ركبت هديل بالسيارة جنب مراد وهية متوترة كتير ومابتعرف شو بدا تحكي ... دور مراد السيارة ومشي ...سكتت شوي هديل بعدين حكت بثقة ...
هديل : مبروك ياعريس ...
مراد : هههههه الله يبارك بعمرك عقبالك
هديل ما ردت
اتطلع فيها مراد : ...اااه صح بس ماتكوني زعلتي لاني اتزوجت ....بس بعرف انت قلبك كبير ومابتزعلي .... شو ليش ساكتة احكي اي شي ..
هديل ماعم تعرف شو عم يصير وبلشت تخاف لانو مراد بلش يعصب ..
مراد : لك ليش ساكتة .... انا بقلك انت اكيد فرحانة كتير وعم تقولي بقلبك اكيد خلصت منو ماهيك ..
هديل : مراد انت شو عم تقول ...
مراد بصوت عالي : اخرسي ولا كلمة ... لك انا مراد يلي كل العالم بتعملي الف حساب تجي وحدة متلك تعمل فيني هيك ... لك يضرب الحب شو بذل ... بتعرفي انا بسببك اتزوجت وحدة مابحبها .... وانا قال متل المجنون عم انطرك لحتى تخلص جامعة ...قوليلي هاي خلصتي جامعة شو خطتك الجديدة لحتى ترفضي هالزواج
هديل : مراد اسمعني ..
مراد : ههههه لك شوبدي اسمع ... لأ هلق انت بدك تسمعي ...ما انا قلتلك عاملك مفاجئة بصراحة هنن مفاجئات.... المفاجئة الاولة هية انك تروحي لعندي عالبيت ... يعني انا خليت ابو محمود يقلك انو الباص خرب وينزلك عنا ...
هديل : كيف هيك ...وعمتك ؟؟
مراد : عمتي ماكنت بعرف انها جاي بس ابو محمود خبرني ...
هديل عم تحكي بس كانت خايفي : طيب انت ليش عملت هيك ...
مراد : مشان عرفك ع زوجتي ...ومشان انا وصلك ... ومشان اخدك وفرجيكي ع المفاجئة التانية ...
اتطلعت هديل قدامها وكان مراد عم يسوق بأتجاه تاني عن بيتها
هديل : لك مراد انت ع وين اخدني ....مراد مشان الله شوبدك تعمل ...والله انا اغلطت من الاول عشان المصاري ولما عرفت غلطتي كنت حاول ابعد عنك بس انت تعمل المستحيل لحتى ترجع ...مشان الله سامحني وخلص انت هلق متزوج وابنك جاي ع الطريق روح شوف حياتك ...بترجاك لا تأذيني ..
مراد : هههههه بهالبساطة ...بس انا بدي اياكي وبدي اتزوجك ...
هديل : شووووووو انت اكيد جنيت ... كيف بدك تتزوجني وانت متزوج ...
مراد : وين المشكلة الشرع حلل اربعة ..
هديل : بس انا مارح وافق ...
مراد : هههههه رح توافقي وغصب عنك .... يلا وصلنا انزلي
هديل : شو هاد ...ونحنا وين
نزل مراد وراح لعند باب هديل فتحو ومسكها من ايدها ونزلها
مراد : هاد بيتنا انا وانت ...يلا انزلي
هديل : لك انت شو عم تقول ... مابدي اتركني خليني روح ....' حاولت هديل تسحب ايدها من ايدو بس هو كان اقوى منها ...سحبا وراح ع الباب طلع المفتاح من جيبو وفتح وفات ...كان البيت كتير حلو وماناقصو شي ومفروش كان فيه غرفتين عاديات وغرفة ضيوف كبيرة و و٣ غرف نوم ومطبخ كبير ...
مراد : عجبك ....
هديل : مراد انا من اول ما اطلعت معك ماني فهمانة شي ممكن نقعد ونحكي ....
مراد : ماشي اقعدي
قعدت هديل وهية متوترة كتير
هديل : مراد قلي انت كيف عرفت
مراد : من فلك خبرت عامر وعامر خبرني ..
هديل : شووووووووو
مراد : كانو اهلي عم يجبروني اتزوج زينب بنت عمي وانا كنت ارفض عأساس عم انطرك ....بس عامر اجا وقلي انو هديل عم تضحك عليك ومابتحبك ....انا بالاول ماصدقت ...وطلبت من عامر انو يجمعني مع فلك ....ولما اجتمعنا طلبت منها تدقلك وتسألك عني ..ودقتلك فلك وسألتك عني وانت بلشتي ماني عم طيقو ومابعرف كيف بدي اخلص منو من هالحلكي ...وانا هون حسيت حالي كتير صغير ... فوافقت ع الزواج من زينب ... وقلتلون لاهلي انو بدي اتزوج عليها وهاد كان شرطي لحتى اتزوجتها ... وفلك قالتلي على وضعك وانك كنتي محرومة كتير ببيت اهلك ... فأنا قررت انو ما أئذيكي بشرط انك تتزوجيني ...
هديل : بس انا مارح وافق ...
مراد : انا ماعم اخد رأيك ....والزواج رح يكون غصب
هديل : انا مستعدة اعمل المستحيل لحتى ما اتزوجك وانت كمان مابحقلك تجبرني
مراد : هههههه بتعجبني ثقتك بس بحب قلك انو انامسجل كل المكالمات بيني وبنك والرسائل موجودة واذا ماوفقتي رح توصل لعند اهلك وع الضيعة كلها ... وكمان ...
هديل : كمان شو ...
قام مراد وقعد حد هديل ...مسك اديها
هديل : مراد انت شو عم تعمل قوم من هون واتركني
مراد : كتير اشتقتلك بتعرفي انك كتير حليانة ...
هديل : مراد ..لك شو عم تعمل تركني ...ليش هيك عم تقرب مني ...
مراد مارد عليها وقرب منها اكتر وضمها لصدرو وباسها .......
وبعد شوي بعد عنها ....وقال : وكمان هاي اتسجلت بكاميرا المراقبة ... ليكها وين ...بس بتعرفي طييييبة هالبوسة ...
هديل كانت مصدومة اول شغلة من البوسة وبعدها من تصرف مراد وكيف عم يهددها وصارت تبكي ...
مراد : لاااا حبيبتي عم تبكي ...انا مابسمح لهل العيون الحلوة تبكي ....
هديل : مراد مشان الله لا تئذيني
مراد : وافقي ع الزواج ...ومارح أئذيكي ...
هديل وعيونا مليانين دموع : بس انت متزوج ...
مراد : بس انا مابحبا انا بحبك انت ...
هديل : مزال مابتحبها ليش لحتى تلمسها ...ماحرام عليك تظلمها وهية هلق حامل بأبنك ....
قرب منها ومسكلا ايدها بقوة
مراد: هاااد الشي مابخصك .... وبعدين انا لما لمستها تخيلتها انت افهمتي كيف اقدرت قرب منها ....
هديل وهية خايفة: انت ممكن تفضحني اذا ماقبلت اتزوجك
مراد : اذا مانك مصدقة جربي ... وبحب قلك لا تحاولي تهربي لانو انا بقدر جيبك واذا رحتي ع المريخ ...
عدل قعدتو مراد وشد هديل ع صدرو وصار يمسحلا دموعا
مراد : خلص لا تبكي ...بكرا رح تشوفي كيف رح تحبيني ...وكيف رح عوضك ...
هديل وهية عم تبكي : بدي روح ع البيت ...
مراد : ماشي يلا قومي ...
قامت هديل وهية عم ترجف من الخوف ومية فكرة عم تخطر براسها ....ركبت معو ووصلها عالبيت ...كان ابو محمود عند اهلا وحكالون شو صار ع الطريق ...
دخلت ع البيت سلمت ع ابوها واما واخوها وكان ابو محمود صارت تزورو....
امنة : هديل شبك مانك على بعضك ...
هديل : مافي شي ماما انا داخلة نام تعبانة من السفر ...
دخلت على غرفتها وصارت تبكي وتتزكر كلشي صار معها ...
وتقول : انا شو عملت بحالي آخرتي اتزوج واحد مابطيقو وكمان انزل ع ضرة لك الله ياخدك يامراد ....
وهية قاعدة وعم تبكي كتير صار تلفونها يرن فتحت الخط
هديل : اهلين برفيقتي .. اهلين بالخاينة اهلين بالحقيرة
فلك : هديل حبابة اسمعيني ...
هديل : لك شوبدي اسمع ....صدقتي حالك انك انخطبتي ...وصرتي تحكيلو كلشي .. اسمعيه وليه بتقولي لخطيبك يقول لرفيقو انا لو بدي موت مارح اتزوجو عم تفهمي ...صح انا اغلطت بس غطلتي كانت صغيره ....والعقاب كتير كبير علي وانا مارح اقبلو
وسكرت الخط ....
هديل : بكرهكون .... بكره كل العلم كلون كلاب ... كلو من امي لو ماكانت تحرمني من كلشي ماكنت وصلت حالي لهون ....الموت ارحم علي من هالعيشة ...الموووت ...لك اي الموووت ... انا اذا متت بخلص منون كلون ....
فتحت درج وطلعت ظرف حب سيتامول ... بس بعدين رجعتو ع مكانو ....وصارت تحكي حالها
هديل : لك انا مجنونة ...بدي موت وضيع مستقبلي ... صرلي اربع سنين عم ادرس مشان بالاخير انتحر ...لا لا استغفر الله العظيم .....قامت وقفت عالمراي ...وصارت تطلع بحالها ...بعدين رفعت ايدها وحطتون على شفافها واتذكرت كيف مراد باسها ..بعدين رجعت قعدت وصارت تفكر كيف بدها تخلص من هالمصيبة ... بعدين قالت : اكيد اهلي رح يساعدوني ومارح يرموني هالرمية باكل قتلة من هادي ...احسن ما انبلا طول عمري.....
حطت راسها ونامت وفاقت المسا ...طلعت عالصالون كانو اهلا قاعدين عم يحضرو ع الTv .... مست عليهم هديل وقعدت بعدين مسكت الرمونت وسكرت الTv ..
هديل : بدي احكي معكن بموضوع ....
امنة : خير شوفي ..احكي
