#الجزء_الثاني
هديل : شوووووو .... بهل السرعة لا انا ماني مستعدة وكمان عندي هاي السنة شهادة ....بدي اخدها .. وكمان لسه ماحبيتك منيح ...
مراد : ع القليل نعمل خطبة .... وبعد الخطبة بتحبيني بتتعرفي علي اكتر ...
هديل: عطيني مهلة يومين لفكر ......
مراد : ماشي معك مهلة يومين فكري ورديلي خبر ....
هديل : ماشي ...
مراد : هديل شبك ...حاسك انزعجتي
هديل : لا بس مزوعوجة من موضوع تاني ....
مراد: شو هو ...
هديل : بعد انهارين عاملين رحلة بالمدرسة وامي ما عطتني مصاري لحتى روح ....
مراد : اي معها حق ....وكمان لو الامر الي مابخليكي تروحي
هديل : شووووو ...انت عم تحكي جد
مراد : اي جد ...بصراحة انا بغار عليكي واجواء الرحلات مابتناسبيني .....
هديل : اي بكون احسن ......مع السلامة ...وعلى هالرقم لاتتصل ....لانو يلي بفكرمتلك مابناسبني ....
مراد : هديل ...هديل ..لحظة ....ياربي شبها هالبنت ....اوووووف
رجع دقلا كانت مسكرة هاتفها ....
تاني يوم راحت ع المدرسة مع فلك
فلك عم تضحك: ههخهههههههخه لك خرجك الله لايقيمك .....
هديل : مشان الله لاتزيدها علي ..... فوق ماني متحملة غلاظتو ....صار بدو يتحكم فيني ....وشو قال بدو يبعت اهلو يخطبوني ... ياربي ليش وقعت حالي بهالمصيبة ....
فلك : ليكه هنيك واقف ناطرك ...
هديل : يالله شو هالمصيبة .... عملي حالك مانك شايفتيه ....
نزل مراد من سيارتو ولحق هديل مسكها من ايدها وسحبها على جنب ....وكان معصب كتير ...
مراد : فيني افهم ليش سكرتي موبايلك ..
هديل : اتركلي ايدي وحل عني .....
مراد بصوت مرعب : هلق رح اتركك بس اذا مابتفتحي موبايلك رح اعمل مصيبة ....انتي يمكن مابتعرفي مين بكون مراد ....روحي اسألي عني ...وتركلا ايدها ومشي وهية واقفة مكانها عم ترجف من الخوف ....
اجت لعندها فلك
فلك : هديل شبك ...ليش هيك عم ترجفي
هديل : انا خايفي منو ...
فلك : قلتلك لاتعلقي حالك ما اسمعتي مني ...الله يخليكي سايره لحتى تلاقي شي طريقة تخلصي منو ...
خلص الدوام ...وهديل اول ماطلعت فتحت تلفونها ...واتصلت بمراد
هديل : انت كيف بتعاملني هيك
مراد : لاني حبيتك ...وانشغل بالي عليكي ....
هديل : بس انا خفت كتير منك ...
مراد: خلص انا اسف
هديل : بعد شو الاسف ....خلص مراد بترجاك كل واحد من طريقو انا مافيني اتحمل عصبيتك ....
مراد : هديل ...خلص بوعدك معك عصب عليكي بس لاتتركيني ....
هديل : انا مابضمن حالك معك ....
مراد : هديل كل هاد عشان قلتلك لاتروحي ع الرحلة
هديل : عشان الرحلة وعشان عصبيتك ....يعني بكرا اذا تزوجنا مابعيدة تحبسني بالبيت واذا شي نهار غلطت معك بتقوم بتضربني ....
مراد : بوعدك اني مارح كون هيك ...بس عطيني فرصة ..
هديل : اسفة بس معد فيني كمل ...باي ...
سكرت الخط بس ماسكرتو نهائيا لانها خافت من مراد وحطتو صامت ....وصار مراد يدق وماترد
بعتلها رسالة وكتب فيها بكرا رح يكون في خمس تلاف مع اسراء خديهن وسجلي بالرحلة ...مشان تعرفي اني رح اتغير كرمالك ....
لما شافت الرسالة طار عقلا من الفرح .....وتراجعت عن فكرة انها تنسحب من حياتو ....
