لا تحكم بالغيب

ثلثين الولد علي الخال

#قصة_مثل

ثلثين الولد على الخال !
**************
كان هناك شاب شهم وشجاع لكن داگة العوز...
وكان هذا الشاب يحب بنية من سلفهم واهلها ميسورين الحال..
مشى عليها خطابة لكن اهلها طلبوا منه مهر غالي جدا.
وهو لايملك شيء ولا احد يعينه..
قرر هذا الشاب يسرق فرس الشيخ الاصيلة ويبيعها ويتزوج بيها...
( قد يسأل احدهم عن كون السرقة حرام )..
السرقة في نظر اهلنا في الماضي ليست حرام وقد اعتبرها البعض شجاعة .
دخل الشاب قصر الشيخ وحاول يفتح قفل الفرس لكن الحوشية والنواطير حسو بي وكضوه.
اجاه الشيخ و اولاده الاربعة .
وكان هذا الشاب مچتف والشيخ واولاده واگفين گباله...
سأل الشيخ اولاده وگاللهم شنسوي بهذا الحرامي.
.گال الاول اكضه بالمسحاة واگرضه گرض
.گال الثاني اهطره بعمود الخيمة واكسر ظهره
.گال الثالث اوهگ بي بيدة الهاون واطحنه طحن
. گال الرابع والله يا شيخ الشور شورك والراي رايك وبأيدك  تحاسب وبأيدك تعفي...
بس يمحفوظ شفنا حرامية هواي حاسبتها الشيوخ بس ما سمعنا ولا شفنا بشيخ يكرُم الحرامي الي داس عتبة بيته ومن كون نكرمه... ..نسوي شي محد مسوي واسمنا يعلى بين الطوايف ونحصل الغانمة.
ـ رد الشيخ وسأل الشاب الحرامي
وگالة انت شتگول.. ؟؟
. گاله الشاب الله يطول عمرك يمحفوظ  اني مقصر ومعتدي وانت بكيفك بس اسمحلي اگلك بخوال ولدك واصلهم.
الشيخ گاله گول واحنا نسمعك.
الشاب گاله... .الاول خواله فلح
الشيخ گاله شمدريك ... ؟؟؟!!!!
الشاب گاله لان اول ما بدر بذهنه بس الكرك والمسحاة.
والثاني خواله رعيان.... لأن اول ما فكر بعمود بيت الشعر وهذا منزل الرعيان.
والثالث خواله عبيد ودَگاگين گهوة لان اول ما ركض على يدة الهاون.
والرابع خواله من عمامه شيوخ ولد شيوخ.
انبهر الشيخ بكلام الشاب وركض عليه وحل چتافه
‏ وگاله والله ما نطقت غير الصدگ ويعلم الله انك اصيل وابن اجاويد..
‏دنگ الشاب من الخجل وسولف قصته للشيخ...
‏عاد الشيخ اكرمه واعطاه الفرس رغم ان الفرس الاصيلة قد تكون اغلى من المال والولد عند مالكيها .
‏وراح وياه خطاب وجابله البنت الي رايدها وزوجه.... .
‏
‏جبناها على طيب الاصل وتأثير الخوال على اولاد الاخت ليس بالشكل فقط...
ويگول ابو المثل  (ثلثين الولد على خاله )

#منقول_للعبرة