عشق الرعد

عشق : اسامحك انتي مين اصلا عشان اسامحك

جمان : انا اختك

عشق : كنت اختي قبل ما تخدعني كنت اختي قبل ما تخليني اجبر بابا علي حاجه كنت اختي قبل ما تخليني احققلك امنياتك وترفضي طلبي....عارفه انا كل اللي قهرني رعد واللي حصله اوعي تكوني هبله ومفكره اني مبحبوش لا انا بعشقه ومن زمان كمان من اول ما شوفته حبيته وعشقته بعد اما عاملني زي بابا

جمان : وانتي عملتي كده ليه

عشق بدموع : عشان كنت خايفه لاخسره زي ماما بابا خسر ماما وزي ما برق هيخسرك متوقعه ايه من واحده كل العلاقات اللي قدامها فاشله ونهايتها الموت لازم معلقوش بيا عشان ميتألمش

وبدأت في البكاء ووضعت يداها علي فمها لمنع شهقاتها وتركتها وذهبت الي المحاضره وجودي بكت بشده وذهبت ورأها وجدتها تجلس وتنظر الي الفون وتمسح دموعها التي تنزل ولكنها لا تتوقف وبجانبها سيلا فجلست بعيد عنها تنظر لها ودخل الدكتور وكان شاب في اواخر العشرينات يبدو عليه القوه والوسامه يتميز بعيونه السوداء وبشرته البيضاء وشعره البني وغمزاته التي تظهر طويل القامه جسمه رياضي

الدكتور : انا دكتور كرم جيت مكان دكتور معتز وهدرسلكم الفارما بتمني ان محدش يتأخر عن محاضرتي والاهمال ممنوع اعتبروني اخوكم واللي يقف عليه حاجه يجي علي مكتبي حد عنده اسئله.....تمام انتي اتفضلي اقفي

خبطت سيلا عشق في زراعها لتنتبه
كرم : اتفضلي قومي انا مش بكلم نفسي عشان حضرتك تبصي للتليفون وتعيطي

وقفت عشق وقالت بكل برود وحضرتك معصب نفسك ليه اهدي ليطقلك عرق

لم تستطع سيلا منع ضحكتها فضحكت علي برود صديقتها

كرم : انتي اللي جنبها

سيلا بضحكه : انا

كرم : اي انتي وهيا بره

عشق : هدي اعضائك هنطلع

سيلا : بجد شكرا يا دكتور انا من زمان نفسي اتطرد وحضرتك حققت امنيتي ميرسي

كرم : استنوا قولوا اسمائكم وبعد المحاضره تعالوا ع المكتب

عشق : عشق احمد

سيلا : سيلا محمود

جمان : جمان محمد خد اسمي انا كمان عشان مستحيل اقعد في مكان اختي مطروده منه
نظرت لها عشق ولم تجب

كرم : انتم التلاته انتي مرات برق المهدي

جمان : ايوه

كرم : طيب تعرفي مرات رعد صاحبه

عشق : يلا يا جمان
فهمت انها لا تريد ان يعرف فقالت حضرتك اسأل عليها وتركته وذهبت مع الفتيات

سيلا : مقولتيش ليه انك مرات رعد

عشق : كده مش عايزه حد يبص ليا بصة شفقه