رجل شرقي (سلسلة عادات وتقاليد )

الفصل الاخير

#رجل_شرقي_رفيف_كرم
#١٨_١٩_٢٠انتهت
_______
١٨
_____
هز براسوا وهو عم يسال
شو هي الخطوة
طالعت امي صرة صغيرة وعطتوا اياه
ابني قال بتغليها وبعدها بتشربها قبل ماتقرب لمرتك لحتى تحسن تطرد التابع منها ومايذيك
ماشي رح نفذ بس ان شاء الله ما يطلع كذب
ضل امي تشرحلوا شو لازم يعمل وانا كنت نايمة كاني من سنين ما نايمي
وعيت على صوت غيث
سمرا سمرا فيقي لازم نرجع تأخرنا
ماحكيت شي غير اني وقفت لما شافني مو حسناني خطي على اجرية حملني و حطني بالسيارة
كنت طول وقت بالسيارة ساكتة وعم فكر أني رح يصير عندي عيلة ورح يكون عندي علاقة كاملة مع جوزي لفيت لعند جوزي
الله يخليك الي ولايحرمني منك
شو مناسبة هل حكي
لانك ببساطة وقفت حدي ومانفرت مني اول ماعرفت قصتي
ماحكا شي بس ابتسم وانا رجعت لفيت   لجهة الشباك
الوقت كان بعد نص الليل يعني تاخرنا كتير
اول مافتنا كان غيث حاملني  ومطالعني  لغرفتنا طلعت بوجهنا حماتي كالعادة

شو يا امورك متطورة صرت تشيلها عاملتك طرطور عندها لحتى حاملها

امي سمرا كتير تعبت على طريق ماكان فيها تطلع لحالها لاتكبريها

ايه دافع عنها شو صايرلك اه فهمني شو عامتلك لحتى بتخاف على مشاعرها للمدام

الله يطولك ياروح امي انا تعبان بدي فوت ارتاح

وين عندها ليكون نسيت انك متزوج وحدة تاني يااستاذ

لا مانسيت بس سمرا تعباني بدها حدا يضل حدها كل ليل

مانك شايف تصرفاتها كلها دلع نسوان لاتخليها تضحك عليك خليك رجال

كنت عم راقب بصمت صحيح عيون مسكرة بس كنت واعية على الكلام فتحت عيون لمحت شباك ضرتي وكانت واقفي عليه وهي عم تبكي
اخدني غيث وامو عم تعد وترد وهو مطنش
فتح باب الغرفة وسكروا حطتني على التخت
مسكت ايدوا

غيث انا منيحة لا تزعل حدا منك كرمالي امك معها حق انت مقصر بحق سهام وانا مارح اخد دور الشريرة بهل بيت مشان الله روح لعندها

انزعج من كلامي وصار يحكي بعصبي
يعني انتي هل عم تتامري

لا ابدا ولا بسترجي بس عم اطلب منك طلب كرمال خاطر مرتك ورضا امك لاتخليها تغضب عليك من وراي

سحب نفس وطالعوا وهو عم يتنهد مسح وجهوا وصار يهز براسوا

ماشي رح روح لعندها بس اي شي بصير بس اندهلي ماشي

ماشي

طلع وانا عم اتفرج عليه غفلت بعدها فقت مرعوبة بليل من كابوس بشع  وكان جسمي كلوا عرق وعم ارجف قلبت معدتي وركضت للحمام وصرت استفرغ

كان لونوا اسود كتير وبخوف ضليت ربع ساعة على حالة لحتى غميت بحمام وانا موجوعة

فتحت عيوني تاني يوم بكير  كان وجع خف حتى وجع راسي خف قمت غسلت و توضيت بعدها صرت صلي لحتى يفرجها علي