عساها ببخت كل عگال بالديوان 😞😢😔

أنقطاع الآمل💙💙

#هنادي:-
بعد ما مرت فتره شهور على تخرجي وانقطاعي عن بنين وحنين ومها
سمعت بعض الأخبار وشنو الصار بيهن

(علي وبنين)
تاركين بعض والسبب على أساس هي تريد تكمل ماجستير وهو ميقبل
هذا الي يعرفوا الناس
أما اني الي متأكدة منه فهذا الشي مستحيل لان من أول علاقتهم كان الإتفاق تكمل ماستر وهو موافق
بالمختصر بنين خسرت صداقتنه وخوتنه وخسرت إلي تحبه

#مها
لحد أخر يوم تنتظر حبيبها !!
وبنفس الوقت بأخر يوم أني شفته وي حنين بشكل لا أخلاقي وغلست ومشيت
لكن الصدمه أن حبيب مها حاليا على علاقة بحنين!!
وما أعرف رد فعل مها لان همين أنقطعت عن الكل

هذا كل ما أعرفه عن إلي كانن بيوم صديقاتي
بالنسبة لبنين ومها فالله يسامحهن

أما #حنين

~أعلم إن هناك ابليس لا أراه...
ولكن في دنيانا أصبحنا نرى أشخاص أسوء من أبليس✨

فلو كان دخولها الجنه متوقف على سماحي فلن أسامحها

سلمتها بيد الله والعباس حقي رايدته منهم ليوم الدين مراح أسامحها
مو لان أذتني بس لان أذت أحمد وأحمد عندي أهم من روحي
طعنت وجرحت وسوت هواي فمستحيل أسامحها......

بعد مرور أشهر وبالتحديد
موعد بداية نشري للقصه
2018/4/8
حدث أسوء شي بحياتي
أصعب خبر أستقبلته

طبعا بالفترة الي راحت أحمد عرفني على أخته وصارت كللللش صديقتي وهي عرفتني على أمها
يحبوني واني اموت عليهم
بس ميعرفون أني أحب أحمد

بيوم 2018/4/6
راسلني أحمد گال أدعيلي صارت مشكلة وطلعت من البيت ولا يظل بالج
وما فهمت شنو المشكلة
وثاني يوم راسلتني أخته يعني يوم 2018/4/7

طبعا أخته متزوجه وصعب عليها روحة أهلها فراسلتني گالت

#أخت أحمد:- ولج هنوده باجر راح أروح لأهلي

#هنادي:- وأخيرا شعجب؟

#أخت أحمد:- ولج مو باجر خطوبة أحمد😊

#هنادي:- شنو ؟
صدك ! شوكت ؟

#أخت أحمد:- ولج اليوم قررو

#هنادي:- اهااااا أن شاء الله الف مبروك شايف كل خير
بس منو؟

#أخت أحمد:- بنت عمي
أهلي يردوها وهم بيت عمي يردون
صار سنين يلحون عليه ومشاكل

#هنادي:- أها خوش الله يسعدهم يعني هو هسه فرحان مقتنع مرتاح؟

#اخت أحمد:- والله خيتي ما أدري عنه شي ما يحجي وي أحد بينه

#هنادي:- يالله أن شاء الله يحبها ويرتاح وينسه كل شي

#اخت أحمد:- آمين يارب يوم الألج وأشوفج أحلى عروس

#هنادي:- شكرا بس لا تدعيلي بعد هيج أدعيلي بالراحة أهم