#سعاد
بقلم Nareman karm
_2_
كمل ابوي حجي ويانه ورضينه نشتغل
لان العيشه كشره وابوي كاعد ليهسه مالاكي
شغل بغداد..لحد ما دلو على واحد خلفه اسمه
ابو حديده..راح حاجاه ابوي وتفق يطلع وياه
بلعماله...وانه كاعده بحوشنه كمت اسمع طك حجار
ع سطح وحجاره صغيره وكعت بلحوش عرفت
هذا حبيبي رجب بسطحهم صاعد...غافلتهم وخليت وصعدت
رجب: هله ياحلو هاي وينج ضل بالي
كلت لاصعدت اليوم ولا شفتهه.
سعاد: هله بيك رجب ولله كاعده يم هلي
وسطح يجوي جمر من الحر وشمس تركع بيه
رجب: سعاد
سعاد: عيونهه ياكلب سعاد
رجب: سعاد امي ماجاي ترضه بيج
وانه اريدج بلحلال..جاي الح عليهه
قافله ماترضه شسوي وياهه فهميني
سعاد: وليش ماترضه بيه شمالني شناقصني
شبيهه زود بت خالك عليه..
رجب: تروحلج فدوه قسمه من اشوفهه
حسبالك شايف خالي..
سعاد: خليت اديه على حلكي وكصيبتي بأيدي
العب بيهه وانه اضحك على سوالف رجب
رجب: فدوه لهاي الضحكه....كششش ااااااع
سعاد: رجب انته لازم تغير كارك اخاف ابوي
مايرضه بيك عبن مطيرجي.
رجب: ياهو اليشغلني ماعدي صنعه امي حافوفه
تحف للنسوان وهيه مشيتلي مصروف
سعاد: يااا وشمالك تاخذ من امك شكبرك
بكد البعير اطلع دور شغل..
رجب،: هااا خلفله عليج سعاد شبهتيني بلعبير
سعاد: ياااا ياااا شجاني طركاعه ولفتني
شكد عيب..رجب مااقصد انه وراس ابوي
هيج طلعت زله لسان. لاتزعل يبعد كلبي
رجب: اني ماازعل منج احبجججججج
سعاد: يااا دهر خايب نصي صوتك لايسمعون
العالم وتفضحنه شيكولون علييي..
رازقيه: يمه يمه ..طركاعه وكعت على راسج
يسعيده..تحجين ويا المطيرجي. تعاي ليه
اليوم اكطعج تكطع.
سعاد: احجي ويا رجب ومنتجيه على الستاره
وماحس غير صوت امي وراي رجب رأسا نزل راسه
من سطحهم وختل ماشفته بعد...وامي نزلتني
جرتني من كصايبي ولازمه العصه وتركض وراي
بلبيت لحد مالزمتني وكطعتني تكطع...ضليت
بلغرفه كاعده ابجي خاف لاتكول لابوي ..
رازقيه: ولج مشعوله الصفحه ام البلاوي بعدج
بكد ام الفلسين وتحبين وتمعشكين بلزلم
ونوب ويامن ويا هذا المطيرجي ابو الطيور
شعرفنه بي شنهي ماشنهي ..يضحك عليح
ولله يسعيده اليوم اموتج بيدي لاحسبالج
كتلتج خلصت..وبس يجي ابوج هم الج كتله ثانيه
