أحببت خاطفي

الجزء الاول

جانت دنيا ليل وهدوء بشوارع بغداد الساعه 12:09 سنة 1991
جانت عائلتي متكونه من ام واب و4 اخوان و2بنات اني البنت الاصغر جان عمري 16

والدي جان عندة بسطه يبيع بيها علج ونساتل بسيطه وموطات ع كد حالنه وتعيشنه مصروفها دوب ريوك غدة عشه

كالعادة مثل كل عائلة عراقيه اجه والدي وجان كل ميجي يجيب النه كل واحد اله نستله من البسطه مالته ويجيب علاكه بتيته وبصل للعشه وجنه كلش نفرح ونستقبله من الباب مع انو عمرنه جان جبير بس والدي حابسنه ولد وبنات يخاف علينه من البره والعالم الخارجي جان يعاملنه مثل الاطفال
امي جانت خياطه تبيع للجوارين شغلها كلش مرتب يعني مدبرين حالنه ومرتاحين
عايشين بيت هيكل وراضين الحمدلله ..
اتعشينه بهاذي الليله س12:06 ليلا
اندك الباب دكه غريبه راح اخويه الجبير فتح الباب ماكو احد وراها بدقيقتين اندك مره ثانيه طلع والدي ماكو احد
اندك مره ثالثه مطلعنه ومااهتمينه
زادت الدكات وكلت اني كصتي خير راح يطلعون ناس يدكون الباب

..
رحت فتحته قبل لا اكمل اني البنت الاصغر اسمي صفاء بنية عمري 16سنه بيه ملامح الانوثه وحلوة ووالدي جان يخاف عليه كلش رغم هذا جنت دلوعه وشخصيتي قويه

رحت فتحت الباب ........ اهلي صاحوني كالوا ها منو دك الباب مرديت عليهم ماكو رد عيط والدي ولج صفاء منو بالباب محد رد اجتي امي تركض وصارت تصرخ وين صفاء اختفت والكل البيت دخل بأنذار ورعب ومن الفجر والدي واخوتي يدورون وراحوا بلغوا المركز عن اختفائي مر اسبوع ع اختفائي والشرطه تدور واهلي كلش تعبوا ووالدي اتمرض صار بي ازمه قلبيه وامي صعد سكرها واخوتي مرعوبين ..

صفاء-كعدت من النوم لكيت نفسي بغرفة نايمه تجنن غرفة مال اميرات قصور ع فراش كله حرير وريش ياالله خفت وكمزت وكلت اني وين صارلي شكد نايمه صارلي اسبوع بغيبوبه مااتذكر شي اني وين اخر شي اتذكره فتحت الباب واحد بالظلمه مشفته حط قماش ع وجهي ووكعت وكعدت لكيت نفسي اهنا واعيط واصيح وماكو بس صدى صوتي !!

تعبت بقيت ساعات اصيح وماكو رد نمت من التعب كعدت وراها بساعات لكيت يمي صينينة فواكه ومشويات كباب وصمون حار وبيبسي طرت من الفرح جنت ارجف جوع واكلت كل اللي بالصينيه مثل المحرومه ومشايفه اويلي شبعت وانتخمت وبقيت افتر بالغرفه هم وحدي الغرفه جانت كلش حلوة وهادئة ونظيفه مرتبه بس بقيت افكر منو هذا وشيريد مني اللي جابني اهنا
..
مرت اسابيع على هالحاله واني كل يوم نفس الشي انام واتعب الكه اكل مثل الحيوان اللي حابسي وبس يطعموا ومعرفت منو ومشفت وجه اي احد ولا صوته
متعوده ع الحبسه من اهلي لذلك بقيت ساكته وحسيت هاي حياتي الابديه حتبقى هيج اكل ونوم بهاي الغرفه للعلم وين اقضي حاجتي واسبح جان اكو حمام بالغرفه اسبح واطلع الكه ملابس تجنن معطره مال اميرات جنت احبها حسيت نفسي سندريلا
بس تجيني حالات ابجي واتذكر اهلي شديسوون بغيابي واشتاقلهم وابجي
مرت ست اشهر حسيت نفسي خست بهاي الغرفه نفسيتي ادمرت وحدي احاجي روحي مع شخص مجهول !!

صرت مااكل يومين واخر شي استسلم واكل هف تعبت
..

خلف اسوار الغرفه
حيدر- عمري 26سنه مكطوع من شجره اتربيت بالملاجئ اتكفلني رجال شايب وهذا الرجال جان رئيس عصابه رباني وكبرني وربى غيري ع الخطف وعدم الرحمه والقساوة
اخر شي قرر يبني قصر جبير بعيد عن المدينه وانظار العالم بي طوابق كومه هو الطابق الاخير العلوي خدم وحشم وكل وسائل الراحه
احنه اللي ربانه 4 زلم من الطفوله جنه سوه صرنه مثل الاخوه
بنى كل واحد اله طابق
اني الطابق الاول واخويه اللخ الطابق الثاني
واللخ الطابق الثالث واللخ الطابق الرابع والرئيس بالطابق الاخير العلوي الخامس
كل واحد اله طابق ملك خاص بي
شغلنه جنه نخطف بنات من اهلهن ونبيعهن للملاهي
ومكافئتنه من نخطفهن كل واحد من عدنه يتحارش بالابنيه اليجيبها حتى تكره نفسها ومتفكر تنهزم او ترجع لاهلها
وتسمعون بكل طابق صريخ بنات ويطلبون الرحمه بس محد يرحمهم او يسمعهم وكبل تجي سيارات تاخذهم كل بنيه ناخذ عليها ربع مليون
..
اني خطفت صفاء وصرت اراقبها من الغرفه وهي متدري ست اشهر متردد افوت للغرفة لان هي طفله بس هي كلش حلوة و برائتها مانعتني اذيها
خفيتها بغرفتي الخاصه واراقبها - احنه اتربينه ع القسوة والوحشيه ومنرحم اي بنيه واني كل ملامح القسوة عندي بس شي غريب خلاني انمنع من هاي الابنيه 😐