هادي الروح ... لك تشتاق 💟💟
الجزء التاني 👰👰
الحلقه العشرون والاخيره 💞💞
ملاحظه (( نت ضعيف ومن ساعه 1 نحاول نزل فيها .. توا بس كيف اكتمل تنزيل ومشاهده ممتعه للكل ))
سمر ... هيااااا قووووولي
حميدا .... باهي ... بس قبل وين عقاب ؟
وهنا سمر ارتبكت وماعرفتش شن تقوله وقالتله ...
سمر .... هوا ماقالكش عقاب ؟
حميدا ... شن قالي ؟ ( بوجه متفاجئ)
سمر .... عقاب اليوم فاتحاته علي مريم ..
حميدا ... بجد انتي تتكلمي او تبصري ؟
سمر .... علاش نبصر ... مرته وعرف قيمتها وردها بعد الا شافه من اختك وخوك احمد هوني قوله يفرجك علي الادله ... مريم هيا يكفي ماخانتش عقاب حتي بعد طلاقهم ومادست علي عقاب انها كانت تهيج مع واحد في سياره .. تي اختك وصلت بيها انها تعمدت تفرقهم علي بعض وتفبرك صور ومحادتات وتخلي مريم يشوفهم ... ونزيدك من البيت شعر ... اختك اتهمت ولد عمك زوز ان حاول يغتصبها وتحرش بيها اكتر من مره وقالت انك ضربتها وانكم ماخليتو مادرتو فيها لانكم تزوجوها ... وفوق من هدا كله طلع الولد مادراش هدا كله وكانت مسغله صدقاتك بي عقاب وترجاته اكتر من شهر انه يجي ويوقف معاها ويخطبها لمدة 3 شهور بس وبرغم هدا عقاب كان ناوي يرتبط بيها بجد لولا ان ربك فضحها قدامه وبين معدنها وخلاه يعرف قيمة مريم ...
حميدا .... انتي لهدرجه شايله منها في قلبك ؟
سمر ... اختك هيا افعي هيا الا سببت في طلاقي لو نسيت يوم الاستراحه هيا ومرة خوك وسببت في انفصال مريم علي عقاب ... مع انك تعرف بينك وبين نفسك انه يحبها ويموت فيها ...
حميدا ....اختي افعي ... واهلي مايصلحوش ... واني شني ياسمر ؟
سمر ... عقاب ارجوووووك ماتدخلش هدا في هدااا ... اني ماجبدتش اهلك بس اختك انت عارف انها لزتني من الحوش وقالتلي انتم عيله وسخه ؟ تعرف او لا انت ؟ اختك هيا الا بدت بالحقاره صدقني ..
حميدا .... سمر انهيه موضوع هوا خلاص ... لاني بجد مليت من اهلي ومشاكلنا وكل شي ...
وخش وسيبها ... وخش لصالون ... وفتح نقاله لعل يلهيه ومايخليشي يفتح اي موضوع تاني معاها ... ولكن المره هادي قربت منه وقالتله ..
سمر ... حمودددي زعلت مني ؟
حميده ... (اكتفي بالتنهيده )
سمر .... اني اسفه لو تعصبت وماتحكمتش في لساني ... خلاص عاد تاسفتلك اشبحلي ..
حميدا .... سمر اني تعبت ... بجد اني تعبت من المشاكل ... من اهلي ومن عدم تفاهمك معاهم ... وهالشي هدا بس هوا اكتر شي خلاني نوافق علي العرض الا تقدملي ...
سمر .... اي عرض ؟ في موضوع واني مانعرفش ؟
حميدا .... اي ... شي رح يرحنا من جميع نواحي ... ورح ترتاحي انتي واني ..
سمر .... سمر ... شن في ؟
حميدا .... اني المدير فتحلي موضوع واحنا في تونس و اعطاني عرض كويس هلباااااا... اني نمسكله الفرع الا في تركيا ... ونديره اني ... وفي مقابل رح يعطينا امتيازات ... شقه وتأمين صحي و3000 الف دولار في شهر وكل سنه عندنا مره مجاني نسافرو لليبيا لمدة اسبوع ونروحو ...
سمر ... وانت وافقت ؟
حميدا ... اني وافقت بشكل مبدئي بس قولت نص القرار يعودلك اكيد
وهنا سمر قعدة تنط وتعيط وهيا فرحانه وقعدة تقوله ...
سمر ... ( بوجه في قمت سعاده ) ... اكييييييييييييد مواااااافقه ... اني اسعد انسانه في دنياااااا بجد ... الله اني قصدك بنتلاقي مع مهند ونور و ابطال مسلسل جودة والعشق الممنوع والاوراق متساقطه ؟ واحتمال نسكن في حوش عم مهند في عشق ممنوع هديكا الفيلا الا علي بحر .. الله ههههههههههههههههههه ...
وهنا احميده قعد يشبحلها وهوا يضحك ويهز في راسها علي جنونها طفولي وقاللها ..
حميدا ... انتي هوا هدا الا فكرتي فيه ؟ مهند ونور ... والله انتم الليبيات مافسدوكم غير تركي ... هههههههه
سمر ... خزي عليك والله مش هكي بس كان خاطري بجد نمشي لتركيا ونأكل البرك والفطاير ونقعمز علي البحر .. الله ياحميدا هدا اسعد خبر في حياتي ... امتي بترد عليه ؟
حميدا ... بكرا بعون الله باش سبت نطلع اني وياك لتونس ومن تونس نرتبو امورنا ونتسقدو طول لتركيا ... عندك فرصه تلمي حاجاتك ؟
سمر ... من بكرا ..بعون الله تكون شناطي فم الباب هههههههه
حميدا ... والله انتي مهبووووله ... باهي توا ممكن نخشو لدار ونرقدو لاني في حاجات بكرا لازم نديرها قبل مانسافرو ؟
سمر ... لا حبيبي ... انت للاسف رح تبات فوق .. ومريم بتبات لوطه ... متاسفه جداااا بس البنت فوق ... حي عندك علم نسيتها فوق اني
ومشت تجري لمريم فوق ... وهنا لقتها تزين في تورته الا دارتها لعقاب ... فا شبحتلها وقالتلها ...
سمر .... ايوااااا ايواااااااا شن قصة تورته هيا ؟ بمناسبه او بدون مناسبه ؟
مريم .... تلفوني ديما معدلاته منبه علي المناسبات المهمه في حياتي ... وبالفعل لما شرين منبه وشفت تاريخ ... لقيت في شي مهم نسيناه ومافي حد تدكره الا تلفوني ... وبدل الكيكه لقيت اني ندير تورته ... شن رايك ؟
سمر ... هبلللتي انتي ؟ مناسبة شني ؟ وشبحت لتارريخ ...
وهنا عيطت وقالتلها ....
سمر ... لاااااااااااااا عيد ميلاد عقاااااااااااب ... هكي ولت المناسبه اتنين هههههههههه ( ولما تفكرت ان لسانها انطلق كتمت باقي الجمله )
وهنا مريم قالتلها ....
مريم ... شن تقصدي ؟
سمر .... نقصد مرواح حميدا ماهو لقيته لوطه ههههههههه
مريم ... اه حميدا روح ؟ ( وهنا حست بقمة الحزن وقالتلها ) وصل بسلامه ... باهي الحمد لله ..
سمر ... ماتخافيش مش رح تروحي ليوم السبت لاني بنسافر سبت ونبي نشبع منك قبل ...
مريم... وين بتسافري ( بوجه مصدوم )
سمر ... نحكيلك في الليل مش توا ... بس توا بمناسبة المناسبه هيا عندي خطه لو نجحت قولي لي نهال كش ملك هههههه ... لازم اليوم تديرله حفله رومانسيه وماتفوتيش هالمناسبه عليه لاااااااااازم .... تعرفي شي ... اني عندي لوطه زيااان بنجيبه ونجي بسررررعه ..ونزلت بسرعه وجابت صندوق وبدو يركبو في زيان وقالتلها سمر ...
سمر .... اسمعي ... بنقولك شي تاني ... تعرفي عندي قفطان بسيط اسود توا قاعد بركام متعه مالبستاش وعندي كندره حمره وشنطه ... يمشو يقتلوووووو معاك البسيهوله تواا باش تهبليه ماااااش .. بدون اي نقاش ...... رح ننزل نجيبهولك وبدون نقاش ها ... خشي للحمام بسرعه دوشي والبسي وتكمي ... واني رح نتصل بيه ونقولك شن صار امتي بيروح ....
مريم ... بس ماتحسيهاش لقطه بايخه ؟
سمر .... ها قولت ماتناقشينيش تماااااام ... وزي ماقولت ماأخد بالقوه لايسترد الا بالقوه ههههههه
مريم .... اوك تمام هههههه ... اني رح نخش الحمام بسرعه ... وانتي انزلي جيبيه بسرعه واتصلي بيه ها .. ولو كان مش محترم مش رح نلبسه صدقيني
سمر ... خشي انتي نكمل نبوله الا في ايدي ونجيك ... والبسي وسكري فمك بس
وهنا خشت مريم بسرعه وقبل مايروح عقاب ...دارت دوش بسرعه وجبدت شعرها وحطت مكياج بسيط وبعدين طقت عليها سمر ... ومدتلها اللبسه وقالتلها ...
سمر .... عقاب سيارته فم الحوش بسررررعه خفي روحك ...
مريم ... كاني سمعتك تزغرطي لوطه في جنان ؟
سمر ... لا لا يتهيالك ... اني نااااازله وطفيت اضواء الحوش كلهم وخليت ضي الاحمر متع القوس بس .. لما تسمعيه يفتح في باب بالمفتاح ولع الميش ...
مريم ... وانتم امتي بتركبو ... ماتخلونيش بروحي عاد هكي اتفقنا ...
سمر ... اي اي احنا وراه علي طول ... ها شكله يسلم علي حميدا لوطه بسرررررررعه ..
وهنا خشت سمر ولبست القفطان والكندره وبخت ريحه الا يحبها وطلعت وقفت بجانب الكاشيت الا كان بجانب الطاوله الا عليها تورته ...
واول ماعقاب فتح الباب .... وخش ...
عقاب ... خير الحوش مظلم هكي ....
وهنا مريم فتحت الضي وبدت تغنيله وهيا تضحك ... وتقرب منه وتلود عليه وتضحك ووهيا تغنيله ... وهوا يشبحلها بنظرة حب هالنظره هادي كأن بعد الا صار بينهم توا ... وصل الحب لاسمي مراحل الجنون بينهم .... وهنا جبداته من ايده واطفي شمعه ... واو يضحكلها ... وبعدين مدتله الموس وبدو يقصو في تورته ... وبعدين ووهيا كيف بتقيم تورته وتحطها في صونيه ... جت اغنيه بعد ماتمت الاغنيه الاوله وكانت هالاغنيه علي الوتر الحساس وفي لحظه هادي مالقاش نفسه الا وهوا يشوفلها بنظرات تفيض من الحب وابتسامه كانت تنتطق الا يعبره قلبه ليها .... وماحسس بنفسه الا وهوا يشدها من ايدها ويضمها ليه ويبدا يرقص معاها وهما عيونهم في عيون بعض ومريم قلبها بيطلع منها ....
