حياتي معه

بارت 6

البطلة تاعنا اليوم فطنت بكري وجدت روحها.. قررت ماتخليلو حتى فرصة باه يهينها.. خرجت بكري من دار باه تحوس على لادريس لبعتهالها...

يماها فرحت ببنتها كي خرجتها من الظلمة و عزلة تاعها..
مليكة: " شفت مرتك قتلك نردها لطريق
عبد الحفيظ: " ان كيدكن عظيم... مي هذي مرة في الصواب...
مليكة: " اييه في صلاحها... مهم وليدي لعزيز عيطلي بارح و قالي بالاك هذا الشهر يجي..

عبد الحفيظ: " ايهيه مرحبا بيه!!
مليكة: " افهم روحك لازم نشرولو ماكلة لعزيزة و نفشوه رانا نشوفوه خطرة في غرة...

عبد الحفيظ: " بيك مصروف برك جاي يشوفنا ماشي جاي على كرشو..

مليكة: " لكان جيت تعرف تزوجو و تخليه هنا معانا.. عوينا وحدة و سمحنا فيه
..

عبد الحفيظ: " واش هذي الهدرة مع صباح ربي... يا فتاح يا رزاق... سيد راح يخدم و يدير لافونير و انتي اضبحي... أنا نخرج و انتي روحي اصرعي حسيبة بهدرتك...

خرج و خلاها تحلف فيه و تعرش و كيما كان الحال.. جات حبيبتها حسيبة تعمر لقرع...

**************
*************************

لحقت ريهام لدار شهاب و قعدت في طونوبيل حتى لحق الوقت و راحت طبطبتلو بون كانت خايفة تعاود تقابلوا مي كي خدات القرار باه تبدل و تخليهش يهينها تشجعت...
طبطبتلو و والو...
ريهام: " ماتقوليش مزالو راقد و انا شقيت في هذي الساعة... الله لا تربحو..
عيطتلو في تيليفون.. و ما ردتش...

ريهام بدات تتقلق: " رخيس هذا حسبتلو صح ياه..

خبطت الباب حتى تحلت وحدها... ستنات واحد يخرج مي والو.. "كانت محلولة زعما "

دخلت راسها..: " مسيو شهاب!!!..

ما ردش عليهادخلت و غلقت الباب
.. ريهام: " راني دخلت "
بدات تمشي.. ضواوي كامل طافيين من غير واحد البيت راحت ليها.. صابتها صالون.. مي معمر بالكتابات و الورق دنيا مڨلبة..
ريهام: 'واش صرا هنا... سيد همجي...

سمعت صوت دوش.. فهمت راه يدوش...
بدات تخمل في الصالون بحكم انو راح يدير لقاء اليوم..
لتات مع شغلها و تشوف في كتابات تاع الكاتب مفضل تاعها...
تتصفح في كتابات و ميتة بالفرحة..: " هذو كتابات نورمالمون يحترمهم..

رتبت كلش و اونفان بانت الحالة..
شهاب: " واش درتي..

قفزت من بلاصتهاا نسات جدو ڨاع حتى خرجلها من حيثو لا تدري...
ريهام: " بسم الله الرحمن الرحيم......