مشهد بعد شهر من خطف سحر......
صقر طلع من بيتهم يمشي ويفكر وباله مو يمه صارلهم شهر مابقى مكان مادورو بي وماكو اثر السحر....
شاف احمد جاي من بعيد شكله تعبان حيل وكبران الف سنه سوه نفسه ما شافه وكمل طريقه تقرب منه احمد
احمد: صقر
صقر ماحب يتجاهله يحس تصرف مو لائق واحمد صديق الطفوله : هلا احمد شلونك
احمد: مو زين
صقر: سلامتك
احمد: والله يا خويه كاف اني تعبت اعذرني من حجيت وياك بعصبيه بهذيج الليله اتمنى تسامحني واني جاي امر بفتره صعبه ومحتاجك كافي اخذت عقابي
صقر: لا على بختك اني ما ازعل منك والموقف جان صعب وطبيعي اعصابك انهارت بس الموضوع ميقل صعوبه بالنسبه الي سحر اعتبرها اختي وانت تدري مشاعري ابويه تجاهكم واليمسكم يمسني وصارلي شهر لا ليلي ليل ولا نهاري نهار گلبت الدنيا گلب على سحر ومالها اي اثر!!!
احمد: حتى اني واحس فقدت الأمل
صقر: لا الله كريم يجوز نلكاها خلي عندك صبر
بهاي الأثناء طبگت عليهم سياره وطلعو منها اشخاص ملثمين وخلوهم للسياره وشدو عيونهم....
__________
عوده للوراء...
فتحت سحر عيونها (اني وين؟؟) لزمت راسهه وغمضت عيونهه مره ثانيه وفتحتهم شافت شخص كاعد كدامهه بس الرؤيه عدهه مو واضحه ركزت بي شوي شوي واتضحت عدهه الرؤيه جانت بغرفه ضلمه مابيهه نور وكولشي بيهه قديم ويخنك الصدر ركزت بالشخص الكدامهه جان رجال جبير بالعمر بس مهتم بروحه لبسه انيق وشعره خالطه الشيب منطي هيبه كاعد بثقه ويدخن سيجاره خشبيه كلاسيكيه ويباوع على سحر برود
: ولو الضروف الخلتنه نلتقي مو حلوه بس سعيد بشوفتج
سحر: منو انت؟
: تتوقعيني منو يا اخت احمد
سحر: شنو تقصد اخوي احمد شجابه بالموضوع
: ههههه
سحر: شتريد مني
: ماريد شي بس اريد اعاقب اخوج لأن قتل ناس تخصني
سحر جسمهه كام يرجف والدنيه كامت تفتر بيهه عرفت الشخص الكدامهه منو وكالت بصوت يرجف: انته السفاح
: ماحب بنيه حلوه مثلج تناديني بلقب الشهره تكدرين تكوليلي سامر بس للأسف معرفة اسمي هم الهه عقوبه تحبين تعرفينهه شنو
سحر: شنو؟
سامر: انو بعد متطلعين من هذا المكان عايشه
سحر: يا خسيس متكدر تلزم شعره مني واحمد وصقر مراح يعوفونك وراك وراك لحدما يلكوني لعبت ويه الشخص الغلط
سامر: هههه للأسف اني مراح الزم شعره منج عندي مبادئي ما المس بنيه تخص اعدائي لأن ما تحلى بعيني بس عندي الي يسوون اشياء بالنيابه عني
كام من يمها وطلع وشافت اقدام واكفه يم الباب يمكن حارس حتى لا تطلع كامت ادور مكان تشرد منه بس الغرفه هاي حتى شباك مابيها شوي واختفى ضل الأقدام من جوه الباب راحت فتحت الباب لكته مقفول حاولت اكثر من مره ما انفتح رجعت المكانها تبجي لمحت الضل رجع وحاول يفتح الباب كلبها كام يدك سريع وارتبكت دخل رجال سمين وضخم وشكله يخوف قفل الباب وهجم عليها وكام يشكك بملابسها ومبين من عيونه نيته جانت وصخه كامت تصيح كل قوتها وتبجي وتدفع بي (معقوله هاي نهايتي يغتصبني هذا الحيوان ويقتلوني وما يلكوني اهلي بعد وما اشوفهم) بهاي اللحضات الي مرت عبالك سنين انفتح الباب وبثواني سمعت صوت رصاصه والدم ترسها بعدها صارت الدنيا سوده بعيونها وغمضت ومادريت عن شي.....
______
سامر طلع من غرفة سحر وعلى وجهه ابتسامه راح وكعد على المكتب مالته وصاح الحارس غرفة سحر
سامر: البنيه الي بالغرفه التحرسها الك سوي اليعجبك وياها اعتبرها هديه وهسه اطلع وسد الباب وراك
طلع الحارس وراح الغرفة سحر ثواني ودخل شخص على سامر يصيح: اني مو كتلك عوفها كلت لو لا انت شلون تسوي هيج شي بدون علمي شلوووون مو تدري بيه احبها شلون هيج تسوي بيه هاي عود انت ابوي لعد العدو شيسوي هااااا جاوبني
عصب هذا الشخص وضرب ايده بالحايط وصاح بعصبيه: وينها
سامر: انت طول عمرك راح تضل غبي وبمرور الوقت راح تشكرني على الي سويته هاي البنيه متفيدك اكو الف بنيه مستعدات يبوسن التراب التمشي عليه حته ترضى عليهن وانته لاحگ هاي اخت احمد اخت عدوي
صاح بكل قوته: وينها
بهاي الأثناء سمعو صياح سحر سحب المسدس الي على المكتب وطلع يركض وسامر يركض ورا ويصيح عليه وصل يم الغرفه الطالع منهه الصوت فتح الباب لگا مقفول دفره كل قوته ميدري شلون كدر يفتح هيج باب قوي بدفره بس الحركه الجانت بكلبه خلته يتهستر دخل وشاف واحد فوك سحر وهيه تدفع بي وتصيح وتبجي رجف كلبه والعصبيه عنده خلته ميشوف كدامه ضربه رصاصه وكل الهوسه اختفت صياح سامر وصياح سحر وصوت مشاعره وعصبيته كولشي سكت وصار هدوء بالمكان........
صحى على نفسه من شاف الشخص الي جان فوك سحر وكع بالكاع وسحر ملابسهه مشككه وصاح بسامر: لا تجي
جر قماش جان بالغرفه ولف بي سحر وشالهه وهيه مغمى عليهه وجهه كله دم وطلع وصادف سامر انطا نضرة عصبيه وعتب....
سامر توتر ولحكه : ليش شايلهه نزلهه خلي تولي بعد ماعوفهه عايشه انته متعرف مصلحتك راح تضل غبي
تجاهله ودخل بغرفه وقفل الباب خله سحر على الجربايه وكلبه يدك سريع جاب مي ومسح بي وجها كام يضرب على وجها بخفه ويردد اسمهه بصوت مخنوك ومرتجف سحر فتحت عيونهه وشافت نفسهه بغرفه مرتبه بس ماتدري بنفسهه وين باوعت على جسمهه ملابسه شي بس قماش لاف جسمهه وعليه دم واديهه بيهه دم تذكرت الي صار ورجعت تصيح وتبجي وتضرب على وجهه....
ارتبك و لزم ايدهه حته لتأذي نفسهه :اهدي سحر انتي بأمان
باوعت سحر على صاحب الصوت: مالك!!!
مالك دنك راسه ومارد عليهه...
سحر بصوت مرتجف: انته خطفتني؟ شلون هيج تسوي بأحمد وانته صديق طفولته ومأمن بيك شلون
مالك خجلان من تصرف ابو: مو اني الي خطفتج صدكيني مستحيل ائذيج
سحر: لعد
مالك:ابوي
سحر:ابوك؟؟ يعني لهذا السبب جنت تراقبني من اروح للمدرسه تريد تخطفني يعني كل هاي السنين انته صديق احمد وصقر العزيز تالي طلعت جاسوس
مالك:بس افهميني سحر اني ماجان ابالي اخطفج ولا جانت نيتي
سحر: واحمد وصقر شنو نيتك وياهم
مالك: والله احبهم وعزيزين عليه بس مجبور
سحر: شنو مجبور شنو انته عبالك اني جاهل تضحك عليه زلمه شكبرك شكدك منو يكدر يجبرك هاااا فهمني احجي
مالك: مو هسه عود بعدين
سحر: شنو بعدين حضرتك ناوي تخليني هنا
سكت مالك لأن حار شلون يفهمهه ومنين يبدي شاف افضل حل يتركهه لحدما تهدء....
_______
طلع من يمهه وهيه تصيح وهو كوه لازم اعصابه قفل الباب وخله المفتاح بجيبه وراح على ابو ....
مالك:المفتاح وعندي قسماََ عظماََ اذا حاولت تخلي احد يدخل يمهه والله ما ارحمك تغاضيت عن كل اعمالك القذره بس مال تأذي سحر وانته تدري بيه احبهه يصير الحجي يختلف هنا ومراح يعجبك
سامر: شو گمت تتمرجل عليه ولك مو والله اوديك بتلايف الدنيه ماخليلك اثر
مالك: اعلى ما بخيلك اركبه
وطلع وسد الباب .....
______
نروح يم سحر الي كامت كعدت بزاوية الغرفه تبجي كل قوتهه وتحضن بنفسهه مر الوقت وهيه على هاي الحاله لحدما تعبت وجسمهه كام يرخي وعيونهه ثگلت ونامت كعدت لكت نفسها بنفس المكان الغرفه صح مرتبه الضاهر تخص شخص مهم لكن حتى شباك مابيها ماتدري الدنيا صبح لو ليل ولا بيها ساعه صار الوقت عدها مايفرق كل الأوقات متشابها تربعت وضلت صافنه بالفراغ تميل بجسمها ليكدام وليوره بحركه هادئه حلكها يرجف استمرت على هاي الحاله دخل مالك جايب صينيه بيها اكل استغرب من شكلها وكعدتها راح على السرير قدم الصينيه كدامها وهيه ولا باوعت عليه ولا اهتمت الوجوده ولا كأنما شخص موجود يمها بقت مستمره على وضعيتها استغرب مالك
مالك: اكلي
سحر:...........
مالك رفع ايده امام وجها وصار يحرك بأيده بشكل عشوائي في سبيل تصحى من غرقها بأفكارها لكن ماكو نتيجه...
مالك: اكلي
سحر:.......
نفذ صبره وقرر يعوف الأكل يمها هي تاكل يجوز تستحي منه تركه وطلع وقفل الباب رجع ثاني يوم الصبح على امل يلكاها متحسنه جايب ويا ريوك فتح الباب ولكاها على نفس وضعيتها وماطاخه الأكل خاف عليها قفل الباب ودخل يمها وعلى وجهه علامات توتر
مالك: سحر
سحر:........
وخر الأكل من كدامها وخله الريوك وبدء يوكلها ماتجاوبت ويا ....
خله ايده على كتفها : سحر
سحر فزت وخرت ايده وكامت تبجي: عوفني عوفني لا تطخني
لمت رجليها وقربتها من صدرها وحضنت نفسها وتبجي بكل قوتها....
مالك ضل مصدوم: سحر اني مالك
سحر رفعت راسها ودموعها تارسه عيونها وبصوت يگطع الكلب: وشنو الفرق
مالك بعصبيه ممزوجه بحزن: اي صدگ شنو الفرق حقج يابه حقج
عاف الريوك وطلع سحر ضلت تبجي وتباوع على جسمها البي قطرات دم الوحش الحاول يغتصبها تعبت من البجي وسكتت شافت ماكو فايده من البجي صحت على نفسها وحست بجوع رهيب باوعت ع الريوك وكامت اكلته ورجعت نامت تحاول تهرب من الواقع نامت هواي كعدت حست بملل ركزت بالغرفه تريد تستكشفها كامت فترت بيها جان بيها سرير وكنتور فتحت الكنتور لكته فارغ وموجود ميز مرايا ومحطوط عليه فقط عطر واحد كملت استكشاف و شافت برده فتحتها على امل تلكا شباك تهرب منه بس لكت باب فتحته على كيفها بخوف ماعادت تحزر توحش البشر ترددت حيل بس بالأخير فتحته لكته حمام قررت تسبح لأن جسمها كله دم دخلت وشغلت المي بس مموجود فقط مي بارد كوه سبحت وهيه ترجف من البرد تذكرت ماعدها ملابس غير القماش الكله دم الخلا مالك على جسمها تنهدت وقررت تطلع وتلف نفسها بي ماكو غيره فتحت الباب وطلعت وبهاي اللحضات انفتح باب الغرفه ودخل مالك هيه شهكت وحارت وين تروح مالك تدارك الوضع واندار بحرج ركضت ع السرير سحبت الغطا عليها وتكورت على نفسها ودموعها تجري من الذل الحست بي وجسمها يرجف من قوة الموقف ومن البرد حالها يكسر الكلب ضل مالك واكف بمكانه مصدوم تنهد ومسح جبهته بتوتر سمع شهكاتها عرفها تبجي باوع عليها شافها مغطيه نفسها لكن جسمها يرجف تنهد وطلع ضلت سحر تبجي وترجع تسكت وكلما تتذكر الموقف ترجع تبجي بقت على هاي الحاله والوقت يمشي لحدما تعبت ونامت حست من النوم بس بقت بمكانها صافنه وضايعه ( هسه اهلي شصاير بحالهم يارب صبرهم يارب ساعدهم واني شضل بيه ورا الي صار صعبه ياربي صعبه انطيني القوه اتجاوز الجاي يصير يعني مخطوفه وردت اتعرض للأغتصاب وشهدت عملية قتل اووف يارب صبرني ادري هذا اختبار بس يارب لا تختبر اهلي بيه، والله وكت جنت اتبطر ع البس وهسه ماعندي غير هذا القماش الكله دم الف بي روحي وميته برد وفوك كل هذا مالك الحقير شافني بدون ملابس ياربي اني مو حمل كل هذا حسيت الباب انفتح كبل غمضت عيوني ماريد اشوف مالك واتذكر الموقف المحرج وهمات كارهته بشكل خله مدري شنو ع السرير و اجا وكف يم راسي وتنهد سحب الكرسي بهدوء وكعد يمي ضل ساكت ماله حس وراها حط ايده على جبهتي يريد يشوفني مصخنه لو لا حسيت ايده من خلاها عليه بارده وترجف نزلها على خدي وبعدها على رگبتي واني ارجف مثل السعفه من لمساته كمت اخاف من الكل كام من يمي وراح مدري شيسوي بالغرفه شوي وما احس غير شي بارد انحط على جبهتي شهكت وفتحت عيني لكيته كاعد يمي ويسويلي كمادات هدأت كام وجابلي غطا ثاني غطاني وكعد رفع الكماده من جبهتي ورجع بللها بالمي وخلاها واني بكل مره يكرر هاي الحركه اشهك لأن جنت صدك مصخنه ومريضه بس ماحس بروحي من الوجع البداخلي مر الوقت وهو على هاي الحاله فتحت عيني باوعت عليه لكيته يباوع عليه بتعب وحزن وكأنو جسمه خالي بلا روح رجعت غمضت حسيت بي كام وطلع من الغرفه وقفل الباب كعدت افكر شلون اطلع من هذا المكان لحدما غفيت ومادري بروحي كعدت من النوم باوعت بصفي لكيته جايبلي ملابس تذكرت البارحه من حسيته خله شي على السرير كمت اخذتهن ورحت للحمام لبستهن غسلت وجهي صحصحت وكعدت لكيت على ميز المرايا علاج شربته وحطيت من العطر الي على ميز المرايا ريحته نسائيه وهاديه حسيت ماره عليه قبل هاي الريحه انفتح الباب ودخل مالك باوع عليه من فوك ليجوه وابتسم مارديتله الأبتسامه لأن كارهته تجاهل تصرفي وعبر من يمي شايل الريوك وفجأه وكف وفتح عيونه بصدمه وباوع عليه)........
سحر: اكو شي؟
مالك: حاطه من عطري
سحر: وشعجب عطرك نسائي
مالك مارد على سؤالها : يلا تعالي تريكي
سحر: مالي نفس
مالك كعد وفتح الريوك واشرلها تكعد بصفه سحبت نفس بعصبيه وكعدت وهي كالبه خلقتها مالك بدء يوكل بيها
سحر: ماريد اني اكل
مالك: اكلي من ايدي حته اشربج علاج
سحر: شربت
مالك: وانتي متدرين يعني العلاج بعد الأكل
سحر انفجرت : واني شمدريني اذا راح اتريك لو لا ليش تحسسني كاعده بفندق واتصل على خدمة الغرف ويجيني الريوك ليمي ترا مخطوفه اني مخطوفه شو انت ولا عبالك شايف الوضع الأني بي انت شلون هيج اعصابك بارده
ورا هاي جملتها كامت تضحك ومالك بس يباوع عليها ...
سحر: والله نسيت هو غير انت الخاطفني قابل راح يحترك دمك عليه طبعاََ دمك بارد اعذرني اهتمامك الوهمي نساني الحقيقه مؤقتاََ هههههه
مالك تغاضى ورجع يوكلها عصبت وكتفت اديها على صدرها ودارت وجها بمعنى الرفض: شوكت تطلعوني
مالك: تمام هسه اكلي هاي من ايدي وعود نتفاهم
سحر: اذا تردون فلوس ننطيكم
مالك :...........
سحر: ها شو سكتت اذا رايدين فلوس كول
مالك: كتلج اكلي وبعدين نتفاهم
تنهدت بغضب واكلت من ايده: كافي شبعت
مالك: مو بكيفج
سحر: ااااف
وكلها بأيده لحدما كملت ورجع هو ياكل وراها وهي تراقب حركاته...
مالك: الحمد الله
سحر: ليش انتم هم تعرفون الله
مالك مارد عليها شال الريوك وكام يريد يطلع
سحر: مو كلت اكلي ونتفاهم ليش تجذب
مالك: خليها غير يوم
ودار ضهره ومشى
سحر: شيطلعني منا شلون ورطه هاي
مر الوقت شو حست مالك تأخر ما دخل تطمن عليها ولا جابلها اكل وحست روحها جاعت صار هواي من جابلها الريوك وهسه دنيا ليل يمكن
سحر: واني ليش جاي انتضره خيولي عسى لا اجا
رحت لفيت راسي اريد انام وماكدر بطني توصوص من الجوع شنو هذول يردون يموتوني رحت ع الباب ادك بي حيل
سحر بصياح: شنو ماكو اكل وين حقوق الأنسان شنو المخطوفين ميجوعون
ماسمعت اي رد ولا اي صوت دارت ضهرها للباب وكعدت بالكاع وكامت تبجي شوي وانفتح الباب وانلطخ بيها وتعورت ايدها لأن جانت مخليتها يم حافة الباب صاحت وباوعت ع الباب مد مالك راسه وعاقد حواجبه بأستغراب
مالك بعصبيه: شكعدج هنا
سحر: وانت شكو تأخرت ونسيتني واني متت جوع
وكامت تبجي كل قوتها
مالك: شو جيبي ايدج خلي اشوف
جان الباب ثكيل وسميك حيل وايدها متأذيه ممروده مرد وهيه تبجي من كل كلبها
مالك عصب: ومتكليلي شمكعدج يم الصخام اذا عبالج يسمعونج محد يسمعج الباب عازل للصوت
ضرب كف بكف من العصبيه وضرب جبهته كأنو يحاسب نفسه على تأخره
سحر ودموعها تجري وتشهك: فد يوم تنساني هنا واموت من صدك الله ياخذني ويخلصني منكم انتم لعنه ونزلت عليه وعلى اهلي حسبي الله عليكم عسى مايجي باجر واني بيه روح
مالك : كااااااافي
سحر كامت تضرب على وجهه : لا مو كافي مو كافي سمعت لو لا الله ياخذني الله ياخذني الله ياخذني
مالك لزم اديها وخلاها قريب من شفايفه وباسها وشمها وبصوت متحشرج وتعبان : لا تدعين على روحج ادعي عليه اني اني الي اخلي عزاز كلبي بيد سامر
طلع وسد الباب ورا
سحر نزلت للكاع وكامت تبجي ونامت على وضعيتها بالكاع صرفت كل طاقتها بالبجي وحست حيلها خلص...
گعدت من النوم ماتدري شكد نامت باوعت بالغرفه مالكت احد شافت الأكل محطوط ع ميز المرايا كامت اخذته وكعدت تاكل ودموعها تنزل كملت وكامت تريد تغسل بالحمام فتحت المي اجاها مي حار استغربت فتحت الدوش وكفت جوا وغمضت عيونها تريد اي شي يهدأها وماكو افضل من حمام دافي راحت ع الملابس الجايبها مالك اخذت تراك ولبسته وحطت من العطر (احس العطر يهدأ النفس رحت لفراشي وغمضت عيوني افكر شوي وانفتحت الباب سويت نفسي نايمه دخل مالك كعد ع الكرسي يمي وخر الغطا شويه وطلع ايدي التأذت بالباب وبدأ يحطلها مرهم ورجعها المكانها وغطاني و كام وعبالي راح يروح شو هذا كام واجا نام بصفي جنت منطيته وجهي حسيت جان يباوع عليه شوي وحط اصبعه الأبهام على شفايفي يتحسسها رجفت روحي تقرب مني بهدوء وخله وجهه برقبتي يسحب نفس قوي ويطلعه وانفاسه جانت حاره تمشي على رقبتي رفع راسه وسنده على ايده وصار يتفحصني وخر خصله من شعري جانت على وجهي وكال
مالك: صار هواي ماشام العطر عليج
سحر( ليش هو شوكت شامه اعتقد غلطان بيه وعباله اني غير وحده يمكن سكران ياربي هاي شلون ورطه هذا شوكت يطلع غمضت عيوني حيل من كلماته وحس بيه كاعده)
مالك: شربتي علاج
سحر ولازالت مغمضه: لا
كام جابلها العلاج وكلاص مي وشربها
مالك: محتاجه شي
سحر وبراسها هواي اسئله لكن سكتت لأن جانت خجلانه من تصرفاته: لا
مالك: تصبحين ع خير
سحر ماردت طلع مالك وسد الباب ...
سحر( هذا شبي هيج تصرفاته غريبه بس حس بيه كاعده تغير تعامله يمكن مريض نفسياََ شو خاطفني ويعاملني زين ويهتم بيه يعني غير خاطفيني بسبب حقدهم على احمد وصقر والله دنيا حتى الأختطاف تغير بس اعتقد يعاملني هيج الخاطر عشرته وياهم لأن سامر شخص حقير واذاني بس هو زين وياي واني شكو مدوخه روحي شعليه بمعاملته لازم استغل الموقف استغل مالك تحديداََ واشرد منا خلي انام ويصير خير اني اعلمكم ياولد الحرام)
نمت وكعدت ثاني يوم لكيت اكل بالغرفه ومالك ماكو معقوله ماحسيت بي من دخل للغرفه، كمت سبحت وغسلت ملابسي كملت وكعدت تريكت وضليت كاعده بملل وانتضر شوكت يجي مالك مليت وحدي ع الأقل اشوف بشر احجيله ويسمعني حتلو هو مايحجي كم كلمه بس احسن من الوحده ضليت انتضر ومليت من الأنتضار وبالأخير اندك الباب استغربت ومارديت شوي و دخل شخص ماعرفه خله الأكل ع الميز وطلع بدون كلام باوعت ع الأكل مادري هذا ريوك لو غدا لو عشا ضاع الوقت عليه والأيام كولشي مادري محبوسه بهل غرفه ومنعزله عن العالم كأنو اني مموجوده بهل حياة انمحيت وبس....
كامت دموعي تنزل وبديت ابجي صارلي ايام هنا ومحد لكاني شراح يطلعني منا حياتي انتهت بعد وملت روحي من هذا السجن لو اموت واخلص احسن حسيت نفسي بغربه اشتاقيت هواي الأهلي محد الي هنا كلها تريد تضرني ع الأقل جان وجود مالك يحسسني بالأمان صح هو خاين بس تصرفاته تحسسني بشعور انو هو مراح يضرني...
ما اكلت ورحت لفراشي ابجي لحدما تعبت ونمت..........
مرت تقريباََ ١٠ ايام ومالك ماكو واني نفسيتي تدهورت من الوحده جان باقيلي خطوات واسقط بوادي الجنون جانت فتره حيل صعبه اكل كمت ما اكل فقط كميه قليله كولش تخليني على قيد الحياة وتجيني حالات غضب تخليني اضل اضرب بأيدي بالباب واصيح بلكي احد يسمعني لحدما ايدي تكوم تنزف دم وصوتي يروح لو اصفن واگطع بشعري لو اقضم اضافيري بفمي مثل المجنونه.....
كاعده بالغرفه واباوع بالفراغ وفجأه انفتح الباب ودخل مالك رحت اركض عليه وحضنته مدري ليش حسيت اريد احضنه يمكن لأن صارلي هواي مشايفه وجه مألوف واريد اي شي ينقذني من الوحده الأني بيها....
استغرب مالك وضل واكف بمكانه وماتحرك من الصدمه اني بديت ابجي احس اريد اشكيله من الخوف والوحده العشتهن هو جان طويل اني اوصل الصدره دنك راسه وصار وجهه بشعري كال بهمس وانفاس حاره خلت رعشه بجسمي: الليله ضايع
رجعت خطوتين ليوره وباوعت عليه بقلق جانت عيونه تعتليها نضرة تعب وبيها حنين نضره خلتني بدون شعور اتقرب منه واحضنه حيل واخلي وجهه برقبتي هو جمد من ردة فعلي و ثواني ولف اديناته ع خصري ورفعني عن الأرض حسيت جسمه يرجف ودموعه تلامسني
سحر: حرام عليك جاي تضلمني وتضلم نفسك وتدخلنه بحقد مالنه ذنب بي طلعني منا وكولشي يتصلح
رخت اديناته ورجعت اقدامي لامست الأرض سحب نفس وابتعد عني ورجع الصلابته خفت من ردة فعله وتندمت ع كلامي خليت ايدي على وجهي بخوف وانفجرت ابجي:مالك اترجاك كافي انت شنو التريده مني اني حاظره بس خلصني من هذا الجحيم
مالك بصوت مبحوح وتعبان: اريدج انتي
سحر بصدمه : شنووو؟؟؟؟
______
للكاتبه ساره حسين
