قلوب ارهقها العشق 2)دائرة العشق(

الفصل التاسع

#دائرة_العشق

#الفصل_التاسع

هبط ريان إلى بهو الفندق ليشعر بيد تربت على كتفه ليهتف صاحبها....... الي سارق عقلك
ألتفت له ريان قائلا بسعادة........ مين عماد
اتسعت ابتسامته وهو يحتضن صديقه قائلا....... وصلت امتي
رمقه عماد بغضب قائلا....... ده على اساس ان سجل حضوري وانصرافي من اي مكان مش عندك
رفع ريان حاجبيه قائلا. ..... ايه مش عاجبك ولا ايه
ابتسم الاخر بود قائلا....... لا يا عم عجابني الطيب احسن
اتسعت ابتسامة ريان وهو يهتف بتساؤل....... اخبار المزه اليونانية الي كانت معاك امبارح ايه
ضرب كفه بالاخر قائلا....... وتقولي جيت امتي ما انا عارف ومتأكد اني قبل ما اطلع من ألمانيا انك عندك  كل تفاصيل سفري
ربت ريان على كتفه قائلا بهدوء....... مينفعش صاحب عمري يغيب عن تفكيري خصوصا في مجالنا المقرف ده لازم كل الي يخصوني يكونوا تحت عيني
ابتسم عماد بهدوء وقال..... طول عمرك اصلي يا صحبي
ليتفحص المكان بعينيه وهو يبحث عن شيء ما ليهتف ريان بتساؤل....... بتدور على مين الي شغلت بالك بالسرعه دي
طالعه عماد بنصف ابتسامة وقال....... حتى افكاري فاهمها
ليصمت قليلا وهو يهتف بهدوء وجادية........ بنت يا ريان شفتها من شويه صدفة بس ايه اخدت قلبي في دقيقة
من نظرة وحدة حسيت اني تهت في عيونها الي لونهم زي الدم من كتر الدموع الي واقفة فيهم شفت خوف وضعف وسط كل ده كانت زي القمر
لا يعلم لم طرق عقله هيئتها الباكية وعيناها الرمادية التي اشتعلت بالخوف والبكاء
لينفض تلك الافكار قائلا بتساؤل....... شفتها فين
ابتسم عماد بهدوء قائلا...... كانت بتبكي وهي بتجري وخبطت فيا بس مستحيل انسي تفاصيلها....
رمقه ريان بنظرات متعجبة وهو يرى ان صديقه اوشك على السقوط في بركان العشق ليهتف ريان بجدية...... عماد مش اي حد يخطف القلب ركز في شغلك وخلي قلبك مقفول
تنهد عماد بضيق قائلا..... انا مش عارف بحكيلك ليه وبمناسبة الشغل انا هروح اشوف شغلي الكلام معاك لا يودي ولا يجيب
تركه عماد وانصرف بينما بقي هو يبتسم على رفيق دربه
___________
بمكان اخر

تقدمت من السيارة بخوف وقلب منقبض من فقدانه ذاك المغرور الذي سكن عشقه الضلوع حتى بات يؤلمها حد الانين وكأن العشق خلق له وحده فكيف يتركها الان... ذرفت عينيها الدمع حينما وجدته مصطدم بالموقد لتصرخ بهلع وهي تركض صوب السيارة لتفتح الباب وهي ترفع رأسه بين يدها لتري الدماء التي خارت من رأسه بينما كان مغيب عن الوعي لتهتف هي ببكاء...... كريم رد عليا علشان خاطري رد يا كريم
لم يجيبها لتشهق هي بدموع وقلق قائلة....... يا كريم رد بالله عليك انا مش هقدر على بعادك انا كنت بعاند معاك علشان مجروحة منك معقوله تسبني لواحدي فوق ياكريم الله يخليك
لتبكي بمرارة وهي لا تعلم كيف تساعده لتذرف عينيها الدمع بغزارة حت اغرقت وجهه وصوت نحيبها وبكائها يتمزق له القلوب
ليفتح عينيه بضعف ووهن وهتف بحروف اسمها الذي عزف على اوتار قلبه بسمفونية عشق وجنون تملك منه........ سلمي...
فتحت عينيها بسعادة كمن ردت به الروح وهي تنظر بعينيها التي اشتعلت بالخوف والقلق عليه لتهتف ببكاء..... كريم انت كويس
حاول جاهدا الحديث وقلبه يعتصر من الحزن لدموعها المنهمرة وقال بضعف....... متبكيش علشان خاطري
انت الي متتكلمش وحياتي عندك تسكت........ قالتها ببكاء مرير ثم تابعت..... متتعبش نفسك هكلم الاسعاف حالا بس بلاش تجهد نفسك
طالعها بسكون ونظرات عاشقة لتلك المتمردة التي سرقة قلبه دون نساء الدنيا ليهتف بضعف..... مش عايز اسعاف بس سامحيني
لمعت الدموع بعينيها وهي تراه يتحدث بوهن ونبرة ارهقت قلبها من الخوف لتهتف ببكاء
.......... انا مش زعلانه منك وسامحتك يا كريم بس بلاش كلام علشان خاطري انا بحبك اوي ومش هتحمل خسارتك بحبك وبحب حتى عنادك معايا بس بلاش تكسرني وتسبني
رفع يده و مسح تلك الدموع ثم قال بوهن...... قربي
هزت رأسها بعدم فهم ليقربها إليه حتى مست شفتيه جانب وجهها وقال...... كان لازم اعمل حادثة علشان تسامحيني
حملقت به لبرهة من الوقت وهي تراه يخرج من السيارة بهدوء ليهتف بعدها بسعادة....... بس اهم حاجه انك سامحتيني
فرغت فمها بعدم فهم وهي تري عدد من الرجال ترجلوا من الشاحنة ليهتف رجل من بينهم...... اي اوامر تانية يا كريم بيه
ابتسم بخفوت وهو يعطيه بعض المال قائلا..... لا يا جمعه انت عملت شغلك وكفاية
ليبتسم الرجل بسعادة وهو يطالع المال ثم رحل بعدم صعد إلى الشاحنة هو ومن معه
لينظر لها الاخر بعشق وهو يسرق من عينيها النظرات حتى يخبئها بداخله ثم اقترب منها وقال بعشق....... حبيبتي مالك
صامتة وشاردة به ايعقل انه فعل هذا بها فكادت تموت خوفا من خسارته ايعقل انه لعب بمشاعرها دون أن يشفق على قلبها......... كان مقلب........ قالتها بتساؤل
لتبتسم بسخرية على غبائها وهي تتابع حديثها...... معقول في بني ادم يعمل الي انت عملته ده انا كنت هموت فاهم كنت هموت
اقترب منها قائلا...... سلمى انا عملت كده علشان بحبك
رفعت يدها وهي تشير بسباتها قائلة بتحذير وموجة الغضب سكنت عينيها....... اياك تقول بحبك انت حيوان متعرفش الحب ودلوقتى بس انا بقيت اكرهك بجد يا كريم فاهم يعني ايه بكرهك انا بكرهك
قالتها وركضت صوب الڤيلا ليحاول الاخر اللحاق بها
_____________