.. فا بلعت ريقها ودارت روحها مافهمت شي ومتلفته لروشن .... وبعدين قعد يقلب في الاغاني وحده وراء تانيه لحد مااستقر علي اغنيه معينه .... وهنا قواه شوي وقعد يشوفلها في المرايه وهيا تحاول تكبر ومادروها ماتشوفش فيه ..
.... (( حد تاني لو مكاني عارفة ممكن يعمل ايه
لاكان صبر على دلعك يوم ولا كان هيهتم تسامحيه
ده انا صابر عليكي وباقي انساكي دي مش اخلاقي
طب ضحكة وسيبلي الباقي واللي فات انسيه
مالك ايه في ايه جرالك مالك الليله عديها
خدت بالي واتحكالي على اللي ساق في العند ودار
شوفتي بقا انا شاريكي ازاي ده حظك ان انا مش بياع
ما تمايني مايني مايني مايني ولايميها
مالك ايه في ايه جرالك مالك الليلة عديها
ده انا صابر عليكي وباقي انساكي دي مش اخلاقي
طب ضحكة وسيبلي الباقي واللي فات انسيه )) ....
وهنا بعد ماكملت الاغنيه مريم مالقتش روحها الا وهيا تبتسم لاارديا وكانت باينه غبيه جدااااا ... وقالتله ...
مريم .... خيرك تشبحلي هكي ؟ تدكرة موقف بيني وبين سمر بس ...
بس هوا متباش يرد عليها فاقالتله ....
مريم .... نظراتك وابتساماتك وصمتك مستفز عندك علم ... افتحلي سياره ممكن ببنزل ... خيرها هديكا ماتت شن بتصلي تروايح اوووف..
عقاب .... كل ماتقربي مني نشم خوفك ودقات قلبك توصلني قبلك ... مريم انتي تبيني نقرب منك اكتر من رغبتي في انك تكوني بجنبي ... لهدا انتي خايفه مني .... ومازالت تكابري ....
مريم ..... انت تحسابني نسيت الا درته مبكري ؟ لهدا اني خايفه منك بس مش اكتر ...
عقاب .... هوا هدا سبب بس متأكده ؟
مريم .... باقي اسبابي رح نحتفظ بيها لنفسي ...
عقاب .... بس مبكري صرحتي علي جزء كبير منها فجأتيني بصراحه وبدات في الجزء الاخير كنت متوقع مقاومه اكتر من هكي ...
مريم .... ( نزلت راسها وتحشمت وقالتله ) ... لانك فجأتني بس خلاص منها تعلمت ...
عقاب ..... هههههههه اوك ..
وفتح السكيورتي متع بطم سياره لما شاف سمر طالعه وتسكر في الباب وهنا نزل وقاللها
عقاب ..... نساعدك في شي ؟
سمر .... لا لا خلاص سكرت الحوش ولدت علي رواشانه والاضواء ...
عقاب ... اوك تعالي القدام ...
سمر ... اوك ... عقاب توا خلينا نخطمو قبل علي حوش مريم تكلم اهلها وتاخد شنطة لبسها ...
عقاب .... اي قالي مبكري حميدا ...
وهنا سمر طلعو عيونها من راسها وقالتله ...
سمر .... امتي كلمك ؟
عقاب ... خيرك تفاجاتي ... مبكري شوي قبل ماتجيني مريم بشوي كان يكلم فيا ويوصي فيا عليك ..
سمر ... ماقالك شي تاني ؟
عقاب ... لا علاش شن في ممكن يقوله ؟
سمر ... لا لا شي ...( ونزلت راسها لوطه )
وقعدو تقريبا طول الوقت ساكتين لحد ماجاه رقم غريب يتصل بيه .... وهنا اضطر انه يرد عليه عبر منظومة السياره لما مالقاش سمعت البلتوت متعه ...
عقاب .... ايوا مني معاي ؟
البنت .... الدكتور عقاب ؟
عقاب ... اي تفضلي من معاي ؟
البنت ... اني طالبه عندك تقري فيها وبصراحه حابه نحكي معاك في موضوع مهم ممكن توا او انت في جنبك حد ؟
عقاب .... اي معاي بس تكلمي نسمع فيك ...
البنت .... لا لا ممكن لما تكون بروحك تكلمني دكتور نبيك في موضوع حياه او موت ... وخااااص جدااا
وهنا عقاب شبح لي مريم الا كانت بتموت من الغيظ وضحك وكان قاصد استفزازها لما قال ...
عقاب .... حاضر مع ساعه 10 ونص 11 نعاودلك ..
البنت ... اوك دكتور بارك الله فيك ...
سكر عقاب البطمه وقعد ساكت لين سمر قالتله ...
سمر .... الله الله ياعقاب شكلها عروسه ...
عقاب .... قداش ليا انقولك اخطبيلي وتقولي لا ... خلاص معناها خليني نشوف وحده بروحي ... كانا عجبتني بنرفعك تتعرفي عليها وارفعي مريم معاك ...
سمر .... هههههههههههههههههههههههه اي والله فكره ...
مريم .... ياريت تلهي في روحك انتي .... واي ورح نزغرطلك بعون الله ( وتلفتت بوجه بيطربق بالغيط الا ماتبيش تبينه ) ...
عقاب .... واخيرااااا وصلنا ....
سمر .... خليني ننزل اني معاها واستني شوي ...
مريم ... لا لا خليك انتي مرات تتصل ومايلحقش هوا ياخد تعتة حوشهم فاخوديها انتي .. ماتعبيش روحك توا نكلمها ماما اني ...
ونزلت وسكرت الباب وراها ...واول ماخشت لحوشها تلقتها امها فم الباب لانها كانت تسيق في جنان ...
امها ..... طيب فيك الا جيتي
مريم .... اهلين ماما شن اخبارك ؟
امها .... حال تعب وشقي زي كل يوم ... بري سلم بنيتي .... خشي دوش وبدلي حوايجك وتعالي ساعديني مازال جنان الخلفي
مريم .... هوا بابا ماقالكش ؟
امها .... علي موضوع بيتان قصدك ؟
مريم .... ايه ... لان يستنو فيا برا ...
امها ..... والله انتم بتهبلوني ... توا يجي تروحي مع طليقك واخت طليقك .؟ شن ناس يقولو علينا ...
مريم .... ماما هادي صاحبتي ومحتاجتني طز في ناس وكلامها وبعدين انتي اكتر وحده تعرفي اني انا الا سيبته مش هوا ولدلك اني لانبيه ولا رح نفكر نرجعله فاماعندكش علاش تخافي وبعدين اني قاعده في حوش راجلها الا مسافر مش في حوش بوها باش تخافي ... بالله ياماما دمي محروق ماتزيدنيش ...
امها ..... شن في خيرك ؟
مريم (انطلست من فمها ) .... الا اسمه عقاب .( وبعدين فاقت لروحها شن هببت وقالت )) ..
امها .... هدا الا كنا نحكو عليه احنا شن دارلك ؟
مريم .... شن تقولي انتي اكيد مادرتلي شي بس بس المنهج الا عاطيه في امتحان بكرا صح وفي حاجات مافهمتهاش ...
امها .... شن بنقولك يابنتي ربي يكون في عونك وخلاص ... علي عموم وتيتلك شنطه فيه حاجاتك مهمه الا بترفعيها معاك وزيدي انتي شوفي ناقص ...
مريم .... تسلمي يااحن ام في دنيا بارك الله فيك ...
وخشت وحطت الحاجات الناقصه في شنطتها وكيف بتطلع باقي كتاباتها شرين تلفونها ... شافت رقمها فاسكرت عليها وخدت حاجاتها وطلعت ...
سمر .... خيره هيا الغبيه سكرت عليك .... وبعدين خيرك انت طلعت هيا طلعت انت ووقفت علي سياره ومافاتتش 5 دقايق خشيت تقول ربك رفع بني أدم وجاب بني أدم ؟ وخيرك متعفلق في شي ؟
عقاب .... مافي شي ياريت تكلمي صاحبتك تستعجل عندي ماندير ...
سمر .... صاحبتك ؟ خيرك تتكلم باللهجه هيا ؟
عقاب .... ( اتعصب وضرب علي ستيرسو وقاللها ) قونالك خلااااااااص مافي شي ... وضرب الكلاكس بقوه وولع دخانه وهنا طلعت وركبت لسياره .... وماستناش لين تسكر بابها بالكامل وولع سياره وطلع بيها رابعه عبي بيها شارع تراب .... وفي اللحظه هيا نفسها تلفتت سمر لي مريم ومريم شبحت لسمر وقالتلها بالاشارات ....
مريم .... خيره ؟
سمر ( بالاشارات ) ......ة مش عارفه ...
وحطهم في شقتها قدام شقه وخدي منهم الحاجات علي فم ساكت وفتح باب الشقه حطت فيها الحاجات وقاللها ...
عقاب .... اني ماشي سمر تبي شي ؟
سمر .... خش شوي نتعشو مع بعض ...
عقاب .... لا لا مشغول توا ناكل حاجه برا ...
وطلع وسيبلهم الشقه ونزل ...
وهنا مريم تفاجأت من ردة فعله بشكل صادم لدرجة انها صكرت الباب وقالتلها ...
مريم .... لا والله الا في شي شن قولتي لعقاب لما نزلت ؟
سمر .... ماقولت شي .... بس انتي لما طلعتي ...ماهوا مازال يحسابني حامل فاخاف يدخن جنبي فاطلع وتكي علي سياره من قدام لين كمل دخانه ...
وهنا مريم خبطت براسها بالقوه وقالت ....
مريم ..... لا ماتقوليهاااااااااااااش وراس امك لا ماتقوليش سمعني ؟
سمر .... شن سمع ؟
مريم ..... خليني بالله عليك خليني .... اسمعي عادي تتصلي بيه تديري روحك تضربي عليه من فوق بس او اي شي ..
سمر .... شن بنقوله باهي ...
مريم .... اي اي الحوش فاضي نبي خضره اي شي ...
سمر .... اوك لحظه بس نجيب تلفوني ....
وهنا خدت سمر تلفونها وبدت تضربله ولقاته انتظار ...
مريم .... عاوديله ....
سمر ... اوك ... قتلك مازتل انتظار ....
وفاتت دقيقه وراء دقيقه لحد ماطقت نص ساعه وعقاب مازال تلفونه انتظار ..
مريم ..... اكيد يكلم فيها اكيييييييد مافيش حد يشد تلفون هكي الا لو كانت بنت ... خليه خلاص ...
سمر .... انتي شن هببتي وقولتي ... احنا ناقصنا كورات ؟ ترا استني نعاودله .... قفل تلفونه تصوري ؟
مريم .... اني انتهيت خلاص ... اكيد بعد الكلام الا سمعه بينجن خليني بس ...
سمر .... خلينا نديرو دوش ونبدو حوايجنا وواحنا علي صفرة العشي احكيلي شن صار ....
مريم ... اوك
وبالفعل دارت كل وحده منهم دوش ولبسو بيجاماتهم وحطو حاجات خفيفه علي الطاوله وقعمزو وهنا مريم قالتلها ...
مريم .... تصوري احنا مافيش من ابرد منا ؟ كل وحده مدايره عمله كبر راسها ومقعمزين نتعشو ونهدرزو ...
سمر .... شوفي رجاله كل ما كنتي متبلدة المشاعر معاهم يكبشو فيك اكتر وكل ماحرقتي دمك عليهم اكتر كل مابعدو ... نصيحتي ليك اقري كتاب كن خائنا تكن اجمل هههههههه
مريم .... يابرودك يااختي ... خليني في همي بس ...
سمر ...احكيلي شن هببتي وقولتي ؟
وهنا سمر قعدة تحكي هيا ومريم ويتناقشو في الا قالته والا صار لحد ماكملو عشاهم وغسلو حتي معايين ... وهنا قعمزو في صاله وفتحو تلفزيون ... فاقالتلها مريم ...
مريم .... ساعه قداش توا ؟
سمر ... ساعه 1 في الليل ... الوقت فيسع مايجري ...
مريم .... بنموت ونعرف يكلم فيها او لا ....
سمر .... خلينب نتصل بيه ونقوله خفت عليك لانك مااتصلتش تتطمن عليا فاقولت نطمن عليك ...
مريم ... اوك اتصلي ... يارب قعد مقفل ... اه شني ...
سمر ..... (اكتفت بصمت مع تنهيده ) ...
مريم .... انتظار صح ؟ تكلمي ؟
سمر .....
يتبع
Kinda
