شافت سلسله ناعمه بيها حرف s وبجانبه قلب
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
صقر: من زمان عندي تنتضر اليوم الي تلبسينها بي
سمر استغربت من كلامه (يعني من زمان جايبها الي؟): والمطلوب
صقر: المطلوب ماريدها تنزل من رقبتج اتفقنا؟
سمر من ورا خشمها: احاول
اخذ صقر السلسله وقرب وجهه من رقبتها وريحة عطرها خلت قلبه يرجف لبسها السلسله بسرعه وابتعد....
صقر: انتي الي حليتيها
سمر بغرور: ادري
صقر: يلا اني راح اروح انتبهي النفسج
سمر بدون نفس: اوك
صقر فهم انو لحضات الضعف مال سمر انتهت وبدت تنتقم منه بالبرود ابتسم بوجها وباس راسها وطلع هي ضلت تباوع على المكان الي جان واكف بي
سمر: الأيام بيناتنا يا صقر نشوف انت كد كلامك لو لا
رتبت شكلهه وطلعت....
_____
امجد صاح السحر
امجد: عود ليش بس صقر يشوف خطيبته واني لا
سحر: لاتفضحنه هسه اكول للبنيه
راحت سحر على ساره....
سحر: هذا مجيدان فضحنه يريد يشوفج
ساره: شكلي مرتب زين ومكياجي وشعري خوما هوسه شمي عطري طيب
سحر: وجع شبيج هو مجيدان دمشي امشي عبالك توم كروز راح يشوفها شنهي مجيد ماشايفج قبل دكعدي بالأستقبال هسه اصيحله
راحت ساره كعدت بالأستقبال وكلبها ينبض بسرعه ومتوتره شوي ودخل امجد مشى بأتجاها وقف امامها مسك اديها ورفعها وقفت امامه وهي مدنگه بخجل رفع وجها بأيده وگال: شلون العافيه
ساره بخجل: بخير
امجد: شنو انتي الله شامرج من الجنه شهل حلاه
ساره: حلاة عيونك
امجد: عاد تدرين
ساره: شنو؟
امجد: مشتاقلج
ساره: واني هم
امجد: مو بكدي
ساره بخجل:.....
امجد: احبج
سارة ضربته على صدره بخفه : خلص استحي
لمس امجد الجرح الي بشفتها بأبهامه ويباوع الشفايفها بعيون خدرانه....
ساره كأنو عرفت الي جاي يفكر بي: لالالا لاتفضحنه حاطه حمره
صعدت فوك التخم وگالت: صرت اطول منك بعد متوصلي
امجد ضحك وصعد على التخم وياها: وهسه اكدر اوصلج بكيفي
ساره بطفوليه: انزل بس اني اصعد
امجد: مانزل
ساره زمت شفايفها التحت بزعل: ......
امجد: عود هسه انتي زعلتي
ساره: اي
امجد: عادي اراضيج
نزل ودار ضهره عليها: تعالي
ساره صعدت على ضهره: ههههههههه رضيت
امجد يركض وساره تضحك ومجلبه بركبته دخلت سمر تاخذ الكعب مالتها ناسيته وانصدمت من المنضر
سمر: صخام بوجهك مجيدان مخبل البنيه ترا كبرتو ولك لتوگعها وتسويلها علامه بيوم عقدكم
ساره وامجد ولا ردو و مستمرين باللعب
سمر بهزة ايد: العقل من الله
اخذت حذائها وطلعت وساره وامجد ضلو يضحكون عليها نزل امجد ساره عن ضهره ولامست اقدامها الأرض وهي تضحك وتسولف بأندماج وامجد مركز بتفاصيلها.....
ساره: هههههه وين اكو كبرنه اصلاً بعدني اتعارك ويه خواتي ع الأندومي
بهاي الأثناء امجد جان واكف مقابيلها ايد بجيبه والأيد الثانيه حاوط بيها خصرها وسحبها ناحيته وقبلها قبله عميقه قطع انفاسها من حس عليها اختنقت ترك شفايفها طبع بوسه على حنجها ونزل الرقبتها شمها وانفاسه الحاره خلتها تخدر وتتوقف عن المقاومه طبع بوسات على رقبتها واصابيع ايدها تخلخلت بخصيلات شعره برقه مشى لسانه نزولاً للعضمتين التحت رقبتها وعضهن تأوهت بلذه وسد فمها بقبله قويه....
ساره بصوت خافت: حبيبي
امجد: عيونه
ساره: كافي ليدخل احد
امجد: مرتي
ساره: حباب
امجد: تعذريني
ساره بدلع: الخاطري
امجد: اووف منج تعرفين تلزميني من الأيد التوجعني
ابتعد عنها وباوعت النفسها بكاميرة فونها...
ساره: عزا باوع شصار بيه
امجد: تستاهلين انتي طالعه حلوه شسويلج
ساره: عابتلك
طلع امجد كلينكس من جيبه وصار يمسح الحمرا البوجه ساره وهو يمسح يرجع يبوسها...
سار: ولك شلعت كلبي شو امسحها
امجد: هاهية كملت
ساره: شو تعال خلي امسح شفايفك انترسن حمره
ساره تمسح شفايف امجد وهو يباوع بعيونها
امجد: رقِيقة ناعمة جميله كأنها الفن.
ساره بدلع: هههه ادري والله
امجد: بلا غرور
ساره: يحقلي
امجد: انشهد
ساره: يلا امشي صارلنه هواي هنا
امجد: مرتي وكيفي
ساره وهي تدفعه: يلا امجد
امجد: هههه اوك تمام بلا طرده طالع بكرامتي
همه طلعو ساره وامجد جان يدخلون فهد ورفل للصاله...
ام فهد: هلا بشمعة بيتي
وراحت تركض حضنت فهد وحلا راحت تركض ع اخوها...
فهد حضن امه واخته: رحتلجن فدوه
رفل: بس اني محد بحالي
ام فهد: هههه صدك جذب انتي الغاليه
راحت رفل على ام فهد وباستها من راسها وسلمت على الكل...
فهد: اعذروها تغار مني
رفل: ماغار اصلاََ عادي
فهد: هههه موتي من الغيره موتي
الكل سلم عليهم ودخل الجد والشباب...
الجد: ياهلا بفهيدان
فهد: جدو خلص تزوجت وكبرت ماترهم بعد تكولي فهيدان
الجد ضرب فهد على ضهره بالعصا: ولك فهيدان طولان السانك والله شوف لو وليداتك يصيرون بطولك انه ابقه اصيحلك فهيدان
فهد: هههه تمون يالغالي تمون
الجد: غصباََ عليك
دخلو الشباب يضحكون التفتلهم فهد...
فهد: هاا ولكم جنتم تتصنتون على رزالتي مو
سلمو الشباب على فهد
فهد: يابه مبروك يالعرسان تتهنون ان شاء الله
امجد وصقر: الله يبارك بيك
فهد: شورطكم وكعتو بالفخ
رفل جانت تسولف ويا البنات والتفتت عليه: ليش عيني فخ
فهد: لج انتي احلا فخ بحياتي اني اجيت برجليه للفخ واني راضي ومبتسم
رفل بأبتسامه: اهااا جيد
الكل: هههههه
رافد: ها شوكت رحلتك
فهد: بعد ساعتين كلنه نجي نشوفكم ونودعكم ونتوجه للمطار
ام فهد: الله يحفضكم ويهنيكم ويسعدكم
فهد ورفل: امين
سحر: مدام مجموعين خلي نتصل على قمر ورائد
الجد: ياريت والله
اتصلت سحر كاميرا وبهذا الوقت قمر جانت گاعده يم راس رائد وتقراله كتاب رفعت الفون وفتحت خط وقربت وجها من وجه رائد وخلت الفون كدامهم حتى ثنينهم يطلعون بالكام ورائد توتر من ريحة عطرها تدارك الوضع وگال:ازعجتونا ترا ماصارت كل شوي متصلين
الكل بصوت واحد: مكانكم خالي
قمر: حتى احنا مشتاقيلكم
رافد: شلون رسامنا
رائد: بخير يسأل عنك
رافد: من يومك ذيب ماينخاف عليك
احمد: شلونها غاليتي
قمر: بخير يروحها تسأل عنك
احمد: مشتاقلج ولج
قمر: مو بكدي
لاره: الله ربج يقميره دايحه بألمانيا
قمر: ههه عوذه منجن شايفاتني النهار كله افتر هو اني بالمستشفى
الجد: شلونكم يحلوين
رائد وقمر: الحمدلله وانت شلونك
الجد: بصحة وعافية
ابو رافد: شد حيلك وارجعلنا بخير وسلامه يابطل
رائد: ان شاء الله
ابو فهد: معافى حبيبي
رائد: امين
ام صقر: ديري بالج على رائد قموره
قمر: من عيوني
فهد: مشتاقلك والله مكانك خالي
رائد: مشتاقلكم اكثر
ام احمد تبجي: مشتاقتلج قموره
احمد حضنها وحاول ماتنزل دموعه لأن مشتاق الأخته:لا تبجين البنيه يمه البيها مكفيها
ام احمد: قابل بكيفي غير مشتاقتلها
احمد اشر السحر يعني انهي الأتصال لأن يدري بأمه بعد متسكت...
سحر: يلا حبيبتي اخذي راحتج وانتبهي النفسج ورائد دير بالك على قمر
قمر شافت امها شلون تبجي واحمد حضنها جان تخنكها العبره: الله وياج حبيبتي وانتي هم انتبهي النفسج
سدت سحر الخط وقمر كامت دموعها تجري ورائد مسح دموعها وباسها من راسها وهو مقدر حيل انو هي تحملت تبعد عن اهلها وتحملت هواي حجي منه وتحملت تصرفاته، انطاها الكتاب بمعنى كمليلي القصه حتى تنسى الموضوع وهي اخذت منه الكتاب وكملتله قراءه شال ايدها وخلاها على راسه متعود كل يوم تقراله قصه وتلعب بشعره وهي ابتسمت وكامت تلعب بشعره وتقرأ بالكتاب وهو عيونه تتأمل ملامحها.....
____________
فهد: يلا نترخص منكم ماضل وقت لازم نلحك على الطياره
الجد: محروسين بالله
ودعوهم كلهم وراحو فهد ورفل للمطار وصعدو للطياره..
رفل: متحمسه
فهد: الشنو؟
رفل: امنيتي ازور لندن
فهد: هههه والله اني هم متحمس
رفل: الشنو
فهد عض شفته وغمزلها رفل ضربت ايده وهو مات ضحك عليها....
________
نرجع البيت الجد
صقر واحمد: يلا احنا هم نترخص ماضل وقت
الجد: وين بعد وكت
صقر: تعذرني جدو بس والله باجر عدنا هواي شغل
الجد: الله يسهللكم
طلعو يردون يرحون وسحر وصلت للباب وتذكرت نست فونها
سحر: روحي اني رايحه اجيب فوني والحكم
سمر: ماشي
راحو همه ورجعت سحر تجيب فونها اخذته وطلعت بالشارع ومنزله راسها تتصفح بصور الحفله وتمشي ومتحس غير واحد يسد فمها و.....
________
وصلت سمر للبيت دخلت سبحت ونزلت للصاله شافت احمد يقرأ كتاب....
سمر: ها حميد شعجب كاعد وحدك
احمد وخر الكتاب عن وجهه وباوع عليها وابتسم: امي جاي تقرأ قرأن وسحر مادري يمكن نايمه وهذا مجيدان طلع يركض الغرفته يحجي ويه الحب
سمر: شوكت اجتي لعد سحر
احمد: ليش هي وين جانت
سمر: من طلعنا نست فونها بيت جدو وكالت هسه اجيبة واجي وراكم
احمد: ما اتذكر عبرت من يمي روحي شوفيها يمكن بغرفتها
سمر: يمكن هسة رايحه اشوفها
راحت سمر الغرفة سحر ومالكت احد نزلت سمر للصاله...
سمر: ماكو بغرفتها
احمد: شنو ماكو بغرفتها سحرررر
سمر: سحرررر
امجد طلع من غرفته ونزل من الدرج: شبيكم تصيحون
احمد: سحر ماكو بالبيت وباوع الساعة ٢ بالليل
امجد: شنو مو بالبيت لعد وين دوروها زين
ام احمد سدت القران وكامت على صياحهم: شبيك يمه تصيح
احمد: سحر ماكو بالبيت
ام احمد: يمه بنتي وين راحت
احمد: سمر دورتي بالبيت زين
سمر: ماكو
احمد: خاف بيت خالتي
راح احمد البيت خالته دگ الباب وفتحه صقر واستغرب من طلع بوجهه احمد
احمد: سحر يمكم
صقر بأستغراب: والله مادري يمكن يم البنات
دخلو الولد للبيت ..
ام صقر بأستغراب: خير خو ماكو شي
احمد: ماكو غير الخير خاله بس سحر يمكم لو لا
ام صقر: يبناااات
نزلن البنات يركضن واستغربن من شافن احمد وامجد...
ام صقر: سحر يمجن
البنات: لا
صقر: بس فهمني احمد شصاير
احمد: سحر ماكو بالبيت
صقر: بس على كيفك لا تتوتر يمكن بيت جدو
طلعو الولد وسمر اشرت الأمجد بمعنى وينها واشرلها بمعنى ماكو جان تتخبل وراحت ركض البيت جدها وام احمد ميته خوف وتبجي وراحت البيت ابوها هي وام صقر وكلها تدور وماكو دخلو البيت الجد ودوروها وما الها اثر هنا الكل تلفت اعصابه....
صقر: احد يفهمني شلون اختفت
سمر تبجي وتشهك: من اجينا نريد نرجع للبيت كالت نسيت فوني بيت جدو انتم روحو واني اجيبه والحكم بس مارجعت
احمد: وين اختفت وين راح اتخبل خلي ابلغ
صقر: تبلغ شنو اذا طلع البالي صح ف محد راح يخسر غيرنه اذا بلغنه
رافد سحب نفس: مالنا غير امير
صقر: امير منو
رافد: صديقي ضابط درسنا سوه وعلاقتنا قويه وتكدرون تثقون بي
طلع رافد فونه واتصل على امير
الو
هلا خويه شلونك
بخير دامك بخير
والله محتاجك بشغله ماكو غيرك يحلها
عدنا حالة اختفاء بالعائله
انتضرك
_____
صقر: هاا شكال؟
رافد: هسة راح يجي
شوي واجا امير ويا دوريه دخل امير واستقبلو الشباب....
رافد: امير خويه السالفه ماريد احد يدري بيها لإن مو الصالحنه ولا الصالح البنيه اذا احد عرف لذلك اني اتصلت عليك شخصياََ ادري بيك متقصر
امير: عيوني الك يمعود صدك جذب اخوي انت
رافد: فدوه العمرك وهسه شنو راح تسوي
امير يحاجي العسكري الواكف بصفه: انصبلي سيطرتين وحدة بداية الشارع وحدة بنهايته واريدكم تنتبهون زين ماريد شي يعبر عليكم ركزولي ع الصغيره والجبيره
الشرطي: حاضر سيدي
امير: تمام عدكم كاميرات مراقبه؟
رافد: خرب شلون نسيتهن
امير: طبيعي جداََ انتم هسه بوضع صعب متركزون على هيج تفاصيل
رافد: هسه اشغلهن
شغلهن رافد وكلهم يباوعون بترقب....
سحر جانت تمشي بالحديقه تلعب بفونها وصلت للباب فتحت الباب وطلعت بس ما انتبهت انو اكو شخص واكف بصف الباب حط مخدر على انفها وفقدت الوعي واجتي سياره طبكت يم الباب وخلو سحر بالسياره ونزل واحد ذب ضرف بالكاع وركب بالسياره وطلعو من الشارع....
احمد وشياطين الدنيه كلهه تكمز فوك راسه راح ركض على الباب وكلها راحت ورا باوع بالكاع شاف الضرف فتحه شاف طلقه وياها ورقه عليها دم ومكتوب بيها
(الدم بالدم والبادي اضلم)
احمد بعصبيه: حقيرين خسيسين والله لبجيكم دم
راح على صقر وضرب الورقه بصدر صقر وصار يتنفس سريع ويصيح بقهر صقر فتح الورقه وقرا المكتوب وعرف السفاح جاي ياخذ ثار جماعته الي قتلوهم والي جان يفكر بي طلع صح و لو مخلي احمد يبلغ الشرطه جان قتلوها ذب الورقه وراح حضن احمد وهمس بأذنه: وعيونك ترجع بس اهدأ لاتنهار يمكن هسه جاي يراقبونه انت تعرفه واني اعرفه ورا كل انتقام يراقب انهيارنه بأستمتاع لا تتسرع....
احمد سحب نفس قوي ومسح وجهه بكف ايده ودخل للبيت وكلها مافاهمه شي شنو مكتوب بالضرف؟ صقر حط الضرف بأيد امير وامير قرا وعكد حواجبه بأستغراب....
امير: تعرفون منو صاحب هذا التهديد
صقر حرك راسه بمعنى اي
امير: تمام ادخلو جوه شوي واجيكم تفهموني كل الموضوع
الكل دخل واخيرهم امير لأن جان يحجي ويه عسكري بالباب دخل وشاف بنيه كاعده ع المرجوحه تبجي...
تقرب منها وركز بملامحها راح وكف يمها رفعت راسها وباوعت عليه وعيونها كلها دموع وتشهك
امير( رفعت راسها وباوعت عليه وياريت مارفعت راسها غرگت بعيونها صمتت المده من الزمن واني ما عندي اي قدره على النطق الى ان تداركت الوضع )
امير: مسحي دموعج وعد مني ترجع
حلا: عمو فدوه رجعها صح همه صارلهم فتره قصيره من عرفناهم بس والله تعلقنا بيهم
امير( شنيهاي تكولي عمو بس لا صدگ اني كبرت): ولا يهمج ابويه انتي ان شاء الله ترجع مسحي دموعج
حلا مسحت دموعهه وابتسمت بأمل....
امير ابتسم ولمس انفها بطرف اصبعه: خشمج احمر مثل المهرجين
حلا كتفت اديها على صدرها وصدت وجها....
امير: هههه اتشاقه وياج عمي لاتزعلين
حلا: اصلاََ مازعلانه
امير: خوش لأن اصلاً مراح اعتذر
حلا باوعت عليه بصدمه وضحك على وجهه المصدوم...
امير: عموماً ادخلي جوه هسه وارجع البنيه لو بعد الف سنه
حلا: وعد؟
امير ابتسم: وعد
گامت حلا وراحت تمشي للداخل وهو عينه تعلقت عليها لحدما دخلت ابتسم ودخل للأستقبال وسمع صوت صياح جاي من داخل البيت الدنيا مگلوبه والشباب بيناتهم نقاش حاد سكت وماحب يدخل.....
احمد: كله بسببك لو مخلينه نقتله من زمان مجان صار الي صار
صقر: تقتله شنو عبالك هيه بالحجي لشوكت تضل مندفع
رافد: تعوذو من ابليس شباب
لاره تهدأ بأخوهه: صقر عوفه مو تعرفه ميلزم اعصابه
احمد: ديلا عيني يالجبير يالواعي يالفاهم يلا حلها صارلك سنين ماحليتهه
سمر واكفه يم احمد: وشنو ينطي على كد عقله شايفه اخوي زعطوط كله بسبب اخوج هوه انطاهم مجال لإن يخاف منهم لأن جبان
صقر يباوع على سمر واحمد بعصبيه وضاغط على ايده حته لا يحجي شي لأن ميريد يخسر احد منهم....
عمر: سمر الزمي السانج ولا تتطاولين لاتشوفينه ساكتين عبالج منكدر نردج
امجد: وشحدك ترد اختي ماحجت غير الصح
رافد: استغفرو ربكم واهدأو كلنه معصبين بس الأمور متنحل بهاي الطريقه تعوذو من الشيطان
احمد: ياشيطان خطفو اختي وانت تكولي تعوذ من الشيطان شياطين الدنيه كلهه جاي تكمز فوك راسي لاتخلوني ارتكب بنفسي جريمه
صقر: عوف حركات المراهقين المراح تحل شي
ام احمد تبجي ومنهاره وام صقر تهدأ بيها: بنتي مخطوفه وانتم حايرين تتكافشون هسه وكتكم
احمد: اني حركاتي حركات مراهقين لو انت الي خايف منهم وقابل لو شيسوون بيك
الجد صاح بصوت عالي: ببببسسس
