ربما تحتوي الصورة على: ٢ شخصان، ونص
#اللعب_بالنار
#الجزء_العاشر
دخلو عالغرفة وسكرو الباب عليهن ..
نجلا : شوبدك
هديل : لعبتيها صح ..
نجلا : عن شو انتي عم تحكي ..انا ماني عم افهم ..
هديل : لك والله طلع بيطلع معك .. انا عم فكر تشتغلي ممثلة او كاتبة لانو هالدور يلي اخدتيه كان محترف ..بس عنجد بهنيكي .. طلعتي متعددة المواهب ..
قربت سلوى من الباب لتسمع شو عم يصير جوا ..
نجلا : هديل شوبدك
هديل : ليش عملتي هيك
نجلا : انا شو عملت ...وعن شو عم تحكي ؟؟
هديل : حاج تعملي حالك مابتعرفي شي انا متأكدة انو انتي يلي بعتي الرسائل من موبايلي لعبد الرحمن ..
نجلا : شو عم ترمي بلاكي علي ..
هديل : لك حاجتك كذب بكفي ..عالقليلي اعملي قيمة لحالك اخر عمرك ..
نجلا : شو قصدك انا كذابة ..
هديل : كذابة ونص .. ليش هيك عملتي خربتي بيت ابنك وكنتي سبب بموت طفل بريئ ... ليش ؟؟
نجلا : .........
هديل : قوليلي ما عم تحسي بتأنيب الضمير
نجلا ............
هديل : معقول مافي ذرة ضمير واحساس عندك .... طيب مافكرتي كيف رح تقابلي ربك ؟؟
نجلا :..............
هديل : طيب انتي قعدتي مع حالك وفكرتي بعد موتك ع وين رح تروحي ... انا من عندي رح اعطيكي تأشيرة عالنار ..
نجلا ولونا مخطوف : ليش مين سلمك مفتاح النار او مفتاح الجنة ..
هديل : محدا .. بس لانو مارح سامحك طول عمري ... ورح ادعي عليكي بكل صلاة .
نجلا : ليش الله رح يتقبل منك بالاول
هديل : ههههه التهي بخطاياكي ولاقي شي يكفر عن زنوبك بالاول بعدين موشغلك اذا تقبل ولا لأ ... انا جيت قلت بركي بكون عندك شوية دين او شوية ضمير ...ههههه بس طلعتي معدومة الاحساس ..
برمت ضهرا بدا تمشي .
نجلا : هديل وقفي
هديل ؛ خير ..
نجلا : سامحيني ..والله مابعرف انو كان في ببطنك ولد ... مشان الله ساميحيني والله كل يوم عم موت بتأنيب الضمير ...
سلوى سمعت اعتراف اما ...حطت ايدها على تما وصارت تبكي
هديل: بسامحك لما بتصلحي غلطك وبتعترفي لمراد انو انتي يلي بعتي الرسائل وارجع على بيتي معززة مكرمة ..
نجلا : مافيني ..مراد بيكرهني .. والله مابعود يتطلع بوجهي ... بخسرو للأبد ..
هديل : لا مارح يكرهك ... بيزعل منك كم يوم .. وبيرجع متل الاول ..
نجلا : وهية عم تبكي ..مافيني ..مافيني .. انا بعرفو منيح لمراد ..
هديل : اي على راحتك تسطفلي ... انا حكيت يلي عندي وفكري منيح فيها ... معك للمسا وبس ..انا رح انطر مراد يروح يرجعني .. واذا ماراح انا اليوم رح يكون كتب كتابي ورح روح مع زوجي ..
نجلا : شو تتزوجي ... لا انتي اكيد هيك عم تقولي مشان تخوفيني ..
هديل : وليش لحتى خوفك ... خلص انسي موضوع الزواج ..... اليوم المسا الساعة تسعة اذا ما اجا مراد .. انا مارح سامحك ... ورح اتفرج من بعيد كيف الله رح يعاقبك وينحرق قلبك متل ماحرقتو قلبي انتي وابن اختك ... سلام ..
فتحت الباب .. لقت سلوى بوجها وعم تبكي ..
سلوى : هديل سامحيني ..
هديل : ياخسارة عملتك متل اختي ... توقعت كل العالم ماتصدقني الا انتي توقعتك تكوني جنبي ...بعدي هيك
طلعت هديل وراحت ع البيت وقعدت تنطر مراد
سلوى : ماما انتي لازم تحكي لمراد
نجلا :لا والله بخسرو ..وكمان ابوكي والله بطلقني ...لك انا كيف اعملت هيك تصرف غبي ... لك انا العبت بالنار وهالنار مارح تأذيني غير الي ..
سلوى : ماما لازم تصلحي غلطك اليوم قبل بكرا ... لانو كل ما استعجلتي كل ماكانت فرص السماح اكبر ..
نجلا : رح احكي مع مراد ..بركي بيرجعا بدون مايعرف .
اتصلت نجلا بمراد واجا ..
مراد : شوفي ماما ..
نجلا : مراد رجع مرتك
مراد : انتي شو عم تحكي ماما نسيتي هديل شو عملت
نجلا : لا مانسيت وبتكون البنت غلطت ..
مراد : غلطها كبير ومابينغفر ..
نجلا : يعني كلون كم رسالة ..يعني لاطلعت وخانتك لاسمح الله ..
مراد: ماما هالرسائل يلي قريتها بتشيب شعر الراس .. هالرسائل اهم من انو تطلع مع ..
نجلا : برضاي عليك يا ابني لاتردلي طلب ..
مراد : الموضوع عندي خالص ..
نجلا : هي متندمة وكتير زعلانة ..
مراد: وانتي شو عرفك انها متندمة ..
نجلا : اصلا ..هية اجت اليوم لعنا وحكت معي ومبين عليها كتير متندمة ..
مراد مارد ... قام اخد تلفون وطلع لبرا واتصل بهديل ..
هديل اول ماشافت المكالمة من مراد طار عقلا من الفرح ..
هديل : الو
مراد : عنجد انتي متندمة وبدك ترجعيلي ..
هديل بصدمة : شووو انا متندمة .. على شو بدي اتندم ..
مراد : ما انتي اليوم جيتي لعند امي
هديل : اي
مراد : ما انتي قلتيلا انك متندمة وبدك ترجعي ..
هديل : انا صح جيت لعنكن عالبيت بس مو لاني متندمة ...وليش لحتى اتندم على شي انا ما اعملتو ..انتو يلي لازم تتندمو ... وكمان امك عم تقول هيك مشان تثبت علي التهمة ... مراد امك وحدة كذابة ومنافقة ..
مراد : اخرسي مابسمحلك تحكي هيك عنها ..
هديل : بتسمح او لأ شو رح يطلع بأيدك ... موبس هيك امك احقر وحدة بشوفا بحياتي ووحدة تانفة ..وانسانة منطحة ودنيئة ..وتفوووو وتضرب منك لامك
وسكرت الخط وصارت تبكي ..
طارق : كأنك كبرتي معو بالحكي ..
تفاجأت هديل واقف وراها ..
هديل : لانون كتير حقراء ..
طارق : مامشكلة ..خلص طولي بالك ..
......
مراد كان رح يجن انو هديل كيف حكت معو هيك .. دخل لعند امو وعيونو حمر ..
مراد : شو عم يصير امي ممكن تفهميني ..شو اجت عملت هون هديل ...
نجلا : ......
مراد : لك شوووفي احكي ليش ساكتة ... شوبتعرفي ومخباي عني ..وليش قالتلي انو نحنا يلي بدنا نندم شو قصدا ..
نجلا :............
مراد : مااامااا احكي ..
نجلا عم تبكي عالصامت
مراد : ليش عم تبكي ... لك حدا يفهمني شو عم يصير ..
نجلا : انا السبب ..انا السبب
مراد وهو معصب كتير : سبب شو ؟؟
نجلا خافت من ردة فعلو ..ماردت ..
مراد : ماااماا .. سبب شوو ..احكي ..
نجلا : عم قول لو ماخليت عبد الرحمن يفرجيك الرسائل ماكنا وصلنا لهون ...وكمان انا محملي حالي مسؤولية موت ابنك ..
مراد شفق على امو ..قرب منها وحضنها
مراد : مامعقول شو انو قلبك طيب ... ماما انتي ما الك زنب واخرتها انا رح اعرف فلا تلومي حالك على شي انتي مازنبك فيه ... خلص خلص . وصار يطبطبلا ..
مراد: وعشان الولد ..لا انا ولانتي النا سبب بنزلو امو هية السبب .. يلا خلص حاج تبكي ..
سلوى واقفة مانا عرفانة شو تتصرف .. ماقدرت تحكي مشان اما ..وخافت على هديل لانوحياتها اتدمرت وضلت واقفة وماحكت شي ..(بس كان لازم تحكي لانو الساكت عن الحق شيطان اخرس ) بنرجع لقصتنا ..
...................
بليل هديل جهزت شنتتها مشان الصبح تروح مع طارق وتبلش حياة جديدة مع ابنها ... والدمعة مافارقت عيونا ...وتاني انهار الصبح جهزت حالا وودعت اهلا وفلك واسراء ..
هديل : فلك مابدك توصاي ..
فلك : ولا يهمك نص ساعة والخبر رح يكون بالضيعة .. واول شخص مراد ..
هديل : تسلميلي ...رح نضل على تواصل
فلك : اكيد ..
هديل : اسراء ديري بالك على هادي
اسراء : بعيوني ..
هديل : لحتى تحددو موعد الخطبة انا رح اجي ..
هادي : ان شاء الله ..
طلعت هديل وطارق من البيت وراحو ع الشام ..
وفلك خبرت عامر بزواج هديل ..وعامر حملها باردة سخنة وراح لعند مراد ..
عامر : مراد كيف النفسية اليوم
مراد ؛ زفت ..ليش
عامر : خلص بلا
مراد : خلصنا احكي شوفي عندك
عامر : هديل اتزوجت
وقع المفك من ايدو على اثر الصدمة .. وقرب مسكو من تيابو ..
مراد : انتي شو عم تقول .. اكيد عم تكذب .
عامر : مراد بعد عني ليش هيك ماسكني ...لا ماعم اكذب مبارح بالليل كان كتب الكتاب ..
مراد : والله لاطلع بروحا وبروحو .. مين اتزوجت من هون من المنطقة ..
عامر : لك بدك تطلع بروح مين ... لك تزوجت نقيب بالامن .. اسمو طارق ..
مراد : شووووو ...لاااا ...
وانهار ووقع ع الارض ..
قرب لعندو عامر .
عامر : لك شبك .. ليش هيك صرت ما زال بتحبها ...ليش طلقتا ..
مراد : لك كان لازم ادبحا ..والله كان لازم ادبحا ولا شوفا راحت لغيري .... انا كيف غلطت هالغلطة .. والله الدبح علي اهون من انو اعرف انها تزوجت .. اصلا الغلطة يلي عملتها كانت بتستاهل الدبح ..
عامر : ليش شو عملت ؟؟
مراد : ولا شي ... انا رايح ..
طلع مراد وفتل السيارة بأرضا ..ودخان السيارة عبا الورشة وطلع مسرع ...
....................
هديل وهية على الطريق ..بعتت رسالة لعبد الرحمن (game over)
اتفاجى عبد الرحمن من الرسالة واتصل فيها ..
هديل ابتسمت وردت
هديل : الو
عبد الرحمن : شو يعني هاي الرسالة ..
هديل : يعني اللعبة خلصت بالعربي ..
عبد الرحمن : افهمتا ..بس ليش بعتيها ..
هديل : لانو اللعبة خلصت .. يلي بلشتو انتي وخالتك انا نهيتو اليوم ..
عبد الرحمن : شو يعني ؟؟
هديل : يعني انا اتزوجت ... حلوة النهاي ماهيك هههه
عبد الرحمن : شووووو ومين اتزوجتي ارجعتي لمراد
هديل : تؤ .. اتزوجت شخص تاني .. لانو لاانت ولا مراد بتناسبوني ..
عبد الرحمن : شو نسيتي الرسائل .. انا فورا رح روح وافضحك ..
هديل : مابهمني .. روح بلط البحر ...
عبد الرحمن : ماشي ياهديل بس متل مابعدتك عن مراد رح بعدك عن زوجك هاد ... ..
هديل : بنصحك ماتحاول ..
عبد الرحمن : ليش خايفي ..
هديل : هههه لا خايفي عليكي ... لانو زوجي هاد بيعرف كل القصة وبيعرفك ومارح يسمحلك تتخطى حياتنا ..وكمان زوجي هاد هو نفسو يلي مسح الرسائل من تلفونك ...اكيد انصدمت .. اي زوجي هو النقيب طارق صاحب الشركة يلي عم تشتغل فيها انت .. شو كيفني معك ههههههه فاجئتك صح .. وهاه وهو حدي بدو يسلم عليك ..
طارق : كيفك يامهندس ..
عبد الرحمن : .......
طارق : ليك ولا اذا بتطلع مجرد تطليعة بهديل بشيل عيونك وبخفيك تحت سابع ارض ومابخلي حدا يعرفلك قرار .. عم تفهم .. وعشان الشغل ..الشركة شركتك اذا بتحب تكمل كمل واذا مابدك هاي حياتك وانت حر .. وتاني مرة اعرف مع مين تلعب .. لانو ماكل طير بيتاكل لحمو .. يلا انقلع ..
طوط ..طوط ..طوط
طارق : هههههه هيك منيح ..
هديل : الله يخليلي اياك يا احلا اخ بالدنيا ..
.............
عبد الرحمن انهار متل مراد ..وفورا راح وقدم استقالتو
....................................................
.
.
.
بعد مرور ... سنة ونص ..
هديل : يلا ماما ديدي ..ديدي .. لك دخيل هالمشي ما اطيبو ..تعال هاتلك بوسة ..
رن الجرس ..حملت ابنها وراحت تفتح الباب ..
هديل : تعال نفتح اكيد هاد خالو طارق ..
فتحت الباب ..
طارق : كيفكن ياحلوين ..
هديل : مشتاقينلك ياخالو ..
طارق : لك دخيلون انا معقول كل الولاد هيك طيبين تعال خالو تعال ... اخد الولد وصار يبرم فيه والولد صار يضحك ضحكة كتير بريئة ..
هديل : حسوني ماما ..حسن يلا تعال لعندي ..
حسن : اديي ..خايوو..
هديل : ههههههه
طارق : سامعة عم يقلك مابدو بدو يضل مع خالو ...
هديل : هههه يلا فوت حبيبي عاملتك اكلة كتير بتحبها
طارق : شو عاملتلي اكل ..
هديل : مقلوبة بعرفك بتحبها كتير ..
طارق : يممم اي والله كتير بحبها .وخصوصا من تحت اديكي ..
قعدو ياكلو ..وحسن بحضن طارق وعم يطعميه براس الملعقة شوي شوي ..
هديل : طارق هاتو عنك ..مشان تتهنى بالاكل .
طارق : لا انا هيك متهني وهو عم ياكل بحضني .. اي شو مشاريعك اليوم ..
هديل : ولا شي .. بدي ريح راسي ماعم صدق ايمت يجي انهار الجمعة مشان ريح راسي من جو المدرسة ومن الطلاب ..
طارق : الله يعطيكي العافية .. وبكرا شو ..
هديل : بكرا نازلة على السوق بدي اشتري شوية غراض لانو بعد بكرا بدي اخد اجازة اسبوع لانو بدي انزل ع الضيعة ..
طارق : وشوفي بالضيعة ؟؟
هديل : شو نسيت انو عرس فلك انهار الاربعة وانا لازم كون ..
طارق : شو رأيك انزل معك ..
هديل : ليش انت فاضي
طارق : رح شوف وضعي ..بس بتعرفي اتذكرت مابقدر خلص روحي لحالك ..
هديل : ماشي .. على راحتك بس اذا بتجي معي كنت فرحت فيك ..
طارق : خلص غير مرة ...يلا انا قايم روح خدي حسن ..
هديل : ييي على قلبي نام ..
طارق : دخيل هالنوم ..خديه شوي شوي ..
اخدت هديل حسن ودخلت نيمتو بتختو ..وطارق راح ..
...........................
بالبيت عند اهل مراد ..
نجلا : زينب عطيني جوجو ...
عطتاها اياها ..
نجلا : دخيل قلبك ياروح تيتا ... لك دخيل هالخدود ما اطيبون ...
زينب قاعدة على جنب وبارمي بوذا .. اتطلعت عليها نجلا نزلت جولي ع الارض وراحت تركض ..
نجلا : شبك زينب .. ليش هيك بامري بوزك ..
زينب : انا تعبت من هالعيشة ..
نجلا : ليش شو صاير عليكي ..
زنيب صارت تبكي : لك انا رح طق من هالعيشي وبعدين ..
نجلا : لك شوفي
زينب : مليت مليت ..انا ماني قد هالحمل انا غلطت لما اقبلت اتزوج .. لك قلبي عم يحترق لما عم شوف رفقاتي عم يروحو ع المدرسة .. مليت من مراد كل يوم نقار ونقير انا واياه ... لك نحنا متل الاعداء بالبيت .. ولا جولي مابتنيمني طول الليل ..ولا عم اعرف طعميها ... ولا عم اعرف غيرلا ...لك ماني عم حبا .. انا ماني قد المسؤولية .. انا لساتني صغيري على هيك شغلات ..
نجلا : شو هالحكي هاد .. بتنقبر بتخسري خالص .. وهاي السيرة مابتفتحيها افهمتي ..
زينب : انا بدي كمل دراستي
نجلا : وبيتك وجوزك وبنتك شو مشانون هدول ..
زينب : هههه بيتي لك انا طبخ مابعرف اطبخ ...وجوزي بس عالورق وحياتك يمكن من وقت ماخلفت جولي مقرب مني مرتين او تلاتة .. وبنتي ماعم اعرف ربيها ... انتي يلي عم تربيها ..
نجلا : استهدي بالرحمن واصبري الا ماتفرج ..
زينب : هه ان شاء الله ..
..................................
بالورشة
مراد : اهلين بالعريس ..
عامر : لك تسلم يا احلا رفيق بالدني ..
مراد : اي قلي ناقصك شي عايز شي ..
عامر : لا كل شي جاهز .. لسه بس المعازيم ..
مراد : اي الله يهنيك ويبعتلك ايام حلوة
عامر : امين .. اي قلي كيفا القطة الصغيرة ..
مراد : بتجنن مافي متلها اصلا هية يلي عم تنسيني همومي ..
عامر : بعينك الله الله يهدي سرك
................................
تاني يوم ..فاقت هديل بكير ضبت البيت وطعمت حسن وغيرتلو تيابو ووقفت عالمراي لبست ولبست نظاراتها الشمسية وحطت حسن بالعرباي وطلعت ...دقت على جارتها امل يلي بتحط عندا حسن لما بتروح عالدوام ....
هديل : صباحو امول
امل : هلا هديل ..يلا ثواني بس لجيب المفتاح والجزدان
هديل : يلا ناطرتك ..
طلعت امل ونزلت هية وهديل عالسوق مشان تشتري هدية لفلك ولاهلها وشوية تياب الها ولابنها ..
وبلشو يفتلو بالسوق .. وصارو يشترو كلشي بيلزمون ..وفجأة وهنن ماشين استطدمت بوحدي ..
هديل : اسفة لاتواخذيني ... ..سلوى !!!
سلوى : هديل !!
هديل بنبرة حزينة : كيفك سلوى ..
قربت منها سلوى ضمتها : اشتقلك كتير ياهديل..
هديل : وانا كمان .. بعد عناق طويل بعدو عن بعض ..
هديل : كيفك ..شو اخبارك ..
سلوى : الحمد لله ..وانتي ..
هديل : كتير منيحة .. شو عم تعملي هون ؟؟
سلوى : عم ادرس هون بالشام ..وهلق انزلت جيب شوية غراض ..وانتي شو عم تعملي هون ..
هديل : كمان انزلت جيب شوية غراض ..
اتطلعت سلوى عالولد ..كان كتير حلو خدود موردي وعيون ملونين متل عيون مراد .. بس فكرت سلوى انو الولد ابن المرة يلي مع هديل ..
سلوى : ماعرفتينا عالمدام .. وعالامور الحلو .
هديل اتطلعت على حسن وبلعت ريقها ..بس سبقتها امل ومدت اديها ..
امل : انا امل جارت هديل وهاد الامور اسمو حسن وبكون ابن هديل ..
اتطلعت سلوى عالولد واستغربت .اسمو حسن على اسم ابوها ..وكمان مبين عمرو سنة ..وهديل لو حبلت دغير بعد ما اتزوجت ع القليلة كان لازم يكون الولد اصغر من هيك ..بس قالت ممكن يكون جسمو كبير
ابتسمت سلوى ونزلت لعندو ..مستكتو من ايده الناعمين الصغار وباستو على اديو ..
سلوى : شو ياحلو .. ماشاء الله عنك ..لمين طالع هيك حلو ..مابتشبه الماما ..اكيد بيشبه ابوه ماهيك هديل ؟؟
هديل قوت قلبا وحكت : اي كتير بيشبه ابو الخالق الناطق ..
اجت بدا تسحب ايدا من ايدو بس حست حالها تعلقت فيه ومالا نفس تتركو .. رجعت باستو اكتر من بوسة على خدود وعلى تمو وهو عم يضحك ويحكي كلمات مانا مفهومة ..
سلوى : دخيل قلبو شو انو بينحب .. هديل تعالي نقعد بشي كافيه ..
هديل : تعالي لكي هنيك في واحد صغير ..
دخلو ع الكافيه وقعدو .. وطلبو قهوة
سلوى: كيفك ..وكيفو زوجك ان شاء الله مبسوطة
امل : هديل !!ليش هديل متزوجة ؟؟
هديل : ههههه امل ما عرفتك ..سلوى بتكون اختو لمراد ..
امل : اممم افهمت عليكي ..يعني مابتعرف قصتك
هديل : لا محدا بيعرف قصتي الحقيقية يلي احكيتلك اياها غير اهلي ورفقاتي ..
سلوى : لك عن شو عم تحكو ..
هديل : سلوى انتي غالية علي ورح احكيلك كلشي .. ما استغربتي من حسن .. وما استغربتي من اسم حسن ..ما استغربتي من عمر حسن ..
سلوى : شو يعني ؟؟
هديل : يعني حسن بكون ابن اخوكي ..يعني انتي عمتو .
سلوى : شووووو .. ما عأساس انتي سقطي ..
هديل : صح سقطت واحد وضل واحد ..هاي مشيئت ربك ..
سلوى : وزوجك ؟؟
هديل : ههههه انا اصلا ما اتزوجت .. انا قلت هيك لحتى يحل عني عبد الرحمن ..ومشان اجي استقر هون بالشام ..
سلوى : لكن مين هاد يلي جيتي معو من الضعية
هديل : هاد بكون طارق اخي بالرضاعة ..تربينا انا واياه لعمر العشر سنين ..وبعدها سافر .. سلوى انا بعشقو لمراد ومستحيل اتزوج بعدو ..مراد روحي ..انا اعملت كل هاد مشان احمي ابني ..وسميتو حسن على اسم ابوكي ..ولانو مراد قلي انو اذا اجا صبي بدو يسميه حسن ..وانا سميتو متل مابدو مراد .. بعرف انك مصدومة ..بس امك ماحكت الحقيقة لمراد وانا اذا ضليت بالضعية مراد ممكن ياخد ابني مني ..
سلوى صارت تبكي : ليش هيك عملت امي ليش .. وانا ما استرجيت احكي لمراد خفت على امي .. وكمان خبرنا انك اتزوجتي قلت اذا خبرتو بالحقيقة رح يتوجع اكتر.. مشان هيك ضليت ساكتة
هديل : كيفو مراد وكيفا بنتوتو
سلوى : بتعرفي انو عندو بنت ؟؟
هديل : اي بعرف كل يوم بتصل ع الضيعة وبسأل عنو..وبعرف اخبارو ..
سلوى : امم .. اخي كتير تعب على خبر زواجك كان رح ينفجر .. كان يقول لوني دبحتا وماخليتا تروح لحدا غيري .. وضل هيك لحتى خلفت زينب صار يتسلا مع بنتو لحتى ينسى .. عنجد بيتنا ما بينسكن .. امي على طول عم تشتغل ببنت مراد وامها متل السطلة ماعم تعرف تربيها ولا بتعرف تشتغل شغلة بالبيت .. ومراد بيجي ع البيت بيلعب من بنتو شوي وبيتقاتل هو زينب وبيطلع وبروح ع البيت يلي كنتي ساكنة فيه ..الجو بالبيت عنا كتير بارد ..وانا وماجد بنروح زيارة بننمقت وبنرجع ..و مابعرف
هديل : ليش مراد عم يتقاتل مع زينب
سلوى : لانو وحدة قليلة مروي ..مابتشتغل شي وما بتطبخ ..وبيتا بضل وسخ وبتضل عند اهلي طول اليوم بتاكل وبشرب ..وامي شايلي كل البيت مع ترباية جولي ..وهية قاعدة وعم تتأفأف ..لك اشتهيت شوف الضحكة عنا بالبيت ..
هديل : بعين الله ..زعلتيني على مراد كتير ياريت امك تحكي ويرجع كلشي متل قبل والله معد فيني ..بدي كون حد زوجي ..
سلوى : انا مابلومك على كلشي عملتيه ... انا خلص رح ارجع عالبلد واحكيلو لمراد كلشي وحط امي تحت الامر الواقع مشان تحكي ..
هديل : يلا قومي لاخدك لعندي ع البيت ..
سلوى : ممكن احمل حسن ..
هديل : اكيد ولي هبولي هاد ابن اخوكي ...
حملتو سلوى وصارت تبوسو طول الطريق ..دخلو ع البناي ..على بيت هديل .. وحسن تعلق بسلوى ومعد تركها ..وهية كان طاير عقلا من الفرح ..
راحت امل على بيتا ..وبقيت هديل وسلوى يحكو ..
بعد شوي دقت امل لهديل ... حكت معها وبعدين سكرت ..
هديل : سوسو .. رايحة لعند امل شفلا الطبخة اذا ظابطة وراجعة مابطول خدي راحتك البيت بيتك ..
سلوى : ماشي روحي ..
طلعت هديل وضلت سلوى عم تلاعب حسن ..
اندق الباب ..
سلوى : هاي اكيد الماما قوم نفتحلا ..
فتحت الباب وهية حاملة حسن ..وتفاجئة بشب طول بعرض حليوة ...
طارق بصدمة : مين انتي ..
حسن : خايوو ..خايوو. وصار يدفع حالو لعند طارق ..
اخدو طارق وهو صفنان بسلوى
طارق : عم قلك مين انت شو مابتسمعي ... هديل ..هديل ..وينك ..
سلوى واقفة مصدومة ومنبهرا بجمالو بنفس الوقت ..
صار يشاورلا يأيدو قدام وجها لحتى فاقت من الصدمة
سلوى : مين انت
طارق : هههه لك انتي يلي مين ..
سلوى : انا انا بكون سلوى ..
طارق تبسم : ههههه اي اهلين ياسلوى بس مين بتكون سلوى ممكن اعرف ...وبعدين وينا هديل
سلوى : انت مين وشوبدك من هديل .
طارق : انا بكون اخوها طارق اذا ماعندك مانع ... وهلق ممكن تقوليلي وينا هديل وانتي مين
سلوى : راحت لعند جارتا ... وانا بكون عمتو لحسن ..
طارق : امممممم ... اي اتذكرت هديل كانت تحكيلي عنك كتير ..
سلوى : وشو كانت تحكيلك ..
طارق : شو عم تحققي معي ...وبعديت بعدي هيك بدي ضل واقف ع الباب ..
بعدها عن طريقو ودخل
سلوى بصوت واطي: شو مغرور ..بس بيلبقلو 😍😍
طارق : بعرف
سلوى :😲😲 ما عم احكي عنك ...عم احكي شي تاني ..
طارق اتطلع عليها بطرف عيونو ورجع اتطلع بحسن وصار يلاعبو ..وقربو منو وصار يبوسو شم ريحة عطر غريبة على تياب حسن وعرف انها من سلوى ..وبلشت يستنشق ...
طارق : بدا تطول هديل
سلوى : مابعرف قال رايحة تشوف الطبخة لجارتا ..
طارق : اممم ... ايمت التقيتي بهديل
سلوى : اليوم بالسوق بالصدفة ..
سكت طارق ومعد حكاها ..
سلوى : انت شو بشتغل ؟؟
طارق : مادخلك .
سلوى انقهرت من حالها وحست حالها صغيرة : انا اسفة ماكان قصدي .. عن اذنك
وقامت تدخل ع الغرفة
طارق : قهوتي سادة
اتلفتت عليه سلوى : بس انا ما سألتك شو تشرب ..
طارق : ماضروري تسألي انا متوعد أؤمر وبس ..
سلوى ماحبت تجادلو : طيب ماشي لحظة وبتكون جاهزة ..
دخلت سلوى ع المطبخ وهية منغاظة منو ..
طارق : ولي على قلبي وين كانت هاي ... ولك ازعر ماتقول انو عندك عمة بتشلّ .. ههههه لك دخيل هالضحكة يا ازعر ..
طلعت سلوى ومعها فنجان قهوة ..
سلوى : اتفضل ..
طارق : كأنو هاد فنجان واحد ..شو انتي مابدك تشربي
سلوى : لا شكرا ..
طارق : طيب اقعدي ..
قعدت سلوى
طارق مد ايدو : انا طارق .. وبشتغل بالامن ورتبتي نقيب .. وعندي مصنع سيارات ..
سلوى بلعت ريقها لما سمعت نقيب ..مت ايدها وهية عم ترجف .. واول ما حطت ايدها بأيد حست شي متل التيار مشي بجسمها .. وسحبت ايدها ..
وصارت تقول بقلبا : مأحلاه مايكون شايف حالو ومغرور وهو نقيب ..
سلوى : ممكن تتصل بهديل لانو اتأخرت ..
طارق : معليش خليها تتأخر ... بنكون انا وانتي اتعرفنا على بعض اكتر ... اي احكيلي عنك شو عم تدرسي
سلوى ابتسمت
طارق : ليش عم تتبسمي ..
سلوى : لانو انا وياك تقربيا بنفس المجال ... انا عم ادرس حقوق ..
طارق : ههههه صدفة حلوة ..
طارق : نام حسن انا قايم وصلو على غرفتو ..
سلوى : هاتو عنك انا بوصلو ..
طارق : بتعرفي بالولاد...
سلوى : بجرب ..
وقف طارق وقرب من سلوى ليعطيها الصغير ..اجت اديها على ايده اتلبكت كتير .. وهو كان عم يتطلع عليها من فوق لانو اطول منا ... اخدت الولد وفاتت بسرعة نيمتو بتختو .. والتفت لتطلع طلع طارق بوجها وضرب وجها بصدرو ...وريحة عطرو دخلت على قلبا .
وهو مسكها مشان ماتوقع ... ما استرجت ترفع نظرا .. ورجعت خطوة لورا مشان ترجع بس هو لساتو ماسكها من كتافها وما فلتها ...
سلوى :لو سمحت ..ممكن تتركني وتبعد عن طريقي ..
طارق شدها اكتر وخلاها تتطلع عليه ...
طارق : من شوي كنتي عم تتغزلي فيني وتقولي شو مغرور بس بيلبقلو ..ليش غيرتي هلق لانك اعرفتي انو انا ضابط ..
سلوى وهية سارحة بعيونو وبرمشو بتمو الصغير ..ولحيتو الخفيفة ... صحت عل حالا
سلوى :لا انو عادي ليش لخاف.... وعشان انو قلت مغرورعادي .. وانو بيلبقلك تكون مغرور كمان عادي كل البنات لما يشوفو شب حلو بيحكو نفس الحكي
طارق : يعني انا حلو ..
سلوى : ايي... لا ..
طارق : اي ولا لأ .
سلوى : قصدي انو مشاء الله عنك الله يحميك ..ماناقصك شي ... الله يخليك لاهلك .
طارق : هههههههههه شو هالدعوة الله يخليك لأهلك ههههه عجبتني .
سلوى وهية متلبكة وفاتت بميت حيط : قصدي الله يحميك لشبابك ...وهلق ممكن تتركني خلينا نطلع لبرا هلق بفيق الصبي
تركها ..وطلعت ..
طارق من وراها : وانتي كمان حلوة وبتجنني ..
احمرت وخضرت وصفرت ...بس ماردت وكملت قعدت عالكنبة ..
بفوتت هديل ..
هديل : اسفة طولت عليكي ..
بطلعت طارق من غرفة حسن
هديل : ابو طرييق انت هون ايمت اجيت
طارق : من شوي ... واشرلا على سلوى وغمزها وعض على شفتو ...
هديل صارت تتطلع عليهن وتتبسم .. وتقول : معقووول !!! طارق وسلوى ... هههه اي ليش لأ
سلوى: نام حسن من شوي ..
هديل : يسلمو اديكي عزبتك
سلوى : ما انا يلي نيمتو .. الاستاذ يلي نيمو
هديل : طيب روحي يسلمو اديكي واديه ..
قرب طارق وقعد مقبالن وصار يتطلع على سلوى ..
سلوى اتلبكت كتير من نظراتو
سلوى: انا بدي قوم ارجع عالسكن ..
هديل : لا مافي روحة ... اليوم بدك تنامي عندي
سلوى : بس .
هديل : لا بس ولا شي مافي اعتراض ..
سلوى : ماشي متل مابدك
طارق : وانا عن اذنكن ..
هديل : اذنك معك ..
.......................
قضت هديل وسلوى يومون وكانو كتير مبسوطين ..تاني يوم راحت سلوى ع الجامعة ..وهديل على المدرسة ..واخدت اجازة مشان تروح تحضر عرس .
.............
المسا اجت سلوى لعند هديل ..
سلوى : بكرا طالعة ع الضيعة
هديل : اي والله مشان احضر عرس فلك
سلوى : لولا الجامعة كنت نزلت انا معك .. طيب وحسن
هديل : حسن عطول باخدو معي بروح يوم وبرجع تاني يوم ومحدا بينتبه انو معي ولد ..وبالعرس رح خليه عند امي وبحضر شوي وبرجع .. بس بتعرفي كتير متلبكة لاني اكيد رح قابل مراد ...
سلوى : ان شاء الله رح ترجعو لبعض .. بس لخلص الامتحانات انا نازلة واحكي كلشي ..
هديل : ان شاء الله بس في خطة براسي بنفذا انا وانتي ..
سلوى : شو هية .
هديل : لوقتا فرج ورحمة ..
سلوى : رح اشتاق كتير لحسون
هديل : هههه خلص بوعدك ماطول
..............
ببيت مراد
دخل مراد وكان تعبان كتير ..قعد ع الكنباي ومد رليه على الطاولة ..واتطلع ع البيت العاب بكل مكان .. ووقشور الشيبس والبسكوت معباي المكان ..
مراد : اوووووووف .. هاد بيت هاد
اتصل بزينب كانت عند اهلو وقلا تجي ..
اجت زينب لانو بيت اهلو قريب ..مو بعيد كتير ..
زنيب من غير نفس : انت جيت
مراد : شو شايفة ..
زنيب : ليش مارحت لعند اهلك تعشيت ..
مراد : مالي نفس ...وينا جولي
زينب : ماجبتا خليتا عند امك ..
مراد : ليش مين اما للبنت انتي ولا امي ..
زنيب : انا بس انا ماني عم اعرف ربيها..
مراد : لا بتعرفي تكوني ام ولا بتعرفي تتطبخي ولا بتعرفي تشتغلي شغلة ..لكن هاد بيت ولا مزبلة ..لك انتي لأيش عيشتك ..
زنيب : مراد طلقني ..
مراد : ليش بدك تتطلقي
زينب : لانو اكتشفت انو انا ماقد المسؤولية ..
مراد : هلق افطنتي انك مانك قد المسؤولية ليش ما اكتشفتي من الاول انك مانك قد المسوؤلية وانك صغيرة ....لولاكي ماكانو اهلي جبروني اتزوج وحدة صغيرة ومابحبا .. هلق صحيتي على حالك ..
زينب : ماكنت بعرف انو هيك الجازة ..كنت مفكرا انو رح نعيش قصة حب ..كنت مفكرة انو الحياة شراكة .. بس انت ماعطتني شي من هدول ..
مراد : والله هاي هية عيشتي عجبك بتضلي ببيتك وبتشدي همتك شوي ومعك معك بتتعلمي وبتصير ست بيت ..واذا مابدك انا جاهز للطلاق لانو قرفت من هالعيشة ..
زينب : طيب ماشي انا رايحة لعند اهلي يومين ..وبفكر يابقلك تعال خدني يا بقلك تعال طلقني ..
مراد : تمام هالحكي ..وانا موافق ..بس من هلق اذا بدك الطلاق جولي رح تضل عندي
زينب : ومين قال اني رح اخدها . انا رح ضب غراضي مشان توصلني
..............
تاني يوم اجت هديل ع الضيعة وكل كان بأستقبالا ..
وكانت تحاول تخفي حسن عن الجيران .. . وقعدت عند اهلا يومين .. واجا موعد العرس ... لبست وزبطت حالا وخلت ابنا عند امها وراحت مع خطيبة اخوها ورفيقتا اسراء .. راحو ع الصالة كانت العروس وصالة .. فاتو وسلومو عليها ..كانت فلك طالعة كتير حلوة محجابها وطرحتها ..
هديل : مبروك ..مبروك ...مبروك ..
فلك : هدولتي الله يبارك فيكي ياعمري ... عقبال ماترجعي لمراد
هديل : ان شاء الله... الله يسمع منك
فلك : وكيفو الامير الصغير ..
هديل : الحمد لله مافي منو
فلك : الله يخليلك اياه
هديل : تسلمي ..
فلك : شو اسراء ايمت بدنا نفرح فيكي
اسراء : قريبا ان شاء الله
فلك : الله يهنيكن
هديل : ههههههه انا اقصر فترة خطبة عشتا بيناتكن واقصر فترة زواج كمان ..
اسراء : ان شاء الله بترجعو لبعض وبتعيشو طول العمر ..
هديل : ان شاء الله ..
وصارو يرقصو ويقرصو العروس قبل مايجي اهل العريس ... وبلشو يسمعو اصوات الزمامير سيارات العريس ..
هديل : شبك فلك
فلك : متوترة كتير ..
هديل : هههههههه رح يصرلكن اربع سنين خاطبين وهلق عم تقولي متوترة ..
فلك : اي هديك خطبة ..هلق رح ننتقلك على مرحلة تاني ..وكمان انا ولامرة قعدت مع عامر لحالنا كيف هلق رح كون معو ...الله يخليكن يابنات ساعدوني ..
هديل : هههههه ولا يهمك هلق بنروح انا واسراء معك .. وبنقلو لعامر فلك متوترة شوي وبدنا ننام عندا 😂😂😂
اسراء : ههههههه بقلعنا تقليعت الكلاب هههههه
هديل : فلك حبيبتي الف مبروك بس انا لازم روح ..مابدي شوف مراد ..
فلك : لك خليكي حبابي كمان ..
هديل : ليكي رح يفوتو يلا باي ..بوسات كتير ..
فلك : الله معك بوسيلي الصغير ..
راحت هديل تخبت ورا بوكيه ورد كبير لحتى تتطلع بس يفوتو ..
دخل العريس ودخل معو مراد واول ماشافتو هديل قلبا صار يدق كتير وكانت متمناي تروح وتضمو وتقلو اشقد مشتاقتلو وصارو عيونا يشرو .. مراد كان قلبو حاسو انو هديل بالعرس وصار يدور عليها بعيونو .. قرب العريس من العروس ورفعلا الطرحة عن وجها وباسها على جبينها وبدلو المحابس ..وقعدو ..
عامر : حبيبتي ليش هيك عم ترجفي ..
فلك : كتير متوترة وخايفة ..
عامر : له ليش خايفي بس ماتكوني خايفي مني
فلك : لا ليش لحتى خاف منك ..
عامر : فكرت .. بس مالازم تخافي لانو الليلة رح عيشك احلا ليلة بالعمر ..
فلك حست قلبا صار بين رجليها وصار وجها احمر وحطتت راسا بالارض ..
عامر : يسلملي الخجلان
مراد عم يتطلع فيهن وحدة وحدة
وهديل لساتا متخباي مشان تتطلع بس خايفة مراد يلمحا ..وهية واقفة سمعت بنتين عم يحكو .
_ ليكي مراد شو شخصية وبجنن
_اي والله معك حق شو هالجمال ولي يقبرني جمالو
_ قال كان متزوج تنتين وطلق وحدة ولسه عندو وحدة لك ياريت كون التالتة او الرابعة اااخ ياقلبي
_ انا كمان متلك ياريت يتزوجني انا كمان ..
_ هههه تعالي لنقرب لعندو بركي بنلفتلو انتباهو
راحو البنات لحد مراد مشان يلفتولو انتباهو وهديل كانت كتير غيرانة عليه وكان جاي على بالا تروح تنتفلون شعراتون ... سحبت حالا شوي شوي وطلعت من الصالة .. ومشت كم خطوة وبعدت عن باب الصالة في حدا مسكا من ايدها .. التفتت وكان ......
......................
