عشق الرعد

عشق الرعد الجزء الأول

الفصل الثالث وعشرون

الحياة من الخارج مغلفة بغلاف جميل، كل شيء عاد على ما يرام برغم ما فقدناه، كل شخص عرف ما عليه فعله، تمدد عمار بجانب أخته التي تهز ابنها ليتوقف عن البكاء، وضع يديه على أذنه بانزعاج

عمار : هو بيعيط ليه ؟ ما تشوفيله حل

عشق بضيق : مش عارفة يا عمار، أوووف قوم نادي للدادة

عمار وهو يعتدل جالسًا : أم فاشلة، ساقطة أمومة

هز رأسها بتأكيد سرعان ما انفجرت باكية وهي تقول : استنى متندهش أنا هتصرف، بتعيط ليه يا أسد ؟ مين زعلك

عمار بغيظ : هو دا فايق يزعل من حد أنتِ كمان، أهدى ياض دا أنت أبوك دبح الدبايح عشانك وعاملك حتة دين سبوع

عشق : استغفر الله العظيم، متقولش الكلمة دي قول حتة سبوع مثلاً مش لازم تحط الكلمة دي

عمار : اكيد مش المعنى اللي فاهمينه وبعدين بقى مع جوزك الشيخ رعد ده

عشق : هو مش شيخ بس بينصحك للصح، الكلمة دي معناها سب الدين لشيء جامد، استغفر الله العظيم، وحاجة مش حلوة بل ويكاد يكون قول فاحش، اضحك وهزر وقول اللي عايزة بس ابعد عن الدين يا عمار ومش عشان رعد بس بيضايق دا عشانك ولمصلحتك

عمار بزفير : قرفتوني يا شيخة كل أما تشوفوا وشي، صليت يا عمار صليت يا عمار، أنتِ متخيلة أنا بستأذن الدكتور أروح أصلي واجي وصحابي سموني الشيخ عمار وهاتك يا تريقة

عشق بإبتسامة : مش مشكلة يضحكوا الوقتي وهيجي الوقت اللي تضحك عليهم فيه، خلي بينك وبين ربنا عمار يا عمار

عمار بضحك : حاضر هخلي عمار

ضربته بخفة على وجنته ليكمل : اتغيرتي يا عشق اوي

عشق بإبتسامة حزينة : فعلاً اتغيرت، للحظة كنت فرحانة بالتغير ده بس لما خسرت لقيت عندي أبقى وحشه وبابا ونور جنبي أحسن مليون مرة من إني حلوة ومحدش جنبي

عمار وهو يضمها : أنا جنبك يا قطقوطة

قبلت جبينه بإبتسامة ثم قالت : أسد نام

عمار بمرح : الظاهر كان عايز جد يرغي جنبه وخلاص، عايز احكيلك على حاجة بس وعد متقوليش لرعد

عشق بإبتسامة حزينة : هو رعد بيكلمني عشان اقوله، قول في ايه ؟

عمار : انا ارتبطت

عشق وهي تضرب جبهته : وايه الجديد ؟

عمار : همس .. ارتبطت بهمس أخت أدهم بنت نورهان، أنا قولت ابوكي فشل مفشلش أنا بقى

عشق بضحك : بتهزر

عمار : والله البت دي سايبه اوي، كنت بشوفها بتبصلي كتير قولت اعطف عليها وارتبط بيها، وبصراحة هي جامدة