قلوب ارهقها العشق 2)دائرة العشق(

50

#الفصل50
#قلوب_ارهقها_العشق2
#دائرة_العشق
___________________________________

حك احمد مؤخرة عنقه وهو يناظر الشاب بجدية يدير الحديث برأسه بينما الاخر كانت ابتسامته وصلت عنان السماء
وهو يقول....
:_احسبها كويس وفكر بعقلك الفرصة دي لو ضيعتها من ايدك تبقى غبي
اقترب منه احمد يطالعه بجدية وهو يقول بهدوء.....
:_كام التمن
نظر إليه الشاب مبتسما وهو يهتف...
:_الرقم الي تقول عليه
رفع احمد حاجبيه و هو يبتسم للشاب قائلا..
:_ وتفتكر هما قد تمن ريان رسلان
ناظره الشاب بعدم فهم بينما جلس احمد بالقرب منه وهو يرمقه بشر قائلا....
:_البنت اللي انت ذكرت اسمها من شوية دي تبقى حبيبة عمري كله من و احنا عيال بتلعب في الحارة يعني حبيبة المراهقة والشباب وعندي استعداد ادفع عمري كله علشان تكون معايا....
اتسعت ابتسامة الشاب بنصر وهو يمني نفسه بالخروج من هذا المكان بينما ارجع احمد ظهره للخلف واضعا ساقه في الاخري وهو يقول بنبرة مخيفة
:_بس عمر التمن ما يكون الرجل الي وثق فيا و مأمني على بيته و اهله
صمت قليلا ثم تابع بسخرية قائلا...
:_تفتكر انت لو ريان بيه عنده شك في واحد من الي شغالين عنده كان ممكن يشغله تبقى غبي لانه مفيش حد هنا هيخون الرجل الي لحم اكتافه من خيره ريان ليه دين كبير في رقبتي ومن غير ديون احنا مش بنخون...التربية بتاعتنا قايمه على اننا نصون العيش و الملح فمش ذنبي انك متربتش
طالعه الشاب بغضب وهو يحاول تشويه افكاره فقال بنبرة غاضبة...
:_ وتفتكر ريان يستاهل تضحي بالي بتحبها علشانه لو انت واقع في مشكله هينقذك
ابتسم الاخر وهو يعتدل بجلسته قائلا بسخرية
:_تعرف الفرق بين ريان و الي انت شغال معاهم ايه
انصت اليه الشاب بينما تكلم أحمد...
:_انك بقالك هنا يومين محدش فكر فيك ولا سأل عنك.... انما لو واحد من رجالة ريان كان هد الدنيا عليه و رجعه حتى لو ميت على الاقل يندفن ويعرف قبره...

ازداد الغيظ بعينيه وهو يرمق احمد الذي وقف على عقبيه ثم دنا منه وقد ضرب بيده على عنقه قائلا.....
:_نصيحة مني خليك في حالك وفكر فالي ريان بيه هيعملوا فيك انت والي مشغلك
قالها و انصرف بينما الاخر يشتد به الغيظ وهو مكبل بالفراش كالمسجون....
حينما خرج احمد للحديقة ألتقي بآسيا امام المسبح فقالت بضيق....
:_طلع العربية عايزه اخرج
تخصر امامها وهو يراقبها بضيق قائلا...
:_انا اسف يا هانم بس معنديش أوامر بخروج حضرتك
جحظت عيناها بغضب وهي تقول...
:_نعم انت اتجننت وبعدين هو انا هاخد الاذن منك
سارت خطوات قليلة مبتعدة عنه فكظم الاخر غيظه وهو يقترب منها حتى قال ...
:_اسيا هانم ياريت حضرتك ترعى ان ده شغلي و دي اوامر ريان بيه انا مقدرش اخالفها
رفعت وجهها للسماء محاولة عدم البكاء هي وحيدة هنا رحيل عماد عن القصر ترك خلفه فراغ بينما ريان يمنعها من الخروج بحجة تأمينها  والديها الاثنين بعالم أخر و هي وحيدة لا احد لها
فقالت بنبرة ضعيفة...
:_لو سمحت خليني اطلع اشم هوي انا بتخنق هنا ارجوك حتى لو نص ساعة....
لمح الضعف بعينيها التي اوشكت على البكاء فقال بضيق...
:_هخلي عمي ابراهيم يجهز العربية بس هي نص ساعة مش اكتر الباشا لو عرف هيحصلي مشاكل
هزت رأسها بالايجاب بينما انصرف هو يخبر ابراهيم ويجهز نفسه حتى يخرج لحمايتها
نظر لساعته التي تجاوزت الرابعة و النصف
وهو يقول لنفسه...
:_نص ساعة يا احمد و هترجعها تاني
__________________________________
_بالمشفي
:_انت مين و ازاي تقرب مني كده
ازداد توتره من نظرات الهلع بعينيها وهو يقول بقلق....
:_ سلمي أنا كريم
قالها وهو يحاول الاقتراب منها بينما الاخري صرخت بفزع من أقترابه وهي تنكمش على نفسها....
:_ابعد عني انا معرفكش انت مين و انا ايه جابني هنا