دارت لباب جات خارجة.. حست بيدو شدتها و رجعها ليه... صابت روحها قريبة ليه قلبها بدا يخبط يخبط...
شهاب منرفي:" عاودي... واش قال!!
ريهام :" اطلقني.. قتلك ما تمسنيش...
نحا يدو عليها دارها في جيببو
شهاب :" ريهام... بيك انا؟! سي بون منزيدش نمسك
رجع 3 خطوات للور و كمل :" و منزيدش ندا ليك حتى نتي تحبي!
شافت فيه.. مشوكيا واش راه يهدر..
شهاب :" واش صرا.. احكيلي قبل ما نهبط نجبدلو لعمر تاعو وين كانت!!
هبطت راسها.. و بدات تحكيلو من A_Z
قريب بكات تالمون غاضتها الهدرة تاعهم و هو زعاااف قتلو جرأو و زعفوهالو... رجع للور دار للحيط و عطاه بدبزة قدما عندو...
قفزت من خلعة دارت يديها على فمها مخلوعة من واش دار... ما فهمت والو.. يدو بدات تقطر من دم...
ريهام بالخوف :".. ي.. يدك..
دار و راح لباب جا خارج ناوي يقلب شريكة على راسهم
ريهام :" وين رايح... اصبر
شهاب :" ما تبعينيش خير لك...
خرج و خالها.. مي كوم هي راسها يابس.. تبعاتو تجري.. شافتو هابط في لاسانسور.. جرات ليه مي تغلقت باب قبل ما توصل.. . هو اصلا راح فيها بسكو كان متأكد بلي ما تدخلش بسكو تخافها...
هبط لتحت و هي راحت لدروج تجري لحق قبلها للتحت وين صرات لاباڨار موقبيل...
خبط بيرو لي كان قدامو شافو كامل فيه...
شهاب بلعياط :" واليتو ڨاع تعرفو تهدرو !؟.. شكون لمارڨ لي حل فمو؛؟؟؟
كامل سكتو و خافوا واحد ما جرأ يتحرك و الا يتنفس...
زاد خبط بيرو ... ريهام لحقت بيه...
شهاب و هو منارفي لاقصى حدود :"صدقوني و نعرف شكون غير ندمو عليها... سمير... وين راه.... ؟
خزر في واحد. خدام لتم كان قدامو باه يجاوبو...
خدام :" خرجوه لي زاجون سي شهاب!
شهاب :" من ليوم راه محاوز و أي مارڨ يغلط في حق مرتي ندمو عليها و انا لي نخسرلو حياتو ... فهمتو!!!!!! ريهام مرتي و كلمة عليها ما نحبهااااش
كامل هبطو راسهم و سكتو مور هدرتو شكون راح يجرأ... مدير ما يهدرش معاه هو اساس تاع دار نشر و هو لي شهرها...
YOU ARE READING
حياتي معه
Humorجنونها و تهورها يوقعها في مشاكل و مواقف لا يحسد عليها أحد ...هذه حال بطلتنا ريهام لي طبق قبل ما تخمم... قصة حب باللهجة الجزائرية... تجمع بين فتاة تعشق الكتابة و كاتب سريع الغضب و الانفعال.. ❤🌺
