قفلة علاقاتي .. آلفهــــد

البارت الرابع

- تعرفين شي مااكدر اتخيل يومي من دونج
- 😁 لا تتعلق بيه ترى اول وتالي اروح
- تحجين صدك يعني تبين تعورين گلبي
- لا سلامة گلبك بس هي الحياة هيج انت هم يجيك يوم تختفي
- اوعدج ماختفي
- يعني شنو راح نبقى نسولف چات للابد
- لو حابه انت
- اول وتالي تمل اعرفك زين
- انتي الوحيده الي مو گادر امل منها
- ليش وشمعنى
- ماعرف انا كلش حاب اتعرف عليج بالواقع مليت من شات
- ماراح تكدر توصلي
- ليش مو عايشه ع الارض مثلا ...
- هههه مو القصد بس ماراح تلتقي بيه
- انتي كولي وين مكانك وبعدها تشوفي الفهد لو گال ينفذ
- ماراح اكدر اصلا
- بس حاب اتعرف عليج بالحقيقه
- شنو معنى كلامك
- انتي فاهمته زين
- وضح !؟
- راح اكولج شي بس قسم بالله اول مره احس مثل هلاحساس ع الرغم اني مااعرف من تكونين ۔۔
انا ارتاح لما اتكلم معاج .. ولو فرحت او حزنت اوانقهرت اجي عندج اسولفلج .. كلشي انساه بالحظة الي افتح كلبي فيها الج ..
انتي هسه تكولين هذا الكلام ماله منه بس وراس ابوي كل كلمه اكولها حاس فيها
مااكذب عليج عندي علاقات ومشيت بسوالف كثر شعر راسي واكثر بعد بس في شي بداخلي احسه هلايام ماعرف اوصفه
- يمكن مليت من علاقتك 
- يمكن صح بس كل رجال عنده رغبه وغريزه الي مستحيل يمل منها .. بس الحين هذي مو بالي مااكولج انا ملاك لا ابد ..  كلشي يمر بخاطرج سويته ويمكن اسوي اذا اتاحت لي الفرصه الحين او بعدين

..... تعرفين شي مرات اضوج والوم نفسي انا ليش صريح معاج لهدرجه

- يمكن لان صريح مستمره اسولف وياك بس انت كلشي ماتعرف عني وانا اعرف بس الي حجيته اليه واصلا بهيج اشياء انا مااثق ولاعتقد

- من كالج انا اعتقد وله اثق العلاقات الي في نت اسميها خرابيط وللحين مستغرب حالي كيف اسولف وافكر بشي انا مو عارف شو هو
- لازم ماتتعلق بيه لهدرجه
- ع بالج ماحولت .. وللحين احاول
- اوك واجه دوري ابتعد حتى ننهي شي مابده
- لا.. لا تخليني اندم لان سولفتلج اعتبرياها وحده من الاشياء الي اسولفها الج وانا للحين ماكلت شي مجرد احاسيس حسيتها وكلتها
- فهد لا تتأمل ولا تفكر بشي ثاني
- طيب .. ماراح اتأمل شي
- ماشي
- انزين ابي منك طلب ممكن تنفذينه
- شنو
- تغيرين هللقب الي مو عارف حتى اكتبه
- ههههه انت ليش غاثك هلاسم
- ماحبه اتذكر يوم تعاركنه انا وانتي .. وبعدين انا ماراح اشوفج
- ماعرف خليها للوقت بس هسه سد هلموضوع
- تم .. الي تامرين بي
- تسلم هسه اروح تالي نسوالف
- اوك باي

شمس : هلا هلا السالفه مطوره
- اسكتي انا نفسج هم مستغربه
- دروحي ليل ونهار طايحتلي سوالف وتكلي مستغربه
- مادري راح يصير هيج
- وهسه شتسوين
- ماسوي شي هو فهد هذا طبعه يومين ويمل خلي ع راحته اول وتالي يبتعد من يشوف على كلشي مااقبل همه الولد هيج ماتعرفيهم يملون اذا مانفذتي طلباتهم
- والله مادري عنج

فهد : احس براحه لان اشياء هوايه بكلبي حجيتها واتمنى تصدك ولو اعرف ماراح تصدك

ستمرينه نكلم بعض واحسها كل يوم تصير اقرب واقرب الگلبي وستحلت جزء كبير بداخلي امنيتي الوحيده صارت اشوفها لا اكدر اكوللها ولا انا احاول اعرفها منو هي ظليت ساكت ..
احسها جامده صح نسولف بكلشي بس ولا يوم سمعت منها كلمة تبرد كلبي فيها ولو فتحتلها گلبي تسد سيره وتتهرب عشان جذي مااسولف الي حاسه حتى لا تروح
صرت مدمن بشي اسمه حور صرت اخبرها عن ادق تفاصيل حياتي وين اروح وين اطلع اگوللها وادز لها صور وفيديوهات
لو حتى ماكانت موجوده ساعتها ..  اهم شي احس انها موجوده معاي وتشاركني تفاصيل حياتي .. ولو ردت علي روحي تردلي واحس طاير رغم كلامها عااادي