قفلة علاقاتي .. آلفهــــد

البارت الرابع

شمس : تاخرت حور هي جانت تمشي وراي طلعت واسمعها تتصايح ويه حسام صحت عليها
- حوور ..
ابتعد حسام وباوعلي
كلتله حور احترم منا ورايح تركته ودخلت للبيت هو راد يدخل وراها كلتله
- ماراح تبطل سوالفك
- وشمسوي
- البنيه ماتريدك غصب يعني
- مايهمج ماشي وثاني شي لا تكولين ماتريدك راسها اكسره
- هههه كلنه نعرف حور مدلله ومحد يغصبها ع شي ماتريده  لا تحلم تزوجك اصحى ع نفسك
- انتي ميهمج وياويلج اذا حرضتيها عليه ..
- لا تخاف من دون ماحرض هي ماتحب تسمع سيرتك فحس من يمك
خزرني بغضب ودخل بسرعه
دخلت سولفت ويه حور شفتها ضايجه كلتلها
- ولج شبيج تخلين واحد مثل حسام يخرب عليج فرحتج
- حظ ماعندي لو بسببه لو بسبب جود وين اروح وين اولي
- معليج بي اليوم نسهر لصبح ندك ونركص ...
اني راح اسبح
- براحتج

فتحت الايباد لكيت فهد حاركني حرك رسايل وينج وينج ماكدرت اكوله خطبت اخوي خفت لا يعرفني منو كلتله
- هلا فهد شلونك انا جنت طالعه توني اجيت وراح انام هسه باجر نسولف
لحظات ورد علي
- يعني بتروحين ع طول ماصدكت تردين علي
- شلونك
- الحين تمام
- وقبل شوي ههه
- احاتيج
- مابيه شي اطمئن
- تعرفي اليوم خطبت من
- منو
- اسامه
- صدك ربي يتممله ع خير يوم الك
- شكرا
- ربي يسعدك
- وانتي بعد

طلعت شمس من الحمام كالتلي
- بسم الله شبسرعه دكيتي حنك
- شبيج مامسولفه

تقربت يمي وشافتني احجي ويه فهد تخصرتلي وكالت ..هاا فهد ؟؟  لتفتت عليها كلتلها شبيج ثواني
- يله فهد اروح هسه اوك
- اوك انطرج باجر
- ان شاء الله باي
- باي

شمس: شو انتي هلايام عندج ادمان على شي اسمه الفهد شنو سالفتج
- مادري بس احب اسولف وياه
- شتعرفين عنه
- كلشي بس هو مايعرف عني شي والله
- وليش هلتمثيل
- هيج
- تلعبين ؟؟ يأثر عليج تالي
- بشنو يأثر هسه يجي الدوام والتهي بدراستي
- بس احس هلشخص غير
- هو صدك غير بس يبقى عابر
- هيي لا تلعبين ..  ترى جود يسويلج سالفه وانتي رحتي وله جيتي بتاخذين حسام فكعدي وسكتي

- الحمدالله والشكر اسولف ويه ناس تفهم مو هاي شكال جود وشحجه حسام اروح اسبح احسن
- تعالي هيي افتحي الرمز
- انجبي تريد تقره شنو مسولفين فونج يمج التهي بي يله
- يالخبيثه اني لج
رحت سبحت تالي ظلينه نسولف منا لحد مانعسنه ونمنه ...

تظاهرت بأنني لم أشعر بشيء وأن جميع الكلمات لم تثقب قلبي لكنها فتتهُ.

فهد: كلش اكره نفسي لو شفتها متعلقه بشي وماكدر احصل علي ... شنو سالفتي مهتم زياده وافكر ..

ثاني يوم بده الروتين العادي ..

حور: كاعدين انا و شمس نسولف دز فهد رساله كلت
- شموسه راح اسولف ويه فهد لا تلكفين عفية
- وجعه شعلي بيج
سلمت علي وكلتله يمي بنت عمي كالي سلمي عليها دزالي صوره سلفي اهله  يتغدون .. هو وامه وسلوم والمره الي تشتغل عدهم ام سعود مره سمره