بعد الغداء توجه ابو فهد البيت الجد
ابو فهد: گواك الله
الجد: الله يگويك
ابو فهد: يابه عندي موضوع وياك بخصوص فهد
الجد: استريح وليدي واحجي العندك وان شاء الله خير
ابو فهد: ماكو غير الخير بس فهد يريد يقدم موعد زواجه ويسوي بعد اسبوعين واحنه منسوي شي بدون شورك
الجد: اي شكو بيها خلي نفرح بيهم الولد من زمان خاطب
ابو فهد بفرحه: الله يتمم الي بي الخير
_________
مرت الأيام والكل منشغل بتجهيز العرس فهد والبنات كل شوي رايحات للسوق الى ان اجا يوم الحنه.....
جان بيت ابو فهد هوسه فـ راحن البنات البيت ابو رافد لأن جان مابي احد حتى يجهزن نفسهن
سحر وهي تسوي شعرها: ولج قمر روحي جيبيلي مي متت عطش
قمر: تمام
نزلت قمر للمطبخ شافت ام رافد جاي تبخر البيت
ام رافد: قموره حبيبتي هاج بخري الأستقبال خلي اروح اكمل تبديل والله مضل وقت مدامج مكمله
قمر: حاضر خالة بس اكو احد بالبيت؟
ام رافد: لا ماشفت احد كلهم بيت ابو فهد جاي يكشخون العريس
قمر:تمام
فتحت قمر باب الأستقبال وجان حيل كبير والأضائه خفيفه مشت بأنوثه ووصوت كعبها تارس المكان وتدندن: گلبي بمحبتك حس بيك اني اتنفس انت حبيبي وبس ماعندي غيرك ثاني
مجانت تدري بالعيون التراقبها بأعجاب.....
رائد: مجنت اعرف صوتج حلو فاجأتيني
قمر فزت من الصوت بس عرفته رائد گالت بتوتر: انت من شوكت هنا
رائد تجاهل سؤالها: مبينه طايحه بالعشگ
قمر: وحتلو مو من حقك تسأل
رائد: لازم نسيتي هذاك اليوم شنو كلتيلي لو تراجعتي الضاهر انتي موكد كلامج
قمر: لا كد كلامي
رائد: نشوف
حرك كرسيه وطلع من المكان وهي ضلت مستغربه شنو يقصد بكلامه.....
_____
جانو الولد يم رائد عدهم تقاليد بيوم الحنه العريس يلبس زي عربي....
رافد وهو يرتب بغترة فهد: صقر فدوه ماضل عليه وقت رايد خدمه منك تروح البيتنا هناك تلگى امي بس گوللها تنطيك ملابسي مخليهم ع الجربايه
صقر: تدلل
راح صقر ودخل من باب المطبخ وشاف سمر واگفه ع الطباخ تاكل من الجدريه
صقر: احم احم
سمر سمعت احد تنحنح ماتت فشله وحارت تبلع لكمتها لو تشرد التفتت عليه بخجل شافت صقر بعدت عيونها بتوتر هو من شافها صفن بجمالها وكشختها تدارك وضعه وگال: لتاكلين انتي واكفه مو زين عليج اكعدي على ميز الطعام
سمر بأحراج: هاا مو مستعجله ومن الصبح مماكله ملتهين بالتحضيرات
صقر ابتسم: عوافي ماشفتي ام رافد اريدها
سمر: هسه اصيحها
مشت بسرعه تريد تشرد من الموقف الصارت بي ماحست غير كعبها تعثر وگعت اجاها صقر يركض ويسمي عليها
صقر: خوما تأذيتي
سمر ونزلت دموعها من الأحراج: لا مابيه شي
صقر: لعد ليش تبجين
سمر: مدري شنو السالفه كل مره اوگع گدامك غير فشله
صقر: افااا ولا يهمج اعتبريني مشفت شي اصلا نسيت شنو صار
سمر ضحكت من بين دموعها وگامت وراحت جوه وصقر مبتسم ويدندن بهمس ( يبنيه هونج هونج سلام الله اعله عيونج)
______
لاره: هاي شنو الخليتي على ايدي يلمع
تماره: جايبته جديد وكلت خلي اجربه على ايدج
لاره: فأر تجارب اني دباوعي شلون يلمع عبالك مدخله ايدي بجدر تشريب اروح اغسل واجي
راحت للحمام الفوگ دگت الباب
حلا: جاي ابدل
لاره: اوك بدلي راح انزل للحمام الجوه
نزلت لاره وغسلت اديها اجتي تريد تطلع جانت منزله عيونها على اديها تلبس خواتمها وفجأه انلطخت بشخص.....
رافد جان جاي ياخذ غترته الناسي يحضرها ودخل للحمام حتى يسبح وطلعت بوجهه لاره ...
لاره: اااف خربطت تسريحتي
رافد: لا تتأففين انتي وهذا لبسج القصير
لاره: وانت شكو عسى ما اتصلخ واطلع بالشارع
رافد: انتبهي النفسج ترى تتأذين
لاره: بشنو تأذيني مثلا تمد ايدك؟ عادي ما استغربها منك اليسويها مره يسويها مرتين اضرب اذا تشوف بهذا الشي تثبت رجولتك
رافد: قصدج اني مو رجال؟
لاره: اذا واثق من رجولتك ليش تحسست من كلامي
رافد دفعها وسد الباب: واثق تردين اثبتها الج؟
لاره خافت بس مابينت: روح اثبت رجولتك على الزلم مو على النسوان
رافد خنقها من رقبتها: السانج ضمي بلهاتج لا اشوفج شي ماشايفته بعمرج
لاره بعناد وهي تطلع السانها: ما اضمه وما اخاف من اكبر واحد هاك شوفه
رافد عضها من السانها كل قوته بحيث حس بطعم دم وهي ما انطت اي ردة فعل بمكابره بس حس بأضافرها وهي تنغرس بأيده وتضغط عليهن كلما هو ضغط على السانها وباللنهايه ماتحملت الوجع وتأوهت بألم: اااه
حست بي رخى قبضة اسنانه على لسانها تدريجياً وخفف ضغط ايده على رقبتها تنهد وانفاسه حرقت شفايفها گال بهمس: اسف
وخر من گدامها حتى تطلع من المكان هي ركضت برا الحمام والدمعه بعينها هدأت نفسها وصعدت يم البنات وحاولت تتصرف طبيعي
بدأت الحنه وراحو البيت العروس.....
جانت كاعده بغرفتها وتسمع اصوات الأغاني التارسه المكان بس مجانت فرحانه لأن فهد گاللها ماگدر اجي دخلت عليها امها
ام رفل: يلا ماما كومي ننزل
نزلت وكلها انبهرت بجمالها وبدأت الهلاهل واجواء الفرح شوي وسمعت الجهال يصيحون اجا العريس
وهي كلبها كام يرجف رجف بين فرحه وبين توتر صارت هوسه الشباب حركو الجو بالرمي دخلو اهل العريس وهي عيونها معلقه ع الباب دخل فهد وجان لابس دشداشه نيليه بارزه عضلاته شماغ صحراوي مسوي لفه اماراتيه وهو ضخم وطويل النسوان اكلنه اكل بعيونهن بس هو ما اهتم الكل العيون وعينه بس على حبيبة گلبه مشى بأتجاهه بثقه ونضراته الها صدگ جانت نضرات فهد وهي تريد تكوم حتى يسلم عليها ورجليها متشيلها وصل يمها ولزم ايدها وكومها وباسها من جبهتها وابتسم: مفاجأة حلوه صح؟
رفل بأبتسامه: اكيد
حلا: حبها ولك حبها لتخاف من امها
والبنات كلهن كامن يهوسن وياها ورفل وجها صار احمر من الخجل وفهد يضحك طبع بوسه على رقبتها والبنات گامن يصوفرن ويصفگن گعد شوي وجابولهم الحنا وفهد لزم ايد رفل وحس بيها ترجف ......
فهد: حبيبي ليش خايفه ترى اليوم مو العرس
رفل من تذكرت العرس شفتها صارت ترجف وفهد من شافها هيج كام يضحك
خلصو المراسيم واستأذن وطلع خلصو الحنه بيت العروس ورجعو البيتهم جان الجد مسوي عزيمه كبيره وذابح ذبايح والشباب يرقصون جوبي
سمر: بنات امشن على السطح خلي انشوف جوبي الشباب
راحن البنات فوك يباوعن
لاره:باوعو صقر اروح فدوه لليركص جوبي يربي باوعن الهيبه الله يحفضه من عين اليحسدون
ياره: والله هو وعمر مندمجين سوه ركصهم يخبل
تماره: لاعيني ركص اخوي احلى دباوعي رافد شلون هو الي لازم الركصه وانوب يركص بأحترافيه ويشرب جكاره ولا مهتم
سمر: دسكتن وباوعن ركص احمد وامجد فدوه غير يجننون
حلا: كافي اسكتن اصلا احلى شي هو رقص جدو
ساره: هههههه اي والله احسن حل
قمر جانت بعيونها تراقب تريد تشوف رائد وشافته كاعد ويباوع عليهم من بعيد (اوووف هسه اكيد يتمنى يركص وياهم ويفرح بأبن عمه كل الصار بسببي )
استمرت اجواء الفرح طول الليل والجد جان حيل فرحان بزواج اول حفيد اله
_____
يوم العرس
فتح عيونه بتعب ما تركو الشباب ينام بالليل گام سبح ونزل جوه
فهد بأبتسامة: صباح الخير
ام فهد: صباح الورد حبيبي
ابو فهد: صباح النور عريسنه
حلا: هلا والله بهالصباح
كعد فهد يمهم باوع على حلا مشغوله بالسوالف عن العرس وعن الملابس وعن الصالون وابو وامه فرحانين حيل ابتسم على فرحتهم وكعد وتريك وياهم كمل وگام يريد يطلع
حلا: وين رايح
فهد: اودي رفل للصالون
حلا: فهد حباب اخذنه وياك الولد كلهم مجاي يقبلون يكولون صارلجن اسبوعين معيشاتنا بالسوك
فهد: تمام امشي
غلا: انتضر خلي اتصل على البنات
فهد: يابنات
حلا: البنات كلهن
فهد: هاي عود اني العريس يلا عمي يلا خابري
حلا خابرت على البنات وكيفن وثواني واجني كلهن هنه وفساتينهن
فهد: هههههه بالله مكياج البيت بشنو يختلف عن مكياج الصالون هنه كلهن الوان حطنهن وفضني
سمر: اله ام صالون يلا عيني عريسنا استعجل مضل وقت
فهد: انوب يتأمرن يلا امري الـ الله
طلع فهد وشاف الشباب كلهم ملتمين گدامه
فهد: حضرة جنابكم كاعدين تسولفون واني اليوم عرسي ومبتلي بخواتكم صايرات جيش كلهن يردن اوديهن للصالون عمي شوفولهن جاره اريد اودي مريتي
صقر: صارلنه اسبوعين نايمين بالسوك من ورا عرسك تحمل اخوي الحياه مليانه تحديات
فهد: صارلكم اسبوعين بقت على اليوم وين الغيره العراقيه
الشباب: ههههههههه
رافد: دامك نخيت الغيره العراقيه ابشر عد عيناك روح ودي مرتك احنه نودي البنات
نروح يم رفل الجانت مانايمه بسبب التوتر والصبح تباوع الأهلها وتبجي لأن راح تبتعد عنهم وهمه يهدأونها الى ان اجا فهد ياخذها للصالون ركبت يمه وهي عيونها مدمعه مسك ايدها وباسها: شبيج حبيبي متضايقه؟
رفل: اي
فهد: من شنو
رفل: راح اعوف اهلي
فهد: هههههه اني اهلج
رفل خجلت وصدت وجها ابتسم ومسك وجها بأيده ولفه ناحيته: لتضوجين حبيبي شوكت متحبين اجيبج وراح اصيرلج كل اهلج وما احسسج بأي فراغ
ابتسمت من بين دموعها وخلت راسها على كتفه
وصلو للصالون ونزلت وهو رجع للبيت يكمل كشخته والشباب يمه رتبوه وطلع حيل حلو كمل وراح للصالون دگ هورن وطلعت رفل گام ساعدها بالبدله وگعدها بالسياره بصفها وسد الباب وباوعلها وتنهد...
رفل خافت: شبيك فهد بيك شي مريض شي يوجعك
فهد: اي مريض وشي يوجعني
رفل خافت: يمه اسم الله شبيك شنو يوجعك
فهد سحب ايدها وحطها على قلبه: هذا يوجعني
رفل من حست بنبضات قلبه العاليه ونضراته المليانه حب ماتت خجل بس حاولت تصير جريئه
رفل بأبتسامه: هم تحاول تطيب من هل مرض؟
فهد باس ايدها: ابد ما احاول اطيب اريده يطغى عليه بكل قوته مسلمه نفسي
رفل: نفس حالتي
فهد ابتسم: ليش انتي هم مريضه بهذا المرض
رفل وهي تخلي ايده على قلبها: اي وحالتي خطرة شوف
حس بنبضاتها العاليه ابتسم وگال: الله لا يشفيج
رفل ضحكت: امين ولا انت
شغل فهد السيارة وطلع اغنية نصرت البدر "المعدل" وضل يغني وياها وكل شوي يباوع على رفل ويبتسم وصلو الجلسة التصوير وفهد حرج رفل بحركات جريئه وهي تموت خجل وهو مستمتع كملو تصوير وصلها البيتهم وهو رجع البيته دخل واستلمو بالهلاهل والجكليت وشوي شوي كامو يجون العالم وترسو البيت والشارع اجه وقت الزفه والسيارات تارسه الدنيا بحكم الجد عنده كثير معارف فـ صارت زفه فخمه....
وصلت الزفه البيت رفل وعلگوها بالطلق حركو الجو حرك اخذو العروس وتوجهو القاعة الأعراس....
بنص الطريق نزلو الشباب من السيارات يرگصون ولمحت تماره جلال حست گلبها رجف من شافته واگف بكامل اناقته لمحها وهي تباوع عليه استحت وصدت وجها ....
وصلو للقاعه وجانت مقسومه قاعه للشباب وقاعه للبنات بدأت اجواء الحفل وصارت الساعه ١١ بالليل كالو العريس راح يدخل تغطن النسوان بالعبايات دخل فهد وتوجه الرفل وعيونه متتحرك منها وصل يمها وهي وگفت باس ايدها وراسها جابوله طقوم ذهب ولبسهن الها بدأت انغام موسيقى اغنية ع بالي حبيبي تملي المكان وگف فهد ورفل بنص القاعه حاوط خصرها بأيده وسحبها ناحيته وبدأ بتمايل وياها على صوت اليسا وهي خلت راسها على صدره وغمضت عيونها والكل يباوعلهم بأعجاب....
فهد بهمس: فاهية كلبي
رفل: عيونها
فهد: احبج
رفل: اموت بيك
خلصو رقصتهم وقطعو الكيك وطلع فهد من يم رفل ورجع القاعة الشباب الى ان انتهى الحفل ركبو فهد ورفل بالسياره متوجهين للفندق...
ابو رفل: دير بالك عليها وليدي ماعندي بس هايه ماوصيك
فهد: بعيوني اخليها عمو مايحتاج توصي
رفل نزلت دموعها من كلام ابوها وحضنته وبجت الكل ودعهم لأن راحو يگضون اسبوع بالفندق وشهرين خارج البلد....
شغل فهد السياره وحركها والكل يلوح الهم بأبتسامه شغل اغاني هادئه ونزل الجامات لأن الهوه جان بارد بس حس رفل بدأت تبجي ركن السياره ولزم ايدها وگال بحنيه...
فهد: رفل
رفل من بين دموعها: ها
فهد حاوط وجها بأديناته ومسح دموعهة: باوعي بعيوني
رفل بعناد وهي تشهك بسبب البجي: مااا
فهد بحنيه: باوعي بعيوني
رفل باوعت بعيونه الي جانت كلها حنيه
فهد: اني منو
رفل: فهد
فهد: يعني انتي تخافين من فهد
رفل: لا
فهد: زين فهد يئذيج بشي
رفل: لا
فهد: يجبرج على شي
رفل: لا
فهد: جرحج فد يوم
رفل: لا
فهد بأبتسامه: لعد لتخافين يا حبيبي اني راح اصيرلج اهل واعوضج عن الكل
ابتسمت اله وصدت وجها لمراية السياره تعدل مكياجها
رفل: عزززا باوع صايره فلم رعب
فهد ابتسم وبدأ يغنيلها ويه الأغنيه المشغلها:
انتي بعيني احلى بنيه
تضميني تنسيني الدنيا
لمسة ايدك بلسم شافي
مليانه لهفه وحنيه
ننسى الماضي نعيش الحاضر
فوگ جناح الفرحه نسافر
عصفوره وعصفور نغرد
نتغازل حد الصبحيه
طبعت بوسه على خده ورجعت المكانها تنهدت براحه وطلعت ايدها من جامة السياره والهواء قوي وايدها ترجع على ورا وتضحك بفرح وفهد يباوعلها بحب....
رفل: فهودي
فهد: عيونه
رفل: خلي اطلع راسي من الجامه
فهد: اخاف عليج حبيبي
رفل: فدوه
فهد: يعني ضروري
رفل: اي ضروري كلش بنفسي
فهد: تمام
طلعت راسها من الجامه ولفحها الهوه البارد ضحكت وهي تگول الفهد: الله عليك سوق اسرع
فهد: ههههه صار
زيد فهد السرعه وگع تاجها: ولك طار
فهد: شنووو؟
رفل بضحك: التاج ولك التاج هههههه
فهد: هيج احسلج يلا تعالي
سحبها من ايدها وصارت بصفه التفت عليها وحبس الضحكه
رفل: شكوو
فهد: مانصحج تباعين للمرايه
رفل باوعت على المرايه وضحكو سوه جان الهوه لاعب بشعرها لعب وتسريحتها انفلت
فهد: جنج صديقي عباس وگاعد بصفي خلي ارجعج الأم الصالون
رفل ضربته علة كتفه: شحلاتي اصلا انت مقهور من جمالي
وصلو للفندق ودخلو الغرفتهم جان الفراش مليان ورد والغرفه كلها شموع
رفل وهي تگعد ع الجربايه بتعب: واخيرآ خلص العرس البدله ثقيله والتسريحه عبالك حاطه كونية طحين على راسي
راح يمها فهد وگف قريب عليها وبدأ يفل تسريحتها جانت المرايه كدامها وهي تباوعله بحب شلون يهتم بيها كمل باس راسها وراح وگف كدام الميز يذب ساعته وحلقته ويفتح رباط قميصه وهي راحت للحمام حاولت تفتح بدلتها ماكدرت صاحت الفهد راحلها وانطته ضهرها: افتحلي السحابه
بدأ يفتحلها السحابه بهدوء وبعدما فتحها مرر اطراف اصابيعه من بداية ضهرها النهايته وهي جسمها رجف تقرب اكثر وانفاسه الحاره على رقبتها طبع بوسه على كتفها اندرات عليه
رفل بأرتباك: احم شكراً ممكن تطلع اريد اسبح
فهد: لا مو ممكن
رفل: فهد مو وقت شقه اطلع مو بكيفك
فهد وهو يحاول يرفع ضغطها: لا بكيفي
حاولت تدفعه وتطلعه برا وهو ولا تحرك گالت بدلع: فهودي
فهد: عيونه
رفل: اريد اسبح
فهد: اي اسبحي حبيبي وين الأشكال
رفل: عززه شو انت صاير ما تستحي شنو اسبح گدامك
فهد: اني رجلج يالفاهيه
رفل: اي واذا رجلي قابل اسبح گدامك
فهد: يارب صبرني على فهاوتها
رفل: فهوددي
فهد: ههههه طالع عمي طالع لا تدفعين
طلع فهد سبحت رفل وطلعت لابسه ملابس نوم قصيره وكل شوي تسحبها الجوه وميته خجل
فهد ضل يباوع عليها من فوگ الجوه ومن شافها منحرجه بعد عيونه وگام يسبح طلع من الحمام شافها تمشط شعرها وگف وراها وسحب من ايدها المشط وبدأ يسرح شعرها وهي تباوع عليه بالمرايه جان لاف ع خصره المنشفه وشعره مبلل وجسمه اسمر ومعضل .....
فهد بأبتسامه: شبي الحلو صافن عليه
رفل: هاا لا ما صافنه متوهم
فهد: هههههههههههههههاي
رفل بأحراج: شبيك تضحك
فهد وهو يسحبها من ايدها: يلا تعالي
رفل: وين؟
فهد: وصيت على عشا لو ناويه تنامين جوعانه
گعدو على طاولة الطعام ورفل استحت تاكل بقت تحرك الأكل بالملعقه.....
فهد: الحمدلله
رفل: وين ماكلت شي
فهد: لا الحمدلله شبعت انتي اكلي ماعليج بيه اني انتضرج بالصاله
رفل: عوافي
فهد: يعافيج
راح فهد ومن تأكدت هو مجاي يشوفها بدأت تاكل سريع واكلت بشراهه من الجوع من الصبح مماكله شي نضفت الميز بسرعه وشالت المواعين ذبتهن بالمطبخ وراحت للغرفه حطت مسكاره وحمره وعطر وراحت تمشي بأتجاهه على اطراف اصابعها وكفت ورا تريد تفززه هو جان كاعد على التخم ومنطيها ضهره وفجأه اندار وسحبها صارت بحضنه وجهه قريب من وجهه ويباوع بعيونها كلبي راد يطلع من صدرها الى درجه حست جاي يسمع نبضاتها قرب شفايفه من اذنها
فهد: ليش كلبج جاي يدك سريع؟
رفل بأرتباك: هاااا ءء ااا ردت افززك وانت فززتني
فهد بنضرات حنونه: متأكده؟
رفل: هاا اي اي متأكده
باوعلها بحنيه وباس كف ايدها ابتسمت وخلت راسها على صدره وهو يلعب بشعرها شالها واخذها للغرفه حطها ع الجربايه بدأ يبوسها بعمق وهي بادلته الشعور نزل الرقبتها مشى عليها لسانه وطبع قبلات هادئه شعلت روحها باس كتفها وباوعلها بنضره مليانه حنيه وگال: احبج
غمضت عيونها وغرقت ويا بعالم ثاني......
___________
بعدما راحو فهد ورفل الضيوف بدأو يروحون لحدما مابقه بس الأهل سحر گاعده هي والبنات تسولف وتضحك وفجأه اجاها مسج من رقم غريب:بهيده يا رب الدلال الضحك مالك
بهيده يالچنك جمالك
سحر( توترت وحسيت نفسي مُراقبه يعني ليش تحديدا من ضحكت اجاني هيج مسج حاولت اتجاهل احساسي ورجعت اسولف ويه البنات والف سؤال وسؤال براسي....)
دخلو الشباب القاعة النسوان لأن راحو كل الضيوف وبقو بس الأهل
الجد: يلا امشونه نرجع للبيت دخت من صوت الأغاني
رافد طفى الأغاني: ماشبعتن رگص
لاره: بكيفنه قابل راگصين برجليك
رافد باوع الاره بحده وهي بادلته نفس النظرات الكل حس الوضع بينهم مشحون
انشغلو الكل بالسوالف وامجد وگف بصف ساره وكرص ايدها
ساره بهمس: اووي وخر ايدك وجعتني
امجد: هسه اذا املخج منو يكولي ليش شنو هالبس هواي قصير
رجع ضغط على ايدها اكثر وهي عيونها دمعت ومتكدر تطلع صوت: وخر ايدك معليك
امجد انمرد كلبه من شاف دموعها وخر ايده وتنهد بغضب
الجد: يلا ياعيني امشو تعبت بعد مابيه
صقر: افااا جدو بعدك شباب شحلاتك
الجد: ههههه لتضل تمدح بيه وتخليني اروح اتزوج
صقر: ههههه اختار وعرسك عليه
الجد: ماتقصر وليدي احفادي صارو بطولي ويني وين الزواج....
طلعو للسيارات
سمر جانت تمشي ومندمجه بالسوالف ويه لاره وعثرت بحجر ورادت توگع بس سحبها شخص بأتجاهه وانضربت بصدره رفعت عيونها شافت صقر : تأذيتي
سمر بأحراج: هههه لا مدري شبيه كل شوي واگعه
صقر بنضرات حب: ما صلو على النبي
هي ابتسمتله بعفويه ورجعت تسولف ويه لاره....
حست تماره بعيون تراقبها ولمن التفتت شافت جلال حاط اديناته بجيوبه ويباوعلها بسرعه صدت وجها وصلت للسياره وكعدت وتتنفس بعنف ماگدرت تمنع عيونها ورجعت باوعت للمكان الواگف بي جلال ابتسم وغمزلها هي ضحكت بلا وعي ومن الفشله اندارت على اختها حتى لتشوف وجهه...
قمر شافت رائد طالع من القاعه الثانيه ويمشي بصعوبه بالكرسي المتحرك بسبب انو امام القاعه حديقه وتكون الأرض مو مستوى واحد راحتله وگفت ورا وبدأت تدفعه للأمام ....
رائد بحده: شكراً ممحتاج مساعده من احد
تقربت قمر من اذنه وهمست: ما انكر فضلك لذلك لتعتبرها مساعده اعتبرها واجب
رائد بتوتر من قربها: ممسويلج فضل اني هم سويت واجبي
قمر: خلص لعد اني هم اتركني اسوي واجبي
وصلته السياره رافد
رافد: شكراً خيتي ماقصرتي اني راح اركبه السياره
قمر وهي تباوع الرائد: لا تشكرني ماسويت غير الواجب
راحت قمر السياره احمد
رافد: مو كتلك خلي الله يهديك وسوي العمليه بس انت رافض عاجبك وضعك هيج؟
رائد: كولشي واله وقته
رجع الكل للبيت وانتهى العرس ..
_______
فتحت سحر عيونها الجانت غافيه وشافت گدامها المساعده جايبتلها هديه لاگيتها باب البيت مكتوب عليها اسمها استغربت بس مالها واهس تفتحها نزلت جوه وشافت الكل گاعدين يتريكون.....
سحر: صباح الخير
الكل: صباح النور
احمد: اليوم كاعدين متأخر كلنا دخلنا بغيبوبه ورا العرس
امجد: والله اني لهسه رجليه يوجعني من الجوبي
ام احمد: اي والله تعب يستاهلون فهد ورفل كل الخير
قمر: اي والله
سمر: الله يسعدهم
سحر بس ساكته وتلعب بالأكل
احمد: سحر بيج شي ليش مجاي تاكلين شنو الشاغل بالج
سحر: لاسلامتك كولشي ماكو بس مالي نفس
شربت عصير وكامت
امجد: شبيها اليوم تضرب صفنات
احمد: عوفوها براحتها اكيد تعبانه بسبب امس
صعدت سحر الغرفتها بملل قررت تفتح الهديه خلتها گدامها باوعت ماشافت اي شي غير اسمها فتحتها وجان تطلع مليانه شكولاتة جالكسي ابتسمت لأن هذا النوع المفضل عدها شافت ورقه قرتها وجان محتواها
"اجدني بلا ادراك اقع بحب كل ما تحبينه"
__________
للكاتبه ساره حسين
