كتلها يلا نروح نفتر بالسيارة واني بداخلي مااكدر ارجعها مااكدر بدونها ومااكدر ابقيها
ضلينه نفتر ع الطريق الخارجي بقيت تايه واخر شي لكينه فندق
طبينه الفندق اتغدينه جوه وبعدين صعدنه لغرفه لحد الان اتذكر رقمها 201 ومنا راح تبدي قصة حبنه
طبت هي كعدت بالجربايه وكتلها راح انزل اجيب مي نشرب كالت اوكي كتلها اخذيلج جوله بالغرفه واخذت جوله
عجبني المكان
سمعت صوت حيدر اجه
وكال ها هاج مي ورأسا اتمدد ونام
واني من نام رجعت رحت طلعت بالبلكونه اباوع للطيور والعصافير ومبتسمه واحس صرت احبه وافكر بي ،، كعد حيدر من النوم وصار يعيط شلون توكفين بالشباك بهذا لبسج مجنونه ،، كلتله شبي لبسي وثانيا انت شعليك !! جرها من ايدها عصب بعدين سكت وكال صفاء احبج
كتلها احبج اي
وكالت واني ماادري اذا حب بس كلبي يدك الك كل مااشوفك
رأسا حضنتها وفرحت حسيت بالامان كأنها اهلي اللي مااعرف عنهم شي امي وابويه وزوجتي وحبيبتي وكلشي .. كتلها يلا بسرعه نروح نتزوج هي فرحت وكبل بدلت وركبنه السيارة ورحنه
ومشينه الطريق كله تباوعلي ولازمه ايدي قوي
وتبتسم وبعدين بالطريق شفنه دورية تفتيش مشدده خفت اخسرها مكدرت لا اتقدم ولا ارجع
كتلها ابقي هادئه وعاديه ولتحجين اي شي كالت اوكي
الضابط امير جان بالسيطرة ومشدد كلش ع التفتيش وجان يعرف شكل صفاء لان اهلها وزعوا صورها بكل مكان
اتقريت سيارة من عدنه سايقها جان كلش بارد ومبين معنده شي والوياه شابه حلوة محجبه ولابسه جبة بس شكلها مو غريب عليه عبالك شايفها بمكان بس مااتذكر وين
اجيت للسياره فتشناها مابيها شي كتله منين انتوا كال احنه من الحله جايين ع اهل زوجتي صارلها شهرين مشايفتهم وكلبها مثل النار عليهم
كلامه اقنعني بس شكل الابنيه خلاني اشك كتله لحظه هسه اجيك
حيدر حس انو الضابط شاك بشكل صفاء وكبل شغل السيارة ع اقصى سرعه وشحطها وكبل الدوريات شغلت السياره ويلاحكون حيدر
وصفاء صارت تبجي خايفه ع حيدر وحيدر مثل المجنون يسوق
اتمنيت اموت وياه واليجراله يجرالي
حاصرتنه سيارات الشرطه وطلعوا اسلحتهم ونزلوا حيدر شحط واني ابجي واكوللهم عوفوا
طبعا اني عرفت هاي صفاء شفت صورتها بس يمكن النذل ضاحك عليها بشغله وصارت تخاف علي وكنالها صفاء هذا خطفج وهذا راح يقتلج واهلج ادمروا بغيابج واحنه راح نرجعج لاهلج
صارت تبجي وتعيط وتشوف حيدر شبع دفرات وطاف دم وتكول عوفوا وكبل ركضت ونامت فوكاه كالت اكتلوني اني بس عوفوا
حيدر- شفت صفاء متخبله عليه وصوت صراخها يرن بالوادي عليه ومكمت احس بالضرب عليه بس اباوع بعيونها شلون تتوسل بيهم يعوفوني
وبعدين شحطوها من فوكايه وحطوها بالسياره وهي تبجي وتعيط وتكول عوفوني اترجاكم جيبولي حيدر وشغلوا السيارة وراحوا
حسيت روحي راحت من اخذوها
حسيت بعد مااشوفها للموت
أنت تقرأ
أحببت خاطفي
Romanceقصة مشوقة درامية رومانسية اكشن بأسلوب عراقي رائع ،، تتكلم عن فتاة يتم خطفها من جهه مجهوله ثم تبدأ سلسله لم تكن تتصورها
