Hello...... My Ex-boyfriend ( Z + U)

ep 20.1

ငြိမ်းချမ်းသည် သူမဖက်ကိုလှည့်ကာ တစ်ချက်တောင်းပန်လိုက်တော့ နီလာသည် မျက်စိမျက်နှာအပျက်ပျက်နဲ့ ကားတံခါးကို ဆွဲဖွင့်ကာ ပြေးထွက်သွားလေသည် ။

သူမကို ခပ်လှမ်းလှမ်းကကြည့်ပြီး ချမ်းက စိတ်မသက်သာစွာနဲ့ ခေါင်းတစ်ချက်ယမ်းကာ စွဲညို့ကိုကြည့်လိုက်သည် ။

" မင်းတော်တော် အူပုတ်တာပဲ ။ မိန်းကလေးတစ်ယောက်ကို လမ်းမှာ ဖြစ်သလိုထားခဲ့လို့ကောင်းပါ့မလား ။ ခဏ ......... ငါ သူ့ကို Taxi ငှါးကူလိုက်ဦးမယ် ''

ချမ်း,သည် ကားတံခါးကို ဆွဲဖွင့်ရန်အပြု စွဲညို့က အရေးမစိုက်သလိုနဲ့ သွားကြားထိုးတံလေးကို သွားကြားညှပ်ရင်း စိမ့်ပြေနပြေထိုင်ထိုးကာ ကားကူရှင်ပေါ် မှီအိပ်လိုက်ရင်း ပြောလိုက်သည် ။

" မင်းက လူတကာအပေါ် မေတ္တာထားတတ်တာပဲ ။ ရတယ်လေ ..... သွားပါ ။ ဒါပေမယ့် မင်း သူ့ဆီအခုသွားလိုက်တာနဲ့ နောက်ရက် ငါသူ့ကို အလုပ်ထုတ်ပြီးသားပဲ ''

" စွဲညို့စေနိုင် ..............''

" ဗျာ ............... ဗျ ''

ချမ်း ဒေါသထွက်နေတာတောင် စွဲညို့က မျက်နှာပြောင်မပျက် ။ ချမ်း စိတ်ပူနေတာ တစ်ခုရှိသေးသည် ။ ဒါက .......

" မတော်လို့ နီလာက ကုမ္ပဏီမှာ မင်း ဒီနေ့သူ့ကို လုပ်ခဲ့တာကို မကောင်းသတင်းပြန်ဖြန့်ရင် ဘယ်လိုလုပ်မလဲ ။ နဂိုတည်းက မင်းက Chairman ရဲ့ သားမို့ လူတွေက လူပေါ်ကြော့ထင်ပြီး အထင်အမြင်သေးချင်နေကြတာလေ ''

" မပူနဲ့ .......... နီလာ ဒီကိစ္စကို လုံးဝ အစဖော်ရဲမှာမဟုတ်ဘူး ။ ဘာလို့ဆို သူက သူ့ကိုယ်သူ သိပ်အထင်ကြီးပြီး ယောကျာင်္းတိုင်း သူ့ကိုကြိုက်နေတာလို့ ထင်နေတာလေ ။ သူသာ ကုမ္ပဏီမှာ ဒီနေ့ကိစ္စကို ထုတ်ပြောလိုက်ရင် သူပဲ သိက္ခာကျမှာ။ သူအဲ့လို အဖြစ်ခံမှာ မဟုတ်ဘူး ။ မယုံရင် စောင့်ကြည့်လိုက် ...... ရက်ပိုင်းအတွင်း ရရာ ယောင်္ကျားတစ်ယောက်ကို ကောက်တွဲပြီး သူဘယ်လောက် စွံကြောင်း ကြွားနေလိမ့်မယ် ။ ယောင်္ကျားနှစ်ယောက်ဆီက ပြိုင်တူအငြင်းခံလိုက်ရပြီး ကားပေါ်ကနေ မောင်းချခံရတယ်လို့ လူသိခံမယ့်အစား ဘယ်ယောင်္ကျားကိုမဆို ခေါင်းခေါက်ယူလို့ရတယ်ဆိုပြီး မဏ္ဍိုင်တက်ပြလိမ့်မယ် ''