#قفلة_علاقاتي #آلفهــــد
#دعــــاء
جنت بصيدليه بعد ماسديت الاتصال من فهد
( لتفتت على فهد ) انت موكلت انطيني خبر اذا خلصتي
- اي كملي
- اجه طفل بحدود 10 سنوات كالي امه تعبانه وتريد علاج كلتله وينها كالي بسياره ماتكدر تمشي رحت وياه جان باب السياره مفتوح اول مادخلت انسد علي باب السياره
السياره جانت مضلله وعبالي المره ماتبين دخلت ماشفت احد صحت ع الطفل حتى يفتح الباب بأثناء ماصحت قطعة قماشه رطبه ع خشمي وبعدها ماحسيت بشي
كعدت لكيت حالتي هيج مثل ماشفتوني وانا وحدي صرخت محد سمعني ولا احد حجه وياي
تالي نفتحت علي باب وشفت حسام كبالي يضحك ويكلي الا اذلج انتي شلون وتفضلين الغريب علية
ظليت اصرخ واصيح كام يضربني ويجرني من شعري طلع هو نفسه الي جان يدز رسايل
- منوو!؟ .. منو جان يدز رسايل الج
- ماادري بيوم الخطوبه رقم غريب كال مبروك والي جاي احلى عبالي وحده من صديقاتي بعدين ظل يدز رسايل مامفهومه ويهدد كلت هذا غلطان
خليته بلائحة الرفض بس هو كالي هذا انا
- وليش ماكلتي
- مادري والله ماعبالي حسام ولا تخيلت يصير بيه هيج ..
كام يتصل ع فهد ويستفزه وفرحان لان يشوفك معصب وكام يصور بيه ومن حجيت وياك جان كبالي ومخلي سجين ع رگبتي كال اذا كلتي اسمي مثل ماجبتج بعز النهار هم اذبحه كدامج ومحد يدري بيه
ظليت اغلط علي سد الجهاز وكام يدفر بيه..
حسيت خاصرتي نشلت .... ويكلي جسمج لازم اشوه .. مااخلي شي بي صاحي ...حتى ترحين مشوها وتصيرين منبوذه من الكل.. وماتلكين كبالج بس انا .. وتجيني مثل الكلب .. تترجيني اخذج .. وافكر عود اقبل بهيج نماذج لو لا ..
فهد : تحجي بحرگة گلب ودموعها على خدها ... ودي اروحله واكطعه وصل وصل بايدي
جود : وبعد شسوه
- هذا كل الي صار وانتم اجيتو ماجان متوقع تلكوه
- وهذي الاثار شنو
- باوعت ع ادي وذكرت يوم دخلت الحمام وشفت زنودي ورگبتي خجلت كلش تمنيت اندفن ومااجاوب باوعت لفهد عيونه كلها الم وهو يتفحصني ..
- والله مااعرف والله
جود: يعني شسوالج ؟؟
- يضربني ..وبس يتقرب ادفره برجلي ومن يتصل بفهد يحاول يستفزه ويضل يلزمني من شعري واضل اصرخ علي وادفر بي
- ولج احنه ثولان هاي شنوو
يأشر ع ركبتها صاحت بحرگه
- ماعرف .. والله ماعرف .. شفتهن من دخلت للحمام انا من كعدت لكيت نفسي هيج
هو بس يضرب بيه ماتقربلي والله والله
بقينه ساكتين وهي تصيح وتبجي دارت علي..
- فهد انت مصدكني مو ؟! والله ماسوالي شي ..
فهد ليش ساكت
- خلص هدي حالج و انسي كلشي هلنذل اخذ جزاته وبياخذه اذا بعده عايش
حور: اباوع عليهم نظراتهم ماتتفسر كلهم متخيلين انو هو معتدي علي ومغتصبني مااكدر احجي شي لان انا نفسي ماعرف متقربلي لو لا ..
بس اكيد هو ماتقربلي ..بس هاي الاثار شنو؟!
أنت تقرأ
قفلة علاقاتي .. آلفهــــد
General Fictionقصه حقيقه جريئه لشاب غني مشاغب عديم المسؤلية كل همه اسعاد نفسه وامتلاك مايرغب به وعند حصوله عليه يمله ويتركه .. ولكن عندما يكون كل شي متوفر لديك وكل ماترغب به تحققه و تحصل عليه دون جهد هل تظن انك سعيد!؟ هذا ماكان يعتقده الفهد لا يعلم ان هناك اشيا...
