اللعب بالنار _مكتمله_

الجزء الرابع

هديل : بس وعدوني انكم توقفو معي ...وتحموني
هادي : لك شوفي انقبري احكي
هديل : هادي بترجاك تروق وتسمعني للاخير ...لانو انت اكتر شخص ممكن يحميني ..
هادي : خلصينا احكي ...
ابو هادي : احكي يابنتي شوفي
هديل : بصراحة انا اغطلت
هادي : شووو اغلطتي ؟؟ بشو اغلطتي ومع مين
هديل : رح احكي بس لاتقاطعوني ....اخي بتعرف مراد ابن رئيس البلدية يلي عندو ورشة تصليح سيارات
هادي : اي عرفتو شبو ...
هديل : لما كنت قدم بكالوريا ...كان هو يجي يوقف ع باب المدرسة مشان يشوفني لانو بحبني ...
هادي : ايييي ...بس ماتكوني احكيتي معو وطلعتو وفتو مع بعض وبعدين اخد منك يلي بدو اياه ورماكي ... احكي وليك كلبة ..
هديل : لا لا والله ماصار هيك ...
امنة :انقبري احكي ...نطفتي قلبنا
هديل : رح احكي بس لاتقاطعوني ...
ابو هادي : اتركوها تكمل ..كملي بابا
هديل : هاد مراد كان يتواصل مع اسراء رفيقتي كانت بالصف مشان تقنعني فيه وكان يعطيها مصاري ...وانا هون طمعت بالمصاري وصرت حاكيه ..مشان يصرف علي ...بس والله ماحبيتو ولا مرة اتقابلنا لاني مابطيقو ...وكان كل فترة يقلي بدي ابعت اهلي يخطبوكي ...وانا اجلو لحتى خلص جامعة ...وكنت حاول اتركو بس هو يضل يحاول معي لحتى ارجع احكي معو .... ولما فلك انخطبت لعامر عامر بكون صديقو المقرب لمراد ...فلك حكتلو لعامر انو انا عم احكي مع مراد مشان المصاري وعامر قلو لمراد
هادي وهو عم يتمالك اعصابو : اييي كملي ...لك ماجيتي تعلقي غير مع مراد ...كملي شو عمل بعدين
هديل : مراد اتزوج بنت عمو من فترة بس انا اليوم لحتى خبرت
امنة : الله يغضب عليكي ...احكي كيف عرفتي
هديل : رح احكيلكم كلشي صار معي اليوم ...
لما جيت مع ابو محمود ...وصلني ع باب بيت اهلو لمراد ...وقلي انو الباص عطل وقلي انزل انطرو عند هدول الجماعة بس انا ماكنت بعرف انو هدول بكونو اهلو لمراد ...وبعد ما انزلت وقعدت شوي بيدخل مراد هو ومرتو ...طلع مراد متفق مع ابو محمود مشان يجيبني ع بيت اهلو .... وبعدين مراد قلي انو باص ابو محمود مارح يتصلح اليوم وقلي قومي لوصلك .... انا لما شفتو انو متزوج فرحت كتير... وفكرت اني اخلصت منو ...ركبني بالسيارة واخدني على بيتو
هادي : شوووووو . وقام صار بدو يضربا ...بس امو وابوه مسكوه وقعدوه

هادي : لك انقبرتي معو على بيتو يافلتانة ...وشو عملتي ببيتو
امنة : لك الله يلعنك
هديل : ماكان طالع بأيدي شي اخدني غصب عني ...
ابو هادي : كملي شو صار بالبيت
هديل وهية عم تبكي : والله ماصار شي ..بس قلي انو هو مسجل كل المكالمات والرسائل بيني وبينو ...
هادي : بس هيك ...
هديل ماردت وضلت عم تبكي
هادي : عم قلك بس هيك ..انقبري ردي
هديل وعيونا مليانين دموع : كان حاطط كاميرا مراقبة بالبيت ...قرب مني وباسني ...وقلي هاي كمان اتسجلت ... وهددني انو بدو يبعتلكم اياهم وينشرون بكل الضيعة ...
هادي : لك باسك يافلتانة ما اقدرتي تمنعيه ...
ابو هادي : هاي هية تربايتي الك ...بتحطي راسنا بالارض
هديل : كان اقوى مني وما اقدرت امنعو ....
امنة : لك تفووو عليكي ....ومن الاخير شوبدو منك ..
هديل : بدو يتزوجني ...بس انا مابدي اياه بكرهو ...وكمان متزوج انا مستحيل انزل على ضرة
هادي : وبحقلك تتدللي كمان ...قومي انقبري من وجهي احسن ما ابتلى فيكي ..
هديل : مشان الله انا مستعدة اعمل اي شي بس مشان الله لاتزوجوني اياه .... اخي بترجاك ..انا اختك مشان الله لاترميني ...بابا ..ماما ..بترجاكن
امنة : قومي انقلعي ع غرفتك ...لنلاقي حل لهل المصيبة
قامت هديل راحت على غرفتها وكانت مرتاحة لانو حطت اهلها تحت الامر الواقع ولانو اكيد رح يحموها ومارح يرموها هالرمية ...
قعدت امنة وهادي وابو هادي عم يفكرو ...
هادي : بدي قوم اخنقها وريح حالي منها
ابو هادي : اختك ما عملت شي غلط بس حكت معو وكل الناس بتحكي مع بعضا وقفت على اختك ...ولاتنسى انك عم تحكي مع نص بنات الضيعة ...
هادي : بس يابابا ...لك هاد مراد ...انت بتعرف مين مراد ..
امنة بأبتسامة مكر : لقيت الحل ...
هادي : شو هو الحل ..
امنة : حسب ما فهمت انو هو دابح حالو على اختك ... ليش مابنزوجها اياه وبنخلص
ابو هادي : شو انت جنيتي بدك تنزلي بنتك على ضرة ...وكمان هية مابتحبو ....
امنة : لك اسمعوني منيح بالاول لازم نشوف مراد ونحكي معو واذا مصر بدو اياها لهديل بنزوجها ... ولا نسيتو مين بكون مراد وابن مين ... ومعو مصاري كتير ..هيك رح نضمنلها حياتها ... وكمان نحنا بكون النا سند بالضيعة وبتصير العالم تحسبلنا الف حساب ...واذا قصدكن ع الضرة .. نص زلم الضيعة عندها اكتر من وحدة ...شو قلتو ؟؟
هادي : اي والله معك حق ...
ابو هادي : رأيك فيه وجهة نظر ... خلص انتي شوفي مراد ...وبعدها اقنعي هديل ....
((ياحرام هديل قالت لاهلها مشان يكونو معها ...هههه لو بتعرف هيك ماحكت المهم بنرجع لقصتنا .
قامت امنة : انا ريحة جيب رقمو منها ....
دخلت وهية عأساس معصبة لعند هديل
امنة : هاتي انقبري هاتفك ... قال بنات ومعها هواتف .. لك مابيجي من ورا راسكن الا وجع الراس ...
قربت اخدتو من على الطاولة وطلعت ...
هديل.: ما حكت نهائيا ....
طلعت امنة واتصلت بمراد من هاتف هديل ...
مراد : اهلا حبيبتي ...
امنة : احترم حالك انا امها لهديل ....
مراد : هههه اهلين بحماتي ... خبرتكن هديل
امنة : بدنا نشوفك ..
مراد : انت ومين
امنة : انا وابني هادي .... انت هلق وين ...
مراد : رح اعطيكن عنوان بيتي الجديد هاد فاضي ...
امنة : نحنا مسافة الطريق وبنكون عندك ....
مراد : ناطركم ..
امنة : ابو هادي قوم ارتاح بغرفتك وشراب دواك وماعليك انا وهادي رح نتصرف ....
قامت امنة وهادي ركب سيارتو وامو ركبت جنبو وراحو ....
.............................................
بالبيت عند مراد
هادي : مراد شو بدك من اختي ...
مراد : هههه ليش ماقلتلكن هديل ....
هادي : لا قالتلنا انك عم تهددها ...
مراد : اممممم .... هلق فهمت هديل قالتلكن مشان توقفو معها وتساعدوها ....
امنة : قلنا شوبدك ... لحتى تتركها بحالها ....
مراد : هههههه انا مابدي اتركها ...انا بدي اياها ...
امنة : بس انت متزوج ..
مراد : الشرع حلل اربعة ...وانا بنت عمي اتزوجتها لحتى ارضي اهلي ... بس هديل بحبها وهية يلي علقتني فيها ...
هادي : واذا ما اتزوجتك بدك تفضحا ...
مراد : ههههههه صح انا قلتلا لهديل بدي افضحا بس كنت عم هددها بس ...لانو انا مستحيل اسمح لحدا يحكي عليها كلمة وتاني شي رح تتزوجني وانتو يلي رح تزوجوني اياها برضاكم ...
امنة : كيف يعني ...
مراد : اولا مارح تلاقو عريس متلي ...وهاد البيت رح يكون بأسمها .... وهادي رح جبلك ترخيص لحتى تعمر بيت وتتزوج بعرف صرلك سنتين ومانك عرفان تجيبو ... ونقدها رح يكون مليون مقدم ومليونين مأخر .... شو قلتو ...
اتطلعت امنة بهادي وابتسمت ابتسامة خبيثة ....
امنة : على بركة الله ... وانا رح اقنع هديل فيك
مراد : مشكورة ياحماتي ....
طلع هادي وامو ...وضل مراد قاعد لحالو ...
...........................................
دخلت امنة وهادي ع البيت حست عليهم هديل وقامت لعندون
هديل : ماما وين كنتي ...
امنة : بكرا بقلك فوتي نامي ...
هديل : لا هلق بدي اعرف
امنة : كنا عند مراد ...
هديل : وشو صار معكم ...
امنة : هديل تعالي بدنا نحكي ....
قعدو بالصالون ...
هديل : شو صار ...قبل يتركني بحالي ...
امنة : يابنتي الشب رايدك وبحبك ... وانتي يلي علقتيه فيكي ....
هديل : شو يعني ...
امنة : بصراحة نحنا مانا قدو .... وكمان قال بدو يسجلك البيت بأسمك ورح يدفع نقدك مليون مقدم ومليونين مأخر ...ورح يجبلو لاخوكي ترخيص لحتى يعمر بيتو ويتزوج ....
هديل : ماما يلعن ابو المصاري ....شو بفهم من حكيك ..
هادي : بدك تفهمي انك رح تتزوجي مراد ورجلك فوق رقبتك ....
هديل : اااااااه هلق فهمت انتو رحتو بعتوني وجيتو ماهيك ...وانا عأساس شديت ضهري فيكم ...
امنة : انت يلي علقتي حالك .... مين ضربك على ايدك تحكي معو
هديل وهية عم تبكي : كل العالم بتحكي وقفت علي ...طول عمرهم الشباب بضلو يحكو مع البنات ويضحكو عليهم ...عجب البنات مابتروح لعند الشب وبتفرض عليه الزواج ....وياما بنات كمان متلي بيحكو مع الشب تسلاي ... ماشفت شب رجع وانتقم وفرض عليها الزواج ...بس ليش انا ليش ...ياربي ... انا لو مانو متزوج كنت قبلت بس بدكم اياني انزل على ضرة ... لك انتو اهل انتو .... ااااااخ بس شوبدو يحكي الواحد اهلي مافيني قول غير الله يسامحكم ...
دخلت على غرفتها ورمت حالها ع التخت وصارت تبكي ... وضلت على هالحالة ساعتين وصار الوقت وحدة بعد نص الليل ... قامت مسحت دموعا وضبت تيابها بشنتا ... ولبست ...وقالت هاي اخر محاولة يا اما بنفد يأما مراد رح يكون مصيري ...بس عوين بدي روح بهل الليل لعند فلك ..لا لا فلك لأ اصلا انا ماني عم حكيها .... اي اسراء بعطيها قرشين وبتنيمني عندا للصبح والصبح بحمل حالي وبروح عالشام ....
طلعت شوي شوي ...فتحت الباب وسكرتو بهدوء بس طلع صوت خفيف كانت امنة فايقة ...وقامت لتشوف ... مالقت شي كملت عغرفة هديل لحتى تشوفها ...فتحت الباب ومالقتها وبلشت تضرب على حالها ...راحت بسرعة على غرفة هادي وفيقتو ...
امنة : هادي ..هادي ..قوم الحاق هديل هربت ...قوم
هادي : شووووووو ...لك وين راحت .
امنة : مابعرف بس قوم دور عليها بسرعة مابظن انها بعدت ...واتصل بمراد وخبرو ... ولاتخلي حدا من الضيعة ينتبه على شي ...قوم قوم ...
قام هادي بسرعة وطلع من البيت وصار يتلفت يمين وشمال ...ومانو عرفان من وين بدو يروح يدور عليها ...او ممكن تروح بهل الليل ...
اتصل بمراد وخبرو ...
....................................
هديل وصلت ع بيت اسراء ...وصارت تدق بعد محاولات كتيرة ...
اسراء: مين
هديل : انا انا هديل ...افتحي
فتحت اسراء ودخلت هديل
اسراء : هديل شو صاير معك ...وليش هيك حالتلك فوتي فوتي ...بس بلا صوت مشان ماتفيق امي ( اسراء عايشي لحالها هية وامها ابوها ميت وعندا اخ مسافر بيبعتلون مصروف )
دخلت هديل ...
اسراء : هديل شبك ..وليش عم تبكي ...وليش معك شنتاي ...وشو مطلعك بعد نص الليل
هديل : اسراء حاج تسألي رح خبرك بكلشي بس خليني اخد نفس ....
اسراء : طيب ماشي انا رايحة اعمل فنجان قهوة بس انتي لاتطلعي صوت ...
هديل : ماشي ....
بعد شوي اجت اسراء ومعها القهوة ...
اسراء : يلا احكيلي ليش هربانة
هديل : وشو عرفك انو هربانة
اسراء : وانا عم اعمل فنجان القهوة كنت عم حللها براسي ...وتبين معي انك هربانة ..يلا احكيلي شوفي
هديل : انا هربانة من اهلي لانو بدون يجوزوني من مراد ....
اسراء : مراد !!؟؟؟ على حد علمي متزوج وانا فكرتك انك قطعتيلو كرت من زمان ...
هديل يلا رح احكيلك كلشي من الاول ........... حكت هديل لاسراء كلشي ....
اسراء : اممم.... وانا هلق شو المطلوب مني ...
هديل : خدي كلشي مصاري معي ..بس خليني نام عندك هالليلة والصبح بكير رح سافر ع الشام ...
اسراء : ومراد ....اذا مراد خبر انك كنتي عندي والله ليقوم الدنيا فوق راسي ..