عساها ببخت كل عگال بالديوان 😞😢😔

زفة عرس (الجزء الثاني)

زفة عرس

مثل ميكولون المكتوب مبين من عنوانه
هذا عنوان جزء حياتي الثاني

هنادي💓💓

••••••••••••••••••••••••••••••••••••••••••••••••
تمر الأيام والشهور تمضي
وتزداد الأوجاع التي اؤمن انها ستنتهي

بعد ما سمعت بخبر خطوبة أحمد بعد ما تحطمت كل أحلامي الكنت حالمتهن بقربه
بعد وبعد وبعد الأحداث الي مرت
ظليت كل فتره اتواصل وي أحمد أسأل عنه ويسأل عني
لكن مو دوم
تواصلي المستمر صار وي اخته واعرف اخباره منها

وبيوم حجت وياي وكالت
هنادي انتي تحبين ؟
كتلها لا ونكرت حبي
لكن بعد فتره مرت أيام
والظروف والألم ياخذ من عافيتي
خصوصا ان أسمع أحمد ما مرتاح
أحمد متعارك
أحمد مريض
أحمد بالمستشفى
أحمد وأحمد وأحمد
صرت اتوجع عليه
رحت للأمام علي ع اندعيتله من كل كلبي ربي يحببه بزوجته وينسينيا

وظليت على هالحال اتابع فيسه والانستا وحالاته واخباره من أخته

عشت وياه على الحلوه والمره
وبيوم صار كلام بيني وبين أخته
وكلتلي هنادي انتي تحبين اني حاسه بيج

انهاريت ومسيطرت على نفسي بس كتلها اني أحب إنسان ميت من حياتي
وافضل متعرفي لأن ماكو فائدة بمعرفتج إله واني اريد اغلق الموضوع

بعد ما عرفت أخته ان اني عايشه قصة حب
صرت أعبر عن شوقي إله واوجاعي يمها
صرت اشكيلها منه
ومن تسألني عنه اكللها ميت

وبعد مرور فتره إجه احمد حاجاني

#أحمد:- هنادي ادعيلي
تعبان نفسيتي تعبانه ظهري موتني ألم
وشغل مدا الكه حياتي ممرتاح بيها

# هنادي:- أحمد خلي عينك بعين الله ولا تيأس يجي يوم وكل هذا منتهي صدكني

# أحمد:- والنعم بالله
المهم هنوده اني اجيت ستوني من بيت خطيبتي رحت خليت النقاط على الحروف قبل ما يصير كل شي
واجيت هسه حتى اكلج شي وتسمعي مني أفضل من غيري
هنادي باجر راح اعقد مؤمن راح نروح للأمام علي ع هناك نعقد

#هنادي
تكلمت وأني كلبي ينزف دم لكن هيهات أذل نفسي بعد كل شي انتهه خلاص لازم ابينله اني قوية

#هنادي:-
صدك والله أن شاء الله الف الف الف مبروووووك
ربي يجعلها بداية خير عليك
وربي ينسيك الماضي ويحببك بزوجتك وتتهنه وتنسعد ويعوضك باطفالك

*هنادي

لهنا انتهت محادثتي وياه

لكن لليل رأي آخر

ظليت الليل كله ابجي أصرخ أضرب كلبي الي حب انسان مو كادر يقدمله ذرة حب
ما نمت بذاك الليل الا والشمس طالعه