رجل شرقي (سلسلة عادات وتقاليد )

الفصل الرابع

#عادات_وتقاليد
#رجل_شرقي رفيف كرم
////////
#الجزء_١٤_١٥_١٦_١٧
\\\\\\\\\

فقت تاني يوم جسمي متشنج من نومتي الغلط وعيوني منفخات غير الصداع  القوي اللي صار براسي غسلت وجهي ع امل يخف وجع بس ما تأثر
طلعت لبلش روتين الشغل اليومي وطبعا لتبلش حماتي كلامها اللي بهز البدن من الصبح وخصوصي بعد تصرفي معها ليلة امبارح
طنشت كلامها اللي كان متل السم
طبعا بعد اللي صار مع ضرتي اخدت شغلها يعني صار مضاعف بعد ما خلصت
اخدت تيابي ورحت للبير وصرت اغسلهم
طبعا هو في غسالة بس الحماي وكيدها ماسمحتلي استعملها صرت اغسل وانا عم ابكي من وضع اللي انا فيه من دلال و بنت الجامعة هلا قعد عم اغسل حد البير مافي زل اكتر من هيك مسحت دموعي اول ماسمعت صوت الملاك الصغير عم يصيح باسمي
خالتي خالتي سمرا ..

نشفت ايدي ولفيت لعندها وفتحت ايدي وضميتها

يا حبيبة خالتوا اشتقتلك يافصعوتي وين كنتي..

اول شي صارت تلتفت يمين وشمال اشرت  اني نزل داتي لعندها صارت تهمس..

قلك سر ماتقولي لحدا..

اي قولي مارح خبر حدا سرك ببير عميق متل هاد

سحبت نفس وبلشت تحكي
ستي خبرت اختي تحبسنا بالغرفة وماتسمحلنا نطلع حتى ماتشوفينا سمعتها كمان عم تقلها دير بالك هاي بدها تخلص منا وانك مابتحبينا عن جد متل ماقالت ستي انتي مابتحبيني

وقفت وصارت تاخد نفس من ورا كلامها السريع
كنت بالعة ضحكتي من سرعة كلامها حسيتها بالعة مسجلة

حبيبتي مابصير تطلعي من الغرفة من دون  اذن اختك كمان مابصير تحكي الكلام اللي بتسمعيه لحدا وعدني ماتحكي اي شي بتسمعيه يلا

وعد وعد

يلا متل الشطورة روحي للغرفة يلا قبل ماتعرف اختك
مابدي اخوات اخدوا كل العابي مابيلعبوا معي خليني معك بس شوي

طيب بتقعد بس شوي وبعدها بتطلعي لفوق ماشي
صار تصفق بايدها كانت مبسوطة وصارت تتفرج علي وانا عم اغسل

خالتي ليش عم تغسلي بايدك في غسالة عنا ليش مابتستعمليها ماما دائما بتغسل فيها

صرت اتمسخر
بعرف حبيبتي بس انا بحب وفر كهرب ومي ويمكن تكون معطلة
بس شفت اختي هلا عم تحط فيها غسيل وشغلتها
صرت كز ع سناني من وراها حطيت ضحكة صفرا ع وجهي هل بنت رفعتلي ضغطي صرت فكر بهل لحتى غير سؤال
حبيبتي انتي بدك تفوتي على مدرسة ولالا
اكيييييد خالة انتي درستي شي
اي درست ونجحت وصرت بالجامعة كمان
يعني بتعرفي تقري وتكتبي ماهيك
اي بعرف
خالة انتي شو تعلمتي كمان صفنت بسؤالها وصرت اتذكر لحتى اضحكت
شة صار خالة ليش ضحكت
ولا شي بس اتذكرت لما حسام حاول يعلمني سواقة
مطت تمها وصارت تفكر
مين هاد حسام
هو الشخص الوحيد اللي تحمل كل فصولي الناقصة اللي كنت سويها معو
احكيلي خالة سمرا اماني شو عملت معو
طيب اسمعي هاي ياسيدي مرة حسام حب يعلمني سواقة السيارة
...........................
فهمتي علي وحفظتي كل شي يلا فرجينا شطارتك يادكتورة
نزل من السيارة
طالعت راسي من شباك
حسام والله مالي خرج سواقة وهيك شغلات
خلصيني بلا كتر حكي شو هي اختراع ذرة
بس كل شي بصير ع مسؤوليتك ها من هلا مالي علاقة
ماشي تمام يلا شغليها ورينا همتك
لفيت مفتاح تشغيل سيارة اشتغلت
بعدين شو الخطوة تاني ياسمرا صرت اطلع حوالي شفت عصاي صغير حركتها بعدين كبست أول دعاسي بتشوفها عيني كان حسام من قدام عم يراقبني ماشفت غير سيارة صارت حركتها سريعة وانتبه انو سيارة جاي لعندوا وصار يركض و يصرخ وانا اصرخ
سمرا وقفي السيارة رح تدعسني وقفي السيارة يامجنوني
انا من كتر الخوف نسيت كل شي علمني اياه حسام بس من كتر الله مابحبني خفت سرعت السيارة شوي شوي خلص بانزين اول ماوقفت حطيت راسي ع دركسيون وصرت اسحب نفس بسرعة سحبت المفتاح وطلعت كان بدني كلوا عم يرجف واجري عم يرقصوا
كان حسام متسطح ع الرصيف عم ياخد نفس بسرعة ويلهت
اتفضل مفتاح مابقا تقلي تعي لعلمك  سواقة ماعاد عيدها يامحلا المشي على اجري
حكا حسام
انا بست توبة مابقا عيدها كسرت الدف وبطلنا غني
.........................
كانت عم تضحك بصوت عالي
شو ظاهر عجبتك
اي اي خالة
بس بدك توعدني ماتحكي هل قصة لحدا خليها بيني وبينك ماشي
وعد وعد خالي
يلا بظن لازم ترجعي على غرفتك وانا رح اطلعه انشر الغسيلات
ماشي قربت وباستني من خدي بشوفك باي
باي ياقلبي
ركض بسرعة مشان مادا يشوفها وانا شلت سلة الغسيل مشان انشروا فوق
بس حسيت بدوخة غير وجع الراس اللي مرافقني قعدت شوي على درجة ورجعت وقفت صرت اطلع درجات سمعت حدا عم ينادني اول مالفيت حسيت بطنين قوي بداني وصرت استفرغ
وقعت سلة من ايدي وانا قعدت على الدرج سمعت صوت خطوات  رفعت عيوني نظري كان مشوش
كنت عم اسمع الحكي متل الصدا
سمرا انتي بخير سامعتني
هزيت راس
انا منيحة بس ظاهر اخدي برد بليل
اويمكن حامل
رفعت راسي لفوق اول ماسمعت صوت حماتي
خدها على القابلة خليها تكشف عليها يمكن تكون حامل انا وغيث اطلعنا ببعض بنظرات نحنا التنين بنعرف شو معناها
لا حماتي مافي داعي شوية تعب بروح
ماسمعت كلامي وكملت حكيها مع غيث
صلها شهر عنا صار لازم تكون حامل انا رح ابعت على القابلة لهون بلا ماتتعذب بالطريق
قلب وجهي اصفر اول ماسمعت كلامها رح انكشف اكيد اطلعت بغيث
لا مافي داعي امي هلا باخدها على مستوصف بعملها تحليل حمل مضمون واكيد
متل مابدك سوي
يلا قومي جهزي حالك لاخدك بسرعة
هزيت براسي ونزلت
فتت على غرفتي وفتحت الخزانة واخدت العباية ولبستها وزتيت الشال على راسي وطلعت كان غيث ناطرني عند باب الدار الخارجي
انا جاهزة
اطلعي في
بهل منظر بدك تروحي على مستوصف
اي شوفيه منظري عباية ولابسي
الشال ياحرمي مفكر الحريم هيك بحطوه انتي وجودوا على راسك متل عدموا مو خافي شي من شعرك
صرت نفخ وافرك راسي من كتر وجع
شو ظاهر كلامي ماعجبك..شو ردي