#قفلة_علاقاتي #آلفهــــد
#دعــــاء
شافتني ومسحت دموعها ومسكت حالها بالعافيه تقربتلها وسحبت الكرسي وكعدت جنبها واحذت كف ايدها
- شفيج ياروحي شحگه هلبكي
- ظهري .. راح يموتني من الالم
- عطوج مسكن ..
- هسه اخذت ابره .. فهد شنو هلالم .. اااااخ
- هدي شوي ياروحي كم ساعه وناخذلج رنين ويعطونج الدوه الصح ..
- شيصبرني ماتكولي شيصبرني ...
- فيني ولا فيج ياروحي .. اسف انا لو اتم اكولج اسف لين اموت مو كافي
- اسكت رحمه لابوك هسه وكت موت مو انا ميته ع شنو تتأسف ..
- كلشي صار بسببي .. من يوم دخلت حياتج وانتي من مصيبه لمصيبه ..
ثبتت نفسها عكب ماجانت تلوي براسها من الالم وتدفنه بالمخده ابتسمت وكالت
- وين اكو احلى من هالمصايب .. كل مااوگع الگه نفسي بحضنك اكو احلى من هيج
- لا تقشمريني بهالكلام وربي گلبي يعورني ومومسامح نفسي
- لا حبي انت احلى شي بحياتي لا تكولي مصيبه الهنوف حقدها وغيرتها عمنها خلنها تصرف بلا وعي
- لا تذكرين اسمها تكفين خلي تدعي ربها مااشوفها
- لا فهد .. اتركها ولا تسوي شي عفيه
- ان شاء الله خلي اشوفها بس .. اكلها اكل بخلي ام سعود تسويلي منها غدا وعشه
- 😅😅 ماكدر اضحك ...حتى وانت معصب حلو كلامك
- ياروحي انتي .. لا جد اتكلم لو شفتها مادري شسوي فيها
- فهد البنيه عدها طفل واذا وصل خبر لزوجها راح تسبلها مشاكل اتركها الله موجود
- ليش ؟
- شنو ليش!!
- انا ليش احبج
- لاني اموت عليك
- انتي روحي من الدنيا حوري ماتصورين شحسيت البارحه وربي كلت مايصبح علي صبح اذا بقيت بهالحاله
- بعيد الشر عنك تدري ماجنت افكر شنو صار بيه بكد ماافكرت افقدك وبعد ماشوفك وهمه يبنجوني كلت لعلاء ماريد اترك فهد اخر شي سمعته منه كال وعد اول شخص تشوفي هو الفهد
- وفه بوعده مو ؟!
- ايي .. اكول ليش تتغير كل معاني وجهك من تشوف علاء لو ينذكر اسمه
- امووت من الحره ودي جذي امسك عيونه وافگسهن
- لا والله هو حباب
- حباب هاا !! اسكتي احسن عشان مافيج شي صاحي واكسره لج
- 😅😅 اي والله سكراب .. بس علاء انسان محترم مايسوي شي بنيه مو صافيه
- والله عاد مادري بنواياه ۔۔ لو ادري في داخل العمليه معاكم مااخلي وربي .. بس تفاجئت
- وانا هم شفته كدامي .. بس لا تخاف يشوف مكان الاصابه فقط الباقي كله مغطه
- وانتي ليش تشرحيلي
- اعرف مخك من يودي ويجيب
- الحين دمه يسري في دمج
- اييي .. حكم القدر
- لا تحرگين گلبي قدر طل .. بيتغير شهريا مو؟؟
لين يخلص
ضحكت
- لا تضحكين .. فديت هلضحكه وراعيتها
ولج طيبي بسرعه بعد ماني متحمل ..
اتزوجج وسكر عليج وخليج بين اربع اطوف
وبس انا اشوفج واجابلج واكعد
- شنو حصار
- لا انتقال من عالمج الي لعن يومي الى عالم الفهد .. كله دلع ودلال
- عشتوو يومين الك احسبهن حساب وتالي دربك ياكوفي ودربك ياديوان وينك ياايهاب
- ضحكت .. وبعد
- مزرعه خلي بالك ماكو مزارع بعد
- عيل اجيب الادهم واخلي بغرفتنه
- اموتك والله شنو مشاركنه هلاسود
- لا تكولون اسود ولدي العود هذا
- 😄 .. صدك طالع عليمن اسود
- ع عمه سلام
- 😅😄 .. فهد فدوه اسكت ... مااكدر اضحك
- خلص ياروحي ريحي حالج خالتي برا خطيه تحاتيج ..كلشي راح يكون تمام انزين
- فهد..!!
- ياروح فهد انتي
- راح تحبني هيج للابد
- وزود بعد
- توعدني
- ولج من الي غيرج
- ☺ ... احبك مااشي
- ماشي ياروحي ... اخذت كف ايدها وبسته
دخلت شمس ومها
شمس : حور حبيبتي .. شصاير
فهد : وعليكم السلام ياهلا .. فزاعه وتربدين سلمي طيرتي گلبنه
- كاعدين ولازمين ادين بعض وحبيات وغزل وانا جبت الطريق كله ابجي وحالتي حاله
مها : حور شخيرج شلون صار هيج شتحسين
- ع كيفكم هسه خلوني اسلم عليكم مابيه شي والله
..سلمو عليها وكعدن يسالن وكالتلهن وكعت مادري بروحي ماجبت سيرة زفت الطين
أنت تقرأ
قفلة علاقاتي .. آلفهــــد
General Fictionقصه حقيقه جريئه لشاب غني مشاغب عديم المسؤلية كل همه اسعاد نفسه وامتلاك مايرغب به وعند حصوله عليه يمله ويتركه .. ولكن عندما يكون كل شي متوفر لديك وكل ماترغب به تحققه و تحصل عليه دون جهد هل تظن انك سعيد!؟ هذا ماكان يعتقده الفهد لا يعلم ان هناك اشيا...
