أحببت خاطفي

الجزء الرابع والاخير

صفاء : رحت للضابط امير كتله طلع حيدر كلي مااكدر كلتله انت وعدتني من اساعدكم تنقذه وترجعه الي
سكت وصفن وكال لازم نهربه اليوم بالليل يحجي بصوت ناصي وصافن بعيوني مشالها واني اباوعله نظرة حقد وغضب

بالليل اجه اخذني بسيارته من اهلي وكال من رخصتكم علمود العصابه ورحت وياه حسيته يمشي بطيء وبلسانه حجي بس ميكدر ينطق
كلي تحبي ؟
كتله اكثر من اهلي ونفسي ومستعده اموت لاجله وميكون شخص ثاني بحياتي غيره لو هو لو اموت!

انصدمت من كلامها ردت اعترفلها بحبي بس هي تحب غيري كلبي انعصر وحسيته يريد يبجي مثل الطفل

وصلنه السجن بمساعدة صديق كدرنه نهربه وهي كعدت من وره بالسياره وخلته ع رجلها تبجي وتمسح بجروحه وهو لازم ايدها قوي
زين اني منو يمسح جروح كلبي
صفاء انتي مو الي 😔
لواحد غيري

وديتهم لبيتي وخلينه حيدر بغرفتي وجبناله ضمادات وبقت الليل كله تضمد بجروحه وتبوسه من راسه وفرحانه وطايره
واباوع عليهم من الشباك واختنك
صار الصبح كتلها روحي لاهلج اني راح ابقى وياه
كالت حيدر امانه بركبتك! وراحت لاهلها

حيدر اسبوع اتحسن واستعاد صحته وجان ع لسانه بس صفاء انسان ميت عايش ع صفاء بس
هذا حب عظيم
مجرم حب ضحيته ومخطوفه حبت خاطفها
اجه حيدر شكرني وكلي اريد اتزوج صفاء جنت ناوي اتزوجها وارجعها لاهلهاواعترفلهم واخليهم يسامحوني واصير واحد من العيله
كتله ماشي راح اخطبلك صفاء من اهلها ولا تعترف لشي عن ماضيك ابدي حياة جديده وروحوا بعيد ومعليك بالعالم المهم تعيش ويه حبيبتك

حيدر- كلش فرحت ربي دزلنه هالانسان يساعدنه لان نيتي صفت وحبيت صفاء
رحنه ثاني يوم لبسني قاط وعطرني باوعت لشكلي واخيرا انسان حقيقي صرت وعندي مشاعر وراح اكون عريس لاغلى انسانه هي امي واختي ومرتي وحبيبتي وكل هلي
خلتني الكه نفسي من شف.....
امير كلي من شنو ؟؟ بقيت ساكت مكدرت احجي وكتله من شفتها

امير-حسيت شي بينهم قوي صار اقوى من الحب بس ليش افكر بيها
رحنه دكينه الباب واستقبلتنه امها وجنه شايلين باقة ورد وجكليت ونطيناه الهم واستقبلنه اخوها الجبير وابوها متمدد بالهول وكتلهم هذا صديقي واريد اخطبله بنتكم شافها وانعجب بيها
والاب كال زارتنه البركه لوما انت جان بنتنه ضايعه وبنتي هديه مني لصديقك ع سنة الله وروسوله
سمعت هلاهل جوه وطبت صفاء مستحيه وجايبه العصير وتبتسم واول مقدمته لحيدر وجلبت هههه ضحكنه وكنالها نريد عصير وهو مشال عينه عليها
ومرت اشهر
تم الخطوبه
والزواج
حيدر كون نفسه وبدة من الصفر بالحلال
واجر شقة بمنطقة الكرادة واتزوجوا هو وصفاء يوم العرس

حيدر طبينه اني وحبيبتي للغرفه جان اسعد يوم بعمري كبرانه حبيبتي تخبل بالفستان والمكياج اويلي

بعد مرور زمن .........

صفاء- مر على زواجي من حبيبي سنه صار عنده محل يبيع كرزات وزبيب وسجق ومن هاي السوالف محل حلو وراقي وبيتنه يخبل صغير ايجار بالكرادة
وهسه اني حامل بالشهر الثالث كلش فرحنه وحسيت حيدر احن مخلوق بالكون
احن من امي وابويه نفسهم
هاي قصتي حبيت خاطفي بجنون -
اجتنه بنيه سميناها ياسمين وطلعت تشبهني بالشكل وتشبه ابوها بالحنيه
سمعت اخبار امير استقال من شغله وسافر لكندا استقر هناك وسمعته اتزوج بنت خالته لان حيدر يتصل بي كل فترة وهو يعتبره صديقه الوحيد
كلش ارتاحينه وادعولي ربي يوفقنه واسفه اذا طولتها عليكم ^_^

النهاية ....
Ayoo md