مجنونات بمرتبه شرف(متوقفه)

24

Part 24
زايد يكلم مشعل و مهند بالشركة
زايد / اليوم وصلوا المليارديرين (ما ادري اذا هي كذا تكتب ولا لا المهم) هنا و بكره بيكون الحفل في قصرنا بمناسبة نجاح الصفقه اللي نسبة ارباحنا الشهريه ٩٠٪ بمعدل كسب الشركه الثانيه اللي هو ١٠٪ بس
مهند / ايه التجهيزات للحفل جاهزه بس باقي يجيبونها للقصر
مشعل / مو بس المليارديرين بس حتى رجال الاعمال و أصحاب الشركات الناجحه و طبعا احلا ما بالحفل ان كلهم سعودين
زايد / ايه ترا ابوي معتمد علينا -مد يده و فيها الاوراق- و هذي جبتها من صديقي حمد اللي معانا بالشركه و فيها كل شي عن شركاتنا
مشعل / زين على زين
_______________________________
ابو باسل / بعني بكره حفل بقصرك
صقر / ايه بكره بإذن الله
ابو باسل / كثير اللي بيحضرونها !؟
صقر / تقريبا ٩٨ شخص مو كثير اغلبهم رجال اعمال
ابو باسل / بتخليها بحديقة القصر ولا داخله
صقر / كلهن داخل القصر و بحديقته بس المكان الاساسي داخله
ابو باسل / كبار اللي بيحضرون ولا صغار
صقر / من ٢٧ وفوق و اغلبهم بالثلاثينيات و اقلهم بالعشرينيات و الأربعينيات <متعوب على كتابت الارقام يخوان :(
ابو باسل / والبنات بكره وش بتسوي فيهم ؟
صقر / بقفل عليهم الغرفه الين يخلص الحفل
ابو باسل / ورا ما اوديهم البيت اللي أخذتهم منه
صقر / لا مستحيل مستحيل يطلعون من بيتي و اخليهم يغيبون عن عيني
ابو باسل / لا يفشلونك قدامهم
صقر / قلت لك بقفل عليهم و بحطهم بجناح فيه كل شي و هم بالدور الثاني ما يقدرون يطبون من الشبابيك
ابو باسل / ايه زين بس حط لهم اكل و شرب
صقر / بحط لهم كل شي لا تخاف
_______________________________
ام سندس تصارخ / سندس وينتس فيه امشي
سندس جتها تناقز / ايوه يا ماما في ايه !؟
ام سندس / اقعدي اشوف و خليك بنت سنعه
سندس تتربع / هاتي وش بتس
ام سندس / عندي بشاره ، بس بكم بشارتي
سندس / بشارتي ولا عصارتي
ام سندس / هاه بكم البشاره
سندس / يمه مطططفره انا بعدين يمه ما عندي شي تتطمعين عليه
ام سندس / ابوتس وافق نروح لهم و اسمعي بس بعد ما تخلصين اختباراتك بيوم
سندس تهز مصري من الوناس و تطامر(تطامر=تناقز)
سندس / يا ربي بصيح من الوناسه -وصارت تدور بالبيت من الفرحه بتشوف صديقاتها-
_______________________________
جالسين حول المبخره بالصاله دخل عليهم فارس و ناظرهم بحيره
باسل بإستغراب/ ليش جالسين و المبخره وسطكم
مريم بضحكه شيطانية / نحظر جن -ما امداها تقول كذا الا البنات كل وحده بمكان من الخوف تنحاشوا-
نائله / حسبي الله عليك طيحتي قلبي جعل قلبك لصمرقع
فارس / وين العيال ؟
رشا مغطيه كل جسمها ما تشوفون الا وجهها من المفرش/ طلعوا بالحديقه
مريم تضحك على البنات ما حست الا احد هبدها على راسها و شاتها
افراح / جعلتس للاسهال اللي ما يفكك سنه يا حيوانه
مريم ماسكه راسها /يا النعجه أخري بعد استهبل على فارس انا حنا نتبخر فيها جعلك للكسر
اميره شهقة و لفوا عليها
نائله / شفيتس ؟
اميره تركض و تسحب الشبس من خلود و تتخصر/ هيه وين مو قايلين ما تاكلين اليوم ، يهب فرامه كأنها بقره ترعى بس
خلود تتلوى من الجوع / حرام عليكم بطني يعورني جوعانه قسم بالله ميته جوع
افراح / شكل خلود عندها تهريب تأكل و يختفي أكلها
_______________________________
جالسين و الوقت مغرب بالحديقه على الكراسي
فيصل / فيه اخصائيه نفسيه حجزت عندها موعد بعد بكره للبنات كلهم
باسل / والله ما المفروض ينحجز له موعد غيرك ذولا اصحى مني و منك
بدر انسدح ضحك / يا خي والله يعجبني خبالهم
احمد / ايه جد كأنهم مجانين بنوديهم لمستشفى المجانين شكلهن مهوب صاحيات
سعود بحمق/ ذي نائله ذي المجنونه ذي الخبله ذي المريضه اقلعوها عني
مساعد انفرط ضحك / بيطق لك عرق و تموت مره منقهر شكلك
جاهم فارس يركض
فارس يلهث من الركض / الحقوا مريم تحضر جن
العيال بفهاوه كلهم مع بعض / هااه ؟
باسل لما استوعب سجد من الضحك بطنه خلاص
العيال ما عاد تشفونهم كل واحد بزاويه من الضحك
باسل يمسح دموعه من الضحك / ذا المريم عجيبه عجيبه قسما بالله اه بطني
بدر يتدربا على الارض من الضحك وقف على حيله و صار راكع و يضحك / قوموا نشوفهم الحين مو ربطة مريم تنقطع الحين راسها بالسقف ههههههههههههههههههههههههههه
-دخلوا داخل و راحوا لصاله و دخلوا و شافوا البنات عادي جالسين-
فارس يأشر عليهم و يحلف / والله والله والله العظيم اني ما اكذب والله مريم تحظر جن
مريم تنتف الخيوط اللي بلامبسها/ ايه ما عليك حظرتهم و بيستفردون فيك الليله
رشا تخوفه / يمه الله يعين جنانوة مريم من الحبشه
فارس جته ام الركب من الخوف / صادزه انتي ؟
افراح تكمل الكذبه و تخوفه / يوه مريم ذاك اليوم ردت جنونها لاستاذة الكيمياء جتنا من بكره عرجا و شعرها محترق
فارس قعد / اقول يا عيال من ينام معي بالغرفه !؟
سعود / وش دخلنا حنا !
فارس و فيه الصيحه / مريم ترا حرام تكلمين الجن و ترا تخرجين من المله
مريم ماسكه ضحكتها / انت القربان حقهم
فارس صرخ بخوف
البنات فطسوا ضحك و بدر صرخ
بدر / افراح لا تضحكين
افراح حطت يدها على فمها ماسكه ضحكتها و ما تشوفون الا دموعها
......../ مدام رشا ماما انتي يبغا فوق
رشا / الله يأخذك انا مدام جعل عيونك للجرب طيب رايحه لامي
-راحت رشا لامها فوق و دخلت الجناح اللي فيه امها -
رشا دخلت / هلا يمه !
نوره قاعده / ذا الجناح جناحك انتي و البنات تعالي شوفي كلكم بغرفه وحده و هنا غرفة الملابس مليانه ملابس بكل و ذي صاله و مفتوحه على الصاله الثانيه و هنا ٣ حمامات و مطبخ و غرفه فيها بلايستيشن و ألعاب الكترونيه و هنا مكتب صغير
رشا بحماس / اكشخ اكشخ أحم احم لنا لوحدنا
نوره / اخوانك فيه احد منهم جاء ؟
رشا بحماس / لا بس فيه فارس و العيال الي او سكنا معاهم لما جينا لهنا اللي يشتغلون عند صقر والله وناسه حماس قسمًا بالله شي خطير
نوره تضحك على حماس رشا / و اخوانك ان شافوك جلدوك
رشا / هيهات ثم هيهات اصلا ما لهم علي بكلمه دامك عايشه
نوره بلين / بس يا بنتي حرام مو من محارمك
رشا / يمه لو تشوفينهم كنهم صديقاتي عادي -تسحب امها - امشي اعرفك عليهم
نوره / طيب طيب بس اتحجب و البس عبايتي
-تحجبت و لبست عبايتها و نزلت مع رشا و هم نازلين يسمعون صراخ نزلوا و شافوا افراح قاعده على السجاد و اميره تسحبها -
رشا / وراكم كذا !؟
اميره متمصعه من الضحك / افراح عندها حالة ولاده مستعجله
خلود تحبي من الضحك / اه بطططني اه
مريم طلعت من الصاله تدور من الضحك / اه بطني -تصارخ- بشري ولد ولا بنت
نوره بإستغراب / وش السالفه
نائله تضحك / افراح صرخت صرخه سكتتنا كلنا قلنا لها وش فيك ههههههههههههههههههههههههه قالت ابي الحمام بس متعيجزه اميره سحبت السجاد (فرشه) اللي قاعده عليه افراح ههههههههههههههههههههههههه وتقول حالة ولاده
-طلعت أفراح من الحمام و تناظر البنات -
افراح / شفيكم
نائله / هاه بشري بنت ولا ولد
افراح ماسكه ضحكتها / لا اجهظت (<هي تنكتب كذا الاجهاض صح ؟ )
دخلت نوره لصاله و شافت العيال
نوره / السلام عليكم
رشا / هاي قايز شي إز ماي مام مره نايس
مساعد فز و قام باس راسها
نوره وقفت / يالله ما اقطعكم
خلود / اقول علي الطلاق ما تروحين
فيصل / ما شاء الله متزوجه
خلود /اي مريم خطبت لي
فارس / تلقونه من ربع مريم (ربع مريم = أصدقاؤنا من العالم الاخر)
نوره / رشا خذي البنات على جناحكم و ارتاحوا
نائله / اي والله ودي اتمدد و استريح
رشا تناظر خلود / خلود فيه مطبخ فيه مالذ وطاب
خلود قامت
سعود / قامت الطاحونه
نائله / وش دخلك جعلها تفرمك ان شاء الله
سعود / انتي ليه تحشرين عمرك
اميره تمسك راسها / يالله بدو عاد ذولا ما يسكتون عن المحارش
رشا صرخت / هيه اكلم جدران انا امشوا لجناحنا
و -قاموا و راحوا جناحهم-
باسل قام / قوموا مالنا حاجه نجلس هنا
فارس / طيب وصلوني لغرفتي فوق حسبي الله عليك يا مريم
العيال تسدحوا ضحك
بدر/ قم خلك رجال و سم بالله
العيال قاموا و طلعوا
______________________________
مريم / والله انه كشخه
نائله / وين خلود
اميره / تطحن اللي بالثلاجه و تجينا
رشا / اذكروا الله لا يجيها شي
-عم السكوت للحظات-
مريم تلتفت عليهم و بصوت عالي / ابي اتزوج
البنات رفعوا عيونهم عليها و تمصعوا ضحك
رشا / ابشري ادور لك بعير بأم رقيبه يتزوجك
خلود دخلت عليهم / والله يا بنات احلا ما في الجناح الثلاجه يا خي مليانه اكل تفتح النفس
اميره / انتي نفسك مفتوحه بدون شي ما غير تفرمين ما شاء الله
افراح / ههههههههههههههههههههههههه يمه بطني كل ما اتذكر فارس و شكله قامط اضحك
______________________________
انتهى البارت الرابع و العشرون

ايش رايكم بالروايه بشكل عام ؟!!

ايش الشخصيات اللي عجبتكم و ايش عجبكم فيها !؟

توقعاتكم للبارت الجاي ؟!