صـح وجهــك حلــو ،
بـــــس عشــــرتك مـــرةةةة ،
بشار: ردت مسره لهلها وعگب مامشت بايام طلگتها
هم ونزاح
رهف: سمعت بشار ومسره تطلگو ماعرف ليش فرحت
ربي لاتجعلها شماته
بس اهجس هاي عداله اللاهيه
لنو ثنينهم كسروني
مرت الايام وتخرجت
وبشار ماعافني بحالي رد شلون گبل يوم جنت طالبه ويتانيني بالدرب حتعينه يمنعني من الروحه
بس اني ماهتميتلو
عگب التخرج بفتره اشتغلت بالمحكمه ورغم اني بعدني مبتدئه لكن گدرت اجذب انتباه القاضي وصار من اشد المعجبين بعملي واسلوبي بالدفاع
الرجل ماقصر وياي جان دائما يشجعني وكل قضيه يستشيرني بيها
بشار: عمي اريد اسولف ويه رهف
ابو علي: ابشر
يابه رهف
وييينج رهيفه
رهف: اي يابه جيتك
ولمن افوت ولن هاذ بشار 😳
ابو علي: تعاي يابه رجلج ايريد يسولف وياج
رهف: اي تفضل
ابو علي: اخذو راحتكم اريد اصلي
بشار: تعاي جاي علش واگفه غادي
شنهو تخافين مني
رهف: وعلش اٰخاف
بشار: دحجي رهف
اليوم جيت اسولف وياج
بصفتي گرابتج مورجلج
رهف: اسمعك
بشار: دحجي يرهوفه
اضن تذكرين شلون جنت
والضحكه ماتفارگني
رجال عايش يومي
الى ان دخلت الكليه وتعرفت على وحده
هالبنيه اليشوفها ملاك
من شكل وجمال واسلوب وثقافه
ماگولج حبيتها لاااا
بس انعجبت بيهاا لنها قويه واني احب المره القويه
يوم من الايام اجاني محارب وگالي عوفها ماتفيدك
تعرفين شگتلو ؟
رهف: شگتلو؟
بشار: گتلو انت تجاوزت احدودك وتهمتو بانو يغار مني ويريد ياخذها يعني تهمته بالخياانه
تهمت اخووي واحزام اظهري
وتخاربنه وزعلنه طول جثيير
الديره كلها ناس تنشد بناس
شلي خله هالخوان يتخاربون
اني ومحارب مثل النفس بالجسد
مانرهم بغير بعض
بس تفارگنه
الى ان اجه يوم وجان تجيني بنيه وگالتلي زينب انخطبت
رهف: اسمها زينب
بشار: اي
اني تخبلت شلون تنخطب وهي تگولي احبك
ويومن رحتلها وواجهتها
طلعت البنيه تخجل مني جي مااسولف واتموع مثلها
تگولي قروي
وگالت شلون اعووف الاستاذ واخذ الطالب هو انت اشعندك
جانت ماتعرف ابوي شيخ
والي تقدملها استاذ جامعي فشافته مناسب الها
عاد گلتلها آٌنـي منو وابن منو وحلالنه شگد وگلتلها يجي يوم وتندمين وانتي واستاذج سالفتكم موطويله وعفتها ومشيت
مشيت ادور على اخووي الي تهمتو وماسمعتو
الي بعتو لجل مره
ويوم لگيتو وتعذرت منو
تعرفين شنهو گال
رهف: شنو
بشار: گال انت اخوي ومازعل منك
ولو تعرف شكثر احبك واغليك ماتسولف
بيومها تمنيت الگاع تنشگ وتبلعني ولااسمع هالرد
ومن يومها واني كرهت جنس حواء
وبطلت البنات من مدارسهن
ماتهمني هي ابد والله لكن الي ذبحني بسببها تخاربت ويه اخووي
گمت اشوف النساوين حيايه
لن كلهن ناعمات سلسات وبلحظه يلدغنگ
ويومن گتلج بطلي لن خفت عليج رد تج تضلين نقيه صافيه
بس انتي ماسمعتي الي ان صارت شغله اعناد وتحدي
واني كلها ولا واحد ايتحداني
ويومن تجوزتج
وهجستج تحبيني صديتج وتهزمت منج
لن هجست روحي راح تميلج فماردت اعيد الي جره
يرهوفه الي صار وياي خلاني افقد الثقه بروحي
خفت لاهالنوبه هم اخسرشي
وكل نوبه مديت ايدي عليج الصوج منج
مومني
لنو اتعرفيني عصبي
وماحب الملاسن
بس انتي ماقصرتي تجين على الجرح وتذبين ملحج
وتريدين مني اتحمل
الى ان مشيتي لهلج بساعتها عرفت اني ماگدر بدونج واحبج
حاولت جثير ارددج وقررت لو رديتي افتح صفحه جديده
بس انتي مانطيتني مجال
ويومن مشيت على مسره هم الصوج منج
رهف: انيً😳
بشار: اييً
تذكرين شنهو گلتيلي
رهف: لا😔
بشار: گلتيلي اذا عندك كرامه تطلگني
اني طلاگ مگدر اطلگج
فگلت لزوم اورج بناري
رهف: شمعنى اختاريت مسره
بشار: مسره گبل مااخذج هي تيدني واكثر من نوبه فشلتها وجحتتها(طردتها)
فمن اختاريتها لني جنت متأكد ماراح ترضى
بس انصدمت بموافقتها
والي خبلني يوم ابوي گال اعقدولهم
ماعرف شلون صار وتجوزنه مثل الحلم
ويوم العرس گلتلها ماريدها بس ماراح اگصر وياها
بس هي الاخرى جانت تعرف مكان جرحي وتتقصد ادوسو
وهاذ سبب كوناتي وياها واني ايدي ثگيله اذيتها
الي ان اخر نوبه تعرفين شگالتليً وخلتني اطلگها
رهف: 🤔
بشار: گالت رهف ماتيدك بس انت تحب المذله
عايرتني بيج
بيومها فقدت ماتت بيدي لوما اهلي يخلصونها
واثر الضرب وگع الجاهل
ومشيتها لهلها
هاذ اني يرهف
ماجاي اسولفلج واگولج ردي لا
جيت بنفسي اوضحلج الي صار وشلون انتي سبب بي
YOU ARE READING
ابن الشيخ واليتيمة
Romanceمساء الخير اجيتكم بقصة حلوة وغريبة للكاتبه سما حمد كل تصرف يصدر منا هو عباره عن رده فعل لصفعه تلقيناها من شخص قريب وعزيز على قلبنا لانه لو لم يكن ذلك الشخص عزيزآ لما صدر منا هكذا تصرف ، وقبل ان ابد بسرد احداث قصتي يجب ان اُلفت انظاركم لشيء سبق وتحد...
