ديزولي طولت عليكم بزاف.. مرڨتها... بصح مابقاش بزاف و نكملها و تتوحشوني ههههه... واش رايكم ندير حكاية وحدوخرا مور هذي؟؟!
و قولولي بارت 19 راه يبانلكم ياك بسكو.. عندي راه مزالو draft مالغري بوبلييتو!!
//////////////٠/////////////٠//////////////٠/////////////
برا كان جواد مع هانية يستناو في شهاب و فؤاد راح لشغلو....
جواد :" اووف زعما لكان تسمع ريهام واش راح يصرا؟
هانية :" ريهام؟! مرتك؟
جواد :" لالا مرت شهاب... صرا مشكل بيناتهم قبل ما نديرو أكسيدون ...
هانية :" ااااه
جواد :" حابها تسمع باه نشوف اذا تحبو و الا لا لا...
هانية ما فهمت والو..
هانية :" هيه كيفاش هذي اذا تحبو.. ياك مرتو سور تحبو...
جواد :" اممم حكاية طويلة.. نلخصهالك مي لازم تعاونيني .. اوكي؟!؛
هانية :" اوووكي
جواد :" بون كانت تخدم عندو.. صرا سوء تفاهم بيناتهم باباها كان راح يزوجها الوغ شهاب تزوج بيها مع اللول كان داير في بالو باه يسلكها مي هو يحبها و يموت عليها و دوكااا جا خوها و حااب يطلقها و يديها... دوك حاب نأكد لشهاب بلي ريهام تحبو و تخاف عليه واش رايك نعيطولها؟!
هانية مشوكية من ملخص :" م... من نيتك.. هذي حكاية تاع صح؟؟
جواد :" ايييه تاع صح...
هانية :" خوها وليد لحرااام لوكاان يطيييح في يدي...
جواد :" ههههه أني حاااس بيك..
هانية :" نعيطولها بيان سور لازم جي و نقولو لدكتورة منال تعاونا عصافير حب لازم نعاونوهم
جواد شدلها يدها بلا مااافااق...
جواد :" صح هانووش تعااونيني...
هانية والات حمرة ماتت بالحشمة و كمل عليها بهانوش...
فاق نحا يدو و بدا يضحك
جواد:" أيا مالا نبداو الخطة...هانية :" نتأكدو قبل ما به والو شهاب لالا؟
جواد :" صدقيني كنت خايف عليه مي كي سمعت الطبيبة تعيط لداخل أني سور راه فطن و راه يضارب معاهم باه يخرج...
هانية بدات تضحك و ناضت معاه
YOU ARE READING
حياتي معه
Humorجنونها و تهورها يوقعها في مشاكل و مواقف لا يحسد عليها أحد ...هذه حال بطلتنا ريهام لي طبق قبل ما تخمم... قصة حب باللهجة الجزائرية... تجمع بين فتاة تعشق الكتابة و كاتب سريع الغضب و الانفعال.. ❤🌺