بقلم أسيرة الماضي
.
.
.
.
.
.
.
.
.
.
.
.
.
_رونق ثاني يوم كلت لأمي خلي تخابر الجماعه اني موافقه وامي خابرتهم واعتذرت عل هذيج المره وحددو العصر الخطوبه ملبست بدله ولا رحت للصالون مالي واهس اجت بنت جيرانه هي خلتلي مكياج ولبست فستان ماروني وشال ويا هم ماروني وحمرة ماروني وكعدت وطبعا كالعاده كل كرايبنه أجوي جنت كاعده ومتوتره وكل تفكيري ليش علي ميريد ازوج قادس.
لشوي وكالو اجه العريس تلبكت وجنت منزله راسي حسيت عليه اجه وكف كدامي رفعت راسي وهنا الصدمه.
_علي
_اي كتلج متزوجين قادس وهاي هم خرب خطوبتج
_ليش
_بكيفي، ويالله بأي اني رايح
راح وهم تركلي جرح بكلبي ماعرف ليش مغرور وهيج يتصرف
راحو أهل الولد والكل بقت عسل يمي بدلت ونمت حتا بدون عشه مزاجي مكركب..... ثاني يوم كعدت بدلت وطلعت برا انتضر ابو الخط يجي اوف هم راح يتأخر اجت سياره وكفت يمي نزل الجامه اوف هذا نواس
_صعدي خلي اوصلج
محبيت افشله وصعدت جنت طول الطريق ساكته وهو هم ساكت لحد ما قطع الصمت بينا كالي
_ليش رونق فضلتي هذاك عليه ها مو اني احبج
_موافقه
_ششنو شكلتي انتي موافقه عل شنو
_هههه عليك اني موافقه عليك
صفن عليه بعدين كام يضحك مثل الخبل
_اوف اليوم اني اسعد واحد بالدنيا
_ههههه اوك جيب اهلك لعد
_اليوم باليل انشالله
_شبسرعه هل استعجال
_لج مامصدك اريدج اليوم قبل باجر
وصلني للمدرسه وراح ماعرف إذا إلى سويته صح او خطأ بس كل الي اجه بالي اريد استقر واخلص من عذاب كلبي وأريد اثبت لنفسي انو علي ماله سلطه عليه بس اجذب إذا اكول فرحانه.
_باليل جاب نواس أهله وقرينه الفاتحه وقررو بعد اسبوع الخطوبه
جان الكل فرحان حتا عسل كولش فرحتلي بس اني جنت بالكوه اضحك وابتسم بس شسوي لازم اعيش حياتي واستقر.
.
.
دك تلفوني رقم غريب، ديت الو
_الو مبروك يا عروسه
فز كلبي من سمعت صوته اوف انت بلوه عل حياتي وبلسم لجروحي شسوي الكلبي اريد ينساك بس صعب عليه
_الو رونق وينج
_ها شكرا
_عفيه بيج لأن سمعتي كلامي نواس خوش ولد
_اني مسمعت كلامك بس اني احب نواس وقبلت بي مو لان انت كلتلي قبلي بي وبعدين نواس صح خوشولد واني احبه و، بعدني ممكمله كلامي سد التلفون بوجهي اوف جكد مغرور، دك التلفون ان ب يمكن هو، الو
_فديت الصوت
_هههه نواس هذاانت
_اي لعد جنتي منتصرة احدغيري
_لا منو غيرك
_اي شلونج خطيبتي
_الحمدلله نواس استأذن منك تعبانه شويه
_اي حبي باي
_باي
.
.
.
.
.
.
اليوم راح اروح أني ونواس نشتري ذهب لبست تنورة جوا الركبه سودة وقميص ماروني وبي ورد اسود ولبست شال اسود اجه نواس وصعدنه بالسياره شغل اغنيه كاضم الساهر حافيه القدمين ويغني ولازم ايدي وصلنه للسوك يم محل حلو اول مرا اشوفه مكتوب عل لافته المحل اسم " ذهب الروانق" طبينه واتفاجأت من صاحب المحل علي جان كاعد يحجي ويا رجال من طبينه كام سلم عل نواس وحتا مباوعلي.
نواس_اريد احلى ذهب عندك
_اوك، طلع ذهب وگال اختارو بكيفكم
_يالله حبي اختاري على ذوقج
_اممم هذا، أشرت عل طقم كامل كله على شكل فراشه الگلاده والتراجي والصوار نفس الشي كولش عجبني.
_اكيد هذا يخبل اي علي جكد السعر
_مايحتاج اني ادفعه
_لا شنو قابل انته مزوجه
اثنينه سكتنه
_لا بس انت مثل اخوي
_اي بس اني ادفع
_اوك
دفع وردنه نطلع بس علي وكفنه
_لحضه بس هاي هديه مني لبنت عمي رونق
_اشرلي نواس اروح أخذه، رحت وجانت محطوطه بكايت أخذت وكتله، شكرا
_ولو تدللين عروستنه
طلعنه وجنت طول الطريق صافنه هو ليش هيج يتصرف وياي، فزيت على نواس من گلي وصلنه، نزلنت بس هو راح لأن عنده شغل
_اي شصار مصار
_اوف الله بلاني بيج اختي الفضوليه
_انجبي خل اشوف ذهبج
شوفته الذهب گالت حلو بس امي معجبه گالت ليش مو ضخم هسه يگولن تبخل عليه
_اوف امي الله الج واهس
عفتهم وصعدت نمت گعدت ساعه 10باليل شفت تلفوني نواس داگ مرتين وعسل هم داگه باوعت هديه علي نشفته، فتحت العلبه جانت عباره عن سوار نازك وعلى شكل ملاك صاير كولش حلو علي ذوقه يخبل. اوف علي هسه شيصير لو علي بدال نواس.
.
.
.
.
.
.
.
.اجه الأسبوع بسرعه واليوم خطوبتي؛
رحت للصالون ولبست بدله وردي ومكياج سموكي وسويت تسريحه بسيطه بس طلعت حلوة اجه نواس وعقدلنه الشيخ ترددت من سألني الشيخ بنتي انتي موافقه تذكرت أحلامي انو ازوج علي بس بعدين گلت هو ميحبني مو مهتملي ليش اضيع حياتي علمود؛ اي موافقه؛ عقدلنه الشيخ وگعدني ودخل نواس لبسني الذهب تمنيت علي هو الي يدخل ويشوفني بس لا هذا جان حلم مراهقه وهسه كبرت وازوجت من شخص غيرة لبسني وبالگوة طلعنه يريد يبقه.
_تعبت كولش بدلت ونمت گعدت الصبح بدلت وطلعت رحت للمدرسه وهناك شفت علي واگف يحجي ويا طالبه ماعرفت ليش.
خلص الدوام ورجعت للبيت لگيت نواس داگ م ديت ضليت اقرا تحاضير خلصت بالعشرة دگ نواس، الو
_ليش متردين
_جنت اقرا
_هااا اسف لعد ضوجتج
_لا خلصت هسه شتريد
_سلامتج بس العرس قررنا ورا شهر من تخلصين دوام
_اوك خوش موعد
_يالله كملي قرايه بأي
صفنت ورا شهر راح ازوج وراح يتحدد مصيري ويا نواس
.
.
.
.
.
.
بدت الامتحانات جنت مشغوله بالقرايه خلصت وباقي اسبوع عل عرسي.
_اليوم الحنه رحت للصالون ولبست بدله ليموني واني بيضه طلعت كولش حلوه اجه نواس وحناني ورگصنه سوة
وخلصت الحفله باليل خابرني جاوبت، الو
الوات باجر شيجيب باجر
ههههه الله كريم
اوف بأي روحي نامي وراج عرس
اوك باي
شحجه وياج
شعليج غير اخت فضوليه
هههههه عروستنه تخبل وعريسنه
ولج سكتي خل انام
.
.
.
.
گعدت الصبح طبعا بنات عمي نصهم يمنه وبنات خالاتي باتو يمنه
رحت للصالون ولبست بدله بيضه ومكياج طلعت اخبل خابرني مواس گال هسه اجي اجت سياره طبعا مجانن وياي اي وحده اختي ضلت بالبيت لان يمنه خطار وعسل بيتهم هم يمهم خطار صديق عمو ستار جاي لذلك رحت وحدي اجت السياره صعدت جان الطرحه فوگ راسي ماشوف شي
_مبروك عروستنه
سمعت صوت هذا منو رفعت الطرحه ونصدمت😱😱
.
.
.
.
................ يا ترا منو شافت رونق؟
منو تتوقعون تشوف
تابعوني وتابعو القصه
ŞİMDİ OKUDUĞUN
تعبني غرورك
Romantizmتصف حاله فتاه تقع في حب شاب مغرور بدرجه كبيرة فكيف يبادر بحبها ....فتعيش حياه مليئه بالقهر والدموع وفي طواف الحياه يعود بها الزمن الي الواقع فتعيش قصه حب عضيمه.... تابعوني فيديتكم😜😃😃
