مجنونات بمرتبه شرف(متوقفه)

17

Part 17
-وصلوا المستشفى و نزلوا -
نائله / يا خي مستشفياتهم تفتح النفس ودك تصير مريض عندهم
مريم / تعالي ادعسك عشان تصيرين مريضه عندهم
نائله / انتي تدعسيني اروح القبر ما اجلس بالمستشفى
اميره ماسكه بطنها / اويلي يا عيال ابي اكل يا رب افراح ما أكلت اكلها يا رب افراح ما أكلت أكلها جعلها تقوم و تشوف الاكل و نفسها تنسد
بدر / يهبي توك مأكله
اميره / تحلل ابي غيره
احمد / لا اله الا الله صدق صدق اول مرهه اشوف بنات مفجوعات زيكم اخبر البنات يحبون يسون رجيم و يحافظون على شكلهم
اميره / ايه قلتها البنات موب حنا
سعود / و انتم وش انتم ؟!
نائله تبتسم / حنا اسبشل
سعود / لا انا قائل لكم من البدايه ذولي مشبب و اخوياه
نائله / هههههههههههههههههههههههههه محد طلب رايك فينا
خلود انسدحت اول ما دخلت المستشفى / يالله براد الجنه
رشا جلست جنبها و مسكت شنطتها / على ريال على ريال الزين عندنا و الشين حوالنيا على ريال على ريال -مساعد شالها من شعرها-
مساعد / وين انتي فيه بحراج بن قاسم هاه اركدي و هدي شياطينك
رشا / شيطان يشيلك شل يدك عني
فيصل ماسك راسه / لا حول ولا قوة الا بالله
خلود / عظم الله أجرك
فيصل قمط / في من !؟
خلود / بنفسك
فيصل / اول مره اتحسف اني بلندن
اميره / لندن ولا باريس
مريم / باريس ولا الرياض
نائله / الرياض ولا حقول
رشا / ح قول ولا ح بكتب
باسل / بس بس حومتوا كبدي
مريم / كل زق مالك شغل بغيرك
بدر / ما ودكم نروح لافراح
-كلهم قاموا ليروحون -
_______________________________
/هههههههههههههههههههههههههههه شوف كل ذولا جوها زياره
-التفت بيشوف اللي جو للمريضه و انصدم-
/وراك شكلك منصدم !؟
/هاه ؟' لا خلاص امش نروح للمريض الثاني
/لا منت برايح الا لما تقول ليش تصرف
/منيب منصدم ولا شي امش نكمل شغلنا
/ وراك بلا انت منت صاحي
/ انت وراك كذا شكاك انا انصدمت من كثرهم
/ انا مو قاهرني انهم ما حطوا حراسه متشدده عليها
/ يمكن هي ما تبي كذا فشخره
/مليارديره و ما تبي تظمن نفسها
/يا كثر حكيك امش بس امش -وراحوا-
_______________________________
/يبه انا اللي بتزوج افراح
صقر بخبث / هذي الساعه المباركه بس خلها تصحى نخبرها
/ ماله داعي غصب عنها بتوافق كافي ولد عمها
زايد دخل بالعرض / وليه ٣ حريم مو مكفينك !؟ تراها صغيره عليك عمرك بيطق الخمسين تحرى الموت مو تتزوج
صقر بعصبيه / هش يا ولد
زايد بتهديد / والله و العالي سماه ما يتزوجها و بنت عمي تضيع شبابها معاه والله
صقر بصراخ / اطلع مالك كلمه هنا
زايد / يبه انا ما أرضى بالغلط ف منيب مخليكم تزوجون افراح تراها بنت اخوك إمانتن عندك تقوم تغصبها على الزواج
صقر / يا ويلك يا ولد
زايد / والله والله والله ما يتزوجها اخوي ولد امي و ابوي
صقر بعصبيه و بحده / احترم مكانتك هنا و اطلع
زايد بهدوء / بنت عمي ما تنوخذ على ضره سامعني يبه ؟
_______________________________
اميره بصراخ و ماسكه اكل افراح / مريم عساك المرض أبعدي انا جوعانه من زمان
مريم تسحب الاكل / الله يقطع شرك هاتيه
خلود انسدحت جنب افراح / بنات وه يا زين السرير مريح بنام
-صحت من الإزعاج اللي حولها-
فتحت عيونها بصعوبه استوعبت اللي حولها / الله لا يحيكم وش جابكم
نائله / الشره على اللي يزورك
رشا بخبث / ايه وش تبي فينا مو بدر سوا لها تنفس صناعي و انعشها بغرفة الانعاش و بكى عليها خاف انها تموت ايه يا قلبي ما تبينا
خلود / اييه عشان كذا ما تبينا
افراح تستوعب / هاه ؟! وش تقولون
مريم / زبدة اللي صار بدر انعشك قالوا متي خلاص و دخل غصب و انعشك الين نبض قلبك و سوا لك تنفس صناعي مع الانعاش و بكى عليك و خاف تموتين
افراح خدودها صارت حمراء / اومق او ام جي الا انا صدق ليه بالمستشفى ما اذكر
خلود / يا الخبله دخلتي بنص الاشتباكات بين العصابه و الشرطه ما تذكرين !؟
اميره تضحك / شلون تبينها تذكر و بدر أنعشها
افراح مسكت قارورة الماء و رمتها بتجاه اميره
______________________________
فتح الباب حس بشي صفقه على راسه
بدر / ليه وش سويت انا !؟
-افراح انحرجت غطت نفسها و هي جالسه بمفرش السرير-
رشا انسدحت ضحك / ههههههههههههههههههههههههههههه افراح استقبالها مثل وجهها
نائله ميته ضحك / ايه ايه افراح عيب عليك هذا و هو منقذك
افراح من تحت المفرش / على تبن الله يأخذك
اميره / هههههههههههههههههههه افراح ههههههههههههههههههه مستحيه !؟ ههههههههههههه ما اصدق ههههههههههههه
افراح شالت المفرش / حسبي الله عليكم عجزت امثل اني مستحيه ماش عجزت اسوي نفسي مستحيه
مريم سجدت تضحك
باسل / قعد البعير ههههههههههههههههههههه
مريم تمسك شعرها / لوسمحت انا انثى يعني ناقه
رشا / انتي خنثى مو انثى ههههههههههههههههههههههههههههههههه
مساعد / حنا بنجلس بإلانتظار مالنا داعي هنا
خلود / انت و مين ؟!
مساعد يأشر على العيال / حنا
نائله / حنا ولا دوج هههههههههههههههههههه
سعود / خلاص عاد سماجتكم ما تنبلع
نائله بعناد / تنبلع ولا تنهضم هههههههههههههههههههههههههههههههههه
سعود جاء بيتكلم سحبه مساعد و طلعوا
افراح بحماس / طفشت من القعده و الانبطاح خن نطلع نتمشى
اميره تهز راسها تسنها خبله و تفحط بالغرفه من الحماس / ايوه ايوه كنت محتاقه للاثاره معاكو
خلود / اللهجة المصريه زينه بس لا تطلع من حلزك(حلقك)
رشا بشر / عرفت وش نسوي يا عيال -اشرت على مكان و البنات فهموا-
______________________________
/الدكتور سامي عليك الحضور فورا لقسم الجراحه
د.سامي / ماذا هنالك !
/ هنالك امرأة حامل و تعرضت لحادث
د.سامي / انا أتي حاليا -ركض بسسرعه لغرفة الجراحه-
______________________________
باسل /يا خي ما تكبر مخك انت !!!؟ تحط عقلك بعقل خبله
سعود / وذا الخبله ما تنرفز ترفع الضغط ياخي
فيصل يضحك / والله يعجبوني غير البنات
مساعد ميت ضحك / ههههههههههههههههههههههههه البنات بعمرهم يهتمون بنفسهم و يتزينون عشان الناس ينعجبون فيها اما ذولي ههههههههههههههههههههههههههه رهيبات
احمد بضحك / ههههههههههههههههههههه انا و انا ولد ما اسوي اللي يسونه
بدر / ما شفتهم لما كانوا بالرياض هبلوا فينا
باسل كان عارف انهم خاطفينهم بالرياض
فيصل بإستغراب / تعرفونهم من الرياض ؟!
بدر في نفسه ايوه انكب عمرك يا بدر يا ولد ابوك شلون القى صرفه الحين !؟
-دخلت عليهم رشا و وجهل ما يبشر بالخير-
مساعد معقد وجهه / ورا وجهك كذا
رشا / حلفتكم بالله ما تسون لنا شي
احمد بفضول / وش سويتوا
رشا / اول شي اوعدوني ما تسون لي شي ؟
الكل / وعد
-رشا وقفت عند باب غرفة الانتظار جهزت نفسها لنحشه / ولدنا حرمه بالممر
سعود بدهشه / وشش !
رشا / خلينا حرمه تولد بالممر
مساعد لا يقل دهشه / كيف
رشا / كنا نلعب سيارات بأسرة المستشفى و كانت ماره و صدمتها نائله طيرتها و نزفت و انحشنا
باسل -ماسك راسه-/ يا ربي لا تعاقبنا
-رشا حطت رجلها و نحاشت-
مساعد بخرعه / قوموا قوموا لا يجيبون مصيبه ثانيه
_____________________________
نائله خايفه / بنات ابي الحمام
افراح / عساك المرض هذا وقته !؟
اميره / نعنبو بليسكم ما لقيتوا الا نقعد بغرفة أدوات النظافه
خلود تشهق / نائله عساك الجرب بلتي بالارض يا وصخه
نائله بخرعه / لا والله ما بلت
مريم / بنات شيكوا على عمركم لا يصير منكم تهريب
افراح / كح كح كح وش ذا الريحه
-فتحت الغرفه رشا-
رشا / بنات قلت لهم و ما قالوا شي ، يع وش ذا الريحه تكتم !؟
اميره تشهق / كلور انكب عليك يا خلود
خلود نقزت / وشهو ؟!!!!!!!
نائله / قومي نأخذ لك لبس مستشفى البسيه و نغسل ملابسك ذي و ننشفها
رشا / لا بسم الله عليك مستشفى ابوك هو !
افراح / امشوا نطلع نجيب للخبله ملابس
-طلعوا و صاروا يدورون غرفة فيها ملابس مرضى و لقوها-
مريم ماسكه الباب عشان محد يدخل
اميره / بسرعه خوذي
خلود / طيب طيب -اخذت لبس -
رشا / البسي فيذا بنات صدوا عنها -صدوا و البست و طلعوا و صاروا يدورون-
افراح / خلود شكلك يخوف
خلود بنص عين / ما سألتك
نائله شقها و اشرت على اخر السيب التفتوا شافوا العيال يركضون لجهتهم
مريم / انحاشوا يا عيال
-البنات هنا انحاشوا-
مريم و رشا انحاشوا مع بعض صاروا يركضون لقوا باب دخلوه ما امداهم بيصكونه الا يسمعون صراخ ورآهم شافوا نفسهم داخلين الحمام على حرمه
رشا مغمضه عيونها / اص اص قطع الله حسك
مريم ماسكه عيونه / حرام انتي بحمام
رشا / استغفرالله
مريم / يا حيوانه اص -طلعوا من الحمام لما شافوا ما فيه احد-

نائله و خلود انحاشوا و خلود لقت سرير فاضي سوت نفسها مريضه بما ان لبسها لبس مرضى و نائله عطت الناس ظهرها و وقفت عند السرير يقالك مرافق شوي الا يشوفون الدكاتره و الممرضين ساحبين السرير و ماخذين خلود
خلود بصراخ / ييييممممه وين ماخذيني
نائله / وقفوا وقفوا عسا مابه دكاتره وقفوا يهبي يا وجهكم -شافوهم رشا و اميره و جو يلحقون الدكاتره و يتفاهمون معاهم-
رشا تضم الارض من الضحك / تطلعين بالسلامه خلود
خلود قامطه/ وش بيسون فيني !!!
اميره تركض زومبي من الضحك / بيستأصلون الكبد منك
خلود نقزت من السرير و هجت و البنات معاها

عند اميره و افراح وقفوا شروا مويا حطتها افراح على الطاوله و نزلت تربط جزمتها رفعت راسها الا تشوف بزر فك مويتها و شربها
افراح بعصبيه / شوف انا كافيه خيري شري انت شكلك ما تعرفني -صنته طراق من قوته ما شافت افراح الا ضرسه طايح و الولد طايح جنبه-
اميره خطت يدينها على راسها / أوه أوه والله ما تسوى عليه المويا يا بنت
شافوا اهله لاحقينهم و امن المستشفى
اميره و افراح انحاشوا و أهل البزر ورآهم و صاروا يركضون ما امداهم يلفون الا يتصاقعون البنات
رشا / صدفه خير من ألف ميعاد
نائله و هي تركض / ميعاد ولا ندى
اميره / اركضي وانتي ساكته
افراح / شوفوا ذا الباب افتحوا بندخله
-افتحوا الباب و ادخلوا و التفتوا شافوا نفسهم بغرفة عمليات-
_____________________________
حس بصوت بغرفة العمليات التفت انصدم
*بصدمه*/وش جابكم
رشا بصدممه اكبر / يمممه سامي جابك
د.سامي طلعت عيونه/ اطلعوا هاذي غرفة عمليات
اميره تصرخ ذيك الصرخه / يمممممماااااااااااااااه الجزمه اللي ولدناها بالممر هاذي هي
-ما امدا اميره قالت كذا الا البنات انحاشوا و حطوا رجولهم لحديقة المستشفى-
افراح تمسك قلبها / حسبي الله عليك توني صاحيه من غيبوبه
خلود / ما شاء الله ما فيك الا العافيه
/اخيرا لقيناكم
-التفتوا شافوا فيصل و العيال-
رشا تتربع / والله مالي خلق اركض خلاص انتم فزتوا مبرووووووككك
بدر / افراح كتبنا لك خروج ويالله على السياره
نائله / نعنبوكم متحاشرين بدون افراح و الحين تحطونها معانا و هي مريضه
بدر / ها ها ها جبنا سواق و سياره توسع لكم
-راحوا البنات و اركبوا و انطلقوا للبيت-
_______________________________
منيره / ايه وش اخباره
نوره / الحمدلله انا يا حسرتي عليكً و علي عيالنا ما يعرفون بعض و عمرهم ما شافوا بعض حتى اسماء بعض
منيره / انتي خابرتن ليه و عارفتن السبب انا ما عمري شفتك من تزوجتي زوجك الاول و بعدها و اخر مره لما حطيتي بنتتس عندي
نوره / انا بغامر و بجيتس و اعلى ما بخيله يركبه ذا الشايب عساه الموت القريب الاكيد
منيره / وش صار على زوجات ولدتس
نوره / تصدقين يا وخيتي ما عمري شفتهم ؟!!
منيره / ما عليتس تراهن وجع راس
_______________________________
توقعاتكم ~

ابي توقعات كل شي اي شي يجئ على بالكم اكتبوه

رايكم بالبارت ؟!

ايش اكثر الاشياء اللي عجبتكم بالبارت