فكر عمر قليلا (اي شكو بيهة خلي اوافق على شروطها
والا اطفش الزباين واحد واحد واشوف بعدها شنو تسوي وغصبا عليها راح ترضخ اليه
وتطلب رضاي وبعدها راح اعوضها عن السنين اللي فاتت واعوض نفسي عن الليالي اللي ضليت ابكي ندم على فقدانها):موافق على كل شروطج عندج بعد شي تضيفيه؟؟؟؟
افراح:حاليا لاء
عمر:خير ان شاء الله
.
.
.
ذهبت سهيلة مع بناتها ووعد جبرا الى بيت عمها ابو قاسم ...
.
.
باقر:احجيلي وين جنتي كل هاي السنين ومن هذا ال...... اللي تزوجتيه؟؟ لج احجيي كتلتيني بسكوتچ
سهيلة:تزوجت طالب وياي بالكلية
باقر:جنتي مخطوبة اليه وعاشقة واحد غيري واستغليتي الموقف اللي صار باهلچ
سهيلة:
احترم نفسك لهنا ووصلت حدها اني اشرف منك ياحقير تراب قبر اخوتي بعده منشف وانت رحت تزوجت سارة بنت خالتك،سكتت مووو؟؟ههه عبالك مااعرف باخبارك؟؟؟شوف ياباقر اني حالي من حال اخوتي سحبوني للمديريه وانسجنت بيهة ووالد طالب وياي بالكلية كان مسؤول حزبي وساعدني وتزوجت ابنه..
ابو قاسم:تتزوجين ابن بعثي،تتزوجين من الناس اللي تلطخت ايدهم بدم اخوتج ودم كثير من الشباب
التفتت سهيلة وبنظرة غضب تجاه عمها:انت اخر شخص ممكن يتكلم هنا اتصلت بيك وتبرأت عني ورفضت انك تجي وتاخذني وهسة تحجي عن الشرف اقلها البعثية اللي تحجي عنهم استضافوني ببيتهم وعاملوني احسن معامله وزوجوني ابنهم صانوني بدل مااتشرد بالشوارع وانحرف لغير طريق..
التفت باقر باتجاه والده:مممن توضحلي سهيلة شتقصدد بحجيها؟؟؟
ابو قاسم:كذابة انتي وحده كذابة ومنافقة ابني صدكني اني ماادري عن اي شي..
سهيلة:اني مستعدة احلف بكتاب الله انه خابرته وطلبت مساعدته وطردني....
ابو قاسم:كافي لتجذبين تردين تفرقين بيني وبين ابني حقيرة وجذبها من شعرها بقوة فصرخت سهيلة ودفعت عمها بعيدا حاول باقر ان يضرب سهيلة لكن يد وعد دفعته بعيدا
وعد:اللي يمد ايده على أمي اكسره اله.
ابو قاسم:انعل ابوك لابو امك ياكلب ياابن الكلب،باقر طلعهم من بيتي مااريد اشوف هاي الخلق الزفرة كدامي
سهيلة:اي طبعا متكدر تباع بوجهي بعد اللي سويته وياي،ربي ياخذ حقي منكم...
.
.
.
كان عمر يتقلب في فراشه ليلا نظر باتجاه وليد وجده نائما فقرر الخروج خلسة بإتجاه غرفة أفراح ،فتح باب غرفتها بهدوء وتقرب منها وهو يبتسم بخبث
،وفجأة وجد يدا وليد تسحبه خارجا
وليد:متستحي داخل لغرفة امي
عمر:اني زوجها وعادي اذا دخلت
وليد:مو من تكون نايمه ولازم تستأذن حتى تدخل،شنو تريدني اعلمك الاصول
عمر:امشي لك ابن القندرة يلة روح نام واني اشرب مي واجيك،وبينه وبين نفسه (واكفلي سجينة خاصرة،ياربي شلون اراضيها وعبود بكلشي حاط روحه،هاي صارلي اسبوعين كلما اتحرك خطوة يجي هالاثول يوكف بطريقي احسه يغار على امه مني،هسة شلون اطلع من هاي الورطه؟؟؟)
.
.
.
صباحا.....على الافطار قامت أفراح بصب الشاي لوليد ولعمر
عمر:عاشت ايدج شلون جاي يخبل
مسك وليد كف أفراح وقبلها وقبل وجنة والدته تسلملي هالايدين الحلوين وينظر لوالده بهكذا نظرات
عمر:😟
قبلت أفراح ابنها وضمته لها:يلة حبيبي اكل زين لان لازم نطلع للسوك ابو المحل يريد بضاعته وامس حتى خلصتها واريد اسلمها اله بالموعد
عمر:اني ووليد نروح انتي كعدي بالبيت
أفراح:اني متعودة انزل بنفسي للسوك
عمر:انتي متفقة وياه عالسعر؟؟؟؟
أفراح:اني متفقة على كلشي ومستلمه نص المبلغ
عمر:إذن ميحتاج ترحين بنفسج اني ووليد نروح
أفراح:براحتكم....
.
.
خرج عمر ووليد لللسوق وبعد تسليم الطلبية لمحت برأس عمر فكرة
:ابني مقداد قريب ميسافر لسوريا،خلينه نروح نشوفه
وليد:شوية ومنتأخر
عمر بين وبين نفسه(ابن الكلب يتشرط عليه):اي بابا منتاخر شغلة نص ساعة مو أكثر....
وبعدما وصلوا إلى بيت مقداد،طلب عمر من مقداد مساعدته في الخطة..
.
.
