*انثئ في معتقل الحب*
بقلم(zainab )عطر الورد
البارت٩
مساء الورد🍃🍃🌷
يكولون البشر بالدنيا كلشي يشوف
واني ادري الصبر مفتاح كل شده
وانصحك لو طحت لا تشكي لناس
سولف ضيم قلبك للمخدة
وظل شامخ ابد بالك تطخ الراس
واكسر خشم وكتك وشوفه حده
واصبر عل قهر واتحمل الضيم
ولا تصغر بعينه وصير كده
واختار الي يحبك ياقلب دوم
وبابك لليكرهك دوم سده
#منقول
.......ديمة...
بعد يوم...حافل بلاحداث....صعدت فوك لغرفتي...علمود احظر جدولي...لان لازم أشد حيلي...بعد ماعندي حجه...صار الوقت انتبه...لدراستي...لان هذا مستقبلي.....راسي...مصدع من الهوسة...اليوم ..بس كلها تهون...لمنتظر...وجع راسي موتني...سويتلي جاي...واني ما احبه...بس شوي يخفف من الصداع...قريت كملت...حظرت جنطتي...وملابسي.....نزلت..انام يم امي...
فتحت...باب الغرفة...
اتفأجت...بمنتظر...نايم ع رجل امي وهي ...تلعب بشعره...ومصطفى...نايم..همين بصفها...
اتخصرتلهم......
اني عيني ...وين انام ...اليوم ماخذين...مكاني...
منتظر:وهو مغمض عيونه...صالي ٦ اشهر...اريد اشبع من حضن امي..
جيبلي...مي وانسي...اليوم..اعوف امي...
ديمة..وهي تتأفف...تباوع...لمصطفى..بتوسل..علمود يسويلها...مجال...
مصطفى:وحظن امها...ما اعوفها...
ديمة:حتى انته...راح اجيب افراشي...وانام بكاع...امري لله...اليوم ست سماسم...عليها طلب...
ضحكو...
طلعت ...سديت الباب...طفيت الضوء..خطية خلي يرتاحون....
رحت لغرفتي...لا اراديا صارت عيني ع الموبايل..ماكو ولا مكالمة...من سيف..ع الرغم.. اليوم شكد دكيت...عليه..بس ماكو...قبل بس ادك عليه ...بسرعة يجاوبني...معقولة..انسحب من حياتنه..بعد ما طلع اخوي...بس لا خاف زعل...واني ما قصرت...وياه...برساله...ماخليت كلمة..ماكلتها اله...
أوف هسة اني صايرة احلل...وافكر...هسة عليمن...مدوخة روحي...خليني اخابر ...وأفضها...
دكيت عليه...ما طول بسرعة فتح خط...
سيف: ها شنو خلص الشحن مالتج وانقطع...
ديمة:بعدم فهم...شنو شتحجي...
سيف:منو انتي....
ديمة:هاي شبيك اني ديمة...
اضاهر..ماجان منتبه...ع الاسم...
سيف:هلا ديمة...شرايدة...
ابو البنات....٢٤ ساعة مشغول...واني اكول ليش مايرد...هنا الحجي...
ديمة:لابس حبيت اشكرك ع اخوية..مقصرت ويانه...واذا اتحب...انطيك هدية...اني حاظرة..اي مبلغ..تطلبه..
سيف:وضحك باستهزاء..صايرة توزعين هدايا...
ديمة :لابس اريد اجازيك ع مساعدتنه...
سيف:هاا يعني اجيكم لبيت اخذ الفلوس ولازم اتغده همين..
ديمة:سكتت بلا هذا شحجي وياه...
سيف:يلا راح اروح مشغول...بعدين اخابرج واتفق ع الهدية... وبنبرة ضحك وهم اريد اشوف ام السان التغلط والتهدد...وترسل رسايل هجوم...
ديمة:اي اني مثل هجومكم ع بيتنه...
سيف:وهو يضحك بصوت عالي...
يلا روحي نامي..بعدين نتفاهم..تصبحين ع خير ..
وسدة...
ضليت الووم بنفسي...ليش اتصلت بيه...هسة هو استحقرني...وفوكاها...استهزاء بيه...
اتنرفزت...من اسلوبه...لو يمي اموته...صرت افتر من العصبيه...لان مارديت عليه.....
اسلوبه...كلش مستفز....ضليت ادردم...
بعدين اخذت فراشي...ونزلت لان اذا ابقى بغرفه...اتخبل...علمود هاي البنية...اشلون طردني...
اسويف ابو البنات....
فرشت بلغرفه...عيني ع الموبايل...كلت هسة يدز رسالة...بس ماكو...
عفته ع صفحة...ونمت...
ما احس الا الصبح...امي اتكعد بيه...
سمية:يمه انتي وين نايمه...
ديمة:كعدت...واني اثاوب...
صباح الخير...
سمية:صباح النور...يمه اتأخرتي...ع الدوام..
ديمة:شفت الساعة ب٧...فزيت...رحت غسلت وجهي...لبست ملابس ...المدرسة...طلعت بدون ريوك...لان اريد اوصل لمدرسة...شفت المكان دائما يوكف بيه....ماموجود....
كلت..اكيد هسة يم وحدة ويضحك عليها...ويخلصها عليها بغزل...ولا يشبع من البنات...
خلصنه دوام...وطلعت همين ماكو...وصلت لبيت اتغديت..شفت موبايلي...ماكو اتصال منه...
ما اعرف احس...البارحة جرح كرامتي...
بس اريد ارجعها اله...بس اشلون ما ادري...
ضليت مكابله الموبايل...وكاعدة...وهو ماكو...اريد سبب أو حجه اخابره بس ماكو...
ما اريد اني اتصل....
