.
.ام البنات (9)
.
كانت سهيلة واقفة امام باقر ودقات قلبها تزداد بسرعة جنونية اما باقر فكان اتعس حالا منها وبنفسه:هذي سهيلة لالالا هذا وهم باقر انت سنين تتخيل سهيلة كدامك وتحجي وياها بس هذي غير شكل مو نفسها اللي جنت تتخيلها سنين
استطاعت سهيلة ان تنطق اسم باقر بصعوبة
سهيلة:ب ب باقر
باقر ينظر لها:انتي واقع لو خيال كدامي ونزلت دموعه وينظر اليها سنين اني ممصدك انج ميته واشوفج كدامي واحجي وياج سنين عشتها بالظلام ماميزت بين الحقيقة والخيال وبعدما استسلمت ورضخت للامر الواقع تطلعين بحياتي مرة ثانية.. وبصراخ قوي وين جنتي و ليش هسة رجعتي ليش؟؟؟؟؟؟
(اللي حابه تتخيل مشاعر باقر تسمع هذي الاغنية
https://youtu.be/KbhiyzL1K4U
(
.
.
.
اما سهيلة كانت تبكي فقط بدون ان تنطق اي كلمة وبينها وبين نفسها:سنين دفنتك وكنت اتوقع تخلصت منك لكن للأسف لهذه اللحظة احبك ولهذه اللحظة كلبي يدك اول ميشوفك..
باقر مسك ذراعها بعنف وبصوت عالي :ليش متردين عليه؟؟؟وين جنتي ها..قاطعهم صوت بنت عمرها عشر سنوات..
ميس:ماما جوعانه،التفت باقر الى الطفلة وبدأ بالغليان صرخ: تزوجتي؟؟؟اختفيتي سنين حتى تاخذين راحتج وبكل عين وكحه جايبته وجاية لهنا،دفع سهيلة ودخل إلى البيت يصرخ:وينه هذا ال....... اذا رجال اطلع ابن ال...... وينك،دخل إلى صالة البيت وجد ست بنات واقفات يرتجفن من الخوف التفت إلى سهيلة وعينيه تشدح شرارا هذني بناتج؟؟؟احجي ليش ساكته وضربها على وجهها
وين زوجج متحجين؟؟؟ وج خاف ممتزوجة وهذني بنات حرام احجي،وضربها مرة ثانية وثالثة
فجأة تلقى باقر بوكس قوي بوجهه،نظر باتجاه البوكس وجد طفل غاضب ويتنفس بسرعة:انت منو؟؟؟
وعد:اني ابنها،انت منو؟؟؟
باقر بتنهيدة وحزن:اني اللي كان من المفروض اكون والدك ووالد البنات السبعة،ابقى بالبيت لحدما أتصرف،وعندما هم بالخروج اصطدم برغد:انتي؟؟شتسوين هنا
رغد:انت ناسي اني صديقتها..
باقر:ابقي يمها راح اجيب أبوي واتصل بعمي اظن حان وقت الحساب.........
.
.
.
.
كانت أفراح تمشي بتعب وبجانبها ابنها توقف قليلا:ابني نسيت القران خلينه نرجع..
وليد:يوم ابقي انتي هنا اني اروح اجيبة بسرعة واجي..
وقفت أفراح لوحدها وعيونها حمراء من شدة البكاء،كانت تنظر بإتجاه وليد فكان وجهها باتجاه الملجأ،تقرب عمر وتوقف على مسافة قريبة منها واغمض عينيه مابين الفرحة وما بين الحزن
نطق عمر:أفراح
فتحت عينيها على وسعهما،نعم هي تتذكر هذا الصوت جيدا ازداد تنفسها كثيرا تقرب عمر ووضع يده على كتف أفراح:اشتاقيتلج هواي
التفتت أفراح ودفعت يده بقوة:ابعد ايدك عني وابتعد عن طريقي
عمر:افراح شبيج هذا اني عمر حبيبج نسيتني
أفراح:لاموحبيبي ومااريد اشوفك ابتعد عني،مسكها عمر من يديها:اهدئ افراح حياتي اهدئ والله مراح اذيج اني تغيرت...
كان مقداد يراقب الموقف من بعيد،ويبتسم على تصرفات عمر وكانه مراهق يطلب رضا حبيبته ،لمح من بعيد وليد يركض باتجاه والدته عندها ركض مقداد بسرعة،حاول عمر ان يحضن أفراح تفاجأ بالبوكس على وجهة:لك ...... متستحي على نفسك تتحارش بمرة جبيرة،انتبه عمر إلى الولد الغاضب ابتسم له فقد كان نسخة من والده بشبابه
وصل مقداد:أهدأ وليد أهدأ
وليد:هابابا شلونك شعجب تذكرتنا واجينه ببالك
وقف عمر وهو مستغرب نظر باتجاه مقداد:بابا؟؟
مقداد:هسة افسرلك كلشي بس أهدأ
وليد:منو هذا؟؟؟؟؟
مقداد:امشونا للبيت وهسة يتوضح كلشي...
.
.
.
في بيت أفراح.....
عمر:و ليش سميته باسمك؟؟؟؟
مقداد:اولا انت عقدت على افراح عقد شيخ وبس فاضطريت اسميه باسمي واسم أفراح
عمر:يعني انت وأفراح تزوجتوا؟؟؟؟
مقداد:لا عقد محكمه وبس..
وليد:يوووم ليش مكتيلي مقداد مو ابوية واني هاي السنين كلها حاقد عليه لان ممهتم بينه وساكن بيت وحده؟؟؟؟هااااا؟؟
أفراح:ابني يعني شتريدني اكولك ابوك كان يضربني وهملني سنين وعذبني هواي وحتى اخلص منه ومن ظلمه نفيته من حياتي...
وليد:هذا مو حل خليتيني سنين حاقد على انسان وبعدين يطلع هو اللي مجملني..
أفراح:اني تحملت هواي من ابوك،عذبني هواي..
مقداد:ان شاء الله كلشي يتصلح خيتي،ابنكم كبر ويحتاج الى وجود اب لرعايته والاوضاع بعد الاحتلال منعرف شنو راح يصير وعمر تغير دخل مصح نفسي وعالج روحه لسنين،خيتي انسي الماضي وابدي حياتح من جديد....
أفراح:مراح اكدر انسى ومستحيل أنسى،يريد يبقى لخاطر ابنه فاكو شروط لازم يوافق عليها
عمر:موافق على شروطج
أفراح:بعدني محجيتهن
مقداد:تفضلي خيتي كولي
أفراح:بما انك راح تبقى لخاطر ابنك فاني مراح احرمك منه ولهذا السبب راح تنام انت وابنك بغرفة وحده
عمر:هااااا،شنو عيني؟؟طلبج مرفوض..
وقفت افراح وتحركت باتجاه باب البيت وفتحت باب البيت:مدامك متقبل بشروطي فخلصت الزيارة واتمنى بعد متكررها لانك ضيف ثقيل عالقلب...
عمر بصراخ:مو بكيفج وانتي زوجتي..
ابتسمت افراح:شرعا فقط والقانون يكول غير شي فلتحاول تستفزني اكثر اني مو افراح الضعيفة العديمة الشخصية اني غير اللي عرفتها،اني الانسانه اللي واجهت صعوبات الحياة ووقفت بوجهها كلها،اني الانسانه اللي كدرت تشتغل وتربي وتصرف على ابنها بدون متحتاج لاي أحد فلتحاول تفرض رأيك عليه لانك راح تخسر.
مقداد:صلوا عالنبي لتضلون هيج بس مشاكل،عمر انت سنين صارلك خارج العراق وبعيد عن ابنك اللي متعرف عنه ابقى نايم يمه هالفترة تعرف عليه اكثر وعوضه عن السنين اللي فاتت..
عمر:موافق على شرطج
أفراح:بعدني مكملت😒
مقداد:ليش بعد شنو عندج؟؟؟
أفراح:اني اتحمل كافة مصاريفي ومصاريف البيت وهو راح يكون ضيف وبس وماله علاقة باللي اسويه انزل للسوك ابيع شغلي او يجوني الزباين للبيت مامن حقك تتدخل بحياتي نهائيا..
صرخ عمر:لهنا ووصلت حدها،اني عمر اللي عنده المال والجاه مرتي تنزل تبيع بالسوك هذا مستحيل اقبل بيه
افراح:هذا اللي عندي يعجبك اهلا وسهلا ميعجبك الله ومحمد وعلي وياك ورحم الله من زار وخفف
