ألوان

٢

ألـــوان
الحلقه2
.
.
.
.
.
.
ارتال كيف طالعه من الحمام القت امها مقعمزه ع الصالون.
ارتال: ماما من كان ع الباب.
امها بدت تبكي.
ارتال: ماما خييرك شن في مازن خوي وين😳.
امها: مازن مافي شي هذا عمك كان هوني ويطالب بحقهم الشرعي ف الورثه ومن هذا الكلام.
ارتال: كييف يقدر يقول هك من صدجه هدا اي واحد من عمامي.
امها: هذا كمال عباله بناكلو حقهم.
ارتال: تراب اخوه مزال مانشف وهوا يفكر بورثه يمه تنازليلهم علي كل شي وخلي يفكونا.
امها: المشكله مش ف انه نتنازل المشكله انه ابوك مسجل كلشي بأسمج انتي واخوكي.
ارتال: حاااق 😳باه كيف يصير.
امها: ماعندنا حل الا انهم راح يمشو ويطالعو املاك ابوكي بعيونهم وهوا ابوكي الله يرحمه كان عارف خوته وعارف طبعهم لي هالسبب سجل كلشي بأسمكم.
ارتال: ان شاءلله يصير خير ومايديرولنا مشاكل انا من غير شئ تعبانه.
امها: وي شصاير.
ارتال: ماصاير شي بس هيك الجو متغير عليا.
امها: هسه تتعودي وناس ليبيا حبوبين ولا يهمك راح تاخدي عليهم.
ارتال: اي زينين بس مو كلهم.
امها: عاد لا تصيرين طماعه تبيهم كلهم حبوبين.
ارتال: ههههه اشتقت لي يسرا كنت بي الوقت هذا اروحلها💔☹️.
امها: جيرانا عندهم بنات تبارك الله عليهم كلهم من عمرج روحي تعرفي عليهم وطلعي وياهم.
ارتال: مااعرف توا بعد وقت اتعرف عليهم خلي اخد ع الوضع بس.
امها: على هواك.
ارتال: بسألك يمه صدج انتي مقايله للمدير عادي جلسها بجنب شاب.
امها: اي شو الولد طلع مو حلو😂.
ارتال: ياريت مو حلو ف الحلاوه جميل وجنتل ماقلنا اشي بس نفسيه وماكو شي يعجبه وبعد وين ليضحك ماهضمته لي الصراحه.
امها: هههههه مو لازم اهم شئ تدرسين .
ارتال: اي لكن يايمه لو تشوفين ف واحد اسمه بدر عسل ياماما كلمة عسل شويه فيه جوه مش طبيعي ابد ديما يضحك ويضحك فيهم وجي يحكي معاي مهضووم ودمه خفيف وحت واحد اسمه خالد حت هوا بوه متوفي ماعرف دخل لي قلبي حسيته طيب.
امها: مشاءلله ع بنتي من اول يوم تعرفتلي ع مجموعه شباب وروحت😂💔.
ارتال: هههههه لا حت بنات تعرفت ع وحده اسمها غاده لي حد الان حبابه وهادو الي سميتهملك صحاب يعني قروب واحد ومزال معاهم هذا المتعقد الي بيجلس جنبي باجر واتنين بنات توؤم وبنيه اسمها اسراء.
امها: كوييس القيتي مع من تتسلي.
ارتال: لي حد الان حبابين مااعرف اذا يتغيرون او لا.
امها: انتي ومعاملتك اهم شي لا تزعلين او تجرحين احد.
ارتال: لا توصين.
امها: بقولك ترا عمتك باجر عازمتنا ع العشا عندها ف البيت.
ارتال: ان شاءلله غير ماتكون مثل اخوانها.
امها: لا هاي طيبه وايد وتحبني وتحب ابوكي الله يرحمه.
ارتال: الله يرحمه.
" علاقة ارتال بي امها مكانتش علاقة بنت وامها كانت علاقة صديقه وصديقتها اي شي تحكيه ليها وامها كانت متفاهمه لي ابعد الحدود وعاطيتها الثقه ف كل شي وتعتمد عليها"

~
~~~~~~~~~~~~~~~~~~~~~
~

اسراء: حنااي.
جداها: تعالي يااسريوتي هاني هني.
اسراء: شن اديري البرا شمس عليك.
جداها: قلت نتشمس شويا ناخد فيتامين باء ولا مش عارفه شن هوا.
اسراء: هههههه فيتامين دا ياحناي مش باء.
جداها: هههه الي هوا المهم فيتامين.
اسراء: 😂 رهف روحت من الجامعه.
جداها: اي توا قبل شويه ركبت لي حوشهم...هي بري بدلي خلي نوتي الغداء.
اسراء: تمام نمشي نطق فيها ونجي ع سريع.
جداها: متعطليش.
اسراء: ماشي.
ركبت اسراء لي حوش عمها" طبعا اسراء تعيش مع جداها من صغرها امها وبوها اطلقو وكل واحد تزوج وشاف حياته وهيا ربتها جداها ام بوها وعمها الي يسكن فوق جداها عنده بنت اسمها رهف وتلاته اولاد ربت معاهم وبوها يجي مره مره يشوف فيها ويجيب معاه ف مرته وصغاره عنده بنت اصغر من اسراء بي سنه اسمها جيداء تكره اسراء ف الدم والباقي اولاد اما امها من حد تزوجت معش شافتها نهائي مره بعد وين تكلم فيها ع تليفون وصغارها مايعرفوش اسراء"
اسراء اطق ع باب فتحلها سيف ولد عمها الكبير مواليد93.
سيف: وووه الازعاج جت😒.
اسراء: ها مشيت.
وجت بتنزل من الدروج لحقها يجري جبدها من يدها.
سيف: هههههه تعالي نبصر عليك.
اسراء: حول يدك.
سيف لفها جيهته وحط يده ع كتافها: قيمي عينك فيا ياقزمه😂.
اسراء مطبسه راسها لوطه ومتجمده ف مكانها : انت ياطويل حول يدك.
سيف: باه انا شن قلت باش انتي زعلتي.
اسراء: باه غر حول ايدك توا نقلك.
سيف: يعني ايدي الي مسببتلك ازمه.
اسراء: اي رزينه كتافي طاحو😶.
سيف: عليك مبالغه وحجج ها حولتهم.
اسراء فردت ايديها : ايوا هك.
سيف: الله واكبر😂😂.
اسراء: انا بننزل حناي تراجي فيا.
سيف: تستنى تنتظر ياهم مش تراجي.
اسراء: الله غالب متربيتش زيك ف وسط عيله تقول تستنى وجست امنت والحاجات هادي انا ربتني حناي كانك ناسي والدوه الي نحكي بيها دوة حناي الانه امي وبوي مش فاضيلي للأسف.
ونزلت وخلاته واقف ف مكانه.
سيف: وااااك عليك غبااء فيا مش عاارف كيف بنتصرف معاها كل مابنجي نكحلها نعميها.
اتصلت بيها رهف.
اسراء: ايوا يارهف.
رهف: غريبه ماطقيتيش فيا.
اسراء: رقاهملي خوك سيف نزلت.
رهف: ههههه شن درالك البارد.
اسراء: يتسهوك علي كلامي.
رهف: فوتيه هوا من حبه لك يحب يعصبك😂.
اسراء: بكل اي حب لين فايت غادي.
رهف: مش عارفه امتا بيعقل😂💔.
اسراء: مافيش امل انه يعقل راه قولي لي امك تيأس من توا.
رهف: حت نا احساسي هك يقلي.
اسراء: ها شفتي انا واحساسك ديما متفقين اصلا.
رهف: ههههه بما انك انتي واحساسي متفقين ترا قولي فيش خاطري.
اسراء: تعالي انزلي حناي اهيا مدايرتها الرشده😂.
رهف: ههههههه ياحيوانه مش رشده خاطري نطلع نهيج ندهور نشوف ناس ناس يشوفوني.
اسراء: وربي حت نا هي نطلعو اليوم😢.
رهف: بسيارتك ولا سيارتي.
اسراء؛ بسيارة حناي😂.
رهف: ههههه واطيه غير هيا نكلمو سيف يطلعنا.
اسراء: لالا سيف فوتيه.
رهف: غير هيا مافيش حل الا هوا .
اسراء: لالا كان مع سيف جعل من طلع الواحد بيطلع بيتفرهد معاه هوا بيطلع بيتنكد😂.
رهف: حرام عليك باه شرايك نكلمو سراج.
اسراء: اي سراج عادي.
رهف: باه كلميه انتي انا رصيدي يسفر.
اسراء: باه تمام وجهك توا نكلمه.
~
~~~~~~~~~~~~~~~~~~
~
خالد يِلَعبْ ف ردينه بنت اخته ايمان
خالد: يييي ياروح خالو انتي رودي يارودي ياملغزه ايمان خيرها بنتك متنحه فيا وخلاص.
ايمان: قاعده صغيره متفهمش.
خالد: هيييييي انتي شوفي جاي احسلك،بدت تبكي.
ايمان: حي خلعتها.
خالد: هههه شدي شدي عليك صداع ازح...حقا انتي علاش جايه اليوم..هيا حتكون واحده من الاتنين ياشكلك غالطه ف الايام الانه اليوم مش جمعه،يااسامه زارك.
ايمان: اسامه زارني😂.
خالد: ههههه كان دارها عنده الحق الصراحه لكن المشكله مش جايه ف صالحنا الزره بكل.
ايمان: خزي😂.
خالد: اروى هياا الغدي بنمشي للمحل .
امه: هيا يا اروي خوك مستعجل نوضي ياالاء عاوني اختك.
خالد: تنوضي ف البايره هادي وين اميره وامل.
امه: روحو من الجامعه دخلو رقدو طول.
خالد: وباه مش ناقص شي للحوش.
امه: لالا الحمدلله كل شي موجود.
خالد: ايمان بايته؟.
ايمان: لالا مروحه.
امه: توا كيف دخلت قبلك وقالت بيجيها اسامه بعدين.
خالد: علاش مقعدش يتغدى.
ايمان: عنده عمل.
خالد: اه باهي امالا وينه اصيل معش شفناه.
ايمان: خليته عند عمته.
امه: معش يبي يجي هني ياحنه قلها ماعنديش مع من نلعب.
خالد: هههههه قال الحق.
~
~~~~~~~~~~~~~~~~~~
~
غاده تتصل بي مراد مقفل مشى اتصلت بي علي.
غاده: ايوا علي مراد وين.
علي: ياريتني ماصاحبتكم نلعن ف اليوم الي شفتكم فيه مليون مره واحد يتصل ف الفجر والتانيه ف القايله انا شن ذنبي شن مدايرلكم.
غاده: ان شاءلله راقد😂😂
علي: اي راقد ياغاده راقد تفضلي شن تبي😩.
غاده: مراد وين قافل هاتفه انشغلت عليه.
علي: مشعارف والله ماعارف توا شويه ويفتحه ماعنده وين بيطير.
غاده: باه برا كمل نومك وكان شفته قله يفتحه ساده دلع.
علي: باه حاظر وسكر ورقد.
غاده: الحيوان سكر ف وجهي خزيي.
~
~~~~~~~~~~~~~~~~
~
خالد: السلام عليكم.
مراد: واخيرا شرفت.
خالد: الناس ترد السلام.
مراد: انت يااشيخ تي تعالى شوف مشيتلك سووقك شكلني بنفوت المدرسه وبنبدا نخدم توكه انت وتوكه انا😂.
خالد: تفوت عينك اول واخر مره نعطيك المفتاح اشبح الدنيا كيف خليتها.
مراد: هما كلهم كلهم سراويل حوستهم ع خاطر بنت نفختلي راسي لكن ف الاخر شرت بي هبشه مليحه قتلي ع خاطرك متندريش عليا اصغر منها العبيطه وانا نمشي فيها😂😂.
خالد: من جماك كان تسمع بيك غاده لما تحرفلك نهارك😂.
مراد: بالك مش عاجبك جمالي عيون خضر واشقر ولحيه تبارك الرحمن عليا😂من بيقلها غاده😳.
خالد: الله ع الثقه😂
مراد: شن جوها اليوم.
خالد: عادي مكسده.
مراد: باه💔.
خالد: خيركم.
مراد: ماخيرنا شي يلا انا ماشي ماتبي شي.
خالد: لالا منور بكل زايده معاك.
طلع مراد وركب السياره وفتح التليفون القي مكلمات من غاده ورساله فيها " رد بلا جو مش باهي لصحتك تقعد زعلان راه ".
مراد: هههههه هذا حد الرومنسيه عندك تي وربي انحبك ياهمي.
وصل درس السياره ونزل هوا يضحك مشى لي مربوعة علي طقطق فتحله.
علي: يعني انتم اليوم مش ناويين ع خير حت الواحد ف نومه مش متريح بكل.
مراد: تي سادك وانت اربعه وعشرين ساعه راقد.
علي: حاسديني يعني ف ام النومه.
مراد: اشبح رجع رقد تاني.
علي: شن تبي.
مراد: نوض هدرز عليا.
علي: لا ياراجل.
مراد: والله
علي: وين كنت اليوم قال بوك ف المدرسه قتله ايه ورقعتها.
مراد: ماعنديش خلوق ف المدرسه مشي فتحت محل خالد قبل شحاته وبنتها.
علي: مصح وجهك وخلاص نوض منوض خليني نكمل نومي.
مراد: مانيش نايض خليني شكلني حت انا بنرقد.
علي: ارقد في حوشكم برا.
مراد: لا عجبتني مربوعتك مكيف واضاءه خفيفه وجو جميل.
علي: ارقد واسكت وحقا قبل ماننسى كلم غاده اتصلت تسأل عليك.
مراد: اي عارف توا بنتصل بيها ارقد ارقد.
علي: ياريتني قلتها من بكري.
علي رجع رقد ومراد قعد متردد يتصل ولالا وف الاخير اتصل.
غاده: طيييييب فييك وين كنت.
مراد: تفضلي شن تبي.
غاده: انا غاده تقلي هك😳.
مراد: اي واذا يعني غاده.
غاده: متأكد.
مراد: اي.
غاده: باه اسفه اذا ازعجتك.
مراد: لا عادي غير معش تزعجيني تاني.
غاده: حاظر😭.
مراد: سلام.
غاده: سكرت ف وجهه طول وقعمزت تهز ف رجلها وتاكل ف ظوافرها ماتبيش تبكي.
مراد: هههههه تي شن الهبله اهيا مفروض انا الي نحرج توا قلبت هيا الحرجانه.
قعد يفكر في شن بيدير معاها لين داخ ورقد.
~
~~~~~~~~~~~~~~
~
اسراء: سريجو تعال تعال جيت ف وقتك.
سراج: نعم.
اسراء: انا ورهف اختك خاطرنا نطلعو🙊.
سراج: يعني.
اسراء: متقوليش مافهمتش😂.
سراج: معناها طلعنا ياسراج.
اسراء: ايوا هك هيا.
سراج: وين تبو تمشو.
اسراء: ويين ماتبي انت😍.
سراج: باه برو وتو رواحكم مش مطول بيكم راه.
اسراء: تي تم دقيقه ونكونو قدامك.
سراج: نستنى فيكم ف السياره خمسه دقايق ماجيتوش بنمشي.
اسراء: تمام.
ركبت اسراء جري لي رهف قتلها ونزلت بدلت ع سريع وطلعت تسحاب رهف ف السياره القتها قاعده مانزلتش رجعت ركبت تاني تجري.
اسراء : هياا ياابلوه بيمشي علينا.
رهف: هي هي.
ونزلو الاتنين يجرو طلعو البرا القوه مشي عليهم😂💔.
اسراء ورهف: حي مشى😳☹️💔
اسراء: كله منك ماه.
سيف:😂😂😂😂لحقت ع لقطه الاخيره واهم لقطه😂😂😂.
رهف: ههههههه تضحك انت.
اسراء: 😒💦.
سيف: قريب يبكو😂😂💔.
رهف: ماه عندك الحق الانه ماعمرك جربت انك تبدل وتساوي روحك ومتطلعش ف الاخير☹️.
اسراء: عادي عادي يارهف تعالي ندخلو خيرها ف غيرها.
سيف: ادير ف روحها عاديه وهيا قريب تتطربق😂.
رهف: عليك حظ عندنا يابنت عمي😂😂.
سيف: والله سخفتوني هي نطلعكم انا.
رهف: قول والله😍.
اسراء: لا مش لازم نطلعو.
رهف: والله ماصارها بعد مابدلنا ياسرو.
اسراء: بري انتي انا مانيش ماشيه.
سيف: العله فيا انا يعني.
اسراء: بالضبط.
سيف: باه اعتبري الطلعه هادي بمثابة اعتذار مني ليك علي الي صار امبكري.
رهف: اووو كبيره اهيا😂.
اسراء: من انتم🙄
سيف: هههههه ها شن قلتي.
رهف: تم ماعليك خلاص برا ولع السياره ولحقينك.

~
~~~~~~~~~~~~~~~
~

في الصبح
ارتال: ماما خليك انتي نايمه راح اروح انا واوصل مازن بطريقي.
امه: زين المفتاح ع الطاوله سوقي بي الراحه وديري  بالك ع نفسك.
ارتال: ان شاءلله... يلا مازن راح اتأخر.
مازن: اوك اني اجيت.
طلعت ارتال وصلت خوها ومشت هيا للمدرسه وصلت درست السياره الداخل وكلهم ع وجوهم علامات استفهام كيف انه تسوق وبروحها واهلها عاطينها السياره.
مراد: علي اضربني كف اضربني.
علي: ضربه كف لا يقرا لا يكتب.
مراد: اااااه يا... شكلك ماصدقت.
خالد:😂😂.
جاهم بدر فاتح فمه😧.
بدر: شفتو الي شفته.
مراد: شفنا شفنا تي الطرف هادي امتا جت😍.
خالد: امس.
مراد: من امسس وانا ماعنديش علم.
علي: ها الحاجه الكبيره الي بنحكولك عليها.
مراد: تي غر كبيره وسكتت انت شفت الجمال شفت الجسم شفت الرقي شفت السواقه شفت الشخصيه.
بدر: اين انتي ياغاده لي تسمعي مالذ وطاب من الكلام.
علي:  اي والله مسكينه.
خالد: ونزيدك من الشعر بيت بتقعمز بجنبك البنت.
مراد: قصدك تقرا معانا ف نفس الفصل وبتقعمز معاي هاذي منصدقهاش.
خالد: توا تشوف بعيونك.
مراد: وعلي وين بيطير.
علي: مدورنيش انا بنقعمز بجنب مازن لكن دور غاده المسكينه شن بتكون ردة فعلها.
مراد: ع اساس نتكلم جد توا انا😒💦.
ارتال فاتت من بجنبهم.
ارتال: صباح الخير بدر.
بدر: صباح الورد😁.
مراد: اشمعنا بدر😒.
علي: ياحبيبي هذا منظم اموره امس.
بدر: صقع ع راسك☺.
خالد: هيا انت وياه مافيكم من دوا الطابور بدي.
استاذ الرياضه: انت وانت وانت للعَلم.
بدر: يييه علينا.
بدر قعد يدف في ولد باش مايرفعش هوا العلم😂.
كملو الطابور ودخلو.
غاده: صبحخير ارتال.
ارتال: صباح الورد.
مسره: غاده مراد جي وعلي قعمز بجنب مازن يعني مراد بيقعمز جنب ارتال.
غاده: يصطفل يقعمز وين مايقعمز.
مسره: شكلها كبيره القصه مش عركه بسيطه.
غاده: عادي يعني غير هوا يكبر فيها.
مراد: صباح الخيير.
اسراء: صباح النور وينك امس الفصل مانحكيلك هدوء.
مراد: لي هاالدرجه يعني مداير دوشه.
اسراء: واكتر.
غاده دارت روحها مش مدايرتله اعتبار ولا كأنه موجود.
مراد قعمز بجنب ارتال: صباح الخير.
ارتال ف خاطرها شن ها الجمال: صباح النور.
القروب كله مستني ردة فعل غاده لكن غاده شدت روحها مع انه بتتفجر من الداخل.
منال: غاده قصدك عادي😕.
غاده: هوا عاجبه الجو عادي يعني.
مراد سمعها ضحك ف داخله.
ارتال: غاده ممكن الجدول.
غاده: اكيد حبيبتي دقيقه بس "وشوشت لي مسره" بلله عليك اعطيهولها مش قادره نقبل التالي.
مسره: باه تمام.
بدر: ارتال شنجو.
ارتال: تمام الحمدلله شخبارك انت.
بدر: الحمدلله.
دخلت ابلة e استغربت كيف مقعمزين ولد وبنت لكن مابتش تركز هلبا وبدت ف الحصه ارتال تشارك ومش هامها مراد وغاده قريب تتطربق ومراد يراقب ف غاده كيف متوتره بعتلها ورقه في بيرو مكتوب فيها" خففي من توترك مش باهي لصحتك" غاده معش قدرت تتحمل وناضت وقفت بتتفجر خلاص.
غاده:....
•
•
•
•
يتبع

◦