عساها ببخت كل عگال بالديوان 😞😢😔

اخ يا جرح الحبيب 💔💔

#أحمد..
صار شهور وأني مهموم والغصه بكلبي
هنادي حاسه بيه دوم تسأل شبيك دوم تگلي گلبي حاسس صايرلك شي
وأني مثل بلاع الموس لا اگدر احجي ولا أسكت
گمت أغيب هواي عن الدوام
تركت الأكل ضعفت كلش
گمت أدخن الجكاره وره الثانية
تمرضت أحس حياتي إنتهت
حب سبع سنوات يروح مني ...بنيتي ربيتها على أيدي
جنت اگول لهنادي تربايتي
بس أبد ما أذكر حبنه ولا ذاكر أسمها لهنادي اي تفاصيل ما تعرف غير أن أبويه وأبوها ماقابلين والسالفه عشائريه
ومن أنخطبت روحي وحبيبتي وبنيتي ما گلت لهنادي
لأن هنادي كلبها طيب راح تبجي وتحزن بسبب حزني وألمي هنادي تحبني بس تحب راحتي تحب سعادتي تحبني بس مو حب تملك كانت تدعيلي دوم أخذ حبيبتي
بس أني عرفت هنادي بوقت اكو من يملك گلبي وبيني وبينها وعود

ردت أموت وما كلتلج ردت أموت
والشماته بساع الج وصلوها
أن وعد الله حق قد مات شاب
أثر هورن زفتج كتبوهه💔

وبيوم راسلتني هنادي من فتره ما حاجين جانت عدها مشكلة وي أهلها جانت تريد تخابر وتبجي وتسولفلي
گلتلها
هنادي روحي ما أفيدج
رجعت رساله جرحتني فوك جروحي
أول مرة يصير هيج بيناتنه صار أربع سنين سوه
محد غلط بحق الثاني
وأني ما بيوم رديتها وگلتلها لا تسولفين بالعكس من أشوفها ظامه عليه شي أهددها ان أزعل أن أتغير عليها
أعرف نقاط ضعفها وأعرف هي تظم علمودي حتى ما اضوج
بس هالمره جرحتني أذتني فهمتني غلط وجاوبت حسب فهمها

گلتلي..
#هنادي:- اني مو رخيصة وماذابه نفسي عليك وشكرا على كل شي وكلاااااااام يأذي حيل أذاني كلش وسلمت وراحت وحضرتني
راحت وگلت خلص كلهم راحو خسرتهم كلهم بيوم واحد بنيتي وأختي
حبيبتي وهنوده

بهل يوم كان فكري يم حبيبتي الي راحت من دون كل شي
لا أخذت حبها ولا أخذت حلمها ولا لبست بدله ولا خلت مكياج ولا أي شي
أنزفت ببجامتها
ومكياجها دموعها هذا حالها جان

الساعه ب2 ها بشري خذوج ؟
وبيا بخت كادوج وبيا جف غشيم :
زروقو سيارتج وأني أشتهيت
خشبة التابوت ومغيسل قديم
هلهلو بجفاج وأني أسمع وراي
صوت اليكبر حلو كلش حنين
البرگع ولون الجفن يتشابهون
الفرق بيناتهم صفكه وونين
من طلعتي ببابكم ما شفتي روح؟!
غنت عزاز وحريمه وتايبين
لون شاتلج روحي جا خضريت
جا صرت شجرة وقسم للعاشگين
وشلت ريتي نفس من گاودوج
جفج وجفه فلا متوالمين
گلي الورد شجابره يعاشرله شوج
وبجفاه عايفله شجرة دارسين

الليل كله أسمع هذا الشعر وأشرب جگاير ما نمت للتالي فكري يم الغاليه
صارت ملك غيري ألي ربيتها على أيدي راحت تنام على أيد غيري
وألمن احجي ألمن أشكي
اني من نوع الي أسمع الناس بس ما احجي لأحد واذا كلش بيوم أحتاجيت أحد ما أروح لغير هنادي

يمه يمه.. زوجوها وصارت لابن الحلال
يمه يمه.. زغيره وتحب الدلال
يمه يمه.. ما تنام الا على صوتي
يمه يمه.. شلون لو سمعت بموتي
يمه يمه.. نلعب بالفرع جنه جهال
يمه يمه.. اخاف عليها من الخيال
يمه يمه.. حنو ايديه الغرب
يمه يمه.. شلون عند امها كلب
تعرف بدمعهة بنتها
وتدري مزفوفه غصب