تعبني غرورك

البارت الثامن

بقلم اسيرة الماضي
.
.
.
.
.
.
.
.

رونق_وهاي مرن شهرين عل حادثه گاعده بين اربعه حيطان محد يطب يشوفني ولا يحجي وياي الكل ميحجون،وياي تمنيت اموت ولا هيج اصير مذمومه كله بس علي اكثر شخص احبه هو سبب دمار حياتي طبعا ماطلع من الغرفه بس وكت انزل اسويلي اكل وارجع اقرا نجحت من الخامس وحاليا سادس عفت كل مشاكلي وركزت عل دراستي محد يفيدني غير شهادتي صارلي شهرين اقرا بس بدون فهم لان صعب ما بقا للمدرسه غير اسبوع واني حتا مشتريت ملابس مدرسه منو مهتم لامري بس الغريب انو لسه ماكو لا عسل ولا نواس وينهم؟.....جكد انقهر من اشوف اهلي ينجمعون سوا وحتا علي وياهم،الا اني عبالك بيه مرض علي سوا كل هذا بس عادي سامحو بس، اني لا الكل كارهني نزلت حتا اشرب مي جان الكل گاعدين ويحجون ويضحكون نزلت وحتا مباوعتلهم طبيت للمطبخ اشرب مي نداريت صار علي بوجهي مادري احساس شعور مختلف من اشوفه جكد،ماريد اكرهة ماكدر احبه،مو بيدي بس لا هو اذاني هوواي لازم ماضعف گدامه لازم اعيش حياتي بوجودة او بدونه بطلت فكرة الزواج وشلته من بالي حتا لو علي طلب مني ازواج مراح اقبل وخصوصا منه لان هو خرب حياتي
علي:شبيج ها تعالي گعدي يمنه
رونق:شكرا ماريد ما الي وجود بهاي العاءله
علي:نوقه لا تعبيني وياج
خجلت من گال نوقه هذا اسم جان هو الوحيد يدلعني بي من جنت،صغيرة بس لا علي والله لا اشوفك الويل
رونق:علي انت خربت حياتي
علي،عادي واگدر اصلحه
يحجي برود ولا كانه مسوي شي جكد مغرور عفته وردت اطلع بس وگفني كلامه
علي،بس يجي نواس من تركيا تتطلگون
رونق:حبيت اغيضه، لا ماريد احب نواس زوجي هو،شفته تحول من برود الي عصبيه وعيونه صارن حمر اجه عليه حاصرني علحايط،مايهتم انو اذا احد يجي وشافنه
علي،لا تذكرين سالفه زواجج منه لان انتي ملكي
رونق;همس باذني بان اني ملكه للحضه ضعفت بس تذكرت الي سوا مستحيل انسا دفعته مني وگتله،لا اني اكرهك اني مو ملك احد
عفته ومشيت طبيت لغرفتي ومطلعت لحد ما مر الاسبوع واليوم راح اروح للمدرسه رحت وبدا شهر عل دوام سادس قرايه هواي وصعب اليوم راح يجي نواس مهتميت بس اريد اطلك
اجه نزلت حتا اشوف بس تفجاااات من شفت عسل ويا جايةةة
هاي شدي يصير عجيب ضليت مبحلگه شصاير وررراي
طبيت للمطبخ اشرب اجه علي
ها شفتية
اي صاير حلو
لج رونق
شكو
اوووف
عسل شسوي ويا
تنهد بضيق،ازوجته
جنت اشرب مي وكع المي من حلگي،ازوجته شنو وشلون وشوكت
من خطفتج هم ضلو ميعرفون يتصرفون والناس بدت تجي للقاعه ماكو غير عسل مامخطوبه زوجوهة لنواس
جكد انقهرت من كال هيج اعرف عسل متحبه
بس حرام عسل ما تريددة
ادري
شتدررري
اعرف هي تحب ابن خالتي، بس صار الي صار
راد يطلع صحت ورا الله لاااااايوووفقك
رجع دار وسكت
مشيت باوعت نواس كاعد بس منزل راسه وعسل ساكته ماكو اي تعبير عل وجهة من مشيت من يمهم هو كام وكف وهي نزلت دمعته
عسل شلونج؟
زينه كولش زينه من بعد سوايتج
عسل اسمعيني،كامت وعافتني
نواس:ليش  جان كلتي تحبين علي من البدايه ليش ورطتيني ورطتي عسل المسكينه خربتي حياتج وحياتنه ليش هيج مو حبيتج حب طاهر بس كله بسببي اني اي اني الغبي حبيتج
لا نواس عافني هو هم وراح اوف حياتي تخربت بسببك علي
طبيت لغرفتي وبدت حالتي هيح كل همي قرايتي بس افكر بعسل هي تحب اخوي طارق وعلي مفكر هي تحب ابن خالته ارف والله قهر كله بسببي دمرت حياة هواي اشخاص يالله خل اقرا خل يولون خلصت السنه واليوم تطلع النتاءج اهلي ممهتمين ابد خابرتني صديقتي كالت ناجحة من الفرحه نسيت كولشي ونزلت اركض مثل المخبله شفتهم كلهم كاعدين يتغدون
ماما بابا طارق فرحو جبت خوش معدل طلعت ناجحه بمعدل 96
شفتهم ولا واحد بيهم فرح ولا حتاااا ردووو عليه شبيكممم متسمعون نجحت حجه ابوي وكال ماكو كليه ماخليج نشليت من بعد هاي الكلمةةةة لا باباااا لااااا عفتهم ورحت كعدت بالغرفه ابجي
شويه واجه ابن اخوي الصغير شايل بيده علاگه گال هاي الج من علي مهتميت نمت وثاني يوم كعدت بس قضولي كتلني اريد اعرف شنو الهديه
*****
عسل،اني عسل عمري 20سنه احب ابن عمي طارق اخو رونق اموت عليه هو هم يحبني ونتضر عرس رونق حتا نزوج بس نصدددمت من ابوي ملي راح تزوووجين نووواس؟
لا مستحيل
انجبي تردين اخوي وابنه يتفشلون
لبسوني بدله وحطولي مكياج واني دموعي تنزل صار العرس بس من شخص ماحبه ولا حتا مفكرة بي زفونه للفندق محجيت اي شي ويا نمت عل جربايه وهو عل كرسي وثاني يوم سافرنه شهر عسل بس كدام الناس لتركيا بقينه شهرين هناك كل واحد غرفه وحده كضيت ايامي كله ابجي ولازمه صورة طارق واباوع عليه حقدت عل رونق واخوي كرهت اهلي وحياتي اليوم رجعنه لبيت عمي عزمونه حاولت تحجي وياي مرديت عليه تغدينه ورجعت للبيت طبعا اهل نواس بيت عمي يعرفون شلون راح تمشي حياتنه اني بغرفه وهو بغرفه اذكر طارق وحبي اله وشلون جنه مقررين حياتنه اوف يا طارق جكد حبيتك بس مصرت من قسمتك
♥♥
رونق_فتحت الهديه جانت علبه بطن علبه فتحت علبه جبيرة فستان احمر وعلبه ثانيه بيه طقم ذهب عله شكل ملاك نفس الصوار الي هداه الي ورد احمر ورساله شفت مكتوب بيه "احبج واليحب بلوة شوكت الله وتصيرين من قسمتي الحلوة"....وكاتب رساله ثانيه)احبج نوقه والله من زمان من جنت صغير وحبج بداخلي لحد مكبرت واني عل هذا الحب لج جنت اتخبل من اشوفج تحجين ويا نواس وحتا خليت بنيه وياج بالمدرسه تراقبج وتحميج من البنات
اذكرت مرا شفته يحجي ويا بنيه،كملت،واحبج والله بس غروري منعني احجي الج البگلبي واعبر عن حبي غروري وكبرياءي منعني!بس بقيت احبج وجنت اريد اكلج وازوجج من تخلصين سادس بس تفاجات من خطبج قادس وافقتي خليت نواس يهرب الخطبه ولمن خطبج نواس ووافقتي كلت لعد هاي تحبه خليت وسحبت،نفسي اعرف نواس خوش ولد ويحبج ضليت اقاوم حبج واكول انساها امي كل يوم لدرةورلي عل عروس بس اني اريدج الج واجه يوم العرس متحملت اكثر وخطفتج اسف اسففف بس والله احبج،وهاي الفستن وطقم ذهب اريدج تلبسينه نوقايتي 😍😍 ،....احبج))

ضليت مصدومه هذا من شوكت يحبني الابتسامه شگت حلگي بس لاااا هووو خرب حياتي بس غرورة منعه لا مستحيل ارجعله لااا رجعت ملشي مكانه وانطيت الهديه بيد ابن اخوي وكتله وديه لعلي
********

اسفه لان البارت قصير بس واتباد ماعرف شبي جاي يعلق
تابعو القصه حبايبي 😘😘