ألــوان
الحلقه 1
،
،
خالد: اشي اشي ف بنت جديده يااعيله.
بدر: بجديات وينها😳.
خالد: اونهي ف الساحه التانيه بجنب النفوره يا احول.
بدر: غبااره حرفه شن الصاروخ اهواا😍.
خالد: تي نيزك وطاح ع روسناا😍.
علي: مريضين وربي عاديه مش لدرجه انها واو وانتم درتولهاا جو مش ليها بكل.
بدر: خليك ع جنب يارزين انت😒.
علي: قاعد ياخفيف.
خالد: فوته فوته اهيا اسراء والبنات جايات توا نسألوهم بالك يعرفو حاجه...يا اسراء تعال اشويه.
اسراء: جايه اصلا.
منال: قال اسراء يعني يلا منك ليها درقو وجهكم.
خالد: لا والله مصارهاا كيف عااد.
مسره: رقع رقع.
بدر: شينك حصله بين اتنين توؤَم ياخالد.
منال: شن تفضلت؟
بدر: لا شئ وهوا انا اقدر احكي معاكو.
مسره: ايوا هك.
علي: مش ملاحظين انه منال تتكلم ومسره الي ترد.
اسراء: علي هوا انت هني باه الي سمعنا صوتك😂.
علي: تعيشي وتسمعي.
خالد: تي باه اسكتو اشويه اس اسراء من هديك البنت جديده وله؟
اسراء: قلت نا غريبه ماسألوش لي توا.
بدر: باه اهو سألنا تعرفيها ولالا.
اسراء: لالا منعرفهاش لكن.
منال: خلي نقلك هذا ياسيدي.
اسراء: انا الي بنحكي ياحيوانه.
خالد وبدر: تي هيا وحده فيكم تحكي نفختوهم.
منال: عندك هادي البنت قالو كانت عايشه ف العراق امهاا عراقيه وبوها ليبي.
بدر: اي وباه😲.
منال: شن باه هوا هذا😂💔.
اسراء: 😂😂شوفي تعابير وجههم.
بدر: قصدك بجديات هوا هدا الي كنتو تتعاركو عليه☹️💔.
خالد: شن متوقع منهم😒.
علي: حلوه فيكم😂.
بدر: باه مخطوبه😕.
خالد: غير استهدى بلله ياراجل ماتعرفش حت الاسم دخلت ع الخطبه طول😂
علي: مايبصرش😂.
اسراء: والله ماعارفه😂.
جتهم غاده تجري.
غاده: ووه وه سمعتو اخر الاخبار.
علي: البنت الجديده💦.
غاده: اي قصدك قديم الخبر ☹️💔.
مسره: ههههههه لالا مليشي هلبا ياغاده.
خالد: باه سنه شن تقرا ماتعرفوش.
غاده: تي معانا ف نفس الفصل.
بدر. احلللفي😍.
غاده. والله😂
بدر: يزيدك عز غاده غدغد غدغوده.
علي: الفرخ ودر ياغيبة مراد.
مسره: اس علي جبتلي كراسة الفيزياء.
خالد: شلخات الليبيه ضروري منهم.
مسره: اشقى بروحك.
علي: اي جبتها.
مسره: كتبت ولا زي عوايدك ترفع وتجيب وخلاص.
علي: لا والله كتبولي .
مسره: مشاءلله عليك من كتبلك.
علي: بنت خوي😅😂.
مسره: هك الصح 😂.
غاده: علي.
علي: نعم
غاده: مراد جي😅؟.
علي: لالا مش جاي.
غاده: اه باه💔.
علي: خيركم شن صاير.
غاده: شئ غر ولد عمك حساس هلبا.
علي: هههههه فوق احساسه زدت انا عطيته احساسي تحمليه.
غاده: هههه ماه ناقصه ناا.
رن الجرس والي هذا مشي لي مكانه باش يديرو الطابور وعندهم استاذ متع الرياضه بارد بكل. دارو الطابور ودخلو وحوست الممرات ضروري منها وطبعا البنت الجديده ناداها المدير.
بدر: غاااده.
غاده: نعم.
بدر: مش قلتي معانا؟
غاده: تي اي معانا.
بدر: باه وينهاا.
اسراء: تحشم اشويه وانت تقول مكبد عليهاا وقداش ليك تعرفها.
بدر: ماعمرك سمعتي من حب من اول نظره😍😂.
اسراء: لا.
احمد"طالب معاهم": جت النفخ ع صبح نحو ازح.
منال: وااااك توا بتقلي نوضي امسحي الصبوره مش عارفه علاش جايتها عليااا.
خالد: مشبهاتك لي شغالتها اكيد👌.
علي: ههههه رسمي.
منال: خزو😒👊🏻.
اسراء: اقفو اقفو ماعنديش نيه نطلع من اول حصه.
مريم"ابلة العربي": السلام عليكم.
الطلبه: وعليكم السلام.
ابله مريم: منال الصبوره وحمزه ومحمد اوقفو ف اخر الفصل كل حد ف جيهه.
منال: صبرك يا الله.
ابله مريم: من غياب؟.
اسراء: مراد وألاء .
وبدت الابله ف الحصه .
طبعا القروب هادم يقرو شهاده ثانويه " علي ومراد والي هما ولاد عم...وخالد وبدر واسراء...ومنال ومسره "توأم"..
من الاعدادي يقرو مع بعض وديما محتلين الصفه الوسطيه وكرسي بكرسي الاول فيه بنات فلاتزه والتاني فيه منال واسراء والتالت فيه بدر وخالد والرابع فيه غاده ومسره والاخير علي ومراد.
~
~
~
~
المدير: اسمعي يابنتي امك لما جت تحط ف ملفك قلتنا عادي المهم بنتي تقرا.
ارتال: لكن يا استاذ مش لدرجة انه نقعمز بجنب شاب يعني.
طارق "اخصائي اجتماعي": حتى انا مش مقتنع بيها الفكره واصلا الصَفه الوسطيه مش عاجبتني كيف انها مختلطه شن رايك نحولوهم بنات بروحهم وولاد بروحهم كل واحد ف فصل.
المدير: يصير خير غير توا يابنتي بري لي فصلك وان شاءلله نديرولك حل.
ارتال: ان شاءلله وين الفصل؟.
المدير: ياطارق بلله عليك ارفعها للفصل وحول مراد بجنب مازن وهيا خلي تقعمز مع علي.
طارق: علاش الدوره هادي كلها توا تقعمز بجنب مازن باش متصيرش مشاكل.
المدير: الصَفه الي فيها مازن كلها ولاد وبعدين الابلات كلهم يشكو من هدرزت مراد وعلي فتقعمز مع علي خيرلها.
ارتال: 🤦🏼♀.
ركبت ارتال هيا وطارق للدور التاني .
طارق: طق وفتح الباب... صباح الخير ابله مريم كيف حالك.
ابله مريم: الحمدلله كيف حالك استاذ طارق.
بدر: اهو جي الي مهبلني اهو جي.
مسره: حي هادي وين بتقعمز😕.
خالد: اي صح وين بتقعمز.
طارق: بري قعمزي غاادي.. وأشرلها ع كرسي علي.
الولاد: قعدو يلبسو فيه ويديرو في الجو...اووووووو.
بدر: لالا مش متفقين هك غش اهوا علي تبدلي☹️💔.
علي: كيف هك يا استاذ مايجيش منه الكلام اهوا راه.
بدر: يعفس في النعمه برجليه الغبي🤦🏻♂.
طارق: يا أنت يامراد واحد منكم يقعمز جنب مازن.
غاده: تفنص في علي وتقله مراد لا مراد لا.
😂💔
علي: حول وقعمز بجنب مازن😂....اقعدي فيها.
ارتال:😒ف خاطرها"ع اساس انا ميته عليك".
ابله مريم: عرفينا عليك شن اسمك؟
ارتال: ارتال مجدي محمد.
خالد: الله واكببر بي الجمله مش حت رتل واحد ارتال مره وحده😂.
ضحكو كلهم وعم الفرح و السرور.
ارتال: {ورتل القرآن ترتيلاً} هك معنى الاسم مش كيف مافهمت.
خالد:😮😶.
اسراء: تم قصف الجبهه😂.
ابله مريم: خالد البراا.
بدر: ف ظرس طاح منك قيمه وانت طالع😂.
خالد: يصير خير😅😂.
رجعت ابله مريم تعطي ف الحصه وكانت ارتال مستغربه في الفصل والاشخاص غريبين عليها وطريقة الشرح والابله كل شي متغير عليها كملت ابله مريم الحصه وطلعت وخدو بعدها حصه انجليزي ومابين الحصص ف بنات جو يتعرفو عليها وهيا سايرتهم.. جت حصة رياضيات وهيا كانت تتعب مع الارقام... قعدت تشارك مع الابله والابله عجبتها ارتال كيف انها تشارك وذكيه والبنات الشاطرات بيموتو من الحسد والولاد شدينها تعليق وضحك.
بدر: التفت لي غاده... غاده ديريلي حل تربحي زياده ذكاء فوق الجمال مش معقوله هك قلبي الصغير لا يتحمل.
غاده: استنى اشويه" طلعت طرف سنكرز من الشنطه وحذفتهاله" انت مش انت وانت جعان.
بدر: منورا اصلا كنت جعان جت ف وقتها😒
واهني خالد ضحك والفصل كان شبه هادي😂.
الابله تلفتتله وقعدت تشبحله والقروب كلهم يضحكو ع هزاز😂
خالد: شن نفهمها النظره اهيا نطلع ولا كيف😕.
بدر: ت سكر فمك اشويه تانيه وتنقز عليك.
ابلة جميله: قلة ادب وفوقها هدرزه.
خالد: انتي قعدتي تتمقلي فيا قلت شكلها مطوله خلي نهدرز🤓🙄.
ابلة جميله: معش عرفت كيف نتفاهم معاك جيبلي بووك غدوا ضروري يدرلي حل معاك.
خالد: لو قدر يطلع من القبر بأذن الله يجيك💔.
ارتال: عيونها تعبو دموع الانه جرحهها قاعد مبردش حت هيا بوها توفى من فتره قصيره😭💔
اسراء: خالد فوتها مدورهاش .
اسراء كانت تقرب لي خالد بس مش هلبا من بعيد وحاسه بي الي مر بيه وخصوصا انه شال مسئوليه من صغره الانه هوا الولد الوحيد بين اربعه بنات 😔💔.
ابله جميله: الله يرحمه قعمز ومعش تعاودها😳.
خالد: انا طالع اقعدو فيها.
وفتح الباب وطلع.
علي: عفوا ياابله بنمشي نشوفه.
ابله جميله: برا متعطلش.
غاده التفتت لي ارتال لما حست انه في حد يبكي.
غاده: خيرها البنت اللطف ومدتلها كلينكس.
ارتال: شكرا.
ابله جميله: غاده تلفتي قدام.
غاده: باه حاظر.
وقبلت هيا مستغربه وتوشوش هيا ومسره.
ارتال: عفوا ابله نمشي للحمام.
ابله جميله: بري.
طلعت ارتال تبي تغسل وجهها تخلطت عندها كيف خلت مدرستها واصحابها وجت هني لي بلاد تحس فيها غريبه عليها ووصية بوها الي قلبت حياتهاا رأس ع عقب وخلتها تتحمل كل الظروف وتعفس ع نفسها ع خاطر امها وخوها الصغير وتتحمل مسئوليه من صغرها... قعدت ادوَر ف حمام القت واحد ف الدور الي هيا فيه وجت بتدخل سمعت خالد يحكي لي علي بصوت عالي.
خالد: فوتني ياراجل برا انت.
علي: غر علاش طلعت ماقتلك شي هيا.
خالد: فوته الموضوع ياعلي انااا مانحبش حد يشوفلي نظرة شفقه اهياا انت شفتها كيف لما عرفت انه بوي متوفي قتلي قعمززز باش تعرف انها سخفت علياا وانا موتي وشنوطي من الشئ هذا.
ارتال: "😭💔".
طلع علي بيشوف بالك ف استاذ ولا حد الانه خالد صوته عالي نخلع لما شاف ارتال واقفه ف الباب وتبكي
علي: انتي شن جيبك هني.
ارتال: جيت نبي نغسل وجهي وماعرفتش وين الحمام.
علي: ف الدور الاول .
ارتال: تسلم..ونزلت.
علي: خيرها اهيا😕.
خالد: منو
علي: ارتال.
خالد: شكلها مش هوينا واثقه من روحها بكري هدمتلي تاكمي .
علي: اي ركززت😂 لكن تبان حت بريئه وطيبه مردتش عليا لما قلتها اقعدي فيها.
خالد: انت يا محلل يامركز تي خافت منك البنت مسكينه.
علي: مريض وربي.
رجع علي للفصل وخالد ماباش يرجع معاه.
كملو الحصص وجي وقت الاستراحه طلعو الكل قعدت ارتال وغاده.
غاده: اويي ارتال انا غاده ماجتش فرصه انه نتعرف عليك بكري.
ارتال: اهلين لا عادي ولا يهمك تشرفت بيك.
غاده: وبيك زاد شرفي... نبي نسألك؟
ارتال: تفضلي.
غاده: بكري علاش قعدتي تبكي لما خالد تكلم.
ارتال: ممكن ع خاطر جرحهه يشبه جرحي حت نا بابا مات من خمسه شهور💔.
غاده: أسفه سامحيني مش قصدي الله يرحمه ويغفرله كلنا ليها حبيبتي معلش هذا حال الدنيا.
ارتال: امين يارب لا عادي.
غاده: باه هيا تعال ننزلو ماتبيش تتعرفي علي المكان وعلي الناس.
ارتال: لا ودي بس ما اعرف شلون ادش فيكم.
غاده: ياااااي تهبببببلي وانتي تحكي عراقي احلي من ليبي را معش تحكي ليبي العراقي خايل عليك اكتر😍.
نزلو وهما يحكو.
ارتال: تسلمي كلك ذوق😂💔.
غاده: كم ليك عايشه في العراق.
ارتال: من صغري عايشه هناك لي عند بابا عطاك عمره اجينا ليبيا ودفناه هنا وكان موصي ماما انه نرجع نعيش في ليبيا بين اعمامي مع انه ماما ماكانت حابه فكرة انها تترك اهلها ولا انا كنت حابتها بس شسوي هاذي وصيته ومن الضروري انه تتنفد وهسه نحنَ نحاول نتعايش ونتعود ع الوضع.
غاده: اي صح معاك الحق...عندك اخوات ولا انتي بس.
ارتال: لا عندي اخوي اصغر مني.
غاده: ربي يحفظه.
ارتال: ويحفظك...اي وانتي؟.
غاده: شنو انا.
ارتال: اسمك غاده باه وشن تاني.
غاده: اه هك تقصدي انتي😂اسمي غاده ويدلعو فيا احيانا بي غاده غدغد غدغوده عندي اختين بنات ونا تالته ونتعب مع الشاورما وهلبا حاجات كان بنقعد نعدد معش بنسكت اي ونتحشم هلبا.
ارتال: هههه فديت الي يستحون😍.
غاده: ياربي ياربي🙊.
ارتال: هههه مجنونه.
غاده: تعال تعال خنمشو للمختشات اونهم.
ارتال: نحس ف العيون عليا ولا انا نتخايل.
غاده: اي توا انتي حديث الساعه ديري روحك مش شايفتهم وخلاص الانه مرات حت تواجهك كلمات وخصوصا من بنات ديري روحك طرشه ماسمعتيش وحوله ماتشوفيش.
ارتال: لا مسالمه انا متوصين في الامور هاي نعجبك بس حسيتهم وايد يطالعوني.
غاده: مشاءلله عليك انتي تلفتي الانتباه جميله وانيقه وفوقها جديده عليهم يعني متلوميهمش.
ارتال: يييي مشكوره ع المجامله😂.
غاده: لا والله احكي صدج😂😂💔.
ارتال: ههههه تعرفين تتكلمين عراقي.
غاده: لا والله هادي توا القطتتها منك.
منال: طيب فيك الي جيتي.
غاده: اهو جيت تعالي تعالي خنعرفك.
منال: علي من بتعرفيها😒 .
غاده: عليكم😠.
مسره: انا مسره.
اسراء: وانا اسراء.
غاده: وهادي منال💦.
وجي بدر خصوصا لما شاف ارتال واقفه معاهم دخل في النص.
بدر: وهذا بدر.
مسره: قصدك وهذا البارد.
مد ايديه وسلمتْ عليه وهوا عيونه قلوب قلوب فيها.
ارتال: تشرفت بيكم.
بدر: وبيك زاد شرفنا.
اسراء: حقا غاده علاش مجاش مراد اليوم.
غاده: متعاركين😪.
بدر: خاطري يوم نشوفكم جوكم جميل.
غاده: مدخلكش بيناا احنا حرين😒💦.
ارتال ارتاحتلهم عجبوها كيف انهم واضحين وبدون قيود وكل شي دغري مش من جماعة الغمز ولمز ويحكو ف كل شي قدامها كأنهم يعرفوها ليهم وقت.
بدر: نحن هنا.
ارتال: نعم.
بدر: لا شئ غير قلت بالك تبي تشاركينا الحديث😅
ارتال: اها🙄.
اسراء: مبردك خلي البنت في حالها.
بدر: توا هيا شكتلكم حاجه.
ارتال: بدر.
بدر: يانعم😍.
ارتال: وين خالد؟
كلهم استغربو في علاش تسأل ع خالد الوحيده الي فاهمه غاده.
بدر: نغار راه☹️💔.
كلهم قعدو يضحكو علي هباله حت ارتال الانه عارفته يبصر وجوه هك.
بدر: نمشي اناديهولك تبيه.
ارتال: لالا مافي داعي نسأل بس.
بدر: وبااه عرفوك عليهم ولا انا نعرفك علي طريقتي.
ارتال: لا تعرفت عليهم هادي اسراء وهادي منال وهادي مسره وهادي غاده غدغد غدغوده وانت بدر 😂.
بدر: مدام تعرفي دلع غاده معنها رسمي تعرفتي عليهم.
غاده: والله ماتعرف الا الدلع واسامينا ياحيوان.
ارتال: اي صح.
بدر: معنها خلي نعرفك عليهم.
منال: اعتقد مش ضروري تعرف التفاصيل يكفي تعرف اسمائنا الي بتنادينا بيهم ساد مش لازم تشهدر بينا وهيا ماليهاش حت نص ساعه واقفه معانا وانتم درتولها قدر اكتر من قدرها .
ارتال وجعهها كلام منال حست انه مش مرحب بيها وف نفس الوقت قالت حق ماليش هلبا نعرفهم مش لازم ناخد ع جو فيسع وانا قاعده مش عارفتهم كويس
مسره قرصت اختها متع سكري فمك وغاده واسراء فنصو فيها.
بدر شافلها من فوق لي تحت وحاول يلطف الجو: 😒طبعا هادي اول مريضه ونكديه ومسمومه ف القروب ودور ف المشاكل دواره.
ارتال: لا بدر مش لازم تحكي عندها الحق انتم قاعدين متعرفونيش والبنت ماتبيش تهدرز حاجه تخصها من حقها انا نستأذن.
غاده: ارتال منال مش قصدها هيا ديما هك تحكي ف اي كلام بدون ماتحسبله ماتزعليش منها.
ارتال: لا عادي والله مازعلت.ومشت.
بدر: انتي خييرك شن ينخص فيك بزبط نبي نفهم البنت شن دارتلك.
منال: بي الجو هك مهضمتهاش.
بدر: وربي الا تعبانه وسم يجري ف عروقكك.
اسراء: لقطتك غلط يامنال عيب البنت جديده.
منال: عاجبني وضعي ماحدش دخله فيا.
اسراء: تصطفلي الحق فينا.
غاده: مفضاكم فوتوها هيا الي يبركب انا ركبت.
ارتال طلعت تليفونها وتمشي ف الساحه باش تركب لي فصلها متندريش انه ممنوع تليفونات لما شافت كل يشوفولها يضحكو ويتكلمو ويوشوشو استغربت فيهم اول مره يشوفو وحده شاده تليفون ولا كيف.
فات من بجنبها علي.
علي: التليفون ممنوع ف المدرسه يأنسه.
قالها وكمل طريقه.
ارتال: اها.. ودست تليفونها.
~
~
~
الحصه الاخيره كانت فاضيه... علي جاب كرسي وقعمز مقابل مسره واسراء وخالد بما انهم قراب من بعض فايفهمو ف بعض اكتر شئ وغاده مقعمزه تنصح ف منال ع اساس وبدر شاف لي ارتال القاها سرحانه وبروحها مشالها.
بدر: عادي نقعمز لو مافيش احراج طبعا.
ارتال: لا عادي تفضل.
بدر: تمام "وخش ف الموضوع طول" عندك هديك منال النفسيه حكيتلك عليها طبعا عكس اختها مسره طيبه ونيه ومتحبش تزعل حد.
ارتال: مثلك يعني.
بدر: كيف😍.
ارتال: الي نقصده يعني حت انت من الواضح انك متحبش تشوف حد زعلان ولا انا اتخايل.
بدر: تتخايلي😂.
ارتال: هههه امالا ليش جيت بتحكيلي مع انه قالولك ماتحكي واني انا غريبه عليكم وهك يعني.
بدر: لي انه منحبش نشوف حد زعلان☺😂.
ارتال: بس ترا انا مازعلت.
بدر: ياحليلي ناا😍.
ارتال: كيف.
بدر: لا شئ غير اول مره نسمع هجين ليبي مخلط بعراقي وطالع حلوو.
ارتال: ههههه تسلم.
علي: شكله الجو بدي يسلك ياخالد.
خالد: اي مانحكيلك ياعلاوي.
بدر: اللهم لا حسد.
علي: مش عارف علي شن بنحسدك .
بدر: العب بعيد وانت حاشي راسك في كل حاجه...المهم فكك منهم هادم كان فتحو دسكه معش بيسكتو.
ارتال: حلو الكيمستري الي بينكم.
بدر: اي كلهم يقولو فيها.
ارتال: ربي يخليكم لبعض.
بدر: ويخليك.
ارتال: تسلم.
بدر: الله يسلمك خلي نكملك وعندك غاده جوها جميل وفري لكن حساسه هلبا وعلي صاعب بكل صارم ف كل شي ويحب يفرض شخصيته ع الكل بي المختصر لا عاجبه لا عجب لا صيام ف رجب ونادر مايضحك لي حد غريب احنا باش شفنا وسمعنا ضحكته الا بعد سنه من صداقتنا.
ارتال: هههه اي هذا واضح عليه من تقرين الحواجب.
بدر: لكن اصلي وقت تحتاجيه تلقيه اول واحد وفزاع.
ارتال: وخالد؟
بدر: ان شاءلله منخافوش خاطري نعرف شن قصة خالد الي تسألي عليه.
ارتال: هههه لا والله مافي حاجه غير بكري وجعني كيف حكي مع ابله.
بدر: اي خالد شاب خدوم للمليون بعد مامات بوه قعد هوا راجل الحوش وقصة انه يحمل مسئولية اربعه بنات ويخدم ويقرا في عمره هذا صعبه وحراج درجه اولى بسرعه يعصب وبسرعه يرضى.
ارتال: ياروحي عليه☹️💔.
بدر: ردي بالك تقولي قدامه هك مايحبش من ينظرله نظرة الشفقه.
ارتال: عاارفه حت نا نفس الشي.
بدر: كيف.
ارتال: حت نا بابا عطاك عمره وبديت نحس بي المسئوليه من توا كوني الكبيره.
بدر: الله يرحمه ويجعل مثواه الجنه💔.
ارتال: امين يارب.
بدر: كيف مات؟.
ارتال: عادي تغير الموضوع مانقدرش نحكي فيه😭.
بدر: اسف سامحيني مش قصدي.
ارتال: لا عادي كمل واسراء.
بدر: عندك اسراء محلله اجتماعيه وعقليه وكل شي الي يبي يدير حاجه يمشي يستشير اسراء وفي عضو حت هوا من القروب غايب اسمه مراد هذا يكره المدرسه ف الدم يجيها ع خاطر غاده 😂💔 واللامبلاه غازيا حياته مايعدل ع حد الا غاده ابسط شي تقوله يتحسس منه .
ارتال: يييي تجنينو ربي يحفظكم وشكرا لي انك حكيتلي حت من غير مانطلب منك.
بدر: تي ارتحتلك كان هذا وين نجي نحكيلك اسرار قبيلتنا😂
ارتال: هههههه ونسيت انت محكيتش عليك.
بدر: في حد يحكي ع روحه توا😕.
ارتال: اي عادي.
بدر: باه ترا احكي انتي.
ارتال: انا انسانه متفهمه ومسالمه ونحب الحياة وكل شي ننظرله من الناحيه العقلانيه وليس العاطفيه واجتماعيه نوعا ما والعناد يلعب دور اساسي في حياتي.
بدر: الله الله الله هذا كله تعرفيه ع روحك تي انا مانعرفش الا اني باسل وبارد😂💔.
ارتال: هما هادو فيك صح 😂لكن في غيرهم متلا انا توا شفت فيك انك انسان طيب وطموح ومتفائل وتحب الناس.
بدر: الله اكبر هادم كلهم شفتيهم هك في مرا وحده😂💔.
ارتال: ههههه اي .
بدر: فيك جو😂
ارتال: كيف.
بدر: مرحبتين بيك ف قروبنا.
ارتال: اعتقد انت وغاده الي رحبتو مش كل يعني متجمعش علي لسان غيرك.
بدر: ههههه وجهك معبى براءه ازح مش لي عقلك بكل وياستي انا وغاده اعتبرينا مؤسيسين القروب وحطيناك مشرف هك ولا هك راح يستقبلوك.
ارتال: هههههه تشبيه بليغ.
تمت الحصه وكلهم طلعو ارتال ارتاحت لي بدر لين خلاص حست انها تعرفه ليها وقت.
ارتال: غاده غاده.
غاده: نعم.
ارتال: عادي رقمك.
غاده: اي تفضلي حبيبتي توا نكتبهولك ف ورقه...هاكي ابعتيلي رساله باش نعرفك.
ارتال: تمام شكرا.
غاده: ولو العفو.
~
~
~
علي يخبط ع حوش عمه بو مراد" طبعا مراد وحيد امه وبوه ومدلع دلع صح وعلي ديما عندهم يعتبرو فيه ولدهم التاني مايحبش حوشهم الانه نساوين بوه وخوته يرقوله فيهم".
فتحي"عم علي": او علي خش خش.
علي: كيف حالك عمي بلله مراد وين.
فتحي: ممشاش للمدرسه اليوم ولا كيف.
علي: ءءءا كيف لا جي غير روح قبلي وخلاني نتشحط ع رجلي.
فتحي: ههههه الله غالب عليك.
علي: امالا هي عمي سلامتك قله يفتح تليفونه لما يروح.
فتحي: ان شاءلله...غير اقعد تغدا معانا.
علي: لالا صحيت عمي منور بكل.
~
~
~
ارتال كيف طالعه من الحمام القت امها مقعمزه ع الصالون.
ارتال: ماما من كان ع الباب.
امها بدت تبكي.
ارتال: ماما خييرك شن في مازن خوي وين😳.
امها:....
~
~
~
•
يتبع
