي ليش مانو عم يحبو ... اااخ مابعرف ... بس الشي الوحيد يلي بعرفو انو ما احبل منو مشان ما انربط فيه بسبب الولاد ... بركي ما اتفقنا...
وهية واقفة وعم تفكر ....انفتح الباب عليها وكان مراد ...وكان بعدو على حالو كلو شحم وزيت ...
مراد : شو لساتك متل ما تركتك
هديل : انا ...انا ... كنت حيرانة شو البس ..
مراد : هديل يعني ماعندك مانك انو قرب منك ...
هديل وهية عم تتظاهر البرائة : انو انت زوجي وهاد حقك ..
مراد بابتسامة مكر : كأنو القتلة اثرت فيكي ...
هديل : مابقولو لاتاخد صاحب الا من بعد قتلة ههه ..
مراد : منيح كتير ..صايرة عم تعجبيني...
قرب من الخزانة ..وطلع قميص نوم لونو ابيض واكترو شاش ومكشوف ...
مراد : لبسيلي هاد حابب شوفو عليكي
وهديل صارت حمرا من الخجل
مراد : دخيلو الخجلان ... انا رايح اتحمم وراجع ..
هديل : مابدك تتعشى
مراد : لا ماكل بالورشة ..
طلع مراد وهديل كانت عم تبتسم ....بعدين صحت على حالها
هديل : لك شوصابني ...ليش هيك حكيت معو ... ياربي ...هلق انا كنت عم مثل ... ولاكنت عم احكي يلي بقلبي ... لك عأساس بدي كون زوجة مملة شو صابني ..عم احكي معو وكاني حبيتو ...لااااا انا اكيد صاير معي شي اليوم ... خلص وهاد الشي مارح البسو ..ورمتو ع التخت ...طلع مراد من الحمام وفتح باب الغرفة ... كان لافف منشفي على خصرو
مراد : شو غيرتي رأيك ...
هديل: بصراحة ... مابقدر البس هالشي بخجل ..
مراد : طيب مامشكلة معك معك بتتعودي علي .. بس ليكي انا شبه عريان وماني خجلان ههههه
هديل لا اراديا صارت تضحك ..
مراد : دخيل هالضحكة ...
قرب منها وهملسلا بأدنها ....
وهديل فاتت ببعضها ...
مراد :ههههه خجلتي ... انت بس سلميني حالك وماعليكي ...
قرب وبلش يفقكلا زرار القميص زر زر وبعدها حملها وحطا على التخت ...........................
.........................................
قام مراد واتطلع على هديل يلي كانت مخباي حالها تحت الغطا
مراد : عجب هيك مانك خجلانة
هديل وهية خجلانة : هون غير ...تحت الغطا مامبين شي ..
مراد : اممممممم
هديل : امممممممم ... يلا روح ..بدي اتحمم وراك ..
مراد : هههههه ماشي رايح ..
طلع مراد ...وهديل كانت كتير مبسوطة ..
هديل : لك انا ليش مبسوطة كتير ... لك خلص حاج نكد على حالي ... بس الشغلة طلعت بسيطة ليش انا فكرتا صعبة ... المهم انا هلق مبسوطة ورح كمل هيك وشكلي رح بلش حبو لمراد ..
دخل مراد ..واتطلع على هديل كانت مبتسمة ..
مراد : دخيل هالابتسامة هههه يلا قومي الحمام دافي ..
قامت هديل وهية لافة الغطا عليها
مراد : شفتك ...
وهية ركضت
مراد : ههههههه الله يساعدني على جنانك كل يوم بعقل ....
مر كم يوم وعلاقت مراد وهديل علاقة عادية ..ومراد مايترك فرصة الا ويسمعا لهديل كلام حلو وهية كانت تتجاوب معو ...وكمان كانت تنطرو لحتى يرجع ينام عندها ... وكانت تغار لما يروح ينام عند زينب ... وبلشت مشاعرها تتحرك تجاهو ...وراحت صالحت اهلا واخدت الرضا ... وقررت تكمل حياتها متل مانها جاي وماتضيع ساعة فرح عليها ... بس دوا منع الحبل ماوقفتو