BHO CAMP #7: The Moonlight

Chapter 21: Detach

QUIANO: Limang milyon. Bibigyan kita ng tatlong araw para ayusin ang lahat. Makakatanggap ka ulit ng tawag mula sa akin pagkatapos ng isang araw para magkasiguraduhan tayong kumikilos ka. 'Wag kang magtangka na tumawag pabalik sa akin.

CHRISTOPHER: Sinong nag-utos sa inyo para gawin 'to? Ang mga Asterio ba?

QUIANO: Wala ka sa pusisyon para magtanong. Ibigay mo lang ang limang milyon at hindi tayo magkakaro'n ng problema. Suguraduhin mo din na hindi 'to aabot sa pulisya o isa sa mga anak mo ang magbabayad.

End call.

Ito ang pangalawang tawag. Ayon sa source ito ay nangyari apat na oras pagkatapos ma-kidnap sina Archer at Ace sa tapat ng school kung saan sila nag-aaral. Susunduin sila dapat ng nanay nila pero nang dumating ang ginang ay hindi nila mahagilap ang mga bata. Sabi ng isang nakakita ay sumakay daw ang dalawa sa isang itim na van na katulad din sa ginagamit ng pamilyang Chase.

Ang pinakaunang tawag ay recorded call lang ng kidnapper kung saan pinagbibigay alam niya na nasa kaniya ang mga bata. It was sent an hour after the children were kidnapped. Apat na oras pagkatapos no'n ay tumawag si Christopher Chase sa kidnapper dahilan para mangyari ang palitan ng pag-uusap kung saan kalalabas pa lang ng lalaki mula sa opisina niya. According to the police statement, Christopher Chase himself recorded the conversation because he thought it would be useful to the police. Almost an hour after that, Archer's father went to his wife and they filed a complaint.

QUIANO: Inahahanda mo na ba ang pera ko? Nauubos na ang oras mo. Sa susunod na tawag ko ay dapat na sa'yo na ang pera. Ipadadala ko ang pagbabagsakan mo ng pera.

CHRISTOPHER: Nasa akin na lahat. Kahit magkano ibibigay ko maibalik mo lang ng ligtas ang mga bata. Sabihin mo lang kung nasaan kayo o kahit makita ko lang ang mga bata kahit saglit.

QUIANO: Mukhang hindi naman talaga mahirap para sa'yo na ayusin agad ang gano'ng pero ano? Kaya napag-isipan namin...mayaman naman kayo. Bakit naman limang milyon lang ang hihingin namin sa'yo?

CHRISTOPHER: A-Ano?

QUIANO: Dalawampung milyon para sa mga anak mo.

CHRISTOPHER: H-Hindi iyan ang napag-usapan natin- ang sabi mo...ang sabi mo ibabalik mo na ang anak ko kapag nakuha mo na ang gusto mo!

QUIANO: Hindi lang limang milyon ang gusto ko.

QUIANO: Hindi nagbabago ang palugit kong mga araw. Naka-isa ka na. May dalawang araw ka na lang para ihanda ang perang kailangan ko.

CHRISTOPHER: Hindi ito ang napag-usapan natin!

End call.

Na gawang i-record ang pag-uusap na ito sa tulong ng pulisya. Hindi katulad ng unang audio ay mas malinis ang pag-uusap dito. Pero pakiramdam ko ay may mali sa mga audio. Pakiramdam ko ay may nakakaligtaan ako sa pagkakabuo ng mga ito. At higit sa lahat ay may kung anong bumabagabag sa akin sa pag-uusap nila na hindi ko makuha agad.

Inilagay mo muna sa likod ng utak ko ang kung ano man na bumabagabag sa akin at pinagpatuloy ko muna ang pakikinig.

QUIANO: May isang araw ka na lang Chase. Naihanda mo na ba ang lahat?

CHRISTOPHER: Hayup ka. Wala kang awa. Ibalik mo ang mga bata!

QUIANO: Mukhang hindi mo ata narinig ang tanong ko. Naihanda mo na ba ang pera ko?

CHRISTOPHER: Hindi gano'ng kadali na kumalap ng dalawampung milyon! Inutil! Sa tingin mo ba ay gano'n ko na lang magagawang pigaan ng pera ang kompanya ko?!