تعبني غرورك

البارت الخامس

بقلم أسيرة الماضي
.
.
.
.
.
.
.
.
.
_اليوم خميس بس اني ماريد هذا الزواج بس شسوي لازم اوافق الي متا اضل انتضر بعلي يحس بحبي وهو مو هامه امري لازم ابدي صفحه جديده واعيش حياتي .
رحت للصالون سوتلي تسريحه وإني شعري طويل اسود وحلو وحطتلي مكياج طلعت اخبل بس هذا الجمال واليوم هذا جنت اتمني لشخص واحد الشخص الي احبه واتمني ازوجه واعيش ويا بيت واحد وغرفه وحده بس ياحيف حلم ومستحيل يتحقق.
....رونق ماشالله اقري المعوذات راح تنحسدين تخبلين طالعه
.....ابتسمت ابتسامه جانبيه
.....حرام هل وجه ما يضحك رونق اعرف انج تحبين اخوي وهذا الشي مو بيدج بس لازم تتطلعين لحياتج الحب مو كلشي شفتي هذا علي مو مهتم وانتي لازم تعيشين واقع علي مراح يحبج لازم تزوجين وتخلفين اطفال حلوين مثلج وتشوفين مستقبلج عيشي حياتج وانسي الماضي

.......صعب يا عسل صعب كلبي جاي يشتعل بنار والله صعب
......ادري والله بس هاي هي الدنيا لاازعلين والله يسعدج انشالله بعدين هاي مجرد خطوبه هسه تتعرفين عليه وتحبينه اوك.
......انشالله
اجه اخوي الي بعده ممزوج صعدنه بالسيارة حسيت اكو نضرات بين عسل واخوي وصلنه للبيت لكيت كالعادة كل كرايبنه جايين ومشغلين اغاني ويركصون كعدوني طبعا جنت لابسه بدله ماروني كوله ورد وخرز تخبل عليه جنت كوة اوزع ابتسامات بس اختنقت وبالكوة ضليت كاعدة بمكاني لشويه وسمعنه صوت عالي وصياح بالاستقبال عجيب شكو الكل جان يريد يعرف شكو طلع ابن عمتي الصغير حسن وكال نواس اجه وتعصب يريد يلغي الخطوبه وصارت عركه بين العريس ونواس تخبلت خرب نواس مراح يعوفني بحالي.
.......زين وين علي
لوبيدي اكوم واضرب هاي ملاك تسأل عل علي ولج اوف كل نااحاول ابتعد عن علي ومافكر بي الكه نفسي احبه اكثر وشاغل كل عقلي وبالي ضلينه كاعدين اهل الولد زعلوا وراحو اي احسن هفف
طبو اهلي وولد عمي والكل استحيت كلت لعسل اتجيب شال الي لان بدلتي دلعه جابته غطيت نفسي بي بقه بس شعري طالع كعدو والكل يصيح طرشوني بس اشوف علي يريد ياكلني بنضراته وكل ساعه يخزرني يربي هذا شبي صاح لعسل تروح يمه شاورة مدري شحجه وياها واجت عليه مالت
.....علي يكول خلي تكوم تبدل عيب منا الولد كاعدين
.....بس هم مو غربه بعدين هو شعليه
......رونق مابينه حيل مشاكل اكثر من هل مشكله الي صارت كومي
.....اوك امشي رحنه وبدلت ارتاحيت فليت التسريحه وغسلت وجهي من المكياج طلعت شفت عسل تباوعلي
.....ها شبيج صافنه عليه
......مو زعلانه لان خطوبتج مصارت
......تنهدت اوف لج عسل والله ماعرف اريد ابدي حياه جديدة واعيش حياتي بس قلبي مدا يساعدني حتا انسي وابدي صفحه جديدة دوم يرجع لذكريات الماضي
.....اوف حاسه بيج
باوعتله حسيته هم مثلي تعاني
......انتي تحبين
......ها لا
شفته تلبكت عرفت تحب واكيد اخوي
.....اريد اخذ وحده لطارق
......ها بس هو بعده صغير
......ههههه اعترفي انتي تحبينه اي احسن تصيرين جنتنه
......ههههه اوف بس هو وسكتت
.......شبي هو ها ميحبج صدكيني ميلكه مثلج
......لا بس ونزلت دمعته
.....عسل شبيج احجيلي
كانت تبجي وتشك
.....اوف رونق اخوج يحبني ويريد يزوجني بس
.....بس شنو
.....امي ماتقبل
.....شلون
.....اي رونق اني حجيت لامي تخبلت وضربتني وكالت اهيء انو هي تريدني لابن خالتي مجيد
.....اوف حضنته ضلت تبجي ،روحي غسلي اني احبه
.....شلون بهاي مشاكل مالتج
.....لغ تخافين اني احجي وياها
......صدوك وتقبل
.....انشالله
نزلت جوا جانو كاعدين ويحجون بنفس الموضوع ونواس كاعد ومنزل رأسه الكل ندار عليه من نزلت حجه نواس
......رونق اني اريدج وماقبل تزوجين هذا
......رونق بنتي اني ابوج ومثل مكتلج مراح اجبرج احجي منو تريدين ما اجبرج بكيفج بنتي.
صعب مو قفي ماعرف شحجي
.......بابا اني قبلت بهذا الولد
نواس.....بس اني احبج واريد وإني ابن عمج اولي من الغريب
....نواس انت مثل اخويه ماريد ازوجك هذا قراري
طلع نواس متعصب وضل الكل يحجي بنفس السالفه الي يكول خلي تزوج هذا الولد خوش قسمه دكتور ونعرف أهله لان هم جيران بيت عمي ستار والي يكول نواس احسن ووو بس علي محجه اي شي شيحجي هو ميهتم لامري
ابو رونق.....لا هاهيه بنتي كالت هذا الولد فهاهيه نخابرهم ونعتذر منهم ونرجع نسوي الخطبه
ابو نواس.....شلون تفضل الغريب عل ابني لا اني ماقبل، وطلع هو وعمتي ام نواس دمعت عيوني عمامي تخاربو بسببي كله تحجي دخت من الحجي وماحسيت غير علي حضن دافي وعطر مميز عرفته من عطرة فتحت عيوني اني بحضن علي جان يباوع علي وبعيونه نضرة الخوف والقلق اول مرا اشوفه من كعدت رجع لبرودة وخر وكام طلع ضليت صافنه جنت غافيه بحضنه اوف يعلي انت عله بحياتي وبلسم لجروحي ضليت كاعدة افكر بحياتي مستقبلي شسوي بس لا خلص اني قررت انو لازم اوافق علي هذا الولد وابدي صفحه جديده بعيد عن علي ونواس واهلي ........

.
.
.
.
.
.
.
.
.
.
.
.
_ثاني يوم كعدت جنت ضايجه كلت خلي اروح اشوف عسل واحل موضوعه ويا اخوي اخذت اذن من امي وصلني اخوي دخلت جان علي كاعد بالمطبخ وجان ضايج مبين عليه طبيت سلمت هو كالعادة مرد السلام عليه بس عمتي ام علي وعسل .
كعدت وانتضرة يكوم حتا احجي ويا عمتي واخيرا كام
.....امممم عمه
.....ها رونق
.....عمه عسل جبيرة وواعيه لازم هي تحدد مستقبله مو طفله هي
....شنو قصدج من هذا الكلام احجي رونق
.....اوف عمه عسل تحب اخوي
باوعتلي وخزرتني
...كملت،وهو هم يحبه ولازم نخليهم يزوجون هاي حياتهم
.....لا رونق اني وعدت اختي انطيه عسل وخلص
....بس عمه عسل ماريد ابن اختج مو حرام تجبيريه وبعدين
.....لا رونق اني ادور مصلحته معليج خليج بمشاكلج
عصبتني من صدوك بس مستحيل استسلم
.....بس اخوي ترا يكدر ينهي عليه وتعرفين عمو ستار مايتساهل وراح ينطيه بسرعه لاخوي تعرفين ماكو داعي اكلج
.....رونق وتالي وياج تهدديني
....لا عمه بس عسل تحب وانتي تمنعيه من الشخص التحيه
باوعت عل عسل وكالت
......عسيله منو تريدين ماقابله بمجيد
عسل خافت من امه اشرتله بانو لا تخاف وتحجي
.....اي ماما ماريده
......ماشي بنتي مراح اجبرج ولو اني راغبه مجيد بس هذا  مستقبلج وانتي حرة وابن عمج  اولي بيج.
اففف هاي الكلمه كولش اكرة شنو اولي بيج بس بالله المهم عسل .
.....كلوش هههه هلهلت وماحس غير علي فوك راسنه يصيح
.....منو هلهلت وباوعلي وخزرني
.....اني يمه الي هلهلت
.....وشنو المناسبه ،وكتف اديه بانو معاجبه ورفع حاجبه
....مو رونق راح تزوج
باوعلي وخزرني معرفت ليش هيج سوا
....اي مبروك اني رايح لغرفتي
.....خاله بس راح اروح لان خلصت مهمه جيتي
....ليش ولج تجين بس علمود عسل وإني ما تجين علي ها
.....لا انت الغاليه .اوك عسل وين الشال
....فوك بغرفتي
....يا شال
....شال مالته يمي بقه
....اوك اجيبه واجي ،صعدت فوك لغرفه عسل دورت عل شال ماكو هو شال حلو مثل الربطه زيتوني وبي ورد اسود واحمر
.....شدورين؟
فزيت هذا علي تلبكت
.....ادور عل شالي ها اكول رونق ليش قبلتي بقادس
اول مرا اسمع باسمي جكد حلو بحلكه سمعت اسم قادس والله هستوني عرفت خطيبي اسمه قادس
......ليش احنا ماقبل بي اذا قصدك عل نواس فهذا مثل اخوي
.....مو قصدي بس لا تقبلين بقادس
....ليش؟
.....هسه لا تقبلين وخلص لا تعاندين،صارت عيونه حمر وتعصب
.....لا هو خوش ولد واهلي وافقوا ليش ارفض
....بس اني دا اكول لا تقبلين
....وانت شعليك مدخلك ،وردت انزل فتت من يمه جرني عليه وصفن بيه تلبكت وخجلت معرفت شحجي ويا مااوصف شعوري ضليت صافنه بعيونه هو حس عل نفسه ووخر
.....بس راح تتندمين
.....ليش
.....تعرفين بعدين ،وراح وعافني دايخه بعالمي اني ويا اوف بكلمه يدوخني .
مهتميت لكلامه وكلت ليش الكل يدخل بيه لا راح اوافق وغصب هم عليهم ...
............................
⁦♣️⁩⁦♣️⁩الدنيا
مواقف
وموقفي كان اصعبها
لم
اكن اريد ان اقع في الغرام
لاكن كول شي يأتي صدفه🖤
............................
يتبع.......