ألوان

٣

ألــوان
الحلقه3

،

،

،
دخلت ابلة e استغربت كيف مقعمزين ولد وبنت لكن مابتش تركز هلبا وبدت ف الحصه ارتال تشارك ومش هامها مراد وغاده قريب تتطربق ومراد يراقب ف غاده كيف متوتره بعتلها ورقه في بيرو مكتوب فيها" خففي من توترك مش باهي لصحتك" غاده معش قدرت تتحمل وناضت وقفت بتتفجر خلاص.
غاده: بصوت خانقاته العبره" عفوا ياابله بنطلع للحمام" 😭💔.
الابله: اوك بري.
طلعت تجري.
كلهم شافو لي مراد بنظره استحقار:😒.
مراد: خبط يده ع راسه🤦🏼‍♂.
ارتال: مراد.
مراد: نعم.
ارتال: لو سمحت حول انت بجنب علي وعادي لو مازن بيجي هني المهم غاده متزعلهاش حرام.
مراد: عندك علم بعلاقتنا😳.
ارتال: اي واضحه.
مسره قبلتلهم طول: والله ماصارها مازن مايقعمزش وراي لو تنقلب الدنيا.
مراد: مفضاك يامسره شن فيها كان قعمز ازح.
مسره: لا.
مراد: باه كيف الحل توا.
مسره: اقنع علي انه تبدل انت وياه.
مراد: راسه زي الحيط مش حيحول.
ارتال: باه عادي لو نبدل انا وغاده الاماكن نجي انا بجنبك يامسره وهيا بجنب مراد.
مراد: يزييدك عز احسن رااي.
مسره: قهرتك خيرك انت نسيت انه خالتها تقري فينا تبي تودي البنت ف داهيه ولا كيف.
مراد: يييي علينا عليك بخت .
الابله: كيِِب كوايت.
مراد: اس مسره انت نظمي امورك مع علي وانا بنطلع بنشوف غاده عطلت تمام.
مسره: تمام.
مراد: ياابله عادي نمشي للحمام.
الابله: لا.
مراد: لاواي يلوي رقبتك.
الابله: شن قلت.
مراد: لا شئ سلامتك.
مراد قعد يدير ف جميع السبل بيش يطلع من الفصل اخر شي حذف ستوش علي راس بدر الي كان سرحان ف عالم تاني.
بدر: اااه يااكلب.
خالد:😂😂💔.
الابله: مراد وبدر الاتنين البرا.
مراد: واخيرا شدت هيا ياحبيبي سايرني.
بدر: متخلف برا برا😒.
طلعو مشى بدر للحمام ومراد لي اخر فصل فاضي مراد وقف قدام الفصل يستنى ف غاده تخطم شافها كيف راكبه الدروج دخل للفصل فاتت من بجنب الفصل جبدها من ايدهاا.
غاده: ووووواك ياماما.
مراد حط ايده ع فمها : اوس اوس فضحتينا.
غاده: قعدت تشوفله وعيونها حمر وهوا كان قريب ومعندهاش مهرب وراها الحيط وقدامها هوا.😳
مراد: أسف انه خليت دموعك تنزل.
غاده: قاعده فيها لقطت الشهقه والعبره...لا عادي من قال انت الي نزلتهم.
مراد: واضحه ماه مافيش حد يحبك ويزعل فيك زيني الانه حمار مانفهمش.
غاده: مطبسه راسها لوطه...مراد ابعد.
مراد: اشبحيلي قبل.
غاده: الا.
مراد قاملها راسها جت عينه ف عينها تم وقف الزمن كل شئ جمد رااحت كل اسباب الزعل للحظه نسو انهم متعاركين ومن نظره عرفو انهم مستحيل يقدرو يبعدو علي بعض.
غاده تشوفله وساكته وكأنها تعاتب فيه بنظرات وهوا يشوفلها.
مراد: ياهبله انتي امتا بتفهمي انه نحبك.
غاده: وانت امتا بتفهم انه نغار.
مراد: ياحليلي نا من الي يغار.
غاده: باه خلاص اسكت🙄.
مراد: عاجبني الجو😍.
غاده: عاجبك عينك .
مراد: مش عارفه منين تجيبي فيها الرومنسيه اهيا.
غاده: والله هذا انا وكان تبي نتعاركو تاني ع نفس الموضوع ماعندكش مشكله.
مراد: شكلك ع سبله وتبي تتعاركي.
غاده: بتقعد مقعمز بجنب ارتال.
مراد: نفكر والله البنت حلوه وشاطره.
غاده: باه تمام تتهنى😤.
وجت بتطلع جبدها بي القوه.
غاده:😳.
مراد: تي خير دعوتك هك بتجنيني انتي😍.
غاده: ساكته.
مراد: غاده خلاص فكينا من الحرج ياعمري خلينا زي ماكنا يامحلانا انا اسف وحقك عليا وبنحول من بجنب ارتال من غير ماتقولي غير كنت نستفز فيك بس.
بدر: نهاااااار حرف مشووم حشم حالك منك ليها دار ربي طارق مجاش وشافكم كان هذا اليوم فاتحتكم😱.
غاده تحشمت من بدر وطلعت تجري من بجنبهم.
مراد: يااحمااار سكرفمك😂💔.
بدر: باه الي جيت ولحقت عليكم قبل ماتصير حاجه تانيه😳.
مراد: ههههههه ياحيوان راك فاهم غلط كانت بتطلع جبتدها بالقوه وعلي جيتك انت زي الهم.
بدر: مصح وجهك عاجبك الجو خزي فرخ بلا ربايه.
مراد: انت يامحترم يامربى.
بدر: لا مربى لا زبده نوض نوض ناقصها فطيره.
مراد: انعنشكلك😂😂.
بدر: وشكلك😒💦.
~
~~~~~~~~~~~~~~~
~
الابله: غدوا في كوِز ف القرامر.
اسراء: لالا ياأبله عندنا رياضيات وكيميااء.
غاده: الله ع الكذب.
اسراء: سكري فمك ماعنديش خلوق نقرا.
مروى بنت فلتوزه: يا ابله ماعندنا شي عادي انديروه.
اسراء: خزي فتحت جلاغتها متعرفش تسكت ازفت.
خالد: الفزعه الفزعه يلا كلكم ديرو نهضه اجتماعيه.
اسراء: هي😂😂... ابله لالا مانقدرووش عندنا تطبيقين معاهم.
خالد: اي ياابله مانقدروش.
مسره: كيييف هك والله الا ظلم.
ارتال تشوفلهم وتضحك:😂.
منال: حسو بينااا والله حرام عليكم تلاته تطبيقات مع بعض.
ارتال: اي صح مش معقوله😂💔.
علي: الدجاجه طلع عندها لسان وتعرف تتكلم.
ارتال:😒😐.
الابله: بااه خلاااص اسكتو بعد غدوا الكوِز.
اسراء: خوشيي هك الصح.
خالد: طيري اقهري مروى😂.
اسراء: ولا يهمك😂...ياأبله ماعندنا شي عادي نديروه" تعايب فيها".
مروى: 😒.
اسراء: بالك مش عاجبك.
منال: اي اي انتي الي تقلبي ف عيونك زي الباربي الخاربه بالك مش عاجبك
مروى: ليس علي المريض حرج.
اسراء: ههههههه حي علمها هادي مش ناويه ع خير ولا كيف.
خالد: مرضيتهاش فيك يا منال😂.
علي: يحشي فيهم يا يامنال فوتيه.
منال: تي لما نعلم ام امها الادب.
مروى: غير تعلميه انتي قبل.
خالد: حييييي ع القدر طاااح ولا سلاطه😱😂.
علي: لا بجديات توا يا منال لقد انها هزلت.
ارتال: بدل مايهدوها يزيدو ع النار بنزينه.
علي: غر لا يامثاليه😒.
ارتال: انا قلت الحق لا اكتر والي تشوف فيه عيني موصلتش المثاليه يعني  ولو انت شايفني مثاليه فا شكراً وكثر الله خيرك☺
علي: نقلك حاجه من توا حطيها ف راسك جو طولة اللسان والكلام متع الحكم وجو اهوا مايمشيش معاي وردي بالك تنسي انه حدك الكرسي هذا غيره ماتفتيشي ونعطيك نصيحه متاكليش الجو مع الجماعه الانه قد ماديري حتقعدي غريبه افهمها غ ر ي ب ه.
ارتال تشوفله بي صدمه وكلمة غريبه جرحتها يعني مهما كان هيا ليبيه ف الاخير علاش العنصريه الزايده.
الانظار كلها توجهت شور ارتال وعلي لي انه صوته كان عالي.
خالد: علي شن الكلام هذا.
منال: قال الحق.
اسراء: خيرهم هما.
ارتال: عيونها تعبو دموع لكن ماتبيش تبكي طلعت تجري خبطت في بدر.
بدر: ارتال خيرك تبكي😳.
ارتال: عيوني ترا شن دخل فيهم.
ومشت وخلاته.
بدر:🙁.
غاده: عيب يامنال وعلي الي درتوه.
منال: ياطيبه انتي خليك ع جنب.
دخلو مراد وبدر وقاعد مجاهمش استاذ الحاسوب يوم يجي وعشره لا.
مراد: ها مسره شن صار.
مسره: حي والله نسيت مكلمتاش😅.
مراد: علي تعالا.
علي: الملزوم يتعب.
مراد: تي غر تعالا.
علي: مايجيش عليا.
مراد: اسسمع بنبدلو بي الكراسي .
علي: تي احلم والله ماني مقعمز مع المستفزه.
بدر: غااده خيرها ارتال طالعه تبكي.
غاده: البركه في علي ومنال مقصروش.
بدر: تي خير امكم الزززح.
منال: عن الغلط عاد.
بدر: خاطري نعرف بس البنت شن مدايرتلكم.
علي: فكنا من جو عنتر وجو انا البطل.
بدر: علي متغلطش خيرلك.
علي: وكان غلطت يعني شن بيصير.
بدر: شي لا يعجبك ولا يعجبني.
خالد: هي هي خيركم شن في انت وياه.
مراد: وووك عليك صداع غير بشويه تفاهمو ازح🤦🏼‍♂.
علي: اسمعو جو المفرخ فكوني منه نا من بحدا مازن مش متحرك.
بدر: باه ومن قلك تحرك قعمز غادي وخلي البنت ف حالها مدخلكش بيها.
علي: خاطري نفهم سر الدفاع موكلتك محامي ولا شنو بالضبط.
بدر: سبحان الله اي موكلتني محمامي شن واجعك انت.
مراد وغاده يشوفو لي بعض
مراد: يعني الحل توا.
غاده: لا😒.
مراد: شن هوا الي لا ياهمي.😂
غاده: نافيش تقعميز بجنب ارتال.
مراد: نبي نفهم نافيش منك اتنين ياغيوره😍.
غاده: نافيش😂.
بدر خدي شنطه حولها ف مكان مراد  وحول شنطة مراد ف مكانه.
بدر: اعتقد نحلت قضيه الأكربي .
علي: يصفق👏🏻.
خالد: وربي الا مرضى ومجانين.
اسراء: رسمي مش صافيين.
مسره: عيله وخالها ميلاد.
دخلت ارتال قعمزت وعرفت انه نظمو امورهم وعلي المتعقد ع قولتها ماباش يقعمز بجنبها وحل الموضوع بدر وقعمز هوا.
بدر: أنستك😂.
ارتال: ههههه الله يأنسك.
بدر: علاش طلعتي تبكي بكري جو دخل شئ في عيني مابتش تدخلي دماغ.
ارتال: توا بتقنعني انك مسألتش.
بدر: لا والله سألت لكن قلت نتأكد😅.
ارتال: ههههه تسلم مانك عادي.
بدر: منين تعلمتيها هادي😳.
ارتال: بابا كان يقول فيها.
بدر: الله يرحمه كان مريض؟.
ارتال: عادي منفتحوش السيره هادي💔.
بدر: ولا يهمك.
ارتال: باه.
بدر: بهيلك ايامك ويزهيها.
ارتال: يارب.
ارتال كانت شاده ورقه وترسم او بي الاحرا تخربش فيها.
بدر: مشروع رسامه😂💔.
ارتال: حاق😂؟.
بدر: ياودي شدت القلم هك توحي.
ارتال: مركز مشاءلله.
بدر: هههههه كيف عاد عندنا فرخه مسره رسامه فنانه ف الرسم بطريقه مش عاديه بكل.
ارتال: حق حق.
بدر : تسأليها شنو الحياه بالنسبه ليك تقلك #ألــــوان.
ارتال: حلووو منسحابهاش هكي.
بدر: اي المظاهر ف بعض الاحيان خداعه🌚😂.
ارتال: ههههههه اي والله
بدر: شن عجبك الجو ولالا.
ارتال: الصراحه الصراحه انا حبيتكم وحبيت جوكم حلوين مع بعض لكن اظن انه في هلبا مش متقبليني للأسف.
بدر: عارفك علي من تقصدي منال وعلي مشصح.
ارتال: مشصح😂.
بدر: بالنسبه لي منال هذا طبعها من حد لاصارت وعلي ف الحقيقه عكس الشخص الي يوضح فيه ع اساس انه صارم وقوي وشخصيته طاغيه لكن هوا ف الحق انسان كويس بكل وطيب ويحب الناس صدقيني مع الوقت توا يتعود عليك.
ارتال: مشعارفه نحس فيه المتعقد هذا لا اظن يصير منه.
بدر: ههههه لالا يصير يصير...وخيرك تتكلمي ليبي صافي احكي عراقي احلى.
ارتال: علي🤦🏼‍♀.
بدر: خيره😂.
ارتال: الصبح سمعته يلقح يامراد ادوي ليبي عارفينك كنت عايش البرا"تقلد فيه".
بدر: حي علي امك شكله حط راسه من راسك توا شدي روحك مش حيخليك ف حالك😂💔.
ارتال: اعلى مافي خيله يركبه😳.
بدر: تٌعْجِبُني الانثى القويه " قالها بي العربيه الفصحه".
ارتال: خزي بارد😂😂.
بدر: بدي يسلك الجو طقيها كذا✋🏻😂.
ارتال: الله ع الكذب من البدايه اصلا نسجمت معاك ياحيوان😂.
بدر: من الحيوان🙄.
ارتال: انا😳.
بدر: نبصر عليك ياهبله مقبوله منك اخي زكو مقبوله.
ارتال: نسحابك تحكي من جدك😂😂.
بدر: لا من خالي والله🌚💦.
ارتال: ليش خالي عبيه🐸💦.
بدر: 😂😂واخيرا براده شبيها من برادتي.
ارتال: الطيور علي اشكالها تقع✋🏻🌝.
بدر: هي شن طلعناا.
ارتال: قاعد ماطلع حد.
بدر: شن ادوري فيهم.
ارتال: قصدك عادي.
بدر: تي عادي توا نرتب الامور كان قابلنا حد.
ارتال: هييي ف اجرام حت اهني سبحان الله اتقول مؤيد قدامي😂💔.
بدر: رفع حاجبه..من مؤيد🌝.
ارتال: واحد كان يقرا معاي صديقي يعني😝.
بدر: باه هي نوضي.
ارتال: هي.
طلعو بشويه بشويه والفصل كله بتجي صدمه ثلاثية الابعاد من بدر كيف يتصرف مع ارتال😳.
ارتال: هذا شنو.
بدر: معمل حاسوب.
ارتال: حي عليك كان يشدونا.
بدر: لالا هذا وقت قهوتهم توا مايركبوش.
ارتال: زابط حت الموعد نتع قهوتهم مشاءلله😂.
بدر: تي كيف عاد حشومه من السابع نقرا فيهاا وزياده كل الحصص برا😂💔.
ارتال: مشاءلله عليك ويقول فيها بكل فخر.
بدر: ههههههه حاجه مميزه ضروري نفتخر بيهاا.
كيف بينزلو من الدروج بدر حس بدوخه قعمز.
ارتال: بدر انت كوييس.
بدر: اي اي " لما حس الوجع بدي يزيد شد راسه" ناديلي علي بسرعه وحاولي انك ماتحسيسهمش انه ف حاجه.
ارتال : تمام باه اوقف ادخل للفصل هذا.
بدر بدي يخبط ف رجله لما زاد عليه الوجع.
مشت تجري وقفت قدام علي.
علي: ان شاءلله خير😒.
ارتال: تعال معاي نبيك.
علي: بلله عليك😂.
ارتال: علي ضروري.
علي طلع معاها من دون مايحكي واسراء وخالد ومنال ومسره قريب يموتو يبو يعرفو شن الي يصير وغاده ومراد يهدرزو ومايندرو علي الدنيا شنصار فيهاا.
علي: نعم تفضلي شن تبي😒.
ارتال: حي وين مشى😱.
علي: منو.
ارتال تحكي بتوتر : ب بدر دااخ وكان مقعمز هني قالي اناديك وتوا مهناش😳.
علي: شن السبب😠.
ارتال: والله والله مانعرف  حاجه☹️💔.
علي: تمام تمام .
وجي بينزل لحقاته ارتال.
علي: وين وين.
ارتال: جايه معاك.
علي: مانبيش نشوف وجك.
ونزل يجري.
ارتال: اووف تلفتت ومشت لي فصلها قابلها استاذ.
الاستاذ: وين كنتي ياطالبه.
ارتال: ءاا ف الحمام.
الاستاذ: من طلعك من عندكم.
ارتال: ماجانا حد.
الاستاذ: جديده انتي.
ارتال: اي.
الاستاذ: حسيت وجهك غريب عليا.
ارتال: اي🙂.
الاستاذ: انتي ماشيه قلهم يطلعو.
ارتال: تمام.
دخلت ارتال وقتلهم اطلعو وطلعت حت هيا.
عند علي وبدر.
علي: خيرك شن في.
بدر: دوخه بسيطه بس.
علي: برا عاين حت وجهك اصفر.
بدر: بنروح اصلا معش فيها بنرقد.
علي: اي برا ارتاح.
بدر: سلام.
علي: تقدر تسوق ولا نروح بيك انا.
بدر: لالا الامور تمام ولا يهمك بنقلك عصام عنده اليوم ف المستشفى.
علي: اي عنده اليوم وقالي امس انك مشيتله ودرت تحاليل وماتبيش تقلنا.
بدر: ههههه هوا الي طلب انه نديرهم ومش ضروري حت العطسه نقلكم عليها .
علي: وااطي نبو نطمنو عليك ياسطل.
بدر: ريحو راسكم مش حامل.
علي: 😂😂😂برا درق وجك.
بدر: يلا تشاو.
مشي بدر للأداره خدي أذن وطلع ركب السياره ومشى للمستشفى وجميع الافكار ادور ف راسه.
خالد: ها يامعلم وينه المجقجق بدر.
علي: مريض روح.
خالد: امتاا مرض كان زي الجن معانا مافي شي.
مراد: قول مريض وخلاص تي يطبخولهم ف طبخه شكلهم.
علي: لا طبخه لا عمك البلح وكان مش مصدق برا أسئل ارتال.
اسراء: وارتال من وين تعرف.
مسره: مش طلعت معاه بكري ياحوله.
خالد: ياودي مش داخلتلي دماغ ف أن واخواتها في القصه من وراكم انتم التلاته.
علي: هههه مش مصدقيني نا برو اسئلوها توا تحكيلكم.
مراد: شكلنا بنمشو نسألوها جديات.
غاده: تسأل عينك.
مراد: جاوبيني باه😍.
غاده: كيف.
مراد: قلتلي اسئل عينك وانتي عيني جاوبيني😍😘.
غاده: تحشم العيله قدامك😳.
مراد: حي ع الوجه😂😂.
خالد: قاعد مش مصدقكك بنمشي نسألها اسراء تعالي معاي.
مسره: اصبرو بنمشي معاكم بناخد امنمز من نجيبله.
غاده: حياتها امنمز  الفرخه اهيا.
علي: ماه حياتها كلها #ألـــوان .
مسره: اكيد😍.
ارتال كانت مقعمزه بروحها وادور ف بدر بعيونها وفي بنات يجو يتعرفو عليها وف ولاد قليلين ادب يحذفو ف الكلام شافت خالد جاي من بعيد عيونها قلوب قلوب مش عارفه ف احساس داخلها اتجاهه غريب مش حب ولكن هك مش مفهوم😍.
سلمو عليها واسراء قعمزت وخالد قعد واقف مقابلها سألوها وحكتلهم الي صار صدقو علي وتمت الاستراحه دخلو لي فصلهم.
ارتال استغربت من عدم وجود بدر وخافت ليكون صارتله حاجه وهوا مريض قبلت لي علي تبي تسئله القاته يشوفلهاا نزلت عينها طول ومصارش من السؤال😳 .
عند بدر.
دخل لي عصام " عصام هذا يكون خو علي وفي نفس الوقت دكتور "
د عصام: تعرف كنت بنتصل بيك بنقلك تعالا تحاليل طلعو.
بدر: وانا كنت جايك بنقلك انه الدوخه زادت والمسكن الي عطيتهولي معش ينفع معاها.
د عصام: خلي نقلهم يجيبو التحاليل ونشوفوهم وان شاءلله خير.
بدر: ان شاءلله.
عصام طلب من الممرضه انه تجيبله التحاليل وجابتهم وبدر ع اعصابه.
عصام وجهه تغير بدي الوان الوان ومصدوم قبل لي بدر من دون مايحكي وهوا الصدمه باينه عليه.
بدر: زي ماكنا متوقعين صح؟
عصام:...
•
•
•
•
•
يتبع