شايف من تفارگ وادم أعزاز ؟
ويظل گلبك على الشباچ يخفگ
تگدر تطبگ أكبر باب بالكون
وجفن ما بيك نص الليل تطبگ .محارب: ربك موجود
ويله گوم رد لحرمتك
وخلنه نسمع اخبار حلوه
ورهيفه مصيرها ترد قابل تضل يم اهلها
بشار: خلني امشي اخيرلي
رديت للبيت واول ماطبيت الغرفه طفيت الضوه
لن مگدر اتگرب منها
عاد اخذتها وطلعت
وعدنان سحب اسلاحو وثور جم فشگه
مرت الايام ورهف مارضت ترد
وبعدهي تيد اتطلگ
وكل نوبه ترفض تردلي اني اكره روحي ازود واقل سالفه اتعصب
رهف: عگب عرس بشار
ماضل واحد مادزو حتعينه ارد
بس لايبشار بعدك ماعرفتني زين
عاد طلبت من ابوي ارجع للدوام
ابو علي: يابه انتي بعدج على ذمه ازلمه
مگدر اتعداه واگولج داومي لازم اسألو
رهف: الي تقصدو تجوز علي وعاش حياتو
بدون مايسألني
وكل همو يكسرني
لايابه مواني الانكسر
دخيلك يابه خلنه نروح اني وياك اسجل بالكليه واداوم
يابه اني خسرت كلشي وماضلي غير الشهاده
ابو علي: ماتخسرين ان شاءالله
ومايكون خاطرج اله طيب
تبشري
ايمته تيدينه نروح
رهف: 😭😭
يبعد عيني يايابه
خير البر عاجله
وباجر خلنه انتوكل
ابو علي: ٺـ♥ـدللي
رهف: اهجس انفتحلي باب السعاده والامل وخضرت دنياي من جديد
هيرت روحي وكويت ثوب ابوي
عاد ثاني يوم گعدت من الصبح سويت ريوگ
وتريگنه اني وابوي
وبدلنه وطلعنه للكليه
جان الكل ايعرف اريد اصير مهندسه
ومعدلي بوكتها عالي يسمحلي ادخل اعلى قسم بالهندسه
بس اني قدمت قانون والحمدلله الله سهل
لن ابوي شاف العميد صديق ضرغام وسهلنه هواي امور
دخلت قانون حتى اثبت لبشار اني بمستواه وراح اتفوق علي
جنت اتمنى اشوف رده فعل بشار من يعرف داومت كليه ونفس قسمه
صارلي تقريبا شهر من داومت
ولحد الان ماعندي صديقات ولاراح يكون
لان دخلت لهالمكان لهدف ولازم احققه
بشار: گاعد بالمضيف وجان يطب عمي ابو علي
شربنه جاي وجاي نسولف سوالف عاديه
شويه وجان اسمع ابوي يگوله شلونها بالدوام
عاد سألتو
منهي الي اتداوم
الشيخ: رهف
بشار: شنهووو ومنو الي گالها تداوم
الشيخ: اني😡
بشار: طلعت من المضيف مثل الخبل على بيت عمي رافع
وجان توگف سياره بابهم وتنزل رهف
صااار شكثر ماشايفها 🥺هي من دحجت علي بسرعه طبت
عاد صحت عليها وگفت
رهف: نعم
بشار: شلون تداومين من غير ماتگوليلي
رهف: مثل ماانت شِفْْـٍـت حياتك اني هم قررت اشوف حياتي واحاول اصلح الي خربتة
بشار: وتسولفين احضري
رهف: وشلون تريدني اسولف
بشار: بالي ايريحج
رهف: من رخصتك
بشار: وين تيدين
موجاي اسولف
رهف: احـجي
بشار: عوفي الكليه رهف وردي لبيتج 🥺
رهف: صار اشهر اگولها واليوم وللمره الاخيره راح اعيدها
طلگننننني
بشار: هيين يرهف
عجل اسمعي
نجوم السما اگرب الج من الطلاگ
رهف: عجل انت هم اسمع اذا طلگتني او لا
هالشي بعد ميهمني
وعفته ومشيت
هينه يبشار بعدگ ماشفت شي مني
بشار: رديت للبيت كل عگل ماكو براسي
تلگتني مسره تهذري
مسره: خيرك بشار
بشار: عوفيني بحالي
مسره: لازم شفتهاا
بشار: مسسسسره😡😡
مسره: ماتيدك طلگها علش مجلب بيها😠😠طلگها
بشار: گمت حطيت نار كٓٓلٍٰــْـٍْـٍْـ♥ــبْْي بمسره نجضنها تنجض
خليت خشمها وحلگها يكتن دم
وطلعت
شنهو الي اسوي واردد رهف
اااخ ربي دخيلك سهلها
رهف: مرت الايام واني مگضيه وكتي من الدوام للبيت ومن البيت للدوام
وبشار كل يومين والثالث جاي ويريد يرجعني
بس لويموت
انتهى بعد
حتى مشاعري تجاها ماتت
وكل ميمر الوكت كل مااكرهه اكثر
لكن لليوم ماحاولت اواجهه واباوع بوجهه
ماعرف ليش اتهزم من هالشي
الحمدلله الله وفقني وكل مرحله آطُـلع جيد جدا
وحاليا اني مرحله ثالثه
شيماء: محارب سولفلي على بشار وشلون متندم على الي سواه
لكن مابدينه شي نسوي
لن هو بعد فوات الاوان يله عرف بروحو يعشگ رهف
ورهف جثير مجروحه منو
وحگها محد يلومها
لن الي سواه بشار بيها مايتسولف
واليوم الله وفقها وجاي تكمل
اني رغم بيت وجهال بس ماگطعت وياها
هي صديقه عمري واخيتي
وعگب الي صار ابد مافتحت الموضوع وياها
بس مثل ماهي صديقتي واعزها بشار اخوي ومايهون علي الي جاي يصير بي
اي رهيفه شلونج
رهف: بخير
شيماء: عساج بخير يعيني
اگول رهيفه
رهف: گولي
شيماء: شو لسه حلقتج بيدج
رهف: ومانرعها
لن هاي الشغله الوحيده الي بقت من بشار وماضرتني
شيماء: يعني تيدين تردين لبشار
رهف: لا
شيماء: عجل شلون
رهف: هاي الحلقه مثل الدرع
حاميتني من جنس ادم
شيماء: هاي سوالفج ماعرفلها
بس اريد اگولج شي ولازم اتعرفينه
يولي بشار يحبج وايريدج ترديله
وحگ الله مولنه اخوي بس جثير تغيرر
رهف: لا شيمه ماتغير
هو نفسو
ومسره الخبله جاي تدفع الثمن
كل ضنها يوم الي اخذته راح تغيضني
وتعيش سعيده وياه
يولوو بشار محد ايعرفو غيري
خلووو يحصد شين افعالو
شيماء: والتالي
رهف: مالها تالي يخيهتكضي وداعتك لا تصفنلهة
الناس الباعتك باجر تذلهةبشار: يوم عگب يوم رهف تبتعد عني ازود
ولاني الي اعرف شلون احلها
اهجس حياتي ويه رهف مثل العقده وكل مااريد افتحها اتشربگ ازود
وفوگ القهر والضيم مسره
الي من يوم الاخذتها ولاني ضگت طم الراحه
على طول اضربها
لنها تدوس بالبطن
وماتعرف سولف
يوم من الايام اجتي مسره وگالت حامل 😳
الكل فرح الا آٌني
لن عرفت وتأكدت هاذ الطفل راح ينهي كلشي 😔
رهف: من داومت واني احس روحي رهف ثانيه
حتى موضوع الطلاگ مااهتميتله
لان اني مبقالي غير هالسنه واني اطلگ نفسي منه
رجعت للبيت وجان اسمع بمسره حامل
ماعرف ليش انهاريت
رغم كل هالسنوات الفاتت ماتأثرت وقاومت ووصلت للي اريده
ودائما جنت استفز الكل بهدوئي وردي البارد
محد گدر يلوي اذراعي
لكن هالخبر بالنسبه الي مثل النار وتذب عليها بانزين
طلبت من ابويه يروح يطلب من الشيخ يطلگوني بعد مستحيل ابقى على ذمته
وگتلهم مثل ماشاف حياته اني هم اريد اشوف حياتي
ماابقى عايشه بالاطلال
لليل جان يجون علينه وحاولو يقنعوني ارجع ويفتحون بيت الي لكن جنت لبوه مجروحه بينهم ورفضت رفض قاطع
بشار: دحجي رهف اليوم ازود من ٣سنين وانتي بيت اهلج وماطلگتج
ولاناوي اطلگ
وخلي يكون بالج ماامل ولاكل
واضل احاول الى ان تردين
وهالسالفه سديها
رهف: لا بشار موبكيفك اتطلگني وانت الممنون
بشار: اهاااا
هيج صارت يرهف
عجل تبشري 😡
..................لازال للقصه بقيه ولازلت اكتـ✍ـب
توقعاتكم للبارت الاخييييير
YOU ARE READING
ابن الشيخ واليتيمة
Romanceمساء الخير اجيتكم بقصة حلوة وغريبة للكاتبه سما حمد كل تصرف يصدر منا هو عباره عن رده فعل لصفعه تلقيناها من شخص قريب وعزيز على قلبنا لانه لو لم يكن ذلك الشخص عزيزآ لما صدر منا هكذا تصرف ، وقبل ان ابد بسرد احداث قصتي يجب ان اُلفت انظاركم لشيء سبق وتحد...